search icon
என் மலர்tooltip icon

    செய்திகள்

    புரோ கபடி 2017: தெலுங்கு டைட்டன்ஸ் அணியை வீழ்த்தியது குஜராத் பார்ச்சுன் ஜெயன்ட்ஸ் அணி
    X

    புரோ கபடி 2017: தெலுங்கு டைட்டன்ஸ் அணியை வீழ்த்தியது குஜராத் பார்ச்சுன் ஜெயன்ட்ஸ் அணி

    புரோ கபடி போட்டியின் 31-வது லீக் சுற்று ஆட்டத்தில் குஜராத் பார்ச்சுன் ஜெயன்ட்ஸ் அணியானது 29-19 என்ற புள்ளிக்கணக்கில் தெலுங்கு டைட்டன்ஸ் அணியை வீழ்த்தி, இந்த சீசனில் 6-வது வெற்றியை பதிவு செய்துள்ளது.


    அகமதாபாத்:

    புரோ கபடி போட்டியின் 31-வது லீக் சுற்று ஆட்டத்தில் குஜராத் பார்ச்சுன் ஜெயன்ட்ஸ் அணியானது 29-19 என்ற புள்ளிக்கணக்கில் தெலுங்கு டைட்டன்ஸ் அணியை வீழ்த்தி, இந்த சீசனில் 6-வது வெற்றியை பதிவு செய்துள்ளது.

    புரோ கபடி லீக் போட்டிகள் மூன்றாம் கட்டமாக அகமதாபாத்தில் கடந்த 11-ம் தேதி தொடங்கி நடைபெற்று வருகிறது. நேற்று (16-ம் தேதி) நடைபெற்ற 31-வது லீக் போட்டியில் தெலுங்கு டைட்டன்ஸ் அணியும் குஜராத் பார்ச்சுன் ஜெயன்ட்ஸ் அணியும் மோதின. இப்போட்டியில் குஜராத் அணி 29-19 என்ற புள்ளிக்கணக்கில் தெலுங்கு டைட்டன்ஸ் அணியை வீழ்த்தியது. குஜராத் அணியின் சச்சின் 11 புள்ளிகள் எடுத்தார்.

    இது குஜராத் அணியின் 6-வது வெற்றியாகும். இதன்மூலம் அந்த அணி 33 புள்ளிகளுடன் ஏ பிரிவு புள்ளிப்பட்டியலில் தொடர்ந்து முதலிடத்தில் உள்ளது.

    முன்னதாக நடைபெற்ற லீக் போட்டியில் தமிழ் தலைவாஸ் அணியும் அரியானா அணியும் மோதின. இப்போட்டி 25-25 புள்ளிக் கணக்கில் டிராவில் முடிந்தது. தமிழ்நாடு அணி 10 புள்ளிகளுடன் பீ பிரிவில் ஆறாவது இடத்தில் உள்ளது.

    இன்று (17-ம் தேதி) நடைபெறும் லீக் போட்டிகளில் தமிழ் தலைவாஸ் - தபாங் டெல்லி அணிகளும், குஜராத் பார்ச்சுன் ஜெயன்ட்ஸ் - பெங்கால் வாரியர்ஸ் அணிகளும் பலப்பரிட்சை நடத்த உள்ளன.
    Next Story
    ×