ஐரோப்பிய நாடுகளில் விளையாடும் முன்னணி கால்பந்து கிளப் அணிகளுக்கு இடையில் ஐரோப்பிய சாம்பியன் லீக் போட்டிகள் நடத்தப்படும். ஒவ்வொரு வாரமும் போட்டிகள் நடைபெறும்.
நேற்று 7 லீக் ஆட்டங்கள் நடைபெற்றது. ஒரு போட்டியில் அட்லெடிகோ மாட்ரிட் - செல்சியா அணிகள் பலப்பரீட்சை நடத்தின. இதில் 2-1 என செல்சியா வெற்றி பெற்று அட்லெடிகோ மாட்ரிட் அணிக்கு அதிர்ச்சி அளித்தது. 40-வது நிமிடத்தில் பெனால்டி வாய்ப்பை பயன்படுத்தி கிரிஸ்மான் கோல் அடித்தார். அதன்பின் செல்சியாவின் மொராட்டா 59-வது நிமிடத்திலும், 94-வது நிமிடத்தில் பாட்ஷுயாயி கோல்அடிக்க செல்சியா வெற்றி பெற்றது.
மற்றொரு ஆட்டத்தில் மான்செஸ்டர் யுனைடெட் 4-1 என சிஎஸ்கேஏ மாஸ்கோ அணியை வீழ்த்தியது. லூகாகு இரண்டு கோல்கள் அடித்தார்.
யுவான்டஸ் 2-0 என ஒலிம்பியாகோஸ் அணியை வீழ்த்தியது. மற்றொரு ஆட்டத்தில் பலம் வாய்ந்த பாரிஸ் செயின்ட்-ஜெர்மைன் - பேயர்ன் முனிச் அணிகள் மோதின. இதில் பாரிஸ் செயின்ட் ஜெர்மைன் அணி 3-0 என வெற்றி பெற்றது. பார்சிலோனா ஸ்போர்ட்டிங் சிபி அணியை 1-0 என வீழ்த்தியது.
