சென்னை:
ஆர்.கே.நகர் தொகுதியில் டி.டி.வி. தினகரனை வெற்றி பெற செய்வது குறித்து தேர்தல் பணி ஆலோசனை கூட்டம் தேர்தல் மேற்பார்வையாளர் வைத்திலிங்கம் எம்.பி. மற்றும் தேர்தல் பொறுப்பாளரும் துணை சபாநாயகருமான பொள்ளாச்சி ஜெயராமன் ஆகியோர் தலைமையில் பூண்டி தங்கம்மாள் தெருவில் ஆலோசனை கூட்டம் நடந்தது.
இதில் கலந்து கொண்ட கட்சியின் நிர்வாகிகள், தொண்டர்களுக்கு பொது மக்களிடம் எவ்வாறு ஓட்டு சேகரிக்க வேண்டும், தொப்பி சின்னத்தை மக்களிடம் கொண்டு செல்வதோடு மட்டுமின்றி, டி.டி.வி. தினகரன் வெற்றி பெற்றால்தான் ஆர்.கே.நகர் தொகுதியில் புதிய திட்டங்கள் செயல்படுத்த முடியும். மக்கள் பிரச்சனைகளை தீர்க்க முடியும்.
“அம்மா”வின் ஆசி பெற்ற வேட்பாளர் டி.டி.வி. தினகரனின் வெற்றிக்கு முழு வீச்சில் தேர்தல் பணி ஆற்ற வேண்டும் என்று இக்கூட்டத்தில் வலியுறுத்தப்பட்டது.
கூட்டத்தில் நிர்வாகிகள் முத்து கருப்பண்ணசாமி, ஆர்.ஏ. சக்திவேல், சாந்தலிங்க குமார், நாகலிங்கம், முத்துப் பாண்டி, ஹேமந்தகுமார் உள்ளிட்ட பலர் கலந்து கொண்டனர்.
