வேகமாக வளர்ந்து வரும் நவீன இந்தியாவும், வறுமையின் பிடியில் இருக்கும் பழைய இந்தியாவும் ஒரே புள்ளியில் சந்திக்கும் தருணம் இது என நெட்டிசன்கள் கருத்து தெரிவித்து வருகின்றனர்.

கோவில் வாசலில் நடந்த சுவாரசிய சம்பவம்

தொழிலதிபர் சந்தீப் மால் என்பவர் சமீபத்தில் தனது தந்தையுடன் விருந்தாவனில் உள்ள பாங்கே பிஹாரி கோவிலுக்குச் சென்றுள்ளார். தரிசனம் முடித்து வெளியே வந்தபோது, கோவில் வாசலில் விடப்பட்டிருந்த அவரது தந்தையின் செருப்பு திருடு போயிருந்தது தெரியவந்தது.

உடனடியாகச் சுதாரித்துக்கொண்ட சந்தீப் மால், நவீன தொழில்நுட்பத்தின் உதவியை நாடினார். தனது செல்போனில் இருந்த 'குயிக் காமர்ஸ்' (விரைவு விநியோக) செயலி மூலம் புதிய செருப்பு ஒன்றை ஆர்டர் செய்தார்.

ஆச்சரியப்படும் விதமாக, ஆர்டர் செய்த வெறும் 10 நிமிடங்களில் டெலிவரி ஊழியர் கோவில் வாசலுக்கே வந்து புதிய செருப்பை வழங்கியுள்ளார்.

சந்தீப் மால் எக்ஸ் பதிவு

இது குறித்துத் தனது சமூக வலைதளப் பக்கத்தில் பதிவிட்டுள்ள சந்தீப் மால், "பாங்கே பிஹாரி கோவிலுக்கு வெளியே அப்பாவின் செருப்பு திருடு போனது.

அடுத்த 10 நிமிடங்களில் கோவில் வாசலிலேயே குயிக் காமர்ஸ் மூலம் புதிய செருப்பு டெலிவரி செய்யப்பட்டது. உலகின் வேறு எந்த மூலையிலும் இப்படியொரு சேவையைக் கற்பனை கூட செய்து பார்க்க முடியாது" எனப் பாராட்டியுள்ளார்.

'இருவேறு இந்தியா' குறித்த இணைய விவாதம்

இந்தப் பதிவு வைரலானதைத் தொடர்ந்து, இந்தியாவின் இருவேறு முகங்கள் குறித்து இணையத்தில் தீவிர விவாதம் தொடங்கியுள்ளது.

2011 முதல் 2023 வரையிலான காலகட்டத்தில் இந்தியா சுமார் 49.6 கோடி மக்களை வறுமையிலிருந்து மீட்டுள்ள போதிலும், வழிபாட்டுத் தலங்களில் செருப்பு திருடு போகும் பழைய வழக்கம் இன்றும் தொடர்கிறது.

அதேசமயம், பல பில்லியன் டாலர் மதிப்புள்ள 'குயிக் காமர்ஸ்' துறையில் உலகிற்கே முன்னோடியாக இந்தியா உருவெடுத்து, ஏழை எளிய மக்களுக்குக் கௌரவமான வேலைவாய்ப்புகளையும் உருவாக்கித் தருகிறது.

நெட்டிசன்களின் கருத்துகள்

"இருவேறு இந்தியாக்கள் ஒரே புள்ளியில் மோதிக் கொள்கின்றன" என ஒரு பயனரும், "இந்தியா என்பது ஒரு முரண்பாடுகளின் தொகுப்பு; அதை அப்படித்தான் புரிந்து கொள்ள முடியும்" என மற்றொருவரும் பதிவிட்டுள்ளனர்.

மழையில் சிக்கியபோது 10 நிமிடங்களில் ரெயின்கோட் பெற்றதையும், பார்க்கிங்கில் நின்றபடியே 5 நிமிடங்களில் பைக் லாக் ஆர்டர் செய்து பெற்றதையும் பலரும் பகிர்ந்து வருகின்றனர். "தேவைப்பட்ட ஒருவருக்கு அந்தச் செருப்பு கிடைத்துள்ளது; அதே சமயம் அது புதிய பொருளாதார வாய்ப்பையும் உருவாக்கியுள்ளது" என மற்றொரு பயனர் நேர்மறையாகக் கருத்து தெரிவித்துள்ளார்.

கொல்கத்தாவில் உள்ள நேதாஜி சுபாஷ் சந்திரபோஸ் சர்வதேச விமான நிலையத்தில் இருந்து மும்பை நோக்கி புறப்படத் தயாராக இருந்த ஏர் இந்தியா நிறுவனத்தின் AI 772 எண்கொண்ட விமானத்திற்கு திடீர் கடத்தல் மிரட்டல் விடுக்கப்பட்ட சம்பவம் பெரும் பரபரப்பை ஏற்படுத்தியுள்ளது. ஏர்பஸ் ஏ320 நியோ ரகத்தைச் சேர்ந்த இந்த விமானம் புறப்படுவதற்கு சில நிமிடங்களுக்கு முன்பு, விமானத்தின் உள்ளே இருந்த கழிவறை கண்ணாடியில் லிப்ஸ்டிக் மூலமாக கடத்தல் குறித்தான மிரட்டல் செய்தி எழுதப்பட்டிருப்பதை விமானப் பணிப்பெண்கள் கண்டறிந்துள்ளனர். உடனே இந்தத் தகவலை விமானத்தின் பைலட் விமானப் போக்குவரத்து கட்டுப்பாட்டு அறைக்கு உடனடியாக தெரிவித்துள்ளார்.

தீவிர சோதனை

பாதுகாப்பு நெறிமுறைகளைப் பின்பற்றி, முன்னெச்சரிக்கை நடவடிக்கையாக அந்த விமானம் உடனடியாக விமான நிலையத்தின் தனிமைப்படுத்தப்பட்ட பகுதிக்கு பாதுகாப்பாக மாற்றப்பட்டது. இந்த விமானத்தில் சுமார் 93 பயணிகளும் 5 விமானப் பணியாளர்களும் இருந்ததாகக் கூறப்படுகிறது. விமானத்தில் இருந்து பயணிகள் அனைவரும் பாதுகாப்பாக கீழே இறக்கி விடப்பட்டனர். இதனைத் தொடர்ந்து, மத்திய தொழில் பாதுகாப்புப் படை மற்றும் சிறப்பு விமான நிலைய பாதுகாப்புப் படையினர், தீயணைப்புத் துறையினர் மற்றும் வெடிகுண்டு நிபுணர்கள் குழுவினர் விரைந்து வந்து விமானத்தின் ஒவ்வொரு மூலை முடுக்கிலும் தீவிர சோதனைகளில் ஈடுபட்டு வருகின்றனர்.

கழிவறை கண்ணாடியில் இத்தகைய மிரட்டல் செய்தியை எழுதியது யார் என்பது குறித்தும், இதன் பின்னணியில் உள்ளவர்கள் யாராக இருக்கக்கூடும் என்பது குறித்தும் காவல்துறையினரும் பாதுகாப்பு ஏஜென்சிகளும் தீவிர விசாரணையைத் தொடங்கியுள்ளனர். விமானத்தின் உள்ளேயும் விமான நிலைய வளாகத்திலும் உள்ள சிசிடிவி காட்சிகளை வைத்து அதிகாரிகள் தீவிரமாக ஆய்வு செய்து வருகின்றனர். இது போன்ற மிரட்டல் சம்பவங்கள் சமீப காலமாக அதிகரித்து வரும் நிலையில், விமானப் பயணிகளின் பாதுகாப்பை உறுதி செய்யும் வகையில் அனைத்து பாதுகாப்பு நடவடிக்கைகளும் தீவிரப்படுத்தப்பட்டுள்ளன. இந்தச் சம்பவம் தொடர்பான கூடுதல் விவரங்களை ஏர் இந்தியா நிர்வாகமும் அதிகாரப்பூர்வமாக வெளியிட உள்ளதாகத் தெரிகிறது.

இந்தியாவின் நவீன கல்வி அமைப்புக்கு அடித்தளமிட்ட அவரது தொலைநோக்குப் பார்வையைப் போற்றும் வகையில், நாடு முழுவதுமுள்ள பள்ளி, கல்லூரிகளில் சிறப்புக் கருத்தரங்குகள் மற்றும் நிகழ்ச்சிகள் நடைபெற்று வருகின்றன.

கல்வி புரட்சி

1888-ம் ஆண்டு நவம்பர் 11-ம் தேதி பிறந்த மௌலானா அபுல் கலாம் ஆசாத், சுதந்திரத்திற்குப் பிறகு 1947 முதல் 1958 வரை பிரதமர் ஜவஹர்லால் நேருவின் அமைச்சரவையில் முதல் கல்வி அமைச்சராகப் பணியாற்றினார்.

கல்வி என்பது சமூகத்தின் உயர்மட்டப் பிரிவினருக்கு மட்டுமே உரியதாக இல்லாமல், சாமானிய மக்களையும் சென்றடைய வேண்டும் என்பதில் அவர் உறுதியாக இருந்தார்.

14 வயதுக்குட்பட்ட அனைத்துக் குழந்தைகளுக்கும் இலவச மற்றும் கட்டாயக் கல்வி, பெண்கள் கல்விக்கு முன்னுரிமை, ஆரம்பக் கல்வியைத் தாய்மொழியில் கற்பித்தல் மற்றும் தொழிற்கல்வி ஆகியவற்றிற்காக அவர் தொடர்ந்து குரல் கொடுத்தார்.

அவரது சேவையைப் பாராட்டும் விதமாக, 2008-ம் ஆண்டு முதல் நவம்பர் 11-ம் தேதி தேசிய கல்வி தினமாக மத்திய அரசால் அறிவிக்கப்பட்டுக் கொண்டாடப்பட்டு வருகிறது.

கல்வி நிறுவனங்களின் அடித்தளம்

இந்தியாவை அறிவியல் மற்றும் தொழில்நுட்பத் துறையில் தன்னிறைவு பெற்ற நாடாக மாற்றுவதற்காக, பல முதன்மை உயர்கல்வி நிறுவனங்களை ஆசாத் உருவாக்கினார்.

இந்தியாவின் முதல் தொழில்நுட்பக் கல்வி நிறுவனமான காரக்பூர் ஐஐடி , 1951-ம் ஆண்டு ஆகஸ்ட் 18-ம் தேதி ஆசாத்தால் முறைப்படி தொடங்கி வைக்கப்பட்டது.

உயர்கல்வியின் தரத்தை மேம்படுத்துவதற்காகப் பல்கலைக்கழக மானியக் குழுவை 1953-ல் அவர் தொடங்கி வைத்தார்.

அறிவியலைத் தாண்டி நாட்டின் கலை, இலக்கியம் மற்றும் கலாச்சாரத்தைப் பாதுகாக்க இந்திய கலாச்சார உறவுகள் கவுன்சில், சங்கீத நாடக அகாடமி, சாகித்ய அகாடமி மற்றும் லலித் கலா அகாடமி ஆகியவற்றை நிறுவுவதில் முக்கியப் பங்காற்றினார்.

மேலும், 1945-ல் தொடங்கப்பட்ட அகில இந்திய தொழில்நுட்பக் கல்விக் குழுவின் வளர்ச்சிக்கும் அவர் பெரும் ஊக்கமளித்தார்.

ஆசாத்தின் சிந்தனைகள்

தேசிய கல்வி தினம் என்பது வெறும் நினைவு நாளாக மட்டுமல்லாமல், இந்தியக் கல்வித் துறையின் அடிப்படை நோக்கங்களைச் சுயபரிசோதனை செய்யும் நாளாகவும் பார்க்கப்படுகிறது.

அனைவருக்கும் சமமான கல்வி, அறிவியல் மனப்பான்மை மற்றும் கலாச்சார விழிப்புணர்வு ஆகிய ஆசாத்தின் கொள்கைகள், இந்தியா தனது கல்வித் துறையை நவீனப்படுத்தி வரும் இன்றைய காலகட்டத்திலும் வழிகாட்டியாகத் திகழ்கின்றன.

தீபாவளி பண்டிகை

நாடு முழுவதும் தீபாவளி பண்டிகை கடந்த 8-ந்தேதி கொண்டாடப்பட்டது. தீபாவளியை சிறப்பாக கொண்டாட பணிபுரியும் இடத்தில் ஊழியர்களுக்கு போனஸ், கிப்ட் பொருட்கள், ஆடைகள் வழங்குவது வழக்கமான ஒன்று.

தீபாவளிப் பரிசு பெற்ற லாரி ஓட்டுநர் ஒருவர் அந்தப் பரிசை பிரித்துப்பார்க்கும் வீடியோ இணையத்தில் வைரலாகி வருகிறது.

லாரி ஓட்டுநர்

குஜராத் மாநிலம் வாபியை சேர்ந்த சுரேஷ் மவுரியா என்ற லாரி ஓட்டுநர், ஒரே நிறுவனத்தில் கடந்த 11 ஆண்டுகளாகப் பணியாற்றி வருகிறார். இந்த ஆண்டு அவரது முதலாளி, சுரேஷ் மவுரியாவுக்கு அளித்த தீபாவளி பரிசுகளை அவர் வீடியோ எடுத்து இணையத்தில் பகிர்ந்துள்ளார்.

தீபாவளி பரிசு

வீடியோவில் அவர், ஒவ்வொரு பரிசையும் குழந்தையைப் போன்று ஒரு உற்சாகத்துடன் பிரித்து பார்த்து நெகிழ்ச்சியுடன் காண்பித்தார். தனது பணிக்காக இத்தகைய பரிசுகளையும் அங்கீகாரத்தையும் பெறுவது தன் வாழ்நாளில் இதுவே முதல்முறை என்று தெரிவித்தார்.

சுரேஷ் மவுரியாவுக்கு தீபாவளி பரிசாக ரூ.1,000 பணம், புதிய சட்டை, பேண்ட், டிபன் பாக்ஸ், தெர்மோஸ் பிளாஸ்க், காஜு கத்லி இனிப்பு ஆகியவை பரிசாக வழங்கப்பட்டுள்ளன. இந்த வீடியோ இன்ஸ்டாகிராமில் 24 லட்சம் பார்வைகளைக் கடந்துள்ளது.

ஆண்டுக்கு ரூ.12.6 லட்சம் மட்டுமே சம்பாதிக்கும் டெல்லியைச் சேர்ந்த தனியார் தொலைத்தொடர்பு நிறுவன ஊழியர் ஒருவர், தற்போது ரூ. 9.2 கோடி வருமானம் தொடர்பான வருமான வரித்துறை விசாரணையை எதிர்கொண்டுள்ளார்.

எப்படி இந்த மோசடி நடைபெற்றது?

அடையாளம் தெரியாத நபர்கள் அந்த ஊழியரின் PAN கார்டு மற்றும் KYC ஆவணங்களைத் தவறாகப் பயன்படுத்தி, டெல்லியில் இரண்டு போலியான GST பதிவுகளைப் பெற்றுள்ளனர். மேலும், அவரது பெயரில் வங்கிக் கணக்குகளையும் தொடங்கி போலி நிறுவனங்களை நடத்தி வந்ததாகக் கூறப்படுகிறது.

கடந்த 2019-ம் ஆண்டு ஏப்ரல் மற்றும் மே மாதங்களில் மட்டும் இந்த நிறுவனங்கள் மூலம் ரூ.6.5 கோடி மதிப்பிலான வர்த்தகப் பரிவர்த்தனைகள் நடைபெற்றதாக GST கணக்குகளில் பதிவாகியுள்ளது. இதன் காரணமாக அவரது PAN எண்ணுடன் ரூ.9.2 கோடி மதிப்பிலான பரிவர்த்தனைகள் தொடர்புபடுத்தப்பட்டு வருமான வரித்துறை விசாரணை மேற்கொண்டுள்ளது.

பாதிக்கப்பட்ட நபர் கூறுவது என்ன?

தனக்கு எந்தவொரு நிறுவனமும் இல்லை என்றும், GST பதிவு செய்யவில்லை என்றும், இந்தப் பரிவர்த்தனைகள் மூலம் எந்தப் பணமும் பெறவில்லை என்றும் அவர் தெரிவித்துள்ளார்.

2019-20 நிதியாண்டில் தனது உண்மையான வருமானம் ரூ.12.6 லட்சம் என்றும், அதற்காக ரூ.1.4 லட்சம் TDS செலுத்தப்பட்டுள்ளதாகவும் கூறியுள்ளார்.

இந்த விவகாரம் தொடர்பாக நவம்பர் 3-ம் தேதி டெல்லி காவல்துறையின் பொருளாதாரக் குற்றப்பிரிவு (EOW) வழக்குப்பதிவு செய்துள்ளது.

பொதுமக்கள் கவனத்திற்கு!

* உங்கள் PAN எண்ணுடன் இணைக்கப்பட்ட GST பதிவுகளைச் சரிபார்க்கவும்.

* வருமான வரித்துறை இணையதளத்தில் AIS மற்றும் Form 26AS விவரங்களைப் பார்வையிடவும்.

* உங்கள் PAN மற்றும் KYC ஆவணங்களைப் பாதுகாப்பாக வைத்திருக்கவும்.

* அடையாளத் திருட்டு சந்தேகம் இருந்தால் காவல்துறை மற்றும் சைபர் கிரைம் பிரிவில் புகார் அளிக்கவும்.

சபரிமலை ஐயப்பன் கோவில்

சபரிமலை ஐயப்பன் கோவிலில் நடப்பு மண்டல, மகர விளக்கு சீசனை முன்னிட்டு வருகிற 16-ந்தேதி மாலை 5 மணிக்கு நடை திறக்கப்படுகிறது. 17-ந்தேதி முதல் மண்டல பூஜை வழிபாடுகள் நடைபெறும்.

புதிய இணையதள செயலி

நடப்பு சீசனை முன்னிட்டு சபரிமலை தொடர்பான அனைத்து விவரங்களையும் எளிதில் தெரிந்து கொள்ளும் வகையில் sabariportaldcpta.in என்ற பெயரில் புதிய இணையதள செயலி (போர்ட்டல்) அறிமுகம் செய்யப்பட்டு உள்ளது.

6 மொழிகளில்...

இதுதொடர்பாக பத்தனம்திட்டா மாவட்ட கலெக்டர் நிசாமுதீன் கூறியதாவது:-

ஐயப்ப பக்தர்களின் வசதிக்காக புதிய இணையதள செயலி தமிழ், தெலுங்கு, மலையாளம், கன்னடம், இந்தி மற்றும் ஆங்கிலம் என 6 மொழிகளில் செல்போன், கம்ப்யூட்டரில் பயன்படுத்தும் விதத்தில் 'கியூ ஆர்' கோடுடன் வடிவமைக்கப்பட்டு உள்ளது.

இதுதவிர 'வாட்ஸ்அப் சார்ட் போர்ட்' போன்றவையும் செயல்பாட்டுக்கு வந்துள்ளது. இதனை பயன்படுத்தி ஐயப்ப பக்தர்கள் சபரிமலை தொடர்பான அனைத்து விவரங்களையும் எளிதில் தெரிந்து கொள்ளலாம். அத்துடன் இந்த செயலி மூலம் பக்தர்கள் தங்களது பிரச்சினைகளை புகார்களாக தெரிவிக்கலாம். குறிப்பாக காணாமல் போனவர்கள் விவரங்கள், தவறவிட்ட பொருட்கள் குறித்த விவரங்களை இந்த செயலியில் புகாராக பதிவு செய்யும் பட்சத்தில் உடனடி நடவடிக்கை எடுக்கப்படும். மேலும் இந்த செயலியில் ஆன்லைன் முன்பதிவு செய்யும் வசதியும் உள்ளது. அத்துடன் வாகன நிறுத்தம், ரெயில், பஸ் போக்குவரத்து குறித்த தகவல்களும் கிடைக்கும். இந்த சேவை முற்றிலும் இலவசம்.

இவ்வாறு அவர் கூறினார்.

சபரிமலை தரிசனத்துக்கு முன்பதிவு செய்ய ஏற்கனவே இணையதளம் உள்ள நிலையில் தற்போது, அனைத்து விவரங்களுடன் 6 மொழிகளில் புதிய செயலி அறிமுகம் செய்யப்பட்டுள்ளது குறிப்பிடத்தக்கது. நடப்பு சீசனை முன்னிட்டு சபரிமலையில் 30 லட்சம் டின் அரவணை கையிருப்பில் உள்ளது.

நிஃப்டி

அதேபோல் இந்திய பங்குச்சந்தை குறியீடு நிஃப்டி நேற்று முன்தினம் 25,044.65 புள்ளிகளில் வர்த்தகம் நிறைவடைந்தது. இன்று காலை சுமார் 292 புள்ளிகள் உயர்வுடன் 25,337.80 புள்ளிகளில் வர்த்தகம் தொடங்கியது.

ஆசியச் சந்தைகளிலும் எழுச்சி

ஜப்பான், தென்கொரியா உள்ளிட்ட ஆசிய நாடுகளின் பங்குச் சந்தைகளிலும் ஏற்றம் காணப்பட்டது. அமெரிக்க பங்குச்சந்தையில் முந்தைய அமர்வில் ஏற்பட்ட வலுவான முன்னேற்றம் ஆசியச் சந்தைகளுக்கு ஆதரவாக அமைந்தது.

ஏற்றத்திற்கான முக்கிய காரணங்கள்:

* சர்வதேசச் சந்தைகளில் பங்குகள் உயர்வு.

* கச்சா எண்ணெய் விலை குறைந்தது.

* வெளிநாட்டு முதலீட்டாளர்கள் இந்தியச் சந்தையில் மீண்டும் முதலீடு செய்வது.

* அமெரிக்கா- ஈரான் இடையிலான பதற்றம் தணியக்கூடும் என்ற நம்பிக்கை.

* நிறுவனங்களின் காலாண்டு வருவாய் குறித்த சாதகமான எதிர்பார்ப்புகள்.

* கச்சா எண்ணெய் விலை குறைவது இந்தியா போன்ற எண்ணெய் இறக்குமதி செய்யும் நாடுகளுக்கு சாதகமாகக் கருதப்படுகிறது.

கேரளம் மாநிலம் ஷோரனூர் கிழக்கு மணிசேரி, பந்தல் பகுதியைச் சேர்ந்த வைஷாக், அஜய், கோவிந்த், ஸ்ரீஜித் மற்றும் நிதின் ஆகியோர் ஒரு காரில் ஓட்டப்பாலம் பகுதிக்கு புறப்பட்டனர். இன்று அதிகாலை அந்த கார் பாலக்காடு-குளப்புள்ளி சாலையில் சென்று கொண்டிருந்தது.

கட்டுப்பாட்டை இழந்த கார்

திரிக்கங்கோடு என்ற இடத்தில் சென்ற போது கார் திடீரென டிரைவரின் கட்டுப்பாட்டை இழந்து தாறுமாறாக ஓடியது. வேகமாக சென்ற கார் சாலையோரத்தில் இருந்த மரத்தில் மோதி விபத்துக்குள்ளானது. இந்த விபத்தில் கார் பலத்த சேதம் அடைந்தது. அதில் இருந்தவர்கள் காருக்குள் நசுங்கினர். விபத்தை பார்த்த அக்கம் பக்கத்தினர் விரைந்து சென்று மீட்பு நடவடிக்கையில் இறங்கினர்.

விபத்து குறித்த தகவல் கிடைத்ததும் போலீசாரும், தீயணைப்பு படையினரும் விரைந்து வந்தனர். அவர்கள் காரை ஆயுதம் கொண்டு வெட்டி, உள்ளுக்குள் சிக்கி இருந்தவர்களை மீட்டனர். அப்போது 2 பேர் இறந்து விட்டதும், 3 பேர் படுகாயத்துடன் இருப்பதும் தெரியவந்தது. உயிருக்கு ஆபத்தான நிலையில் இருந்த 3 பேரையும் வாணியம்குளம் பகுதியில் உள்ள தனியார் ஆஸ்பத்திரிக்கு அனுப்பி வைத்தனர்.

தொடர்ந்து போலீசார் நடத்திய விசாரணையில் விபத்தில் இறந்தவர்கள் வைஷாக் மற்றும் அஜய் என அடையாளம் தெரிந்தது. விபத்துக்கான காரணம் குறித்து போலீசார் தீவிர விசாரணை நடத்தி வருகின்றனர்.

மிசோரம் மாநிலத்தின் சைராங்கிலிருந்து கொல்கத்தா நோக்கிச் சென்று கொண்டிருந்த கொல்கத்தா- சைராங் எக்ஸ்பிரஸ் பயணிகள் ரெயில், இன்று காலை சுமார் 6.54 மணியளவில் விபத்துக்குள்ளானது. இதில் ரெயில் இன்ஜின் உட்பட ஆறு பெட்டிகள் தடம் புரண்டதாக முதற்கட்ட தகவல்கள் தெரிவிக்கின்றன.

மீட்புப் பணிகள் தீவிரம்

விபத்து குறித்து தகவல் கிடைத்ததும் ரெயில்வே உயர் அதிகாரிகள் மற்றும் மீட்புக் குழுவினர் சம்பவ இடத்திற்கு விரைந்தனர். காயமடைந்த பயணிகளுக்கு உதவுவதற்கான நடவடிக்கைகள் மேற்கொள்ளப்பட்டு வருகின்றன.

சில பயணிகள் படுகாயமடைந்துள்ளதாகவும் தகவல்கள் வெளியாகியுள்ளன. இருப்பினும், காயமடைந்தவர்களின் மொத்த எண்ணிக்கை மற்றும் அவர்களின் உடல்நிலை குறித்த அதிகாரப்பூர்வ விவரங்கள் இன்னும் வெளியாகவில்லை.

விபத்துக்கான காரணம் என்ன?

விபத்துக்கான காரணம் உடனடியாகத் தெரியவில்லை. இதுகுறித்து ரெயில்வே அதிகாரிகள் விசாரணை மேற்கொண்டு வருகின்றனர். தண்டவாளத்தில் ஏற்பட்ட பாதிப்பு காரணமாக அந்த வழித்தடத்தில் ரெயில் போக்குவரத்தும் பாதிக்கப்பட வாய்ப்புள்ளது.

அது, ஐக்கிய முற்போக்கு கூட்டணி அரசின் இரண்டாவது ஆட்சி காலத்தில் அவருக்கு ஏற்பட்ட புற்றுநோயுடனான போராட்டம் என்பதாகும். பரவலாக ஊகிக்கப்பட்டதை போல நியூ யார்க் நகரில் உள்ள மெமோரியல் ஸ்லோன் கெட்டரிங் புற்றுநோய் மையத்தில் அல்லாமல், அவருக்கு இரண்டு அறுவை சிகிச்சைகள் எங்கு நடைபெற்றன என்பது குறித்தும் அவர்கள் தெளிவுபடுத்தினர்.

முதலில் இத்தாலியின் மிலன் அருகே உள்ள ஐரோப்பிய புற்றுநோயியல் நிறுவனத்திலும், பின்னர் ராட்டர்டாமில் உள்ள எராஸ்மஸ் பல்கலைக்கழக மருத்துவ மையத்திலும் அவை நடைபெற்றன. சோனியாவின் கூற்றுப்படி , அவருக்கு அவ்வப்போது ஆஸ்துமா மற்றும் ஒவ்வாமை பாதிப்புகள் ஏற்பட்டபோதிலும், 2010-ஆம் ஆண்டு வரை அவருக்குப் பெரிய உடல்நலப் பிரச்சினைகள் எதுவும் இருந்ததில்லை.

நெற்றியில் முத்தம்:

அப்போது, ​​மார்பகப் புற்றுநோய் இருக்கலாம் என்ற சந்தேகத்தின் பேரில் அவருக்கு அறுவை சிகிச்சை செய்யுமாறு அறிவுறுத்தப்பட்டது. ஊடகங்களின் பரபரப்பை தவிர்க்க விரும்பியதால், அவர் இந்தியாவில் அறுவை சிகிச்சை செய்துகொள்ள விரும்பவில்லை. ராஜீவ் என்னை நோக்கி கையை நீட்டி, என்னை பார்த்து புன்னகைப்பதை நான் கண்டேன்.

தனது மருத்துவர்களுடன் நீண்ட கலந்தாலோசனைக்குப் பிறகு, ஐரோப்பிய நிறுவனத்தின் நிறுவனரும் தலைவருமான புகழ்பெற்ற அறுவை சிகிச்சை நிபுணர் டாக்டர் வெரோனேசியிடம் அறுவை சிகிச்சை செய்துகொள்ள சோனியா காந்தி முடிவு செய்தார்.

'பிலாங்கிங்: எ ஜர்னி ஆஃப் லவ்' என்ற தனது புத்தகத்தில் சோனியா இவ்வாறு எழுதுகிறார், “அறுவை சிகிச்சை நாளன்று, நான் அறுவை சிகிச்சை அறைக்குள் தள்ளிக்கொண்டு செல்லப்பட்டபோது, ​​ராகுலும் பிரியங்காவும் என் கையைப் பிடித்து, எல்லாம் நலமாகிவிடும் என்று உறுதியளித்தபடி என் நெற்றியில் முத்தமிட்டனர்.”

அறுவை சிகிச்சை வெற்றி:

அதன்பிறகு, மயக்க மருந்தின் தாக்கத்தில் இருந்த நான், டாக்டர் வெரோனேசி அவர்களுடன் என் படுக்கையருகே இருப்பதை பார்த்தேன். அவர், 'கவலைப்பட தேவையில்லை, எல்லாம் நல்லபடியாக முடிந்துவிட்டது, எந்த எச்சங்களும் இல்லை' என்று அறிவித்ததை கேட்டதும் எனக்கு எவ்வளவு நிம்மதியாக இருந்தது!

அவர், பாதுகாப்பிற்காக சந்தேகத்திற்கு இடமில்லாத ஒன்று உட்பட இரண்டு கட்டிகளை அகற்றினார், மேலும் எனக்கு ஐந்து வார கதிர்வீச்சு சிகிச்சையை மிச்சப்படுத்துவதற்காக, அறுவை சிகிச்சையின்போதே கதிர்வீச்சு சிகிச்சையையும் மேற்கொண்டார் . இருப்பினும், ஒரு வருடம் கழித்து, வழக்கமான தொடர் பரிசோதனைகளில் கணையத்தில் ஒரு கட்டி இருப்பது கண்டறியப்பட்டது.

இந்த முறை, புகழ்பெற்ற கணைய அறுவை சிகிச்சை நிபுணரான டாக்டர் காஸ்பர் வான் ஐஜ்க் என்பவரால் சிகிச்சை பெறுவதற்காக சோனியா எராஸ்மஸ் மருத்துவமனைக்கு அனுப்பப்பட்டார். மீண்டும், அறுவை சிகிச்சைக்கு முன்பு ராகுலும் பிரியங்காவும் அவர் அருகில் இருந்தனர். மயக்கத்துடனும் தாகத்துடனும் அவர் கண்விழித்தபோது, ​​அவர்கள், “அம்மா, மாமா, எல்லாம் நன்றாக இருக்கிறது — ஒன்றும் கெடுதல் இல்லை!” என்று அழைப்பதை அவர் கேட்டார். அதிர்ஷ்டவசமாக, அந்தக் கட்டி ஆரம்ப நிலையிலேயே கண்டறியப்பட்டதால், அது புற்றுநோய்க்கு முந்தைய ஆரம்பகட்ட நிலையில் இருந்தது என்று மருத்துவர் பின்னர் விளக்கினார்.

மேற்கு வங்க மாநிலம் நந்திகிராமில் நடைபெற்ற நிகழ்ச்சியில் பங்கேற்ற அம்மாநில முதல்வர் சுவேந்தி அதிகாரி, பின்னர் செய்தியாளர்களை சந்தித்தார்.

அப்போது சுவேந்து அதிகாரி கூறியதாவது:-

மம்தா பானர்ஜி தேர்தலில் போட்டியிடுவதற்காக தாக்கல் செய்த பிரமாண பத்திரத்தில் பல முக்கியமான விவரங்களை மறைத்துள்ளார். வேட்புமனுக்கள் பரிசீலனையின்போது மற்ற வேட்பாளர்கள் சிலர் இதுகுறித்து ஆட்சேபனை தெரிவித்தனர். ஆனால், அப்போதைய தேர்தல் நடத்தும் அதிகாரி அந்த ஆட்சேபனைகளை நிராகரித்து, மம்தாவின் வேட்புமனுவை ஏற்றுக்கொண்டுள்ளார்.

தேர்தல் அதிகாரி மீதும் விசாரணை நடத்தப்பட வேண்டும்

இதுதொடர்பாக மம்தா மட்டுமின்றி, வேட்புமனுவை ஏற்றுக் கொண்ட தேர்தல் அதிகாரி மீதும் விசாரணை நடத்தப்பட வேண்டும். இந்த விவகாரத்தில் நீதிமன்றத்தை அணுகி வழக்குத் தொடர இருக்கிறோம்.

இவ்வாறு சுவேந்து அதிகாரி தெரிவித்துள்ளார்.

தேசிய தலைநகர் பிராந்தியத்தின் லெப்டினன்ட் கவர்னரின் ஒப்புதலுடன் இந்த விடுமுறை அறிவிக்கப்பட்டுள்ளது. பிரதிஹார் ஷஷ்டி அல்லது சூர்ய ஷஷ்டி எனப்படும் சத் பூஜை திருநாளைக் முன்னிட்டு, நவம்பர் 16-ஆம் தேதி திங்கட்கிழமை அன்று டெல்லியில் உள்ள அனைத்து அரசு அலுவலகங்களும் மூடப்பட்டிருக்கும் என்று அந்த உத்தரவில் குறிப்பிடப்பட்டுள்ளது.

சமூக நல்லிணக்கத்தின் அடையாளம்

சத் பூஜை என்பது வெறும் ஆன்மீகக் கொண்டாட்டம் மட்டுமல்ல, அது டெல்லியின் சமூக மற்றும் கலாச்சார ஒற்றுமையின் பிரகாசமான அடையாளம் என்று முதல்வர் ரேகா குப்தா தெரிவித்துள்ளார். இந்த நான்கு நாள் திருநாளைக் கொண்டாட விரும்புவோர் எவரும் எவ்வித தடையுமின்றி முழுமையான நம்பிக்கையுடனும் அமைதியுடனும் வழிபாடுகளை மேற்கொள்ள வேண்டும் என்பதே அரசின் முக்கிய நோக்கம் என்று அவர் குறிப்பிட்டுள்ளார்.

பெண்களுக்கான பாதுகாப்பு

நவம்பர் 13-ஆம் தேதி தொடங்க உள்ள இந்த நான்கு நாள் பெருவிழாவையொட்டி, டெல்லி முதல்வர் ரேகா குப்தா தலைமையில் உயர்மட்ட ஆய்வுக்கூட்டம் ஒன்று நடத்தப்பட்டுள்ளது. பக்தர்களின் வசதி, பாதுகாப்பு மற்றும் தூய்மைப் பணிகளுக்கு முன்னுரிமை அளிக்குமாறு அதிகாரிகளுக்கு உத்தரவிடப்பட்டுள்ளது. முக்கிய படித்துறைகளில் பெண்களுக்கான உடைகளை மாற்றும் அறைகள், சிசிடிவி கேமராக்கள், போதுமான வெளிச்ச வசதிகள், பந்தல்கள் மற்றும் சத் பூஜைக்காக முனக் கால்வாய் அருகே பதினொரு கிலோமீட்டர் நீளமுள்ள பிரத்யேக படித்துறை உள்ளிட்ட அனைத்து ஏற்பாடுகளும் துரிதமாகச் செய்யப்பட்டு வருகின்றன.

காங்கிரஸ் நாடாளுமன்றக் குழுத் தலைவர் சோனியா காந்தியின் ‘பிலாங்கிங்: எ ஜர்னி ஆஃப் லவ்’ னும் சுயசரிதைப் புத்தகம் வெளியிடப்பட்டு பெரும் அரசியல் மற்றும் ஊடக கவனத்தைப் பெற்றுள்ளது. இப்புத்தகத்தில், கடந்த 2000-ஆம் ஆண்டு இந்தியாவுக்கு வருகை தந்த அமெரிக்காவின் முன்னாள் அதிபர் பில் கிளிண்டன் குறித்த சுவாரஸ்யமான மற்றும் ரகசியமான நினைவுகளை அவர் பகிர்ந்துள்ளார்.

அரசு விருந்தில் பில் கிளிண்டனின் இயல்பு

கடந்த 2000-ஆம் ஆண்டில் இந்தியாவுக்குப் பயணம் மேற்கொண்ட பில் கிளிண்டன், தனது மகள் செல்சியா மற்றும் அதிகாரப்பூர்வ பிரதிநிதிகளுடன் ஷெராடன் ஹோட்டலில் தங்கியிருந்ததை சோனியா காந்தி தன் புத்தகத்தில் நினைவு கூர்ந்துள்ளார். அப்போது அப்போதைய பிரதமர் அடல் பிகாரி வாஜ்பாய் பில் கிளிண்டனின் கவுரவத்திற்காக பிரத்யேக வரவேற்பு நிகழ்ச்சி ஒன்றை ஏற்பாடு செய்திருந்தார்.

அந்த நிகழ்வில் பில் கிளிண்டனின் செயல்பாடுகள் குறித்து குறிப்பிடுகையில், மோனிகா லெவின்ஸ்கி ஊழல் விவகாரங்கள் சற்றே ஓய்ந்திருந்தாலும், பழக்கவழக்கங்கள் எளிதில் மாறுவதில்லை என்பதை சுட்டிக்காட்டியுள்ளார். வரவேற்பு அறையில் இருந்த மிகவும் கவர்ச்சிகரமான மற்றும் அழகான பெண்களை பில் கிளிண்டன் ரகசியமாகவும் கூர்ந்து கவனித்ததை தான் அப்போதே கவனித்ததாக அவர் அந்த நூலில் விவரித்துள்ளார்.

பில் கிளிண்டனைத் தாண்டி, பிரான்சின் முன்னாள் அதிபர் நிக்கோலஸ் சர்க்கோசி மற்றும் இங்கிலாந்தின் இளவரசி டியானா உள்ளிட்ட உலகப் புகழ்பெற்ற தலைவர்களுடன் தனக்கு ஏற்பட்ட அனுபவங்களையும் சோனியா காந்தி இந்த நூலில் விரிவாக எழுதியுள்ளார். குறிப்பாக, இளவரசி டியானா இந்தியாவுக்கு வந்தபோது அவருடன் நிகழ்ந்த உரையாடல்கள் மற்றும் நகைச்சுவையான தருணங்கள் வாசகர்களைக் கவரும் வகையில் இடம்பெற்றுள்ளன. இந்தியத் தலைவர்கள் மற்றும் சர்வதேச ஆளுமைகள் தொடர்பான பல மறைக்கப்பட்ட பக்கங்களை இந்தத் தன்வரலாற்றுப் புத்தகம் வெளிச்சம் போட்டுக் காட்டியுள்ளது.

நாடாளுமன்றத்தில் பிரதமர் நரேந்திர மோடியுடன் தனக்கு எப்போதுமே நேரடித் தொடர்புகள் இருந்ததில்லை என்றும், சந்திக்கும் நேர்வேளைகளில் அவர் கண் பார்ப்பதைத் தவிர்த்துத் விலகிச் செல்வதாகவும் காங்கிரஸ் நாடாளுமன்றக் குழுத் தலைவர் சோனியா காந்தி தனது புதிய நினைவுக் குறிப்புப் புத்தகத்தில் வெளிப்படுத்தியுள்ளார்.

'பிலாங்கிங்: எ ஜர்னி ஆஃப் லவ்'

ஹார்பர்காலின்ஸ் இந்தியா பதிப்பகத்தால் வெளியிடப்பட்டுள்ள சோனியா காந்தியின் நீண்ட எதிர்பார்க்கப்பட்ட 'பிலாங்கிங்: எ ஜர்னி ஆஃப் லவ்' எனும் சுயசரிதை புத்தகம் தற்போது பெரும் அரசியல் விவாதங்களை ஏற்படுத்தியுள்ளது. இப்புத்தகத்தில் தனது தனிப்பட்ட வாழ்க்கை மற்றும் அரசியல் பயணங்கள் குறித்த பல சுவாரஸ்யமான உண்மைகளை அவர் பகிர்ந்துள்ளார்.

நாடாளுமன்ற அறை சந்திப்பு

பிரதமர் நரேந்திர மோடி கடந்த பன்னிரண்டு ஆண்டுகளுக்கும் மேலாக நாட்டின் பிரதமராகப் பதவியில் இருந்து வருவதாகக் குறிப்பிடும் சோனியா காந்தி, தங்களுக்கு இடையே முறையான மற்றும் அதிகாரப்பூர்வமான சந்திப்புகளைத் தாண்டி எந்தவிதமான தனிப்பட்ட தொடர்புகளும் இருந்ததில்லை என்று குறிப்பிட்டுள்ளார்.

நாடாளுமன்றக் கூட்டத் தொடர்களின் நிறைவின்போது நாடாளுமன்ற சபாநாயகரின் அறையில் நடைபெறும் கூட்டங்களில் மட்டுமே தாங்கள் இருவரும் சந்திப்பதாக அவர் விளக்கியுள்ளார். அங்கு மற்ற தலைவர்கள் முன்னிலையில் ஒருவரையொருவர் முறைப்படி 'நமஸ்தே' கூறிக்கொள்வதாகவும், கடந்த காலங்களைப் போல அரசியல் கட்சி பேதங்களைக் கடந்து தலைவர்கள் காட்டிய நட்பார்ந்த சூழல் தற்போது இல்லை என்றும் அவர் சுட்டிக்காட்டியுள்ளார்.

நேருக்கு நேர் தவிர்க்கப்படும் பார்வை

பிரதமர் மோடி தம்மைக் நேருக்கு நேர் பார்க்கும்போது கண் பார்ப்பதைத் தவிர்த்து முகத்தைத் திருப்பிக் கொள்வதாகவும் சோனியா காந்தி தனது புத்தகத்தில் விவரித்துள்ளார். எனினும், தான் உடல்நலக் குறைவால் மருத்துவமனையில் இருந்து திரும்பிய சில சந்தர்ப்பங்களில், "Theek hain aap?" (நீங்கள் நலமா?) என்று நலம் விசாரித்தாராகவும், அதற்குத் தான் "Jee, ab main theek hoon, shukriya" (ஆம், நான் இப்போது நலமாக இருக்கிறேன், நன்றி) என்று பதிலளித்ததாகவும் அவர் அந்தத் தருணங்களை நினைவு கூர்ந்துள்ளார்.

மாறுபட்ட சித்தாந்தங்கள்

தங்களுக்கும் மோடிக்கும் இடையேயான கருத்து வேறுபாடுகள் என்பது தனிப்பட்ட மோதல் அல்ல என்றும், அது முற்றிலும் கொள்கை ரீதியிலானது என்றும் சோனியா காந்தி தெளிவுபடுத்தியுள்ளார். ஆர்.எஸ்.எஸ். சித்தாந்தங்களால் ஈர்க்கப்பட்டு கட்டமைக்கப்பட்ட தேசியக் கண்ணோட்டத்திற்கும், இந்தியாவின் பன்முகத்தன்மை, மதச்சார்பின்மை மற்றும் சமூக நீதியை அடிப்படையாகக் கொண்ட தமது குடும்பத்தின் சித்தாந்தத்திற்கும் இடையே உள்ள வேறுபாடுகளுக்காகவே தாங்கள் இருவரும் தங்களது அரசியல் பாதையில் போராடி வருவதாக அவர் அதில் குறிப்பிட்டுள்ளார்.

வினோத போட்டி

நாடு முழுவதிலும் இருந்து 2 லட்சத்திற்கும் அதிகமானோர் விண்ணப்பித்த இந்த வினோத போட்டிக்கு, கடுமையான நேர்காணல்களுக்கு பிறகு வெறும் 10 பேர் மட்டுமே தேர்ந்தெடுக்கப்பட்டனர். சுமார் 60 நாட்கள் நடந்த இப்போட்டியில், பங்கேற்பாளர்களின் தினசரி தூக்க அளவுகள் தீவிரமாக கண்காணிக்கப்பட்டன.

ஜினியா சாட்டர்ஜி

இது வெறும் அதிக நேரம் தூங்குவது மட்டுமல்லாமல், திரைப்பட காட்சிகளை தூக்க பாணியில் மாற்றுவது, உரையாடல்களுக்கு நடுவே ‘தலையணை', 'பெட்ஷீட்” ஆகிய வார்த்தைகளை ரகசியமாக பயன்படுத்துவது போன்ற சுவாரசியமான வாராந்திர சவால்களும் இதில் இடம்பெற்றன. இறுதி போட்டியில் தங்களுக்கு பிடித்தவாறு ஏலம் எடுத்து அமைக்கப்பட்ட படுக்கையறையில் அவர்கள் தூங்கவைக்கப்பட்டனர்.

அதில் சிறந்த தூக்க புள்ளிகளை பெற்று முதலிடம் பிடித்த ஜினியாவுக்கு ரூ.9 லட்சத்து 63 ஆயிரம் மற்றும் இலவச சொகுசு சுற்றுலா பயணத்திற்கான டிக்கெட்டும் பரிசாக வழங்கப்பட்டது. இந்தப்பெண்ணின் சாதனை தற்போது சமூகவலைத்தளங்களில் வைரலாகி வரும் நிலையில், இப்போட்டியின் அடுத்த சீசனுக்கான முன்பதிவு தற்போது தொடங்கியுள்ளதாக அந்த நிறுவனம் அறிவித்துள்ளது.

சபரிமலை ஐயப்பன் கோவில் சீசன் நெருங்கும்நிலையில், திருவிதாங்கூர் தேவஸ்தான வாரிய கூட்டம் நடந்தது. அதைத்தொடர்ந்து, வாரியத்தின் தலைவர் ஜெயகுமார் நிருபர்களுக்கு அளித்த பேட்டியில் கூறியதாவது:-

சபரிமலையில் நெய் இருப்பு படிப்படியாக குறைந்து வருகிறது. அதனால் நெய்க்கு தட்டுப்பாடு ஏற்படுமோ என்ற கவலை எழுந்துள்ளது. புதிய சப்ளை 17-ந் தேதியில் இருந்துதான் வரும், அதுவரை கூடுதல் நெய்யை கொள்முதல் செய்வது பற்றி ஆலோசனை நடத்தினோம்.

ஆனால் எந்த முடிவும் எடுக்கப்படவில்லை. ஏனென்றால் கடந்த ஆண்டு கொள்முதலில் ஏற்பட்ட பிரச்சனைகள் குறித்த சட்ட அம்சங்களை ஆய்வு செய்ய வேண்டும். அதுதொடர்பாக சட்ட ஆலோசனை பெற்ற பிறகு நெய் கொள்முதல் செய்யப்படும்.

மற்றபடி, அரவணை பாயாசம், அப்பம் இருப்பு குறித்து பிரச்சனை இல்லை.

இவ்வாறு அவர் கூறினார்.

ஆந்திர மாநில துணை முதல்வரும், ஜனசேனா கட்சியின் தலைவரும், நடிகருமான பவன் கல்யாண் மற்றும் அவரது மனைவி அன்னா லெஷ்னேவா ஆகிய இருவரும் பரஸ்பர சம்மதத்துடன் விவாகரத்து செய்து பிரிவதாக அதிகாரப்பூர்வமாக அறிவித்துள்ளனர். இதன் மூலம் அவர்களின் 13 ஆண்டு கால திருமண பந்தம் முடிவுக்கு வந்துள்ளது.

நல்ல நண்பர்கள்

நேற்று இரவு பவன் கல்யாணின் இன்ஸ்டாகிராம் பக்கத்தில் இருவரும் இணைந்து வெளியிடப்பட்ட கூட்டறிக்கையில்,

எங்கள் வாழ்க்கையில் மிக முக்கியமான கட்டத்தை இணைந்து கடந்த பிறகு, பரஸ்பர புரிதல் மற்றும் மரியாதையுடன் பிரிந்து வாழ முடிவு செய்துள்ளோம். கணவன்-மனைவியாக எங்கள் வாழ்க்கை முடிந்தபோதிலும், நாங்கள் என்றும் நல்ல நண்பர்களாகத் தொடர்ந்து இருப்போம். எங்கள் குழந்தைகளின் நல்வாழ்வு மற்றும் எதிர்காலப் பொறுப்பே எங்களுக்கு எப்போதும் முதன்மையான முன்னுரிமையாகும். இந்த இக்கட்டான நேரத்தில் எங்கள் தனிப்பட்ட உரிமையை அனைவரும் மதிப்பீர்கள் என்று நம்புகிறோம் என குறிப்பிட்டுள்ளனர்.

2011-ஆம் ஆண்டு வெளியான 'தீன்மார்' திரைப்படப் படப்பிடிப்பின் போது பவன் கல்யாணிற்கும், ரஷிய நாட்டைச் சேர்ந்த அன்னா லெஷ்னேவாவிற்கும் அறிமுகம் ஏற்பட்டது. தொடர்ந்து 2013-ஆம் ஆண்டு செப்டம்பர் 30 அன்று இருவரும் திருமணம் செய்து கொண்டனர். பவன் கல்யாணிற்கு இது மூன்றாவது திருமணமாகும். முன்னதாக நந்தினி மற்றும் நடிகை ரேணு தேசாய் ஆகியோரைத் திருமணம் செய்து விவாகரத்து பெற்றிருந்தார் என்பது குறிப்பிடத்தக்கது.

நிதி பங்களிப்பு அறிக்கை

2025 -2026-ம் ஆண்டுக்கான கட்சி, நிதி பங்களிப்பு அறிக்கையை காங்கிரஸ் கட்சி தேர்தல் கமிஷனில் தாக்கல் செய்து உள்ளது. இதில் காங்கிரஸ் கட்சி பெற்ற நன்கொடை மிக அதிகமாக சரிந்து இருப்பது தெரிய வந்துள்ளது.

2024-2025-ம் ஆண்டில் காங்கிரஸ் கட்சிக்கு ரூ.20 ஆயிரத்துக்கும் மேலான நன்கொடை கணக்கில் மொத்த வரவு ரூ.517.39 கோடியாக இருந்தது. இதில் புரூடென்ட் தேர்தல் அறக்கட்டளை மட்டும் 42 சதவீதம் அதாவது துல்லியமாக 41.8 சதவீதம் நிதி பங்களிப்பை அளித்திருந்தது.

பெரு நிறுவனங்களிடம் இருந்து வந்த நிதி கணக்கில் புரூடென்ட் நிறுவனமே மிக அதிக தொகையை (ரூ.216.34 கோடி)வழங்கி இருந்தது.

ஆனால் 2025-2026-ம் ஆண்டு காங்கிரஸ் கட்சிக்கு ரூ.20 ஆயிரத்துக்கும் மேலான நன்கொடையில் பெரும் சரிவு ஏற்பட்டு உள்ளது. கிட்டத்தட்ட 3 பங்குக்கும் கீழே குறைந்துள்ளது.

இந்த ஆண்டில் கிடைத்த நன்கொடை ரூ.130.69 கோடி மட்டுமே ஆகும். இது முந்தைய ஆண்டை விட 75 சதவீதம் சரிவு ஆகும். அதற்கு முந்தைய 2023-2024 -ம் ஆண்டை விட 53 சதவீதம் சரிவு ஆகும்.

வெறும் ரூ.25 கோடி

செங்குத்தான இந்த சரிவுக்கு புரூடென்ட் நிறுவனமே காரணமாக இருந்துள்ளது. இந்த நிறுவனம் 2025 2026-ம் ஆண்டு காங்கிரஸ் கட்சிக்கு வெறும் ரூ.25 கோடி மட்டுமே வழங்கியிருப்பது குறிப்பிடத்தக்கது.

மற்ற பங்களிப்பாளர்களில், ஸ்டார் சிமெண்டு (ரூ.5 கோடி), சஜ்ஜன் பஜங்கா (ரூ.4 கோடி), பிரேம்குமார் பஜங்கா ரூ.2 கோடி ஆகியோர் முக்கியமானவர்கள் ஆவர்.

12 மடங்கு அதிகம்

இதற்கிடையே பா.ஜ.க. 2024-2025-ம் நிதியாண்டில் ரூ.20,000-க்கு மேற்பட்ட நன்கொடைகளாக ரூ.6.074.02 கோடியை பெற்றுள்ளது. இது. இதே காலகட்டத்தில் காங்கிரஸ் பெற்ற வசூலை விட கிட்டத்தட்ட 12 மடங்கு அதிகமாகும்.

2025-2026-ம் நிதியாண்டுக்கான பா.ஜ.க.வின் பங்களிப்பு அறிக்கையை தேர்தல் கமிஷன் இன்னும் வெளியிடவில்லை.

2016ம் ஆண்டு நவம்பர் 8-ல் கருப்புப் பணம், கள்ள நோட்டுகள் மற்றும் ஊழலை ஒழிக்கும் வகையில் புழக்கத்தில் இருந்த ரூ.500, ரூ.1,000 நோட்டுகளை மத்திய அரசு திரும்ப பெற்றுக் கொண்டது. இது நடந்து 10 ஆண்டுகள் நிறைவு பெற்றுள்ள நிலையில், ஆந்திரா முதல்வர் சந்திரபாபு நாயுடு 500 ரூபாய் நோட்டுகளை திரும்பப் பெற வேண்டும் என்றார்.

அதிக மதிப்புள்ள பண பரிவர்த்தனைகளை நிறுத்தினால், ஊழல் சுழற்சியை உடைக்க முடியும் என்றும், செல்வம் உருவாக்குவதும் வறுமையை ஒழிப்பதும் எளிதாகும் என்றும் அவர் தெரிவித்தார்.

டிஜிட்டல் பணத்துக்கு ஆதரவு

டிஜிட்டல் நாணயம் மற்றும் தொழில்நுட்பம் சார்ந்த நிர்வாகத்துக்கு சந்திரபாபு நாயுடு வலுவாக ஆதரவு தெரிவித்தார். இது குறித்த அறிக்கைக்கு தானே கருத்துகளை வழங்கியதாகவும், இந்த விஷயத்தை பிரதமர் நரேந்திர மோடியிடம் பலமுறை எழுப்பியதாகவும் அவர் கூறினார்.

இதுகுறித்து கூறிய அவர்,“டிஜிட்டல் கரன்சி அறிக்கைக்கு கருத்துகளை கொடுத்தது நான்தான். இதை முன்பே பிரதமரிடம் வலியுறுத்தினேன், இப்போதும் மீண்டும் கேட்கிறேன். இதை தொடர்ந்து எழுப்புவேன்.

500, 1000, 2000 ரூபாய் நோட்டுகளை ஒழிக்க வேண்டும். 100 மற்றும் 200 ரூபாய் நோட்டுகள் மட்டுமே இருக்க வேண்டும்,” என கூறினார்.

2016 நவம்பர் 8-ஆம் தேதி மத்திய அரசு 500 மற்றும் 1000 ரூபாய் நோட்டுகளை செல்லாது என அறிவித்த பணமதிப்பிழப்பு நடவடிக்கையின் 10-ஆம் ஆண்டு நிறைவு நாளுக்கு மறுநாள் அவர் இந்த கருத்தை தெரிவித்துள்ளார்.

கருப்பு பணம், கள்ள நோட்டுகள் மற்றும் ஊழலை தடுக்கவே அந்த நடவடிக்கை எடுக்கப்பட்டதாக கூறப்பட்டது.தொழில்நுட்பம் இருந்தால் வறுமை ஒழிப்பு சாத்தியம்“தொழில்நுட்பத்தை சரியாக செயல்படுத்தினால், செல்வத்தை உருவாக்குவது கடினமல்ல, வறுமையை ஒழிப்பதும் கடினமல்ல,” என்றும் அவர் கூறினார்.

பல்வேறு நிலைகளில் உள்ள அமைப்புகளில் உள்ள குறைபாடுகள் காரணமாகவே ஊழல் ஒரு தீய சுழற்சியாக மாறியுள்ளதாகவும், அதை தடுக்க தான் முயற்சித்ததாகவும் அவர் தெரிவித்தார்.

மேற்கு வங்க மாநிலம் டோலிகஞ்ச் தொகுதியின் பாஜக எம்எல்ஏவான பாபியா அதிகாரி, கடந்த நவம்பர் 7-ம் தேதி தனது தொகுதியில் நடைபெற்ற காளி பூஜை நிகழ்ச்சியைத் தொடங்கி வைத்தார்.

காளி பூஜையின்போது பட்டாசு வெடிப்பு

அப்போது பேசிய அவர், "நம்முடைய முதலமைச்சர் பட்டாசுகளை வெடிக்கலாம் என்று கூறியுள்ளார். பட்டாசுகள் இல்லாமல் காளி பூஜை எப்படி முழுமையடையும்? நாங்கள் நிச்சயமாக பட்டாசுகளை வெடிப்போம். அதே சமயம், காவல்துறையின் வழிகாட்டுதல்களைப் பின்பற்றுவோம். பட்டாசுகளை வெடிப்பதன் மூலம் பல நோய்கள் குணமாகும் என்பதைக் காண்பீர்கள்" என்றார்.

பாபியா அதிகாரியின் இந்த கருத்து வைரலாகி பெரும் விவாதத்தை ஏற்படுத்தியது. குறிப்பாக, காற்று மாசுபாடு அதிகரித்து வரும் சூழலில் இத்தகைய கருத்து விமர்சனங்களைச் சந்தித்தது.

இந்த நிலையில் பாபியா அதிகாரி தனது கருத்து குறித்து விளக்கம் அளித்துள்ளார். மேலும் அதற்கு மன்னிப்பு கோரியுள்ளார்.

விளக்கம் அளித்து மன்னிப்பு

இது தொடர்பாக பாபியா அதிகாரி கூறுகையில் "இது நமது முன்னோர்கள் கூறிய பழமொழி. தீபம் ஏற்றுவதும், யாகம் செய்வதும் சமூகத்தில் உள்ள தீமைகளை அகற்றும் என்பது பாரம்பரிய நம்பிக்கை. தற்போது அறிவியல் மிகவும் வளர்ச்சியடைந்துள்ளதால், இதுபோன்ற கருத்துகள் இன்றைய காலத்திற்கு பொருத்தமானவை அல்ல.

எனவே, யாராவது மனவேதனை அடைந்திருந்தால், நாங்கள் மன்னிப்பு கேட்டுக்கொள்கிறோம். நாங்கள் கூறியவற்றை திரும்ப பெற்றுக்கொள்ளவும் நாங்கள் தயார். அவற்றை திரும்பப் பெற்றுக்கொண்டதாகவே கருதிக்கொள்ளுங்கள். சமூகத் தீமைகள் முன்னரும் ஒழிக்கப்பட்டன. இன்றும் தொடர்ந்து ஒழிக்கப்பட்டு வருகின்றன" என்றார்.

மத்திய அரசின் விதிமுறைப்படி பெட்ரோலில் அதிகபட்சமாக 20 சதவீதம் எத்தனால் கலக்க அனுமதி அளிக்கப்பட்டுள்ளது. இது E20 பெட்ரோல் என அழைக்கப்படுகிறது. ஆனால், கர்நாடகாவில் நடத்தப்பட்ட ஆய்வில் சில பெட்ரோல் மாதிரிகளில் 31.2 சதவீதம் வரை எத்தனால் கலந்திருப்பதாக அம்மாநில அரசு குற்றம்சாட்டியது. இதனை எண்ணெய் நிறுவனங்களும் மத்திய அரசும் மறுத்துள்ளன.

இந்த நிலையில், கேரள உணவு மற்றும் நுகர்வோர் விவகாரத்துறை அமைச்சர் அனூப் ஜேக்கப் பெட்ரோல் பங்குகளில் ஆய்வு நடத்த உத்தரவிட்டுள்ளார்.

சோதனைக்காக மாதிரிகள் சேகரிப்பு

இதன்படி திருவனந்தபுரம், எர்ணாகுளம், கோழிக்கோடு மற்றும் கண்ணூர் ஆகிய நான்கு மாவட்டங்களில் உள்ள பெட்ரோல் பங்குகளில் இருந்து மாதிரிகள் சேகரிக்கப்படுகின்றன.

இந்த மாதிரிகள் அரசு ஆய்வகங்களில் பரிசோதனை செய்யப்படும். இதன் முடிவுகள் 10 நாட்களுக்குள் வெளியாகும் என எதிர்பார்க்கப்படுகிறது.

பெட்ரோலில் அனுமதிக்கப்பட்ட அளவைவிட அதிகமாக எத்தனால் கலந்திருப்பது உறுதி செய்யப்பட்டால் சம்பந்தப்பட்ட பெட்ரோல் பங்குகள் மீது கடும் நடவடிக்கை எடுக்கப்படும் என்றும் அமைச்சர் எச்சரித்துள்ளார்.

மைலேஜ் குறைவு

வாகனங்களின் மைலேஜ் குறைவு மற்றும் இன்ஜின் பாதிப்பு குறித்த புகார்கள் எழுந்துள்ள நிலையில், கேரள அரசின் இந்த நடவடிக்கை வாகன ஓட்டிகளிடையே கவனத்தைப் பெற்றுள்ளது.

எத்தனால் கலப்பதால் ஏற்கனவே 10 சதவீதம் மைலேஜ் குறைவாக கிடைக்கும் நிலையில், அதன் அளவு அதிகரித்தால் மேலும் மைலேஜ் பாதிப்பு ஏற்பட்டு வாகனம் வைத்திருப்போருக்கு மிகப்பெரிய இழப்பை ஏற்படுத்தும்.

அரியானா மாநிலம் யமுனாநகர் பகுதியைச் சேர்ந்த 22 வயது மதிக்கத்தக்க இளம் பெண்ணுக்கும், பிலாஸ்பூர் மாவட்டத்தைச் சேர்ந்த இளைஞருக்கும் இடையே கடந்த அக்டோபர் 31-ஆம் தேதி அரியானாவில் உள்ள ஜகாத்ரி உரிமையியல் நீதிமன்றத்தில் சட்டப்பூர்வ திருமணம் நடைபெற்றுள்ளது. திருமணம் முடிந்தவுடன் அந்தப் பெண் தனது கணவருடன் பிலாஸ்பூரில் உள்ள அவரது வீட்டிற்குச் சென்று வசித்து வந்துள்ளார். வீட்டில் புதிய மருமகள் காலடி வைத்த மகிழ்ச்சியில் அந்தக் குடும்பத்தினர் இருந்த நிலையில், யாரும் எதிர்பாராத விதமாக பெரும் அதிர்ச்சி காத்திருந்தது.

பணத்துடன் தப்பியோட்டம்

திருமணம் நடந்து நான்கே நாட்களில், அதாவது நவம்பர் 4-ஆம் தேதியன்று அந்தப் புதுப்பெண் வீட்டில் யாரிடமும் சொல்லாமல் திடீரென மாயமாகியுள்ளார். அவர் வீட்டை விட்டுத் தப்பியோடும்போது, வீட்டில் பீரோவில் பாதுகாப்பாக வைக்கப்பட்டிருந்த சுமார் 16 லட்சம் ரூபாய் மதிப்பிலான தங்கம் மற்றும் வெள்ளி நகைகள் மற்றும் 1 லட்சம் 80 ஆயிரம் ரூபாய் ரொக்கப் பணம் ஆகியவற்றைத் தன்னுடன் எடுத்துச் சென்றுள்ளதாகக் கூறப்படுகிறது. மொத்தத்தில் சுமார் 18 லட்சம் ரூபாய் மதிப்பிலான பொருட்கள் மற்றும் பணத்துடன் அவர் தலைமறைவாகியுள்ளது குடும்பத்தினரை அதிர்ச்சியில் ஆழ்த்தியுள்ளது.

காவல்துறையினர் தீவிர விசாரணை

வீட்டில் புதுப்பெண்ணையும் காணவில்லை, விலைமதிப்பற்ற நகைகளும் பணமும் மாயமாகி இருப்பதைக் கண்டு அதிர்ச்சியடைந்த குடும்பத்தினர், அக்கம் பக்கத்திலும் உறவினர்களின் வீடுகளிலும் தீவிரமாகத் தேடிப் பார்த்துள்ளனர். எங்கு தேடியும் எவ்விதத் தகவலும் கிடைக்காததைத் தொடர்ந்து, மாப்பிள்ளையின் சகோதரி பிலாஸ்பூர் மாவட்டத்தில் உள்ள பராடி காவல் நிலையத்தில் புகார் அளித்தார். புகாரின் அடிப்படையில் வழக்குப்பதிவு செய்துள்ள காவல்துறையினர், தலைமறைவான அந்தப் பெண்ணைத் தேடும் பணியில் தீவிரமாக ஈடுபட்டுள்ளனர். இந்தச் சம்பவம் அப்பகுதி மக்களிடையே பெரும் பரபரப்பாக பேசப்பட்டு வருகிறது.

புற்றுநோய் சிகிச்சைக்குப் பயன்படுத்தப்படும் உயிர்காக்கும் மருந்துகளின் விலையை வெகுவாகக் குறைக்கும் வகையில், திருத்தப்பட்ட புதிய அதிகபட்ச சில்லறை விலைகள் அதிகாரப்பூர்வமாக அமலுக்கு வந்துள்ளன. இதன் மூலம் நுகர்வோருக்கு ஆண்டுதோறும் சுமார் ரூ.3,540.38 கோடி வரை பெருமளவிலான நிதி சேமிப்பு கிடைக்கும் என்று எதிர்பார்க்கப்படுகிறது. மத்திய அரசின் இந்த அதிரடி நடவடிக்கை புற்றுநோய் சிகிச்சைப் பெறும் நோயாளிகளுக்கும் அவர்களது குடும்பத்தினருக்கும் மிகப்பெரிய நிம்மதியைத் தந்துள்ளது.

மத்திய மருந்துகள் துறையின் கீழ் இயங்கும் தேசிய மருந்துகள் விலை நிர்ணய ஆணையம், சுகாதார சேவைகள் இயக்ககம் மற்றும் குடும்ப நல அமைச்சகத்தின் நிபுணர் குழு அளித்த பரிந்துரைகளின் அடிப்படையில் புற்றுநோய் மருந்துகளின் வர்த்தக விளிம்பு விலையை வரம்புபடுத்தியுள்ளது. இதன்படி, மொத்தம் 121 மருந்துகளின் கீழ் வரும் 1,364 புற்றுநோய் மருந்துகளின் புதிய விலைகள் கடந்த திங்கட்கிழமை முதல் நடைமுறைக்கு வந்துள்ளன. நாடு முழுவதும் உள்ள 85 முன்னணி மருந்து நிறுவனங்கள் தங்களது தயாரிப்புகளுக்கான திருத்தப்பட்ட விலைப் பட்டியலை அதிகாரப்பூர்வமாக சமர்ப்பித்துள்ளன.

கணிசமாக குறைந்த மருந்துகளின் விலை

இந்த விலை குறைப்பின் மூலம் கிட்டத்தட்ட 679 மருந்து வகைகளின் விலை 50 சதவீதத்திற்கும் மேலாகக் குறைக்கப்பட்டுள்ளதாக மத்திய ரசாயனம் மற்றும் உரத்துறை அமைச்சகம் தெரிவித்துள்ளது. குறிப்பாக, சில குறிப்பிட்ட மருந்துகளின் விலைகள் அதிகபட்சமாக 96.45 சதவீதம் வரை அதிரடியாகக் குறைக்கப்பட்டுள்ளன. இதன் மூலமாக விலை உயர்ந்த புற்றுநோய் மருந்துகள் ஏழை மற்றும் நடுத்தர மக்களுக்கு எளிதில் கிடைக்கும் சூழல் உருவாகியுள்ளது.

கூடுதல் கட்டணம் வசூலிக்கத் தடை

அரசாங்கம் அறிவித்துள்ள திருத்தப்பட்ட அதிகபட்ச சில்லறை விலையை விடக் கூடுதலாக எந்தவொரு மருந்துக்கடையும் அல்லது மருத்துவமனைக் கடைகளும் கட்டணம் வசூலிக்கக் கூடாது என்று கடுமையான எச்சரிக்கை விடுக்கப்பட்டுள்ளது. நோயாளிகள் தாங்கள் வாங்கும் மருந்துகளின் சரியான விலையை அதன் மீது அச்சிடப்பட்டுள்ள புதிய சில்லறை விலை மூலமாகவோ அல்லது 'பார்மா சஹி தாம்' மொபைல் செயலி மூலமாகவும், தேசிய மருந்துகள் விலை நிர்ணய ஆணையத்தின் அதிகாரப்பூர்வ வலைத்தளம் மூலமாகவும் சரிபார்த்துக் கொள்ளலாம்.

ஒருவேளை நிர்ணயிக்கப்பட்ட விலையை விடக் கூடுதலாகப் பணம் வசூலித்தால் அல்லது விலை தொடர்பான புகார்கள் ஏதேனும் இருந்தால், 'பார்மா ஜன் சமாதான்' இணையதளம் மூலமாகவோ அல்லது 1800-111-255 என்ற இலவச உதவி எண்களைத் தொடர்பு கொண்டோ பொதுமக்கள் தங்களது புகார்களைத் தெரிவிக்கலாம் என்றும் அறிவிக்கப்பட்டுள்ளது.

திரையரங்குகளில் வெற்றிகரமாக ஓடிக்கொண்டிருக்கும் 'ராமாயணா' திரைப்படத்தின் தாக்கத்தால், ராமகாவியத்தில் வரும் ஜடாயுவின் கதாபாத்திரம் இந்தியா முழுவதும் மீண்டும் பேசபொருளாகியுள்ளது. இந்தச் சூழலைப் பயன்படுத்தி, கொல்லம் மாவட்டத்தில் அமைந்துள்ள உலகப் புகழ்பெற்ற 'ஜடாயு பாறை' சிலையை பார்வையிட வருமாறு கேரள முதலமைச்சர் வி.டி.சதிசன் அகில இந்திய அளவில் சுற்றுலாப் பயணிகளுக்கு அழைப்பு விடுத்துள்ளார்.

ரன்பீர் கபூர், யஷ் மற்றும் சாய் பல்லவி நடிப்பில் மிகுந்த எதிர்பார்ப்புகளுக்கு இடையில் வெளியான பான்-இந்தியா திரைப்படமான 'ராமாயணா', பார்வையாளர்கள் மத்தியில் பெரும் வரவேற்பைப் பெற்றுள்ளது. சீதையை மீட்கும் முயற்சியில் ராவணனுடன் போரிட்டு தன் இன்னுயிர் ஈந்த ஜடாயுவின் தியாகத்தை இந்தத் திரைப்படம் மிகச் சிறப்பாக வெளிப்படுத்தியுள்ளது. இந்தத் திரைப்படத்தைக் கண்டுகளித்த பலரும், ஜடாயுவின் புகழும் அதன் வரலாறும் கேரளாவில்தான் இன்னும் நிலைத்து நிற்கிறது என்பதை அறிந்து பெருமிதம் கொள்வதாக முதலமைச்சர் சதிசன் தனது சமூக வலைதளப் பதிவில் குறிப்பிட்டுள்ளார்.

கொல்லம் ஜடாயு சிறப்புகள்

கேரளாவின் கொல்லம் மாவட்டம் ஜடாயுமங்கலம் பகுதியில் அமைந்துள்ள 'ஜடாயு எர்த் சென்டர்', சுற்றுலா பயணிகளை ஈர்க்கும் முக்கிய தலமாக விளங்கி வருகிறது. இங்கு மலையின் உச்சியில் அமைக்கப்பட்டுள்ள பிரம்மாண்டமான ஜடாயு சிற்பம், கின்னஸ் சாதனை படைத்த உலகின் மிகப்பெரிய பறவைச் சிற்பமாகும். நீதிக்கும் பெண்ணின் கவுரவத்திற்கும் தன் உயிரைக் கொடுத்த ஜடாயுவின் நினைவாக உருவாக்கப்பட்ட இந்தச் சிற்பம், தைரியம் மற்றும் தியாகத்தின் அடையாளமாகத் திகழ்கிறது.

திரைப்படத்தின் மூலம் ஜடாயுவின் வரலாறு பரவலாகச் சென்று சேர்ந்துள்ள நிலையில், இந்தச் சுற்றுலாத் தலத்தை நேரில் வந்து அனுபவிக்குமாறு முதலமைச்சர் வி.டி.சதிசன் விடுத்துள்ள அழைப்பு மாநிலத்தின் சுற்றுலாத்துறையை மேலும் ஊக்குவிக்கும் என எதிர்பார்க்கப்படுகிறது. "கடவுளின் சொந்த நாடான கேரளாவுக்கு உங்களை அன்புடன் வரவேற்கிறோம்" என்று அவர் தனது அழைப்பில் குறிப்பிட்டுள்ளார்.

டெல்லியில் உள்ள நரேலா பகுதியில் நேற்று தீபாவளி கொண்டாட்டத்தின் ஒரு பகுதியாக வீதிகளில் பட்டாசு வெடிக்கப்பட்டது.

அப்போது ரிஷி என்ற பத்து வயது சிறுவன், வானவெடியை பற்றவைத்த போது, அது மேலே வானத்தை நோக்கி செல்லாமல், சிறுவனின் மார்பில் பட்டுள்ளது.

இதையடுத்து படுகாயத்துடன் மயக்கமடைந்த சிறுவனை, குடும்பத்தினர்கள் அருகிலுள்ள சத்யவாடி ராஜா ஹரிஷ் சந்திரா மருத்துவானைக்கு கொண்டு சென்றனர்.

இதைத்தொடர்ந்து சிறுவனை பரிசோதித்த மருத்துவர்கள், அவன் ஏற்கனவே இறந்துவிட்டதாக தெரிவித்தனர்.

இதையடுத்து மருத்துவமனையின் அலட்சியம் காரணமாகவே தங்கள் குழந்தை உயிரிழந்துள்ளதாக உயிரிழந்த சிறுவனின் குடும்பத்தார்கள் குற்றம் சாட்டியுள்ளனர்.

இந்த சம்பவம் குறித்து உயிரிழந்த சிறுவனின் மூத்த சகோதரன் கூறுகையில், “அவசர சிகிச்சைக்காக எனது தம்பி மருத்துவமனையில் அனுமதிக்கப்பட்ட போது, மருத்துவர்கள் விரைந்து வந்து சிகிச்சை அளிக்கவில்லை.

மருத்துவர்கள் மெதுவாக நடந்து வந்து, எனது தம்பியின் மார்பை மட்டும் அழுத்தி பார்த்தார்கள்.

மேலும் சிகிச்சைக்காக எனது தம்பியை மருத்துவமனைக்கு கொண்டுவந்த போது, அவன் உயிருடன் தான் இருந்தான்” என்று கூறினான்.

இதையடுத்து சிறுவனின் இறப்பு குறித்து அவனின் தாயார் கூறுகையில், “எனது மகன் பட்டாசுகளை வெடித்து கொண்டிருந்த போது, ஒன்று பின்னால் இருந்து வந்து அவன் மார்பின் மீது விழுந்தது.

உடனே அவன் மூச்சு விடுவதற்கு சிரமப்பட்டதால், நாங்கள் அவனை உடனடியாக மருத்துவமனைக்கு அழைத்து வந்தோம், ஆனால் அவர்கள் எனது மகனுக்கு சரியான சிகிச்சை அளிக்கவில்லை” என கூறினார்.

டெல்லியில் நேற்று தீபாவளி கொண்டாட்டத்தின் போது, பட்டாசு விபத்தால் பாதிக்கப்பட்டு 214 பேர் மருத்துவமனையில் அனுமதிக்கப்பட்டதாக ஆய்வுகள் தெரிவித்துள்ளன.

மேலும் இரவு 8 மணி முதல் 10 மணி வரை அதிகபட்சமாக 85 பேர் பாதிப்புக்கு உள்ளானதாகவும், இரவு 10 மணிக்கு மேல் சுமார் 61 பேர் வெடி விபத்தால் பாதிக்கப்பட்டதாகவும் தீயணைப்புத்துறை தெரிவித்துள்ளது.

எட்ஷி கிராமத்தில் வசிக்கும் உத்தம் தியம்பக் கரண்டே என்பவருக்குச் சொந்தமான வீட்டின் தரைதளத்தில் மளிகைக் கடை இயங்கி வருகிறது. தீபாவளி பண்டிகையைக் கொண்டாடிய அந்த குடும்பத்தினர் நள்ளிரவு வரை விழித்திருந்துள்ளனர். இந்நிலையில், அதிகாலை இரண்டரை மணியளவில் வீட்டின் கீழ்தளத்தில் திடீரென தீ விபத்து ஏற்பட்டுள்ளது. மளிகைக் கடையில் அதிக அளவில் சேமித்து வைக்கப்பட்டிருந்த சமையல் எண்ணெய் டப்பாக்கள் மற்றும் நெய் கேன்கள் தீ விரைவாகப் பரவக் காரணமாக அமைந்தன.

மூச்சுத்திணறல்

கீழ்தளத்தில் பற்றிய தீ மளமளவென மேல் தளத்திற்கும் பரவியதால், அங்கே தூங்கிக் கொண்டிருந்தவர்கள் வெளியேற முடியாமல் சிக்கிக் கொண்டனர். தடிமனான புகை மண்டலம் வீடு முழுவதும் சூழ்ந்ததன் காரணமாக நால்வர் மூச்சுத்திணறல் ஏற்பட்டு உயிரிழந்தனர். மேலும் இருவர் தீயில் சிக்கி பலத்த காயங்களுடன் பரிதாபமாக உயிரிழந்தனர். இந்த விபத்தில் உத்தம் தியம்பக் கரண்டே (75), அவரது மனைவி சந்திரகலா உத்தம் கரண்டே (70), மகன் கோவிந்த் உத்தம் கரண்டே (47), மருமகள் ஜோதி கோவிந்த் கரண்டே (42) மற்றும் பேத்திகளான காயத்ரி (16), சித்தி (15) ஆகிய ஆறு பேரும் சம்பவ இடத்திலேயே உயிரிழந்தனர். இவர்களுடன் வீட்டில் இருந்த மற்றொருவர் மட்டும் அதிர்ஷ்டவசமாக உயிர் தப்பினார்.

தீ விபத்திற்கான காரணம்

வீட்டின் அருகில் எரியவிட்ட தீபத்திலிருந்து தீ விபத்து பரவியிருக்கலாம் என்று முதற்கட்ட விசாரணையில் சந்தேகிக்கப்படுகிறது, எனினும் தீ விபத்திற்கான உண்மையான காரணம் குறித்து காவல்துறையினர் தீவிர விசாரணை நடத்தி வருகின்றனர். தகவல் அறிந்து விரைந்து வந்த தீயணைப்புப் படையினர் மற்றும் கிராம மக்கள் போராடி தீயைக் கட்டுக்குள் கொண்டுவந்தனர். உயிரிழந்தவர்களின் உடல்கள் மீட்கப்பட்டு உடற்கூறாய்வுக்காக தாராஷிவ் அரசு மருத்துவமனைக்கு அனுப்பி வைக்கப்பட்டுள்ளன. தீபாவளி திருநாளில் ஒரே குடும்பத்தைச் சேர்ந்த ஆறு பேர் பலியான சம்பவம் அப்பகுதி மக்களிடையே பெரும் கண்ணீரை வரவழைத்துள்ளது.

திருப்பதி ஏழுமலையான் கோவிலில் தீபாவளி பண்டிகையை முன்னிட்டு நேற்று பாரம்பரிய தீபாவளி ஆஸ்தானம் கடைப்பிடிக்கப்பட்டது.

கருடாழ்வார் கோவில்

அதன்படி ஸ்ரீதேவி, பூதேவி சமேதராய் ஏழுமலையான், விஸ்வக் சேனர் ஆகிய உற்சவ மூர்த்திகள் கருடாழ்வார் கோவிலில் எழுந்தருளினார்.

கோவிலில் உற்சவ மூர்த்திகளுக்கு சிறப்பு அபிஷேகம், பூஜைகள் நடந்தது. இதையடுத்து மூலவர் மற்றும் உற்சவமூர்த்திகளுக்கு பட்டு வஸ்திரங்கள் அணிவிக்கப்பட்டன. தீபாவளி நாளில் ஏழுமலையானை தரிசக்க ஏராளமான பக்தர்கள் குவிந்தனர். இதனால் பக்தர்கள் தங்க வைத்து தரிசனத்திற்கு அனுப்பப்படும் அறைகள் முழுவதும் நிரம்பி வழிந்தது.

திருப்பதி

தரிசன வரிசையில் இருந்து கிருஷ்ண தேஜா கெஸ்ட் ஹவுஸ் வரை பக்தர்கள் தரிசனத்திற்காக காத்திருந்தனர்.

திருப்பதியில் நேற்று 78,228 பேர் தரிசனம் செய்தனர். 25,564 பக்தர்கள் முடி காணிக்கை செலுத்தினர். ரூ.4.01 கோடி உண்டியல் காணிக்கை வசூலானது.

நேரடி இலவச தரிசனத்தில் 15 மணி நேரம் காத்திருந்து தரிசனம் செய்தனர்.

ஆந்திர மாநிலம் கர்னூல் மாவட்டம் அடோனியைச் சேர்ந்தவர் சுவாதி, 4 ஆண்டுகளுக்கு முன்பு ஐதராபாத்தைச் சேர்ந்த கணேஷ் என்பவரைத் திருமணம் செய்துகொண்டார். அவர்களுக்கு ஸ்ரீயன் என்ற 3 வயது மகன் உள்ளார்.

குடும்பச் சண்டைகள்

இதற்கிடையில், குடும்பச் சண்டைகள் காரணமாக, சுவாதி கடந்த ஒரு வருடமாகத் தன் கணவரைப் பிரிந்து தனது சொந்த ஊரில் வசித்து வந்தார்.

இந்நிலையில், சுவாதியின் தாய் நேற்று மாலை தன் உறவினர் வீட்டிற்குச் சென்றிருந்தார். அந்த நேரத்தில் சுவாதி, தனது படுக்கையறையில் தூக்கிட்டுத் தற்கொலை செய்துகொண்டார்.

தற்கொலை

குழந்தை தற்கொலை செய்த தாயின் காலை பிடித்து கதறி அழுதது. இரவு முழுவதும் தன் தாயை நினைத்து அழுதுகொண்டே அழுத குழந்தை நாற்காலியில் மயங்கி சரிந்து விழுந்தது. காலையில் சுவாதி கதவைத் திறக்காததால், அக்கம்பக்கத்தினர் போலீசாருக்கு தகவல் தெரிவித்தனர்.

போலீசார் சம்பவ இடத்திற்கு வந்தபோது, கதவுகளை உடைத்து கொண்டு உள்ளே சென்று பார்த்தபோது, சுவாதி மின்விசிறியில் தூக்கில் தொங்கி கொண்டிருந்ததைக் கண்டனர். இதற்கிடையில், தற்கொலைக்கு பயன்படுத்தப்பட்ட நாற்காலியில் குழந்தை ஸ்ரீயன் சுயநினைவின்றி கிடந்தது.

போலீசார்

ஆரம்பத்தில், குழந்தையும் இறந்துவிட்டதாக போலீசார் நினைத்தனர். ஆனால் அவர்கள் குழந்தையை பலமாகத் தட்டியபோது கதறி அழுதது.

தனிமையைத் தாங்க முடியாமல் தன் மகள் தற்கொலை செய்து கொண்டதாக சுவாதியின் தாய் போலீசாரிடம் புகார் அளித்தார். போலீசார், ஆதாரங்களைச் சேகரித்து விசாரணை நடத்தி வருகின்றனர். நெஞ்சை உருக்கும் இந்த சம்பவம் ஆந்திராவில் சோகத்தை ஏற்படுத்தியது.

தெலுங்கானா மாநிலம், ஐதராபாத், குக்கட்பள்ளியில் இன்று அதிகாலை, காகித தேநீர் கோப்பை மற்றும் தட்டு தயாரிக்கும் நிறுவனத்தில் தீ விபத்து ஏற்பட்டது.

தீயணைப்பு வாகனங்கள்

இந்தத் தீ, நெய், குர்குரே மற்றும் ஹல்திராம் கிடங்குகளுக்கும் பரவி, தொடர்ந்து தீவிரமாக எரிந்தது. தகவல் கிடைத்ததும் சம்பவ இடத்திற்கு விரைந்த தீயணைப்பு வீரர்கள், 4 தீயணைப்பு வாகனங்கள் மூலம் தீயைக் கட்டுப்படுத்த முயன்றனர்.

மின்கசிவு

மின்கசிவு காரணமாக இந்த விபத்து ஏற்பட்டிருக்கலாம் என சந்தேகிக்கப்படுகிறது.

இந்தச் சம்பவத்தில் யாருக்கும் காயம் ஏற்படவில்லை. இருப்பினும், பெரும் சொத்து சேதம் ஏற்பட்டிருக்கும் என மதிப்பிடப்பட்டுள்ளது.

இரவு தங்கினார்

மகாராஷ்டிராவில் இந்த ஆண்டு கடுமையான வறட்சி நிலவி வருவதால், விவசாயிகள் பெரும் நஷ்டத்தை சந்தித்து கடுமையான நெருக்கடிக்கு ஆளாகியுள்ளனர்.

இந்த இக்கட்டான சூழ்நிலையில், வறட்சியால் வாடும் விவசாயிகளுக்கு தைரியம் அளிக்கவும், அவர்களின் மன உறுதியை அதிகரிக்கவும் முதல்-மந்திரி தேவேந்திர பட்னாவிஸ் நாக்பூர் மாவட்டம் நர்கேட் தாலுகாவில் உள்ள லோகாரி சவங்கா கிராமத்து விவசாயிகளுடன் இணைந்து இந்த ஆண்டு தீபாவளி பண்டிகையை கொண்டாடினார். மேலும் அவர்களது வீட்டிலேயே நேற்று முன்தினம் இரவு தங்கினார்.

இதயத்தை தொட்டுவிட்டது

இது தொடர்பாக பிரதமர் மோடி வெளியிட்டுள்ள சமூக ஊடக பதிவில், மகாராஷ்டிரா முதல்-மந்திரி தேவேந்திர பட்னாவிஸ், நாக்பூர் மாவட்டம் லோகாரி சவாங்கா கிராமத் தில் உள்ள அருணாபாய் மற்றும் ராம்பாவ் பால்பாண்டே ஆகிய விவசாயிகளின் இல்லத்தில் இரவு தங்கி, அவர்களுடன் தீபாவளியை கொண்டாடியது எனது இதயத்தை தொட்டுவிட்டது. மகாராஷ்டிராவில் உள்ள பா.ஜ.க. கூட்டணி அரசு விவசாயிகள் நலனுக்காக எவ்வளவு இரக்கத்துடனும் அர்ப்பணிப்புடனும் செயல்படுகிறது என்பதை இந்த நடவடிக்கை உணர்த்துகிறது" என்று குறிப்பிட்டுள்ளார்.

சபரிமலை மண்டல பூஜை

சபரிமலையில் வரும் 16-ந்தேதி தொடங்கும் மண்டல பூஜைக்கான இறுதிப்பணிகள் தீவிரமாக நடைபெற்று வருகிறது. இதற்கான முன்னேற்பாடுகளை ஆய்வு செய்த பிறகு கேரள அமைச்சர் ரமேஷ் சென்னிதலா செய்தியாளர்களிடம் கூறியதாவது:

சபரிமலைக்கு வரும் பக்தர்கள் பம்பை ஆற்றில் ஆடைகளையும் காலணிகளையும் வீசுவதையோ அல்லது பல் துலக்கிய பிறகு ஆற்றில் எச்சில் துப்புவதையோ தவிர்க்க வேண்டும் என்றும், ஆற்றின் தூய்மையைப் பாதுகாக்க ஒத்துழைக்குமாறு கேட்டுக்கொண்டுள்ளார்.

சபரிமலை சீசன்

ஆற்றில் ஆடைகளையும் காலணிகளையும் வீசுவது எந்தவொரு மத வழக்கத்திலோ அல்லது சம்பிரதாயத்திலோ இல்லை என்று குறிப்பிட்ட அமைச்சர், பக்தர்கள் இச்செயல்களில் ஈடுபடுவதைத் தவிர்க்க வேண்டும் என்று வலியுறுத்தினார்.

சபரிமலை சீசனுக்கான முன்னேற்பாடுகள் இறுதிக்கட்டத்தை எட்டியுள்ளதாகவும், பெரும்பாலான பணிகள் ஏற்கனவே முடிந்துவிட்டது. தொண்ணூறு சதவீதப் பணிகள் முடிந்துவிட்டன, மீதமுள்ளவை விரைவில் நிறைவடையும் என்று அவர் கூறினார்.

இந்தியா முழுவதும் நேற்று தீபாவளி பண்டிகையானது கொண்டாடப்பட்டதை தொடர்ந்து, அதிகமான பட்டாசுகள் வெடிக்கப்பட்டன.

இதன் காரணமாக பல மாநிலங்களில் காற்று மாசுபாடு அதிகரித்து காணப்பட்டு வருகிறது.

தேசிய தலைநகர் டெல்லியில், 15 கண்காணிப்பு நிலையங்கள் காற்றின் தரத்தை ஆய்வு செய்தபோது, 400 க்கு மேல் பதிவாகியுள்ளதாக தெரிவித்துள்ளது.

காற்று தரக் குறியீடு

டெல்லியில் இன்று காலை 6 மணி நிலவரப்படி, அதன் ஒட்டுமொத்த காற்றின் தர குறியீடு 366 ஆக இருந்ததாகவும், இது மிகவும் மோசமானது என்றும் காற்றின் தரக் குறியீடு தெரிவித்துள்ளது.

டெல்லியின் பல மாவட்டங்களில் மிக அடர்த்தியான பனிமூட்டம் நிலவும் என இந்திய வானிலை ஆய்வு மையம் (IMD) விடுத்த எச்சரிக்கையை தொடர்ந்து, காற்றின் தரம் மிகவும் மோசமாக காணப்பட்டது.

டெல்லியில் 15 பகுதிகள்

டெல்லியில் சோனியா விஹார் 449 ஆகவும், புராரி கிராசிங் 445 ஆகவும், விவேக் விஹார் 441 ஆகவும் பதிவாகியுள்ளன.

அதேபோன்று ஜஹாங்கிர்புரியில் 439 ஆகவும், டெல்லி பல்கலைக்கழகத்தின் வடக்கு வளாகத்தில் 437 ஆகவும் பதிவாகியுள்ளது.

ரோகினியில் 435, டிடியூ-வில் 431, பவானாவில் 424, சாந்தினி சௌக் மற்றும் பட்பர்கஞ்ச் இரண்டு பகுதிகளில் 418 ஆக காற்றின் தரம் பதிவாகியுள்ளன.

முண்ட்காவில் 413, NIH நரேலா மற்றும் பஞ்சாபி பாக் ஆகிய பகுதிகளில் 408 ஆகவும் காற்றின் தரம் பதிவாகியுள்ளது.

அந்த பசுமையை காட்டுவதற்காகத்தான் பச்சை நிறம் கட்டாயம் ஆக்கப்பட்டது. இது அரசின் உத்தரவு ஆகும்.

புதிய உத்தரவு என்ன?

இந்த நிலையில் கர்நாடக அரசு ஒரு புதிய உத்தரவை பிறப்பித்துள்ளது.அரசின் மானியத்தில், அதாவது அரசின் பண உதவியுடன் ஏழை தொழிலாளர்கள் வாங்கும் ஆட்டோ, கார் உள்ளிட்ட வாகனங்கள் இனி மஞ்சள் மற்றும் சிவப்பு நிறத்தில் தான் இருக்க வேண்டும் என்று அரசு கூறியுள்ளது.

மஞ்சள், சிவப்பு என்பது கர்நாடக மாநில கொடியின் நிறம் ஆகும்.

ஏன் இந்த முடிவு?

இந்த வாகனங்கள் அரசின் உதவியால் வாங்கப்பட்டது என்பதை மக்கள் எளிதாக தெரிந்து கொள்ள வேண்டும் என்பதற்காகவே இந்த முடிவு எடுக்கப்பட்டுள்ளதாக அரசு கூறுகிறது.

அத்துடன் அந்த வாகனங்களில் மாநில அரசின் அதிகாரப்பூர்வ முத்திரையும் இடம்பெறும்.

இந்த புதிய நிறம் கர்நாடக மாநிலத்தின் பெருமையை காட்டும் என்று சிலர் கூறுகிறார்கள்.

அதே நேரத்தில், ஏற்கனவே உள்ள பச்சை - மஞ்சள் நிறத்தையே வைத்திருக்கலாம் என்று வேறு சிலர் கூறுகிறார்கள்.இந்த புதிய விதி எப்போது முதல் நடைமுறைக்கு வரும் என்று விரைவில் அரசு அறிவிக்கும் என்று எதிர்பார்க்கப்படுகிறது.

கர்நாடக முதலமைச்சர் டி.கே.சிவக்குமார் இன்று செய்தியாளர்களை சந்தித்தார். அப்போது அவர் பேசியதாவது,

கர்நாடகா தனது மாநிலத்தில் அணையை கட்டிக்கொள்ளலாம் என உச்ச நீதிமன்றம் தெரிவித்துள்ளது.

அதே நேரத்தில் தமிழ்நாட்டிற்கு 177 டிஎம்சி தண்ணீரை திறக்க வேண்டும் என்று உச்ச நீதிமன்றம் நிபந்தனை விதித்துள்ளது.

மேகதாது அணை கட்டப்பட்டால், தமிழகம் அதிகமாக பயன்பெறும்.

நாங்கள் ஏற்கனவே 5,400 ஏக்கர் நிலப்பரப்பினை அடையாளம் கண்டு, அதனை வனத்துறையிடம் தெரிவித்துள்ளோம்.

இதற்கான ஒப்புதல் நடைமுறையில் உள்ளது; கர்நாடகாவில் அணை கட்டப்படுவதற்கு கட்சி வேறுபாடின்றி அனைவரும் ஒற்றுமையாக உள்ளோம்.

நான் தமிழ்நாடு முதலமைச்சருக்கு கோரிக்கை வைக்கிறேன், ஒரு குழுவை கர்நாடகாவிற்கு அனுப்புங்கள்.

இந்த வாய்ப்பை நாங்கள் தவறாக பயன்படுத்த மாட்டோம், சண்டையிடுவதற்கு இடமில்லை; அந்த நாட்கள் முடிந்துவிட்டன.

நாம் ஒன்றிணைந்து செயல்பட்டு தண்ண்ணீரை பகிர்ந்து கொள்வோம், நம்மிடையே ஒற்றுமை தேவை.

இவ்வாறு அவர் தெரிவித்துள்ளார்.

சத்தீஸ்கர் மாநிலம் பஸ்தர் பகுதியில் பாதுகாப்பு படையினரை, பிரதமர் நரேந்திர மோடி இன்று சந்தித்தார்.

அப்போது ராணுவ உடையை அணிந்து வந்த மோடி, பாதுகாப்பு படை வீரர்களுடன் தீபாவளி பண்டிகையை கொண்டாடினார்.

பாதுகாப்பு படையினருடன் உரையாற்றிய மோடி

இதையடுத்து அவர்களுடன் உரையாற்றிய மோடி, “நீங்கள் அனைவரும் என் குடும்பத்தில் ஒரு அங்கம். இந்த முறை, நான் பஸ்தரின் காடுகளில் தீபாவளியை கொண்டாட வந்துள்ளேன்.

இது ஒரு காலத்தில் நக்சல் அச்சுறுத்தல் நிலவிய நிலமாக இருந்தது. இருப்பினும், உங்கள் தியாகம் மற்றும் அர்ப்பணிப்பின் காரணமாக, இந்த பகுதியில் நக்சல் அச்சுறுத்தல் முடிவுக்கு வந்துள்ளது.

மேலும் ஒரு புதிய வளர்ச்சிக்கான அலை தொடங்கியுள்ளது. உங்கள் தியாகம், அர்ப்பணிப்பு மற்றும் சேவை மனப்பான்மைக்கு எங்கள் நன்றியை தெரிவிக்க, 140 கோடி நாட்டு மக்கள் சார்பாக நானும் இங்கு வந்துள்ளேன்.

ஒரு நாட்டின் உள் பாதுகாப்பு வலுவாக இருக்கும்போது, வெளிநாட்டு எதிரிகளால் வெற்றி பெற முடியாது. இருப்பினும், உள் பாதுகாப்பு பலவீனமடையும் போது, வெளிநாட்டு எதிரிகளும் தலைதூக்க ஆரம்பித்துவிடுகிறார்கள்.

எனவே, எல்லைகளில் நமது ஆயுத படைகள் ஆற்றும் அதே பங்கை தான், நாட்டிற்குள் பாதுகாப்பு படையினராகிய நீங்கள் அனைவரும் ஆற்றுகிறீர்கள்.

தேசத்தின் ஒற்றுமை மற்றும் ஒருமைப்பாட்டிற்காக நீங்கள் எண்ணற்ற தியாகங்களை செய்துள்ளீர்கள். நீங்கள் அளவற்ற தனிப்பட்ட தியாகங்களை செய்துள்ளீர்கள்.

கோடிக்கணக்கான நாட்டு மக்கள் உங்களை குறித்து பெருமை கொள்கிறார்கள். இந்த நன்றியுணர்வுடனும், தேசத்துடன் இணைந்திருக்கும் உணர்வுடனும், நீங்கள் எங்கிருந்தாலும், காவல் காத்துக்கொண்டிருக்கும் உங்கள் அனைவருக்கும் எனது மனமார்ந்த தீபாவளி வாழ்த்துக்களைத் தெரிவித்துக் கொள்கிறேன்.

இவ்வாறு அவர் கூறினார்.

பிரதமர் நரேந்திர மோடி இந்த ஆண்டுக்கான தீபாவளிப் பண்டிகையை நாட்டின் பாதுகாப்புப் படையினருடன் இணைந்து சத்தீஸ்கர் மாநிலம் பஸ்தர் பகுதியில் கொண்டாடுகிறார். பாதுகாப்புப் பணியில் ஈடுபட்டுள்ள வீரர்களின் தியாகங்களைப் போற்றும் வகையிலும், அவர்களுடன் தீபாவளியை கொண்டாடும் வழக்கத்தைத் தொடரும் வகையிலும் பிரதமர் இந்தப் பயணத்தை மேற்கொண்டுள்ளார்.

ஒரு காலத்தில் நக்சலைட்டுகளின் கோட்டையாகவும் வன்முறைகள் நிறைந்த பகுதியாகவும் அறியப்பட்ட பஸ்தர், தற்போது முழுமையான அமைதியை நோக்கி நகர்ந்துள்ளது. இப்பகுதியில் கடந்த காலங்களில் நக்சல் ஆதிக்கம் கோலோச்சியிருந்த நிலையில், தற்போது அரசின் தீவிர நடவடிக்கைகளால் அந்த அச்சுறுத்தல்கள் முற்றிலுமாகக் குறைக்கப்பட்டு வளர்ச்சிப் பணிகள் சிறப்பான முறையில் நடந்து வருவதாக பிரதமர் மோடி குறிப்பிட்டுள்ளார். நாட்டின் பாதுகாப்பிற்காகப் போராடிய பாதுகாப்புப் படையினரின் அர்ப்பணிப்பு காரணமாகவே இந்த மாற்றம் சாத்தியமாகியுள்ளது.

வீரர்களின் தியாகத்திற்கு தலைவணங்குகிறேன்

நாட்டின் பாதுகாப்புக்காகத் தங்களது வாழ்க்கையை அர்ப்பணித்த முப்படை வீரர்களை நேரில் சந்தித்து வணக்கம் செலுத்தவே பஸ்தருக்குச் செல்வதாக பிரதமர் தனது சமூக வலைதளப் பதிவில் தெரிவித்தார். தேசத்தின் மீதான பற்றோடும், எத்தகைய கடின சூழலிலும் உறுதியோடும் சேவை செய்யும் மத்திய ஆயுதப்படை மற்றும் சத்தீஸ்கர் மாநில காவல் துறை வீரர்களின் தியாகங்களை ஒட்டுமொத்த நாடும் போற்றுவதாக அவர் பெருமிதம் தெரிவித்தார்.

பண்டிகைக் காலங்களில் தனது வீட்டை விட்டு விலகி நாட்டுக்காகக் எல்லைகளிலும் பாதுகாப்புப் பணிகளிலும் ஈடுபடும் வீரர்களுடன் தீபாவளி கொண்டாடுவதை பிரதமர் கடந்த பல ஆண்டுகளாக ஒரு வழக்கமாகக் கொண்டுள்ளார். இந்த ஆண்டும் அந்தப் பாரம்பரியத்தை மாற்றாமல் பஸ்தர் பகுதிக்குச் சென்றுள்ளார். முன்னதாக நாட்டு மக்களுக்கு தீபாவளி நல்வாழ்த்துகளை தெரிவித்த பிரதமர், மக்களுடன் இணைந்து தானும் மிகுந்த உற்சாகத்துடன் இந்தப் பண்டிகையைக் கொண்டாடுவதாகக் குறிப்பிட்டிருந்தார்.

இந்தியாவில் நிலக்கரி உள்ளிட்ட சரக்கு போக்குவரத்து மற்றும் பயணிகள் எண்ணிக்கை அதிகரித்துள்ளதால், ரெயில் பாதைகளில் கடும் நெரிசல் ஏற்பட்டுள்ளது.

நாடு முழுவதும் 7 முக்கிய ரெயில் வழித்தடங்கள் 4 வழிப்பாதையாக மாறுவதாகவும், இதன் மூலம் கூடுதலாக 1000 ரெயில்கள் இயக்க உள்ளதாகவும் மத்திய மந்திரி அஸ்வினி வைஷ்னாவ் தெரிவித்தார்.

இந்திய ரெயில்வே

இந்திய ரெயில்வே, நாட்டின் ஒட்டுமொத்தப் போக்குவரத்தின் உயிர்நாடியாகவும், பொருளாதார வளர்ச்சியைத் தூண்டும் முதன்மை உந்துசக்தியாகவும் விளங்கி வருகிறது.

நாள்தோறும் கோடிக்கணக்கான மக்களையும், லட்சக்கணக்கான டன் சரக்குகளையும் நாட்டின் மூலைமுடுக்கெல்லாம் கொண்டு சேர்க்கும் இந்த மாபெரும் பொதுத்துறை நிறுவனம், இந்தியாவின் சமூக-பொருளாதார கட்டமைப்பை ஒன்றிணைக்கும் பாலமாகச் செயல்படுகிறது. இந்திய ரெயில்வேத்துறையை மேம்படுத்த மத்திய அரசு தொடர்ந்து நடவடிக்கைகளை மேற்கொண்டு வருகிறது.

ரெயில் வழித்தடங்களில் 4 வழிப்பாதை

இந்தியாவில் நிலக்கரி உள்ளிட்ட சரக்கு போக்குவரத்து மற்றும் பயணிகள் எண்ணிக்கை அதிகரித்துள்ளதால், ரெயில் பாதைகளில் கடும் நெரிசல் ஏற்பட்டுள்ளது. இந்த நெரிசலை நிரந்தரமாகத் தீர்க்கவும், ரெயில்கள் தாமதமாவதைத் தவிர்க்கவும் நாடு முழுவதும் உள்ள 7 முக்கிய ரெயில் வழித்தடங்களை 4 வழிப்பாதைகளாக மாற்ற இந்திய ரெயில்வே முடிவு செய்துள்ளது.

இது குறித்து ரெயில்வே துறை மந்திரி அஸ்வினி வைஷ்ணவ் செய்தியாளர்களிடம் கூறுகையில்,

"தற்போது ரெயில் பாதைகளில் கடும் நெரிசல் நிலவுகிறது. நிலக்கரி மற்றும் பிற சரக்குகளின் போக்குவரத்து உச்சத்தில் உள்ளது. இதற்கு நிரந்தரத் தீர்வாக, கடந்த 10 ஆண்டுகளில் 36 ஆயிரம் கி.மீ. கூடுதல் தண்டவாளங்கள் அமைக்கப்பட்டுள்ளன. புதிய பாதைகளை உருவாக்குவதும், ரெயில்வேயின் கொள்ளளவை அதிகரிப்பதும் மிக அவசியமாகும். தொடர்ந்து புதிய பாதைகளை அமைக்க வேண்டியது கட்டாயமாகும்" என்றார்.

புதிதாக ஆயிரம் ரெயில்கள்

மேலும் அவர், "டெல்லி, கொல்கத்தா. சென்னை மற்றும் மும்பை ஆகிய நகரங்களை இணைக்கும் தங்க நாற்கரச் சாலை வழித்தடங்கள் மற்றும் டெல்லி-சென்னை, மும்பை-கொல்கத்தா, டெல்லி-கவுகாத்தி ஆகிய முக்கிய குறுக்கு வழித்த உங்களை 4 வழிப்பாதைகளாக மாற்ற முன்னுரிமை அளிக்கப்பட்டுள்ளது. பிரதமர் புதிய திட்டங்களுக்கு அவ்வப்போது ஒப்புதல் அளித்து வருகிறார். இந்த 4 வழிப்பாதை பணிகள் நிறைவடைந்த பிறகு. கூடுதலாக ஆயிரத்துக்கும் மேற்பட்ட ரெயில்களை இயக்க முடியும். இது பயணிகளின் காத்திருப்புப் பட்டியல் மற்றும் முன்பதிவு தொடர்பான சிக்கல்களைக் கணிசமாகக் குறைக்கும், ரெயில்வேயின் கட்டமைப்பை விரிவுபடுத்துவதே எங்களின் தொடர் முயற்சியாகும்" என்று அவர் தெரிவித்தார்.

குஜராத் மாநிலம் சூரத் நகரில் தொழிலதிபர் ஒருவர் தனது ஊழியர்களுக்கு தீபாவளிப் பரிசாக கட்டுக்கட்டாக பணம் வழங்கிய நிகழ்வு இணையத்தில் வைரலாகி அனைவரின் கவனத்தையும் ஈர்த்துள்ளது.

குஜராத் மாநிலம் சூரத் நகரம் ஜவுளி வியாபாரத்திற்கு மிகவும் பெயர்பெற்றது.

இங்குள்ள பிரபல தொழிலதிபர்களில் ஒருவரான ராம்ஸ்வரூப் முண்டே, தனது கடையில் பணிபுரியும் ஊழியர்கள் தீபாவளிப் பண்டிகையைத் தங்கள் குடும்பத்தினருடன் மிகவும் மகிழ்ச்சியாகக் கொண்டாட வேண்டும் என்ற நோக்கத்தில் இந்த அசத்தலான அதிரடி முடிவை எடுத்துள்ளார்.

ராம்ஸ்வரூப் முண்டே தனது நிறுவனத்தில் பணிபுரியும் 20 ஊழியர்களையும் அழைத்து, அவர்களை வரிசையாக நிற்க வைத்தார். மேஜை மீது வைக்கப்பட்டிருந்த வெள்ளித் தட்டுகளில் ரூ.10, ரூ.20, ரூ.50, ரூ.100, ரூ.200 மற்றும் புதிய ரூ.500 கரன்சி நோட்டுகள் கட்டுக்கட்டாக நேர்த்தியாக வரிசையாக அடுக்கி வைக்கப்பட்டிருந்தன. பின்னர் தனது மனைவியின் கைகளால் அந்தப் போனஸ் தொகையை ஒவ்வொரு ஊழியருக்கும் வழங்கச் செய்தார்.

தலா ரூ.1 லட்சம் போனஸ்

இந்தத் திட்டத்தின்படி, ஒவ்வொரு ஊழியருக்கும் தலா ரூ.1 லட்சம் போனஸ் தொகை நேரடியாக கொடுக்கப்பட்டது. தாங்கள் எதிர்பார்த்ததை விட கூடுதலாகக் கிடைத்த இந்தத் தொகையைக் கண்ட சில ஊழியர்கள் இன்ப அதிர்ச்சியில் உணர்ச்சிவசப்பட்டு கண்ணீர்விட்டனர். இதுகுறித்து தொழிலதிபர் ராம்ஸ்வரூப் முண்டே கூறுகையில், தான் வறுமையின் பிடியில் இருந்து கடுமையாக உழைத்துத்தான் இந்த நிலைக்கு உயர்ந்து வந்ததாகவும், அதனால் பண்டிகை காலங்களில் பணம் இல்லாமல் குடும்பங்கள் படும் கஷ்டம் தனக்கு நன்றாகத் தெரியும் என்றும் தெரிவித்தார்.

மேலும், தன்னுடன் வேலை செய்யும் ஊழியர்கள் வெறும் கடைக்காரர்கள் அல்ல, அவர்கள் தனது குடும்பத்தின் ஒரு பகுதி என்றும் அவர் பெருமிதத்துடன் குறிப்பிட்டார். தற்போது இந்தச் சம்பவத்தின் வீடியோ சமூக வலைதளங்களில் வேகமாகப் பரவி பலரது பாராட்டுக்களைப் பெற்று வருகிறது.

சித்திரை ஆட்டா திருநாள் பூஜைகளுக்காக சபரிமலை ஐயப்பன் கோவில் நடை திறக்கப்பட்டதை தொடர்ந்து, அங்கு குவிந்த பக்தர்களின் மாபெரும் கூட்டம் காரணமாக அப்பம் ஸ்டாக் முழுமையாக தீர்ந்துபோனது. இதனால் பிரசாதம் பெற முடியாமல் பக்தர்கள் பல மணி நேரம் நீண்ட வரிசையில் காத்துநிற்க வேண்டிய பரிதாப நிலை ஏற்பட்டது.

கோவில் திறக்கப்படும் முன்பே அனைத்து ஏற்பாடுகளும் முழுமையாக செய்யப்பட்டுள்ளதாக திருவிதாங்கூர் தேவஸ்தானம் தெரிவித்திருந்தது. ஆனால், ஒரே ஒரு நாள் மட்டுமே நடை திறக்கப்பட்டிருந்த போதிலும், அதற்கேற்ப முன்னெச்சரிக்கை நடவடிக்கைகளை எடுக்க அதிகாரிகளால் முடியாமல் போனது. பிரசாத விநியோக கவுண்டர்களில் ஏற்பட்ட கடுமையான கூட்ட நெரிசலை சமாளிக்க தேவையான கூடுதல் கவுண்டர்களோ அல்லது கூடுதல் பணியாளர்களோ நியமிக்கப்படவில்லை. ஆன்லைன் முன்பதிவு கவுண்டர்கள் உட்பட மொத்தம் ஆறு கவுண்டர்கள் மட்டுமே செயல்பட்டது நிலைமையை மேலும் மோசமாக்கியது.

கடந்த மாத பூஜைகளின் போது உற்பத்தி ஆலையில் நடந்த பழுதுபார்ப்பு பணிகள் காரணமாக அரவணை விநியோகமும் பாதிக்கப்பட்டது. ஆலையை முழுமையாக இயக்கினால் தினசரி 3.5 லட்சம் டின் அரவணை உற்பத்தி செய்ய முடியும் என்று தேவஸ்தானம் தெரிவித்திருந்த போதிலும், சித்திரை ஆட்ட திருநாள் அன்று சன்னிதானத்தில் பிரசாத விநியோகம் மிக மோசமான நிலையிலேயே இருந்தது. வெள்ளிக்கிழமை மாலை முதலே பக்தர்கள் கூட்டம் அலைமோதும் என்பதை முன்கூட்டியே கணிக்க தவறியதும், தகுந்த நிர்வாக சீர்திருத்தங்களை மேற்கொள்ளாததும் பக்தர்களிடையே கடும் கொந்தளிப்பை ஏற்படுத்தியுள்ளது.

நவம்பர் 16-ஆம் தேதி மண்டல பூஜைக்காக சபரிமலை நடை மீண்டும் திறக்கப்பட உள்ள நிலையில், தற்போது ஏற்பட்டுள்ள இந்த கூட்ட நெரிசலும் பிரசாத தட்டுப்பாடும் நிர்வாகத்திற்கு ஒரு பெரிய சவாலாக மாறியுள்ளது. கடந்த காலங்களை விட வெளிமாநில பக்தர்களின் வருகை கணிசமாக அதிகரித்து வரும் சூழலில், இனிவரும் காலங்களிலாவது முறையான கூட்ட மேலாண்மை மற்றும் துரித நடவடிக்கைகளை தேவஸ்தானம் மேற்கொள்ள வேண்டும் என்பதே ஐயப்ப பக்தர்களின் கோரிக்கையாக உள்ளது.

தீபாவளி திருநாளை முன்னிட்டு, உள்நாட்டிலும் வெளிநாடுகளிலும் வசிக்கும் அனைத்து இந்திய குடிமக்களுக்கும் நாட்டின் ஜனாதிபதி திரவுபதி முர்மு தனது உளமார்ந்த நல்வாழ்த்துகளையும் மகிழ்ச்சியையும் தெரிவித்துள்ளார். தீபத் திருநாளான தீபாவளி, இருளை நீக்கி ஒளியை நிலைநாட்டும் பண்டிகையாகவும், தீமைகளுக்கு எதிரான நற்குணங்களின் வெற்றியைக் குறிக்கும் விழாவாகவும் கொண்டாடப்படுகிறது என்று அவர் தனது வாழ்த்துச் செய்தியில் குறிப்பிட்டுள்ளார்.

புராண வரலாற்றுச் சிறப்புகளை எடுத்துரைத்த ஜனாதிபதி முர்மு, ராவண வதம் செய்தபின் பகவான் ஸ்ரீராமர் அயோத்திக்குத் திரும்பியதை நினைவு கூர்ந்தார். ஸ்ரீராமர் திரும்பியதை வரவேற்கும் விதமாக வரிசையாக விளக்குகள் ஏற்றப்பட்டதே தீபாவளியின் கலாச்சார மற்றும் ஆன்மீக முக்கியத்துவமாகத் திகழ்கிறது என்றும், இந்தத் திருநாள் 'ராம ராஜ்யத்தின்' மங்கலகரமான தொடக்கத்தைக் குறிக்கிறது என்றும் அவர் தெரிவித்தார். மனிதர்களின் வாழ்வில் உள்ள துயரங்கள் நீங்கி, மகிழ்ச்சியும் செழிப்பும் நிறைந்த ஒரு புதிய வாழ்க்கை பிறப்பதன் அடையாளமே இந்தத் தீபாவளித் திருவிழா ஆகும்.

இத்திருநாளில் மக்கள் அறியாமை இருள் நீங்கி ஞானம் பெறவும், நல்வாழ்வுக்காகவும் விநாயகரையும், செல்வம் பெருக மகாலட்சுமி தாயாரையும் வழிபட்டு பிரார்த்தனை செய்கிறார்கள் என்று ஜனாதிபதி குறிப்பிட்டார். மேலும், நாட்டின் ஒவ்வொரு குடிமகனுக்கும் நல்ல ஆரோக்கியம், மகிழ்ச்சி மற்றும் பொருளாதார வளம் கிடைக்க தான் பிரார்த்திப்பதாக அவர் தெரிவித்தார்.

சுற்றுச்சூழலைப் பாதுகாக்க வேண்டியதன் அவசியத்தை வலியுறுத்திய ஜனாதிபதி முர்மு, அனைவரும் இயற்கையைப் பாதுகாத்து நல்லிணக்கத்துடன் வாழ வேண்டும் என்று கேட்டுக்கொண்டார். குறிப்பாக, நாட்டின் தேசபக்தி மிக்க இளைஞர்கள் நமது பாரம்பரிய இந்திய கலாச்சார மதிப்புகளின் வழிகாட்டுதலுடன், 'விக்சித் பாரத்' எனப்படும் வளர்ந்த இந்தியாவை உருவாக்குவதில் தங்களின் பங்களிப்பை உற்சாகமாக வழங்க வேண்டும் என்றும் அவர் மனமாரக் கேட்டுக் கொண்டுள்ளார். இதேபோல், பிரதமர் நரேந்திர மோடியும் நாட்டு மக்கள் அனைவருக்கும் தீபாவளி நல்வாழ்த்துகளைத் தெரிவித்துள்ளதோடு, வழக்கம்போல இந்த ஆண்டும் தங்களது பாதுகாப்புப் பணிகளில் ஈடுபடும் வீரர்களுடன் தீபாவளியைக் கொண்டாடப் போவதாகத் தெரிவித்துள்ளார்.