திருச்சி:
திருப்பூரில் இருந்து புதுக்கோட்டை மாவட்டம் அறந்தாங்கிக்கு அரசு பஸ் புறப்பட்டது. இன்று காலை திருச்சி வந்ததும் , திருச்சியில் இறங்கக்கூடிய பயணிகள் இறங்கி சென்றனர். அப்போது இருக்கையில் அமர்ந்திருந்த வாலிபர் ஒருவர் மயக்கமடைந்த நிலையில் கிடந்தார். அவரை டிரைவர்- கண்டக்டர் மீட்டு கீழே இறக்கி வைத்தனர்.
பின்னர் அவரை பரிசோதித்த போது அவர் இறந்திருப்பது தெரியவந்தது. இது குறித்து கண்டோன்மெண்ட் போலீஸ் நிலையத்திற்கு தகவல் தெரிவிக்கப்பட்டது. போலீசார் சம்பவ இடத்திற்கு சென்று உடலை பார்வையிட்டனர்.
மேலும் இறந்தவர் குறித்து விசாரிக்கும் போது அவர் கரூர் மாவட்டம் குளித்தலையை சேர்ந்த ரெங்கசாமி (வயது35) என்பது தெரியவந்தது. அவரது சட்டை பையில் அல்சருக்கு சாப்பிடக்கூடிய மருந்து இருந்தது. இதனால் உடல் நிலை பாதிப்பு காரணமாக இறந்திருக்கலாம் என கூறப்படுகிறது. மேலும் பஸ்சில் வரும் போதே இறந்திருக்கலாம் என தெரிகிறது. இது குறித்து போலீசார் விசாரணை நடத்தி வருகின்றனர்.
