லா லிகா கால்பந்து தொடரின் நேற்றைய ஆட்டத்தில் பார்சிலோனா - அட்லெடிகோ மாட்ரிட் அணிகள் மோதின. முதல் பாதி நேரத்தில் இரண்டு அணிகளும் கோல் அடிக்கவில்லை.
2-வது பாதி நேரத்தில் இரண்டு அணிகளும் தாக்குதல் ஆட்டத்தில் ஈடுபட்டன. ஆட்டத்தின் 64-வது நிமிடத்தில் பார்சிலோனா அணியின் ரஃபினா கோல் அடித்தார். லூயிஸ் சுவாரஸ் பாஸ் செய்த பந்தை ரஃபினா கோலாக மாற்றினார்.
கோல் அடிக்கும் வாய்ப்பை தவற விட்ட சோகத்தி்ல் சுவாரஸ் இந்த கோல் அடித்த 6-வது நிமிடத்தில், அதாவது ஆட்டத்தின் 70-வது நிமிடத்தில் அட்லெடிகோ அணியின் டியாகோ காடின் தலையால் முட்டி கோல் அடித்தார். இடது பக்கம் கார்னர் அருகில் இருந்து கொகே தூக்கியடித்த பந்தை காடின் கோலாக மாற்றினார். இதனால் ஸ்கோர் 1-1 என சமநிலையடைந்தது.
தலையால் முட்டி கோல் அடித்த அட்லெடிகோ அணியின் காடின் ஆட்டம் முடிவதற்கு 4 நமிடங்கள் இருக்கும் நிலையில் பார்சிலோனா அணிக்கான வெற்றி கோலை மெஸ்சி அடித்தார். சுவாரஸ் கொடுத்த பந்தை மெஸ்சி கோல் கம்பத்தை நோக்கி அடித்தார். அப்போது அட்லெடிகோ அணியின் கீப்பர் பந்தை பிடிக்க தவறினார். பந்து மீண்டும் மெஸ்சியிடமே வந்தது. 2-வது முறை மெஸ்சி சரியாக கோல் அடிக்க, பார்சிலோனா 2-1 என வெற்றி பெற்றது.
கோல் அடித்த சந்தோஷத்தில் ரஃ.பினா இந்த வெற்றியின் மூலம் 24 போட்டிகளின் முடிவில் பார்சிலோனா அணி 54 புள்ளிகள் பெற்று 2-வது இடத்தில் உள்ளது.
