மொனாகோ நாட்டில் மோன்டே கார்லோ மாஸ்டர்ஸ் டென்னிஸ் தொடர் நடைபெற்று வருகிறது. ஆண்களுக்கான இரட்டையர் பிரிவு இறுதிப் போட்டியில் இந்தியாவின் ரோகன் போபண்ணா - உருகுவேயின் பாப்லோ உடன் இணைந்து ஸ்பெயின் நாட்டின் பெலிசியானோ லோபஸ் - மார்க் லோபஸ் ஜோடியை எதிர்கொண்டது.
சுமார் ஒரு மணி நேரம் 14 நிமிடங்கள் நீடித்த இந்த போட்டியில் 2-1 என போபண்ணா ஜோடி வெற்றி பெற்று சாம்பியன் பட்டம் வென்றது. முதல் செட்டை போபண்ணா ஜோடி 6-3 என எளிதில் கைப்பற்றியது. ஆனால், 2-வது செட்டில் ஸ்பெயின் ஜோடி அபாரமாக விளையாடியது. இதனால் அந்த செட்டை ஸ்பெயின் ஜோடி 6-3 எனக்கைப்பற்றியது.
வெற்றியை நிர்ணயிக்கும் 3-வது செட்டில் இரு ஜோடியும் அபாரமாக விளையாடியது. இறுதியில் 10-4 என போபண்ணா ஜோடி கைப்பற்றி சாம்பியன் பட்டம் வென்றது. இந்த சீசனில் பப்லோவுடன் இணைந்து போபண்ணா பெறும் முதல் சாம்பியன் பட்டம் இதுவாகும். ஒட்டுமொத்தமாக 3-வது முறையாக போபண்ணா சாம்பியன் பட்டம் வென்றுள்ளார்.
இந்த ஆண்டின் தொடக்கத்தில் ஜீவன் நெடுன்செசியன் உடன் இணைந்து போபண்ணா சென்னை ஓபனில் சாம்பியன் பட்டம் வென்றார் என்பது குறிப்பிடத்தக்கது.
