மாலை நேர ஸ்நாக்ஸ் தயிர் மசாலா இட்லி சாட்

தேவையான பொருட்கள் :

இட்லி - 6,
தயிர் - 200 மி.லி.,
இஞ்சி - பச்சைமிளகாய் விழுது - 2 டீஸ்பூன்,
உப்பு, மஞ்சள் தூள் - தேவைக்கு.

தாளிக்க...

கடுகு, சீரகம், பெருங்காயத்தூள், கறிவேப்பிலை - தேவையான அளவு.

அலங்கரிக்க...

கேரட் - 1
தேங்காய்த் துருவல் - சிறிதளவு,
வெங்காயம் - 1,
புதினா, கொத்தமல்லி - சிறிதளவு.

செய்முறை :

இட்லியை 6 துண்டுகளாக போட்டு எண்ணெயில் பொரித் தெடுத்து கொள்ளவும்.

கேரட்டை துருவிக்கொள்ளவும்.

வெங்காயம், புதினா, கொத்தமல்லியை பொடியாக நறுக்கி கொள்ளவும்.

ஒரு பாத்திரத்தில் தயிரை ஊற்றி அதில் அரைத்த பச்சைமிளகாய், இஞ்சி விழுது, உப்பு, மஞ்சள் தூள் சேர்த்து நன்றாக கலக்கவும்.

அடுத்து தாளிக்க கொடுத்த பொருட்களை தாளித்து தயிர் கலவையில் கொட்டி கலந்து கொள்ளவும்.

தட்டில் பொரித்த இட்லியை அடுக்கி வைத்து, அதன் மேல் தயிர் கலவையை ஊற்றி, அதன் மேல் துருவிய கேரட், நறுக்கிய வெங்காயம், புதினா, கொத்தமல்லியை போட்டு அலங்கரித்து பரிமாறவும்.

சூப்பரான தயிர் மசாலா இட்லி சாட் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.