டெல்லி டேர்டெவில்ஸ் அணியின் இயக்குனர் டி.ஏ. சேகர் ராஜினாமா

இந்தியாவின் முன்னாள் வேகப்பந்து வீச்சாளரான டி.ஏ. சேகர் ஐ.பி.எல். தொடரில் பங்கேற்று விளையாடும் டெல்லி டேர்டெவில்ஸ் அணியின் இயக்குனராக இருந்து வந்தார். இந்நிலையில் சேகர் தனது பதவியில் இருந்து விலகியுள்ளார்.

இதை டெல்லி டேர்டெவில்ஸ் அணியின் சிஇஓ ஹேமந்த் டுயா உறுதிப்படுத்தியுள்ளார். டி. ஏ. சேகர் ராஜினாமா குறித்து ஹேமந்த் டுயா கூறுகையில் ‘‘நாங்கள் சேகர் முடிவிற்கு மரியாதை கொடுக்கிறேன்.



டெல்லி அணியின் விலைமதிக்க முடியாத சொத்தாக இருந்தவர் சேகர். அவர் அணியில் இருந்து வெளியேறுவது பெரிய வெற்றிடம்தான். இவரது இடத்தை நிரப்புவது கடினம் ஆகும்’’ என்றார்.

ஐ.பி.எல். சீசன் தொடங்கியதில் இருந்து 2017 சீசன் வரை டெல்லி அணியின் இயக்குனராக இருந்தவர் டி.ஏ. சேகர்.