ஆசிய கோப்பை ஹாக்கி: இந்தியா - வங்காளதேசம் இன்று மோதல்

8 அணிகள் பங்கேற்றுள்ள ஆசிய கோப்பை ஹாக்கி போட்டி வங்காளதேச தலைநகர் டாக்கா நகரில் நடந்து வருகிறது. ‘ஏ’ பிரிவில் உள்ள இந்தியா தனது முதல் ஆட்டத்தில் ஜப்பானை 5-1 என்ற கோல் கணக்கில் வீழ்த்தியது.

இந்தியா தனது 2-வது ‘லீக்’ ஆட்டத்தில் இன்று வங்காளதேசத்தை சந்திக்கிறது. இப்போட்டி மாலை 5.30 மணிக்கு தொடங்குகிறது. இதில் இந்தியா வெற்றி பெற்றால் அடுத்த சுற்றுக்கு முன்னேறும். இதனால் வெற்றிக்காக இந்திய வீரர்கள் கடுமையாக போராடுவார்கள். நாளை மறுநாள் இந்தியா பாகிஸ்தானுடன் மோதுகிறது.