பாரீஸ்:
கிராண்ட்சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது.
உலகின் 7-ம் நிலை வீரரான சிலிச் (குரோஷியா) 3-வது சுற்றில் ஸ்பெயின் வீரர் லோபசை எதிர்கொண்டார். இதில் சிலிச் 6-1, 6-3, 6-3 என்ற நேர் செட் கணக்கில் எளிதில் வென்று 4-வது சுற்றுக்கு தகுதி பெற்றார்.
மற்ற ஆட்டங்களில் உலகின் நம்பர் ஒன் வீரரான ஆன்டி முர்ரே (இங்கிலாந்து) 3-ம் நிலை வீரரான வாவ்ரிங்கா (சுவிட்சர்லாந்து) வெர்டேஸ்சோ (ஸ்பெயின்) ஆகியோரை வென்று 4-வது சுற்றுக்கு முன்னேறினார்கள்.
உலகின் 11-ம் நிலை வீராங்கனையான வோஸ்னியாக்கி (டென்மார்க்) 3-வது சுற்றில் அமெரிக்காவை சேர்ந்த பெலிசை சந்தித்தார். இதில் வோஸ்னியாக்கி 6-2, 2-6, 6-3 என்ற கணக்கில் வென்றார்.
மற்ற ஆட்டங்களில் 3-ம் நிலை வீராங்கனை ஷிமோனா ஹெல்ப் (ருமேனியா), கார்சியா (பிரான்ஸ்) ஆகியார் வென்று 4-வது சுற்றுக்கு தகுதி பெற்றனர்.
9-ம் நிலை வீராங்கனையான ரட்வன்ஸ்கா (போலந்து), 14-வது இடத்தில் இருப்பவரான வெஸ்னியா (ரஷியா) ஆகியோர் 3-வது சுற்றில் அதிர்ச்சிகரமாக தோற்றார்.
