சத்தான பாசிப்பருப்பு - பன்னீர் ஸ்டஃப்டு சப்பாத்தி

தேவையான பொருட்கள் :

கோதுமை மாவு - 2 கப்,
நெய் - ஒரு டேபிள்ஸ்பூன்,
பாசிப்பருப்பு - முக்கால் கப்,
பன்னீர் துருவல் - கால் கப்
பச்சை மிளகாய், பூண்டு - தலா 2 (மிக்ஸியில் விழுதாக அரைத்து கொள்ளவும்),
எண்ணெய், உப்பு - தேவையான அளவு.



செய்முறை :

பாசிப்பருப்பை குக்கரில் 2 விசில் வரும் வரை வேக விட்டு எடுத்து, ஆறியதும் மிக்ஸியில் சற்று கொரகொரப்பாக அரைக்கவும்.

வாணலியில் எண்ணெய் விட்டு பூண்டு - பச்சை மிளகாய் விழுதை சேர்த்து நன்கு வதக்கவும்.

பிறகு, அதில் அரைத்த பாசிப்பருப்பு விழுது, பன்னீர் துருவல், உப்பு சேர்த்துக் கிளறி இறக்கவும்.

கோதுமை மாவில் நெய் மற்றும் தேவையான அளவு உப்பு, தண்ணீர் சேர்த்து நன்கு பிசைந்து மெல்லிய சப்பாத்திகளாக திரட்டவும்.

ஒரு சப்பாத்தியின் நடுவே பாசிப்பருப்பு - பன்னீர் கலவையை வைத்து அதன் மேலே இன்னொரு சப்பாத்தி வைத்து ஓரங்களை நன்கு ஒட்டி வைக்கவும்.

தோசை கல்லை அடுப்பில் வைத்து சூடானதும் அதில் உருட்டி வைத்துள்ள சப்பாத்தியை போட்டு இருபுறமும் எண்ணெய் விட்டு சுட்டு எடுக்கவும்.

சுவையான சத்தான பாசிப்பருப்பு - பன்னீர் ஸ்டஃப்டு சப்பாத்தி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.