உதடுகளை வசீகரமாக அழகுபடுத்த விரும்புபவர்கள் அழகு சாதன பொருட்களை மட்டும் நாடியிருக்காமல் வீட்டு உபயோகப்பொருட்களை பயன்படுத்தியே பொலிவு பெற செய்யலாம்.
* ஆலிவ் ஆயிலுடன் சர்க்கரை கலந்து உதட்டில் பூசி வந்தால் இறந்த செல்கள் வெளியேறி உதடுக்கு பொலிவு சேர்க்கும்.
* ஆலிவ் ஆயிலுடன் இலவங்க பட்டை பவுடர், உப்பு கலந்தும் உதட்டில் பூசி வரலாம். சில நிமிடம் கழித்து குளிர்ந்த நீரை கொண்டு கழுவினால் உதடுகள் ஜொலிக்கும்.
* ஈரத்தன்மையின்றி உலர்ந்து காணப்படும் உதடுகளுக்கு தேனை பயன்படுத்தலாம். தேனுடன் எலுமிச்சை சாறு, சர்க்கரை கலந்து தொடர்ச்சியாக பூசி வந்தால் உதடுகள் மென்மையுடனும், பளபளப்புடனும் மிளிரும்.
* உதடுகள் பளிச்சென்று தோற்றமளிக்க புதினாவும் பயன்படும். அதனை சாறு பிழிந்து சர்க்கரையுடன் கலந்து உதட்டில் பூசி வர வேண்டும். அவை உலர்ந்தவுடன் கழுவ வேண்டும்.
* குங்குமப்பூ உதட்டின் கருமை நிறத்தை மாற்றும் தன்மைகொண்டது. பாலில் குங்குமப்பூவை சிறிது நேரம் ஊற வைத்து, அதனுடன் சர்க்கரை சேர்த்து உதட்டில் பூசி வந்தால் நல்ல பலன் கிடைக்கும்.
* இஞ்சியும் உதடுக்கு பொலிவு சேர்க்கும். தேங்காய் எண்ணெய், சர்க்கரை, இஞ்சி தூள், ஜாதிக்காய் பொடி, இலவங்க பட்டைத்தூள் ஆகியவற்றை கலந்து பேஸ்ட் போல் குழப்பி முகத்தில் பூசி வரலாம். சிறிது நேரம் கழித்து குளிர்ந்த நீரில் கழுவினால் உதடு மிருதுவாக காட்சியளிக்கும்.
