புளிச்சக்கீரை கடையல் செய்வது எப்படி

தேவையான பொருட்கள் :

புளிச்சக்கீரை - 1 கட்டு,
பெரிய வெங்காயம் - 1,
பச்சைமிளகாய் - 4,
உப்பு, எண்ணெய் - தேவையான அளவு

தாளிக்க :

கடுகு,
உளுந்தம்பருப்பு, சீரகம் - தலா 1/4 டீஸ்பூன்,
மிளகாய் வற்றல் - 4.



செய்முறை :

* வெங்காயம், பச்சைமிளகாயை பொடியாக நறுக்கி கொள்ளவும்.

* புளிச்சக்கீரையை நன்றாக சுத்தம் செய்து பொடியாக நறுக்கி கொதிக்கும் நீரில் போட்டு வேகவைத்து நீரை வடித்து கடைந்து வைக்கவும்.

* வாணலியில் எண்ணெய் ஊற்றி சூடானதும் கடுகு, உளுந்தம் பருப்பு. சீரகம், மிளகாய் வற்றம் போட்டு தாளித்த பின் பச்சைமிளகாய், வெங்காயத்தை சேர்த்து வதக்கவும்.

* வெங்காயம் நன்றாக வதங்கியதும் கடைந்து வைத்துள்ள புளிச்சக்கீரை, உப்பு சேர்த்து நன்றாக கலந்து 5 நிமிடம் அடுப்பில் வைத்து இறக்கவும்.

* இரும்புச் சத்து நிறைந்த இந்தக் கீரைக் கடையலை சாதத்தில் சிறிது நல்லெண்ணெய் சேர்த்துப் பிசைந்து சாப்பிட சுவையாக இருக்கும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.