தேவையான பொருட்கள் : பாலக்கீரை - ஒரு கட்டு
சின்ன உருளைக்கிழங்கு - 200 கிராம்
எண்ணெய் - இரண்டு ஸ்பூன்
வெங்காயம் - ஒன்று
தக்காளி - இரண்டு
பச்சை மிளகாய் - இரண்டு
இஞ்சி, பூண்டு விழுது - அரை டீஸ்பூன்
மஞ்சள் தூள் - கால் டீஸ்பூன்
தனியாதூள் - கால் டீஸ்பூன்
சீரக தூள் - கால் டீஸ்பூன்
மிளகு தூள் - கால் டீஸ்பூன்
கரம் மசாலா - கால் டீஸ்பூன்
உப்பு - தேவைகேற்ப
தாளிக்க : எண்ணெய் - அரை டீஸ்பூன்
கடுகு - சிறிதளவு
உளுந்தம் பருப்பு - சிறிதளவு
காய்ந்த மிளகாய் - இரண்டு
பெருங்காயம் - சிறிதளவு
செய்முறை : * உருளைக்கிழங்கை வேக வைத்து தோல் உரித்து கொள்ளவும்.
* வெங்காயம், தக்காளியை தனித்தனியாக மிக்ஸியில் போட்டு அரைத்து கொள்ளவும்.
* ப.மிளகாயை பொடியாக நறுக்கி கொள்ளவும்.
* பாலக் கீரையை 5 நிமிடம் வேக வைத்து ஆறியதும் மிக்சியில் போட்டு அரைத்து கொள்ளவும்.
* கடாயில் எண்ணெய் ஊற்றி காய்ந்ததும் கடுகு, உளுத்தம் பருப்பு, காய்ந்த மிளகாய், பெருங்காயம் போட்டு தாளித்த பின் அரைத்த ப.மிளகாய், வெங்காய விழுதை போட்டு நன்றாக வதக்கவும்.
* வெங்காயம் நன்றாக வதங்கிய பின்னர் இஞ்சி, பூண்டு விழுது போட்டு பச்சை வாசனை போக வதக்கவும்.
* அடுத்து அதில் தக்காளி விழுதை சேர்த்து எண்ணெய் பிரியும் வரை வதக்கவும்.
* அனைத்தும் நன்றாக வதங்கியதும் அதில் மஞ்சள் தூள், தனியாதூள், சீரக தூள், மிளகு தூள், கரம் மசாலா, உப்பு சேர்த்து நன்றாக வதக்கவும்.
* பச்சை வாசனை போனவுடன் அதில் பாலக் கீரை அரைத்த விழுது சேர்த்து நன்றாக கிளறி ஐந்து நிமிடம் கொதிக்க விட்டு இறக்கவும்.
* சூப்பரான ஆலு பாலக் ரெடி.
* சப்பாத்தியுடன் சாப்பிட சூப்பராக இருக்கும்.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
