ஐ.பி.எல். சீசன் 10: டெல்லி டேர்டெவில்ஸ் அணியில் இருந்து டுமினி விலகல்

இந்தியாவில் நடைபெறும் மிகப்பெரிய கிரிக்கெட் திருவிழா ஐ.பி.எல். தொடர். கடந்த 9 வருடங்களாக வெற்றிகரமாக நடைபெற்று வரும் இந்த தொடரின் 10-வது சீசன் அடுத்த மாதம் 5-ந்தேதி தொடங்குகிறது.

இந்த தொடருக்கான டெல்லி டேர்டெவில்ஸ் அணியில் தென்ஆப்பிரிக்க அணியின் சுழற்பந்து ஆல்ரவுண்டரான டுமினி இடம்பிடித்திருந்தார். இவர் நியூசிலாந்து மண்ணில் நடைபெற்று வரும் இரு நாடுகளுக்கு இடையிலான கிரிக்கெட் தொடரில் விளையாடி வருகிறார்.

இந்நிலையில் ஐ.பி.எல். சீசன் 10-ல் இருந்து விலகுவதாக தெரிவித்துள்ளார். மேலும் தான் விலகுவதற்கு தனிப்பட்ட காரணங்கள் என்றும் கூறியுள்ளார்.

ஐ.பி.எல். தொடரில் டுமினி சன்ரைசர்ஸ் ஐதராபாத், மும்பை இந்தியன்ஸ், டெக்கான் சார்ஜர்ஸ் அணிகளுக்காக விளையாடியுள்ளார். 2016-ல் டெல்லி அணியின் கேப்டனாக செயல்பட்ட அவர், தற்போது வரை அந்த அணியிலேயே நீடித்து வருகிறார். கடந்த சீசனில் 10 போட்டிகளில விளையாடி 191 ரன்கள் சேர்த்தார்.