ஸ்வீடன் நாட்டின் முன்னணி கால்பந்து வீரரான ஸ்லாடன் இப்ராஹிமோவிச் கடந்த ஆண்டு பாரிஸ் செயின்ட்-ஜெர்மைன் அணியில் இருந்து ப்ரீ டிரான்ஸ்பர் மூலம் மான்செஸ்டர் அணிக்கு வந்தார். 35 வயதாகும் இப்ராஹிமோவிச் உடன் ஒரு வருடத்திற்கு ஒப்பந்தம் செய்தது மான்செஸ்டர் யுனைடெட்.
2016-17 சீசனில் இப்ராஹிமோவிச் சிறப்பான ஆட்டத்தை வெளிப்படுத்தினார். இங்கிலீஷ் பிரிமியர் லீக் ஆட்டத்தில் 27 போட்டியில் 17 கோல்கள் அடித்திருந்தார். காயம் காரணமாக அணியில் இருந்து விலகினார்.
இதனால் மீண்டும் மான்செஸ்டர் அணியில் இடம்பிடிப்பாரா? என்ற கேள்வி எழுந்தது. இந்த மாதம் 31-ந்தேதியுடன் டிரான்ஸ்பர் பணி முடிகிறது. இந்நிலையில் காயம் முழுவதுமாக குணமடைந்து போட்டிக்கு தயாராகியுள்ள இப்ராஹிமோவிச்சை மேலும் ஒரு வருடத்திற்கு மான்செஸ்டர் அணி ஒப்பந்தம் செய்துள்ளது.
இதனால் இப்ராஹிமோவிச் 2017-18 சீசனில் மான்செஸ்டர் யுனைடெட் அணிக்காக விளையாடுவார். இப்ராஹிமோவிச் 2011-2012 சீசனில் மிலன் அணிக்காகவும், 2012 முதல் 2016 வரை பாரிஸ் செயின்ட்-ஜெர்மைன் அணிக்காவும் விளையாடியுள்ளார். பாரிஸ் செயின்ட்-ஜெர்மைன் அணிக்காக 122 போட்டிகளில் விளையாடி 113 கோல்கள் அடித்துள்ளார்.
