என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
U-17 உலகக்கோப்பை கால்பந்து: நாக்-அவுட் போட்டிகளில் கானா, பிரேசில் அணிகள் வெற்றி
Byமாலை மலர்19 Oct 2017 8:08 AM GMT (Updated: 19 Oct 2017 8:08 AM GMT)
17 வயதிற்குட்பட்டோருக்கான உலகக்கோப்பை கால்பந்து தொடரின் நாக்-அவுட் சுற்று போட்டிகளில் கானா மற்றும் பிரேசில் அணிகள் வெற்றி பெற்றன.
புதுடெல்லி:
இந்தியாவில் 17 வயதிற்குட்பட்டோருக்கான உலகக்கோப்பை கால்பந்து தொடர் 6-ம் தேதி தொடங்கியது. லீக் சுற்று ஆட்டங்கள் கடந்த 14-ம் தேதி நிறைவடைந்தது. இதையடுத்து நாக்-அவுட் சுற்று ஆட்டங்கள் கடந்த திங்கள்கிழமை (16-ம் தேதி) தொடங்கியது. நேற்று (18-ம் தேதி) இரண்டு போட்டிகள் நடைபெற்றது.
நவிமும்பையில் 5 மணிக்கு தொடங்கிய நாக்-அவுட் போட்டியில் கானா, நைஜர் அணியை எதிர்கொண்டது. இப்போட்டியின் முதல் பாதி ஆட்டத்தில் கூடுதலாக வழங்கப்பட்ட நேரத்தில் கானா அணியின் அயியா கோல் அடித்தார். இதனால் கானா அணி முதல் பாதி ஆட்டத்தில் 1-0 என முன்னிலை பெற்றது. தொடர்ந்து நடந்த இரண்டாம் பாதி ஆட்டத்தில் இரு அணியினரும் கோல் அடிக்க முயற்சித்தனர். இறுதியில் 90-வது நிமிடம் கானா அணியின் டான்சோ கோல் அடித்தார். நைஜர் அணியினர் இறுதிவரை எந்த கோலும் அடிக்கவில்லை. இதனால் கானா அணி 2-0 என்ற கோல் கணக்கில் வெற்றி பெற்று காலிறுதி போட்டிக்கு தகுதி பெற்றது.
கொச்சியில் 8 மணிக்கு தொடங்கிய மற்றொரு நாக்-அவுட் போட்டியில் பிரேசில் - ஹாண்டுரஸ் அணிகள் மோதின. இப்போட்டியில் பிரேசில் அணி 3-0 என்ற கோல் கணக்கில் அபாரமாக வென்றது. பிரேசில் அணியில் பிரென்னர் 11-வது மற்றும் 56-வது நிமிடங்களில் இரண்டு கோல்கள் அடித்தார். ஆண்டான்யோ 44-வது நிமிடத்தில் பிரேசில் அணிக்காக கோல் அடித்தார். இதன்மூலம் பிரேசில் அணியும் காலிறுதி சுற்றுக்கு முன்னேறியது.
அடுத்த கட்டமாக 21-ம் தேதி காலிறுதி சுற்று போட்டிகள் தொடங்குகின்றன. 21-ம் தேதி நடைபெறும் காலிறுதி போட்டிகளில் மாலி - கானா, இங்கிலாந்து - அமெரிக்கா அணிகள் பலப்பரீட்சை செய்கின்றன. 22-ம் தேதி நடைபெறும் காலிறுதி போட்டிகளில் ஜெர்மனி - பிரேசில், ஸ்பெயின் - ஈரான் அணிகள் மோதுகின்றன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X