வெற்றிவேல் சரவணா சினிமா தயாரித்துள்ள படம் ‘8 தோட்டாக்கள்’.
இதில், புதுமுகம் வெற்றி கதாநாயகனாக நடித்திருக்கிறார். நாயகி அபர்ணா பாலமுரளி கேரள வரவு. இவர்களுடன் நாசர், எம்.எஸ்.பாஸ்கர், மைம் கோபி, அம்மா கிரியேஷன் சிவா, சார்லஸ் விநோத், ஆர்.எஸ். சிவாஜி, தேனிமுருகன், மணிகண்டன் உள்பட பலர் நடித் திருக்கிறார்கள்.
ஒளிப்பதிவு-தினேஷ்கே.பாபு, இசை-கே.எஸ்.சுந்தர மூர்த்தி, எடிட்டிங்-நாகூரான், ஸ்டண்ட்-திலீப்சுப்புராயன், நடனம்-தினேஷ்,நந்தா, தயாரிப்பு- வெள்ளைப் பாண்டியன், இயக்கம்- ஸ்ரீகணேஷ்.
படம் பற்றி அவரிடம் கேட்ட போது.....
“இது கிரைம் திரில்லர் கதையாக உருவாகி இருக்கிறது. போலீஸ் நிலையத்தில் இருந்த ஒரு துப்பாக்கி மாயமாகிறது. அதில் உள்ள 8 தோட்டாக்கள் வெவ்வேறு இடங்களில் வெடிக்கின்றன. ஏன் இப்படி நடக்கிறது? இதற்கு காரணம் யார்? என்பது கதை. இதில் நாயகன் வெற்றி, சப்-இன்ஸ் பெக்டராக நடித்திருக்கிறார்.இவர் தயாரிப்பாளர் மகன். என்றாலும், கதைக்கு மட்டுமே முக்கியத்துவம் கொடுக்கப்பட்டுள்ளது. அவர் யதார்த்தமாக நடித்திருக்கிறார்.
நாயகி அபர்ணா பத்திரிகை நிருபராக வருகிறார். எம்.எஸ்.பாஸ்கருக்கு இதில் அற்புதமான கதாபாத் திரம். அருமையாக நடித்திருக்கிறார். இந்த படம் அவருக்கு திருப்புமுனையாக அமையும். அவர் நிச்சயம் ஒரு படி மேலே போவார். அவரது பாத்திரம் அதிகமாக பேசப்படும்” என்றார்.
