ஆழ்வார்குறிச்சி அருகே ஏ.பி.நாடானூர் வெள்ளிகுளம் அய்யா வைகுண்டர் வெள்ளிமலை நாதன் பதி திருவிழா கடந்த 10ந்தேதி(வெள்ளிக்கிழமை) கொடியேற்றத்துடன் தொடங்கி நடந்து வருகிறது. இதையொட்டி தினமும் அய்யாவுக்கு பணிவிடை, ஏடு வாசிப்பு, தர்மம் நடைபெற்று வருகிறது.
விழாவின் 8ம் திருவிழாவான நாளை(வெள்ளிக்கிழமை) இரவு 8 மணிக்கு அய்யாவின் திருக்கல்யாண ஏடுவாசிப்பு நடைபெறுகிறது. 10 திருவிழாவான வருகிற 19ந்தேதி(ஞாயிற்றுக்கிழமை) காலை உகப்படிப்பு, பணிவிடை, மதியம் 12 மணிக்கு உச்சிப்படிப்பு, பால் தர்மம் நடைபெறுகிறது.
மாலை 5 மணிக்கு பணிவிடையும், உகப்படிப்பு, அன்னதானமும் நடக்கிறது. 20ந்தேதி(திங்கட்கிழமை) காலை 5 மணிக்கு கருட வாகனத்தில் அய்யா பவனி வருதல் நடக்கிறது. ஏற்கனவே இந்த பதியில் வாரந்தோறும் (ஞாயிற்றுக்கிழமை) அய்யாவுக்கு வழிபாடு, அன்னதானம், முதல் ஞாயிறு அன்று வாகனம், சட்டம் சொல்லுதல் நடக்கிறது.
பவுர்ணமி அன்று இரவு 8 மணி முதல் 9 மணி வரை தவம் நடந்து வருகிறது. இங்கு நாடி வரும் பக்தர்களுக்கு தீராத நோய்களை தீர்த்து அய்யா அருள்பாலிக்கிறார். விழா ஏற்பாடுகளை அய்யாவின் அன்புக்கொடி மக்கள் செய்துள்ளனர்.
