மதுரை
தமிழ் புத்தாண்டு விடுமுறை காரணமாக ரெயில்களில் கூட்டம் அலை மோதுகிறது. பயணிகளின் வசதியை கருத்தில் கொண்டு சென்னை மதுரை தேஜாஸ் ரெயிலில் இன்று (17-ந்தேதி) இரு மார்க்கங்களிலும் தலா 2 முதல் வகுப்பு குளிர்சாதன இருக்கை வசதி பெட்டிகள் இணைக்கப்படும்.
இதேபோல தூத்துக்குடி சென்னை முத்துநகர் ரெயிலில் இன்றும், சென்னை&கன்னியாகுமரி ரெயிலில் நாளையும், கன்னியாகுமரி சென்னை ரெயிலில் 19-ந்தேதியும், சென்னை தூத்துக்குடி முத்துநகர் ரெயிலில் 20-ந் தேதியும் கூடுதலாக ஒரு இரண்டாம் வகுப்பு படுக்கை வசதி பெட்டி இணைக்கப்படும்.
மேற்கண்ட தகவலை மதுரை ரெயில்வே கோட்ட செய்தி தொடர்பு அலுவலகம் தெரிவித்து உள்ளது.
