என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மம்தாவின் சீன பயணத்திற்கு அனுமதி மறுப்பா?: வெளியுறவு அமைச்சகம் விளக்கம்
Byமாலை மலர்9 May 2017 1:28 PM GMT (Updated: 9 May 2017 1:28 PM GMT)
மேற்கு வங்க முதல்-மந்திரி மம்தா பானர்ஜியின் சீன பயணத்திற்கு அனுமதி வழங்குவதில் கால தாமதம் செய்யப்படுவதாக வெளியான தகவல்கள் தவறானவை என்று வெளியுறவு அமைச்சகம் தெரிவித்துள்ளது.
புதுடெல்லி:
மேற்கு வங்க முதல்-மந்திரி மம்தா பானர்ஜி ஜூன் மாதம் சீனாவிற்கு பயணம் மேற்கொள்ள திட்டமிட்டுள்ளார். சீனாவின் அழைப்பின் பேரில் மம்தா சீனா செல்ல உள்ளார்.
இதனிடையே, மம்தா பானர்ஜியின் சீன பயணத்திற்கு அனுமதி வழங்குவதில் வெளியுறவுத் துறை அமைச்சகத்தின் சார்பில் கால தாமதம் செய்யப்படுவதாக செய்திகள் வெளியானது.
இந்நிலையில், மம்தா பானர்ஜியின் சீன பயணத்திற்கு அனுமதி வழங்குவதில் கால தாமதம் செய்யப்படுவதாக வெளியான தகவல்கள் தவறானவை என்று வெளியுறவு அமைச்சகம் தெரிவித்துள்ளது.
இது குறித்து வெளியுறவு செய்தி தொடர்பாளர் கோபால் பக்லே கூறுகையில், “அனுமதி கேட்டு எந்த ஒரு கோரிக்கையும் இதுவரை வரவில்லை. இதனால் அனுமதி மறுப்பு என்ற கேள்விக்கே இடமில்லை” என்று கூறினார்.
சீன பயணம் குறித்து கடந்த மாதம் மம்தா கூறுகையில், “சீன கம்யூனிஸ்ட் கட்சியிடம் இருந்து எங்களுக்கு அழைப்பு வந்திருந்தது. நான் பலமுறை அழைக்கப்பட்டுள்ளேன். மேற்குவங்கத்தில் முதலீடு செய்ய சீனா ஆர்வத்துடன் உள்ளது. சீனாவில் நாங்கள் ஜூன் மாதத்தில் சில நாங்கள் சுற்றுப்பயணம் மேற்கொள்வோம்” என்று தெரிவித்து இருந்தார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X