உலகக்கோப்பை குவாலிபையர்: அர்ஜென்டினா அணியில் இருந்து ஹிகுவைன் நீக்கம்

அர்ஜென்டினா அணியின் முன்னணி கால்பந்து வீரர் கொன்சாலோ ஹிகுவைன். இவர் இத்தாலியின் பிரபலமான யுவான்டஸ் கால்பந்து கிளப்பில் ஸ்டிரைக்கராக களமிறங்கி விளையாடி வருகிறார்.

அடுத்த வருடம் ரஷியாவில் உலகக்கோப்பை கால்பந்து தொடர் நடக்கிறது. இதற்கான தகுதிச் சுற்றில் தென்அமெரிக்க பிரிவில் அர்ஜென்டினா ஐந்தாவது இடத்தில் உள்ளது.

இன்னும் பெரு மற்றும் ஈக்வடார் ஆகிய நாடுகளுக்கு இடையே அர்ஜென்டினா மோத உள்ளது. இந்த இரண்டு போட்டிகளிலும் வெற்றி பெற்றால்தான் அர்ஜென்டினா உலகக்கோப்பை தொடருக்கான இடத்தை உறுதி செய்யும்.



அக்டோபர் ஐந்தாம் தேதி பெரு அணியை தனது சொந்த ஊரில் சந்திக்கும் அர்ஜென்டினா, ஈக்வடாரை ஐந்து நாட்கள் கழித்து, அதன் சொந்த மண்ணில் சந்திக்கிறது.

இந்த இரண்டு போட்டிக்கான அர்ஜென்டினா அணி அறிவிக்கப்பட்டது. இதில் ஹிகுவைன் நீக்கப்பட்டுள்ளார். அலெஜன்ட்ரோ கோமஸ் சேர்க்கப்பட்டுள்ளார்.