கொட்டாரம் அருகே உள்ள சந்தையடி அய்யா வைகுண்டசுவாமி நிழற்தாங்கலில் திருஏடு வாசிப்பு திருவிழா, தேவிஸ்ரீமுத்தாரம்மன் கோவில் கும்பாபிஷேக விழா மற்றும் சித்திரை திருவிழா நேற்று தொடங்கியது.
நேற்று முதல் வருகிற 7-ந் தேதி வரை தினமும் மாலை 6 மணி முதல் அய்யாவின் திருநடையில் வைத்து திருஏடுவாசிப்பு நடக்கிறது.
29-ந் தேதி இரவு 1-ம் கால யாக பூஜை தொடங்குகிறது. 30-ந் தேதி காலை 2-ம் கால யாக பூஜையும், காலை 9 மணி முதல் 10 மணிக்குள் விமான கும்பாபிஷேகம், முத்தாரம்மன் மற்றும் பரிவார தேவதைகளுக்கு மகா கும்பாபிஷேகமும் நடக்கிறது. அன்று மதியம் 12 மணிக்கு சமபந்தி விருந்தும் நடக்கிறது.
மே 5-ந் தேதி இரவு 9 மணிக்கு அய்யாவின் திருக்கல்யாண திருஏடு வாசித்து விளக்க உரை நடக்கிறது. 7-ந் தேதி மாலை 2 மணிக்கு அய்யாவின் பட்டாபிஷேக திருஏடு வாசித்து விளக்க உரையும், மாலை 5 மணிக்கு அய்யா கருட வாகனத்தில் எழுந்தருளி பவனி வருதலும், 9 மணிக்கு உகப்படிப்பும் நடக் கிறது.
9-ந் தேதி மாரியம்மன், உஜ்ஜையினி மாகாளி அம்மன்,, பத்திரகாளி அம்மன் ஆகிய தெய்வங்களுக்கு அலங்கார பூஜையும், மாலை 6 மணிக்கு அம்மன் சிங்க வாகனத்தில் எழுந்தருளி பவனி வருதல் நிகழ்ச்சியும் நடக்கிறது.
10-ந் தேதி பகல் 12 மணிக்கு பிரம்மசக்தி, சப்பாணி மாடன், மாசானம் மற்றும் சுடலை மாட சுவாமிக்கு சிறப்பு அலங்கார பூஜை, பகல் ஒரு மணிக்கு சமபந்தி விருந்து, மாலை 5 மணிக்கு பிரசாதம் வழங்குதல் ஆகிய நிகழ்ச்சிகளும் நடக்கின்றன.
