மாலை நேர ஸ்நாக்ஸ் காராச்சேவு

தேவையான பொருட்கள் :

கடலை மாவு - 1 கப்
அரிசி மாவு - கப்
மிளகாய் தூள் - 2 டேபிள் ஸ்பூன்
பூண்டு - 6 பல்
பெருங்காயம் - 1 சிட்டிகை
சீரகம் - டேபிள்ஸ்பூன்
உப்பு - தேவையான அளவு
கடலை எண்ணெய் - பொரிக்கத் தேவையான அளவு.



செய்முறை :

* கடலை மாவையும், அரிசி மாவையும் சலித்து வைக்கவும் (சிறு கற்கள் இருக்கும் பட்சத்தில் எண்ணெயில் போடும் போது வெடிக்கும் அபாயம் உள்ளது).

* பூண்டை சிறிது தண்ணீர் தெளித்து மைய அரைத்துக் கொள்ளவும்.

* ஒரு பாத்திரத்தில் மாவை போட்டு அதனுடன் சீரகம், உப்பு, பெருங்காயம், மிளகாய் தூள், பூண்டு விழுது சேர்த்து தண்ணீர் தெளித்து கெட்டியாக பிசைந்து வைத்துக் கொள்ளவும்.

* கடாயில் எண்ணெயை கொதிக்க விடவும்.

* சேவுக்கு என்றே சிறு துளைகள் கொண்ட தனி அச்சு உள்ளது. அதைக் கொண்டு மாவு தேய்த்து, எண்ணெயில் நேரடியாக விடவும்.

* பொன்னிறமாக பொரிந்ததும் எடுத்து, காற்று புகாத பாத்திரத்தில் போட்டு வைக்கவும்.

* மாலை நேர ஸ்நாக்ஸ் காராச்சேவு ரெடி.

குறிப்பு :

இந்த மாவில் விரும்பினால் சிறிது வெண்ணெய் சேர்க்கலாம். ஆனால், அதிக நாள் வைத்திருக்க முடியாது. மாவு பிசைந்த உடன் சேவு செய்துவிட வேண்டும். அல்லது கடுகடுப்பாக மாறிவிடும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.