என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
இறுதிப்போட்டியில் பெங்களூர் அணியுடன் மோதுவது யார்? குஜராத்-ஐதராபாத் நாளை பலப்பரீட்சை
9–வது ஐ.பி.எல். 20 ஓவர் கிரிக்கெட் போட்டி கடந்த மாதம் 9–ந்தேதி தொடங்கியது.
8 அணிகள் பங்கேற்ற இந்தப்போட்டியில் கடந்த 22–ந்தேதியுடன் ‘லீக்’ ஆட்டங்கள் முடிந்தன.
இதன் முடிவில் ரெய்னா தலைமையிலான குஜராத் லயன்ஸ், வீராட்கோலி தலைமையிலான ராயல் சேலஞ்சர்ஸ் பெங்களூர், வார்னரின் சன்ரைசர்ஸ் ஐதராபாத், காம்பீர் தலைமையிலான கொல்கத்தா நைட் ரைடர்ஸ் ஆகிய அணிகள் முதல் 4 இடங்களை பிடித்து ‘பிளே ஆப்’ சுற்றுக்கு முன் னேறின.
‘பிளே ஆப்’ சுற்று நேற்று முன்தினம் தொடங்கியது. பெங்களூரில் நடந்த ‘குவாலிபையர் 1’ ஆட்டத்தில் பெங்களூர் அணி 4 விக்கெட் வித்தியாசத்தில் குஜராத் லயன்சை வீழ்த்தி இறுதிப்போட்டிக்கு நேரடியாக தகுதி பெற்றது.
நேற்று நடந்த எலிமினேட்டர் ஆட்டத்தில் ஐதராபாத் அணி 22 ரன் வித்தியாசத்தில் கொல்கத்தாவை வீழ்த்தியது. இதன்மூலம் ஐதராபாத் அணி ‘குவாலிபையர் 2’ ஆட்டத்துக்கு தகுதி பெற்றது. இதில் அந்த அணி குஜராத் லயன்சை சந்திக்கிறது. இந்த ஆட்டம் டெல்லி பெரோசோ கோட்லா மைதானத்தில் நாளை (வெள்ளிக்கிழமை) நடக்கிறது.
இதில் வெற்றி பெறும் அணி இறுதிப்போட்டியில் பெங்களூர் அணியை சந்திக்கும். இறுதிப்போட்டி 29–ந்தேதி பெங்களூரில் நடக்கிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்