ஒரே இரவில் 3 தங்கப்பதக்கம் வென்று அமெரிக்க நீச்சல் வீரர் உலக சாதனை

புடாபெஸ்ட்:

ஹங்கேரியின் புடாபெஸ்ட் நகரில் நடந்து வந்த உலக நீச்சல் சாம்பியன்ஷிப் போட்டி நேற்றுடன் நிறைவடைந்தது. இதில் அமெரிக்க நீச்சல் வீரர் காலெப் டிரஸ்செல் நேற்று முன்தினம் இரவில் 50 மீட்டர் பிரீஸ்டைல், 100 மீட்டர் பட்டர்பிளை, 4 x 100 மீட்டர் பிரீஸ்டைல் கலப்பு பிரிவு ஆகிய பந்தயங்களில் அடுத்தடுத்து பங்கேற்று மூன்றிலும் தங்கப்பதக்கத்தை அறுவடை செய்தார். இரண்டு மணி நேரத்தில் மூன்று போட்டியிலும் மின்னல் வேகத்தில் நீந்தி வியப்பூட்டிய 20 வயதான டிரஸ்செல் இதன் மூலம் உலக நீச்சல் சாம்பியன்ஷிப் போட்டியில் ஒரே இரவில் 3 தங்கப்பதக்கம் வென்ற முதல் வீரர் என்ற சாதனையை படைத்தார். ஏற்கனவே 100 மீட்டர் பிரீஸ்டைல், 4 x 100 மீட்டர் மெட்லே கலப்பு, 4 x 100 மீட்டர் பிரீஸ்டைல் ஆகிய பிரிவுகளிலும் அவர் தங்கம் வென்றது குறிப்பிடத்தக்கது.