சூப்பரான சைடிஷ் வாழைக்காய் பொடிமாஸ்

தேவையான பொருட்கள் :

முற்றிய வாழைக்காய் - 3.

வறுத்து அரைக்க :

துவரம் பருப்பு - 1/2 கப்,
பெருங்காயம் - 1 டீஸ்பூன்,
காய்ந்த மிளகாய் - 10.

தாளிக்க :

எண்ணெய் - தேவையான அளவு
கடுகு - 2 டீஸ்பூன்,
கறிவேப்பிலை - 1 பிடி,
பெருங்காயம் - 1/2 டீஸ்பூன்.



செய்முறை :

* வறுத்து அரைக்க கொடுக்கப்பட்டுள்ள பொருட்களை வெறும் கடாயில் போட்டு வாசனை வரும் வரை வறுத்து ஆற வைத்து மிக்சியில் போட்டு நைசாக அரைத்து கொள்ளவும்.

* வாழைக்காயை இரண்டாக வெட்டி, இட்லி பாத்திரத்தில் வேகவிடவும் அல்லது தண்ணீரில் கொதிக்க விட்டு வேக விடவும்.

* வாழைக்காய் குழைய வேக விட கூடாது. குழைந்தால் துருவ முடியாது. வெந்ததும் தோலை உரித்து துருவி வைக்கவும்.

* கடாயில் எண்ணெண் ஊற்றி சூடானதும் கடுகு, பெருங்காயம், கறிவேப்பிலை போட்டு தாளித்த பின்னர் துருவிய வாழைக்காய், உப்பு சேர்த்து சிறிது நேரம் வதக்கவும்.

* கடைசியாக அரைத்த மசாலா தூளை சேர்த்து நன்றாக கலந்து இறக்கி சாம்பார், ரசம், சாதத்துடன் பரிமாறவும்.

* சூப்பரான சைடிஷ் வாழைக்காய் பொடிமாஸ் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.