கொல்கத்தா அணியில் ஆந்த்ரே ரஸலுக்குப் பதிலாக நியூசி.யின் கொலின் டி கிராண்ட்ஹோம் சேர்ப்பு

வெஸ்ட் இண்டீஸ் அணியின் டி20 கிரிக்கெட் ஆல்ரவுண்டர் ஆந்த்ரே ரஸல். இவர் ஊக்கமருந்து வழக்கில் ஓராண்டு விளையாட தடை விதிக்கப்பட்டுள்ளது. இதனால் இந்த ஐ.பி.எல். தொடரில் ரஸல் கொல்கத்தா அணிக்காக விளையாட முடியாமல் போனது.

ரஸல் கொல்கத்தா அணியின் தலைசிறந்த ஆல்ரவுண்டராக திகழ்ந்தார். இதனால் அவருக்கு தகுந்த சரியான மாற்று வீரரை கொல்கத்தா அணி தேடிவந்தது. இந்நிலையில் நியூசிலாந்து அணியின் ஆல்ரவுண்டர் கொலின் டி கிராண்ட்ஹோமை தேர்வு செய்துள்ளது.

கொலி டி கிராண்ட்ஹோம் நியூசிலாந்து அணிக்காக 6 டெஸ்ட், 9 ஒருநாள் மற்றும் 8 டி20 கிரிக்கெட் போட்டிகளில் விளையாடியுள்ளார்.

கொல்கத்தா அணி தனது முதல் போட்டியில் குஜராத் லயன்ஸ் அணியை வெள்ளிக்கிழமை சந்திக்கிறது.