ஸ்பானிஸ் சூப்பர் கோப்பை: பார்சிலோனா அணியை வீழ்த்தி சாம்பியன் பட்டத்தை தட்டிச்சென்றது ரியல் மாட்ரிட்

மாட்ரிட்:

ஸ்பானிஸ் சூப்பர் கோப்பை கால்பந்து தொடரின் இரண்டவது அலகு இறுதிப் போட்டியில் பார்சிலோனா அணியை 2-0 என்ற கணக்கில் வீழ்த்தி ரியல் மாட்ரிட் அணி சாம்பியன் பட்டத்தை வென்றது.

ஸ்பெயின் நாட்டில் ஸ்பானிஸ் சூப்பர் கோப்பை கால்பந்து போட்டிகள் நடைபெற்று வந்தன. இத்தொடரின் இறுதி போட்டிக்கு பார்சிலோனா மற்றும் ரியல் மார்டிட் அணிகள் தகுதிபெற்றிருந்த நிலையில், இறுதிப்போட்டிகள் இரு அலகுகளாக நடைபெறும்

கடந்த 14-ம் தேதி நடைபெற்ற முதல் அலகு இறுதிப் போட்டியில் ரியல் மாட்ர்ட் அணி 3-1 என்ற கோல் கணக்கில் பார்சிலோனா அணியை வீழ்த்தி முன்னிலை பெற்றிருந்தது.

இந்நிலையில், இரண்டாம் சுற்று போட்டி இந்திய நேரப்படி இன்று அதிகாலை மாட்ரிட் நகரில் நடைபெற்றது. இப்போட்டியிலும், ரியல் மாட்ரிட் அணி 2-0 என்ற கோல் கணக்கில் வெற்றி பெற்றது. இதன்மூலம் 5-1 என்ற மொத்த கோல் அடிப்படையில் ரியல் மாட்ரிட் அணி சாம்பியன் பட்டத்தை தட்டிச்சென்றது.