தேவையான பொருட்கள் : சின்ன வெங்காயம் - 150 கிராம்,
பூண்டு பற்கள் - 10,
புளி - எலுமிச்சை அளவு,
கடலைப்பருப்பு - 4 டீஸ்பூன்,
வெந்தயம், மிளகு, கடுகு, சீரகம் - தலா கால் டீஸ்பூன்,
சுக்கு மல்லி பொடி - ஒன்றரை டீஸ்பூன்,
மிளகாய்த்தூள் - தேவையான அளவு,
பெருங்காயத்தூள் - சிறிதளவு,
நல்லெண்ணெய் - 3 குழிக்கரண்டி,
கறிவேப்பிலை - ஒரு ஆர்க்கு,
உப்பு - தேவையான அளவு.
செய்முறை : * வெங்காயம், பூண்டை தோல் நீக்கி வைக்கவும்.
* புளியை தண்ணீர் ஊற்றி கரைத்து கொள்ளவும்.
* கடாயை அடுப்பில் வைத்து 1 ஸபூன் எண்ணெய் ஊற்றி சூடானதும் கடலைப்பருப்பு, மிளகு, வெந்தயம் ஆகியவற்றை போட்டு நன்றாக வறுத்து ஆறியதும், மிக்ஸியில் போட்டு பொடித்துக் கொள்ளவும்.
* புளியை ஊற வைத்து கரைத்து வைத்துக் கொள்ளவும்.
* மீதமுள்ள நல்லெண்ணெயை கடாயில் ஊற்றி சூடானதும் கடுகு, சீரகம் போட்டு தாளித்த பின் வெங்காயம், பூண்டு போட்டு வதக்கவும்.
* இரண்டும் நன்றாக வதங்கியதும் மிளகாய்த்தூள், பெருங்காயத்தூள் சேர்த்து வதக்கி, புளித்தண்ணீரை ஊற்றி நன்றாக கொதிக்க விடவும்.
* இப்போத பொடித்து வைத்த பொடியையும், சுக்கு மல்லி பொடியை, உப்பு சேர்க்கவும். அடுப்பை மிதமான தீயில் வைக்கவும்.
* குழம்பு பக்குவம் வந்து ஓரங்களில் எண்ணெய் பிரிந்து வரும் போது கறிவேப்பிலை சேர்த்து இறக்கவும்.
* சூப்பரான சுக்கு மல்லி குழம்பு ரெடி.
* இந்த சுக்கு மல்லி குழம்பு ஜீரண சக்தியை நன்கு தூண்டக் கூடியது.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
