புதுடெல்லி:
ஏசர் அஸ்பையர் C22 மற்றும் அஸ்பையர் சி24 ஆல்-இன்-ஒன் கணினிகள் அறிமுகம் செய்யப்பட்டுள்ளன. இவற்றில் முறையே 21.5 மற்றும் 23.8 இன்ச் திரை வழங்கப்பட்டுள்ளன. இந்திய மதிப்பில் புதிய ஏசர் C22 AIO ரூ.30,600 மற்றும் ஏசர் C24 AIO ரூ.47,600 என நிர்ணயம் செய்யப்பட்டுள்ளன.
புதிய கணினிகள் 1080x1920 பிக்சல் ரெசல்யூஷன் கொண்ட டிஸ்ப்ளே வழங்கப்பட்டுள்ளன. புதிய அஸ்பையர் C22 AIO மற்றும் அஸ்பையர் C24 AIO மாடல்களில் தொடுதிரை வசதி வழங்கப்படவில்லை. இவற்றில் விண்டோஸ் 10, ஃப்ரீடாஸ் மற்றும் லினக்ஸ் போன்ற இயங்குதளங்களை தேர்வு செய்யும் வசதி வழங்கியுள்ளது.
புதிய ஏசர் அஸ்பையர் C22 இன்டெல் செலரான் J3160 1.6 ஜிகாஹெர்ட்ஸ் பிராசஸர், C24 மாடலில் 2.30 ஜிகாஹெர்ட்ஸ் கோர் i3 பிராசஸர் வழங்கப்பட்டுள்ளது. C22 கணினியில் 500GB ஹார்டு டிஸ்க் மற்றும் 4GB ரேம், அஸ்பையர் C24 கணினியில் 1000GB ஹார்டு டிஸ்க் மற்றும் 8GB ரேம் வழங்கப்பட்டுள்ளது.
பட்ஜெட் விலையில் அறிமுகம் செய்யப்பட்டிருக்கும் புதிய ஏசர் கணினிகளின் விற்பனை தேர்வு செய்யப்பட்ட ஆன்லைன் வர்த்தகர்களிடம் நடைபெறும் என தெரிவிக்கப்பட்டுள்ளது.
