உடலுக்கு வலுசேர்க்கும் எலும்பு - உருளைக்கிழங்கு சூப்

தேவையான பொருட்கள் :

எலும்புத்துண்டுகள் - 300 கிராம்
உருளைக்கிழங்கு - 1
தக்காளி - 1
கறிவேக வைத்த தண்ணீர் - 6 கப்
கார்ன் ஃப்ளார் - 6 டீஸ்பூன்
பெரிய வெங்காயம் - 1
மிளகு பொடி - 1/2 டீஸ்பூன்
வெண்ணெய் - சிறிது
உப்பு - தேவைக்கேற்ப
கொத்தமல்லி - சிறிதளவு



செய்முறை :

* உருளைக்கிழங்கை துருவிக் கொள்ளவும்.

* பெரிய வெங்காயம், கொத்தமல்லி, தக்காளியை பொடியாக நறுக்கிக் கொள்ளவும்.

* எலும்புடன் வெங்காயம், தக்காளி, உருளைக்கிழங்கு, கறிவேகவைத்த தண்ணீர் சேர்த்து குக்கரில் 3 விசில் வரும் வரை வேக வைக்கவும்.

* விசில் போனவுடன் குக்கரைத் திறந்து ஒரு கரண்டியால் நன்கு மசித்து விட்டு எலும்புகளை தனியாக எடுத்துவிட்டு சூப்பை வடிகட்டவும்.

* ஒரு பாத்திரத்தை அடுப்பில் வைத்து அதில் வெண்ணெய் போட்டு சூடாக்கி கார்ன் ப்ளாரைப் போட்டு கட்டிகள் இல்லாமல் கிளறி வடிகட்டி வைத்துள்ள சூப்பை ஊற்றி கொதிக்க விடவும்.

* கடைசியாக உப்பு, மிளகுத்தூள், கொத்தமல்லி தூவிப் பரிமாறவும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.