என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
இரட்டையர் தர வரிசையில் முதலிடத்தில் நீடிக்கும் சானியா மிர்சா
Byமாலை மலர்27 Sep 2016 4:16 AM GMT (Updated: 27 Sep 2016 4:16 AM GMT)
பான் பசிபிக் ஓபன் போட்டியில் சாம்பியன் பட்டம் வென்றதன் மூலம் இரட்டையர் தர வரிசையில் சானியா மிர்சா முதலிடத்தை தக்க வைத்து கொண்டுள்ளார்.
புதுடெல்லி :
உலக டென்னிஸ் வீரர்- வீராங்கனைகளின் தர வரிசைப்பட்டியலை சர்வதேச டென்னிஸ் சங்கம் வெளியிட்டுள்ளது. இதன்படி பெண்கள் இரட்டையர் பிரிவில் இந்திய வீராங்கனை சானியா மிர்சா (9,730 புள்ளிகள்) முதலிடத்தில் தொடருகிறார். பான் பசிபிக் ஓபன் போட்டியில் இரட்டையர் பிரிவில் சாம்பியன் பட்டம் வென்றதன் மூலம் சானியா மிர்சா முதலிடத்தை தக்க வைத்து கொண்டுள்ளார்.
சானியாவின் முன்னாள் இணை ஆட்டக்காரரான சுவிட்சர்லாந்து வீராங்கனை மார்ட்டினா ஹிங்கிஸ் (9,725 புள்ளிகள்) 2-வது இடம் பெற்றுள்ளார். சானியாயுடன் இணைந்து தற்போது இரட்டையர் ஆட்டத்தில் விளையாடும் செக் குடியரசு வீராங்கனை பார்போரா 18-வது இடம் பிடித்துள்ளார். ஆண்கள் இரட்டையர் பிரிவில் இந்திய வீரர் ரோகன் போபண்ணா 18-வது இடத்தை பெற்றுள்ளார்.
இந்திய வீரர் லியாண்டர் பெயஸ் 4 இடம் முன்னேறி 60-வது இடத்தை பிடித்துள்ளார். ஆண்கள் ஒற்றையர் பிரிவில் செர்பியா வீரர் ஜோகோவிச் முதலிடத்தில் நீடிக்கிறார். இந்திய வீரர் சகெத் மைனெனி 2 இடம் ஏற்றம் கண்டு 138-வது இடத்தை பிடித்துள்ளார். ராம்குமார் ராமநாதன் 10 இடங்கள் சரிவை சந்தித்து 229-வது இடம் பெற்றுள்ளார். பெண்கள் ஒற்றையர் பிரிவில் ஜெர்மனி வீரர் ஏஞ்சலிக் கெர்பர் முதலிடத்தை தொடருகிறார். அமெரிக்க வீராங்கனை செரீனா வில்லியம்ஸ் 2-வது இடத்தை பெற்றுள்ளார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X