இங்கிலாந்து ஓபன் ஸ்குவாஷ்: 2-வது சுற்றில் ஜோஸ்னா தோல்வி

லண்டன் :

இங்கிலாந்து ஓபன் ஸ்குவாஷ் சாம்பியன்ஷிப் போட்டி லண்டனில் நடந்து வருகிறது. இதன் பெண்கள் ஒற்றையர் பிரிவில் நேற்று நடந்த 2-வது சுற்று ஆட்டம் ஒன்றில் இந்திய வீராங்கனை ஜோஸ்னா சின்னப்பா, எகிப்தின் ரனீம் எல் வெலிலியை சந்தித்தார்.

விறுவிறுப்பான இந்த ஆட்டத்தில் தமிழகத்தை சேர்ந்த ஜோஸ்னா சின்னப்பா 8-11, 7-11, 7-11 என்ற நேர்செட்டில் ரனீம் எல் வெலிலியிடம் தோல்வி கண்டு வெளியேறினார். இந்த ஆட்டம் 27 நிமிடமே நீடித்தது. இதன் மூலம் இந்த போட்டியில் இந்தியாவின் சவால் முடிவுக்கு வந்தது.