சென்னை:
எம்.ஜி.ஆர். அம்மா தீபா பேரவை பொதுச்செயலாளர் ஜெ.தீபா வெளியிட்டுள்ள அறிக்கையில் கூறி இருப்பதாவது:-
எனது தலைமையை ஏற்று தமிழகம் முழுவதும் மக்கள் பணியாற்றிய உண்மையான அம்மாவின் விசுவாசிகள் கடந்த நாட்களில் காஞ்சீபுரம், திருவள்ளூர், வேலூர், நாமக்கல், கரூர், சேலம், திருப்பூர், ஈரோடு, தூத்துக்குடி, கன்னியாகுமரி, மதுரை, திருநெல்வேலி, அரியலூர், தர்மபுரி, கிருஷ்ணகிரி, திருச்சி, பெரம்பலூர் ஆகிய மாவட்டத்தைச் சேர்ந்த பேரவை செயல் வீரர்கள், வீராங்கனைகள் என்னை நேரில் சந்தித்து பேரவையில் பணியாற்ற பொறுப்புகள் வழங்க வேண்டி விருப்ப மனுக்களை அளித்தார்கள்.
பேரவை செயல் வீரர்கள் மற்றும் வீராங்கனைகள் பெருவாரியாக என்னுடைய அழைப்பை ஏற்று வந்து விருப்ப மனுக்களை அளித்ததற்கு எனது நன்றியை தெரிவித்துக் கொள்கிறேன்.
மேலும் நான் ஏற்கனவே எனது அறிக்கையில் தெரிவித்திருந்த இன்று (25-ந் தேதி) நடைபெற இருந்த நேர்காணல் நிகழ்ச்சி தவிர்க்க முடியாத காரணத்தினால் வருகிற 29-ந்தேதிக்கு மாற்றப்பட்டது என்பதை தெரிவித்துக் கொள்கிறேன்.
நேரடியாக மனுக்களை பெற்றுக் கொண்டு பரிசீலனை செய்து அவரவர் செயல்பாடுகளுக்கு ஏற்ப பொறுப்புகள் வழங்கப்படும்.
இவ்வாறு தீபா கூறியுள்ளார்.
