இந்திய ஸ்மார்ட்போன் நிறுவனமான இன்டெக்ஸ், மலிவு விலையில் புதிய ஸ்மார்ட்போனை அறிமுகம் செய்திருக்கிறது. சில தினங்களுக்கு முன் இன்டெக்ஸ் நிறுவனம் ‘அக்வா இ4’ என்ற ஸ்மார்ட்போனை அறிமுகம் செய்தது. தற்சமயம் இன்டெக்ஸ் அறிமுகம் செய்திருக்கும் ஸ்மார்ட்போனுக்கு அக்வா கிளாசிக் 2 என பெயரிடப்பட்டுள்ளது.
இந்த ஸ்மார்ட்போனில் உள்ள சிறப்பம்சங்களை பொருத்த வரை 5.0 இன்ச் FWVGA டிஸ்ப்ளே, 1.2 ஜிகாஹெர்ட்ஸ் குவாட்கோர் பிராசஸர் மற்றும் 1ஜிபி ரேம் வழங்கப்பட்டுள்ளது. மெமரியை பொருத்த வரை 8 GB இன்டர்னல் மெமரியும், மெமரியை கூடுதலாக 32 GB வரை நீட்டிக்கும் வசதியும் உள்ளது. ஆண்ட்ராய்டு 6.0 மார்ஷ்மல்லோ இயங்குதளம் கொண்டுள்ளது.
கேமராவை பொருத்த வரை 5 எம்பி பிரைமரி கேமரா, ஆட்டோஃபோகஸ், டூயல் எல்இடி பிளாஷ் மற்றும் 5 எம்பி செல்ஃபி கேமரா வழங்கப்பட்டுள்ளது. ஸ்மார்ட்போனை சக்தியூட்ட 2200 எம்ஏஎச் திறன் கொண்ட பேட்டரி வழங்கப்பட்டுள்ளது. கனெக்டிவிட்டி ஆப்ஷன்களை பொருத்த வரை 4ஜி LTE, GPRS/EDGE, 3G, A-GPS, ப்ளூடூத், வை-பை b/g/n மற்றும் மைக்ரோ யுஎஸ்பி போன்றவை வழங்கப்பட்டுள்ளன. புதிய இன்டெக்ஸ் அக்வா கிளாசிக் 2 இந்தியாவில் ரூ.4,600 என்ற விலைக்கு விற்பனை செய்யப்படுகிறது.
