வறுத்து அரைத்த தேங்காய் சட்னி

தேவையான பொருட்கள் :

தேங்காய் துருவல் - ஒரு கப்,
காய்ந்த மிளகாய் - 4,
உளுந்தம்பருப்பு - 2 டீஸ்பூன்,
கடலைப்பருப்பு - 3 டீஸ்பூன்,
புளி, கறிவேப்பிலை, எண்ணெய் - சிறிதளவு,
உப்பு - தேவைக்கேற்ப.



செய்முறை :  

* கடாயில் சிறிதளவு எண்ணெய் விட்டு, உளுந்தம்பருப்பு, கடலைப்பருப்பு, காய்ந்த மிளகாய், கறிவேப்பிலையை வறுக்கவும்.

* இவை சற்று சிவந்ததும் தேங்காய் துருவல் சேர்த்து பொன்னிறமாக வறுத்து ஆற வைக்கவும்.

* நன்றாக ஆறியதும் அதனுடன் உப்பு, சிறிதளவு புளி சேர்த்து, தண்ணீர் தெளித்து கெட்டியாக, நைசாக அரைத்து கொள்ளவும்.

* சூப்பரான வறுத்து அரைத்த தேங்காய் சட்னி ரெடி.

குறிப்பு: இது ரசம் சாதம், தயிர் சாதத்துக்கு தொட்டுக்கொள்ள ஏற்றது. தண்ணீர் விடாமல் அரைத்தால், வெளியூர் பயணத்துக்கு புளி சாதம், இட்லி, தோசைக்கு சைட் டிஷ் ஆக உபயோகிக்கலாம். தேங்காய் துருவலை, பொன்னிறமாக, வாசனை வரும் வரை வறுக்க வேண்டியது அவசியம்.