என் மலர்

    நீங்கள் தேடியது "cars"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மஹிந்திரா நிறுவனம் தனது கார் மாடல்களுக்கு அசத்தலான சலுகை மற்றும் தள்ளுபடி வழங்குகிறது.


    மஹிந்திரா அண்ட் மஹிந்திரா நிறுவனம் நவம்பர் மாதத்திற்கான சலுகை விவரங்களை அறிவித்து இருக்கிறது. அந்நிறுவனத்தின் அதிகாரப்பூர்வ வலைதளத்தின் படி மஹிந்திராவின் எஸ்.யு.வி. மாடல்களுக்கு அதிகபட்சம் ரூ. 81,500 வரையிலான சலுகை மற்றும் தள்ளுபடி வழங்கப்படுகிறது. 

    இவை தள்ளுபடி, எக்சேன்ஜ் பலன்கள், கார்ப்பரேட் தள்ளுபடி மற்றும் கூடுதல் சலுகை வடிவில் வழங்கப்படுகின்றன. இந்த சலுகைகள் நவம்பர் 30 ஆம் தேதி வரை வழங்கப்படுகிறது. சலுகை பலன்கள் ஒவ்வொரு விற்பனை மையத்திற்கு ஏற்ப வேறுபடும். மஹிந்திரா தார், பொலிரோ நியோ மற்றும் எக்ஸ்.யு.வி.700 மாடல்களுக்கு எந்த பலன்களும் வழங்கப்படவில்லை.

     மஹிந்திரா கார்

    கே.யு.வி.100 என்.எக்ஸ்.டி. மாடலுக்கு ரூ. 61,055, மஹிந்திரா ஸ்கார்பியோவிற்கு ரூ. 32,320, அல்டுராஸ் ஜி4 மாடலுக்கு ரூ. 81,500, எக்ஸ்.யு.வி.300 மாடலுக்கு ரூ. 49 ஆயிரம், மஹிந்திரா மராசோ மாடலுக்கு ரூ. 40,200, பொலிரோ மாடலுக்கு ரூ. 13 ஆயிரம் வரையிலான சலுகைகள் வழங்கப்படுகின்றன.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஹூண்டாய் நிறுவனம் தனது கார்களுக்கு இந்தியாவில் சிறப்பு தள்ளுபடி வழங்குவதாக அறிவித்துள்ளது.



    கார் தயாரிப்பில் இந்தியாவில் இரண்டாவது இடத்தில் உள்ள கொரியாவின் ஹூண்டாய் நிறுவனம் புதிதாக வென்யூ என்ற மாடல் காரை அறிமுகம் செய்ய இருக்கிறது. இந்நிலையில் இந்நிறுவனத்தின் அனைத்து தயாரிப்புகளுக்கும் அதிகபட்ச தள்ளுபடி சலுகையை இந்நிறுவனம் அறிவித்துள்ளது. 

    ஹூண்டாய் வெர்னா, ஐ20, சான்ட்ரோ, கிராண்ட் ஐ10, எக்ஸென்ட் என அனைத்து மாடல் கார்களுக்கும் தள்ளுபடி சலுகையை இந்நிறுவனம் அறிவித்துள்ளது. 2013-ம் ஆண்டில் அறிமுகம் செய்யப்பட்ட கிராண்ட் ஐ10 மாடல் 2017-ம் ஆண்டில் மேம்படுத்தப்பட்ட மாடலாக வெளிவந்தது. 



    இந்த ஆண்டு அக்டோபரில் புதிய தலைமுறை கிராண்ட் ஐ10 வர இருக்கிறது. இந்நிலையில் இந்த காருக்கு அதிகபட்சமாக ரூ.95,000 வரை தள்ளுபடி அளிப்பதாக நிறுவனம் அறிவித்துள்ளது.

    ஹூண்டாய் எக்ஸென்ட் காருக்கு ரூ. 85,000 வரை தள்ளுபடி கிடைக்க உள்ளது. வெர்னா மாடலுக்கு ரூ.30,000 சான்ட்ரோ மாடலுக்கு ரூ.31,000 தள்ளுபடி அளிப்பதாக நிறுவனம் அறிவித்துள்ளது. ஹூண்டாய் ஐ 20 மற்றும் ஐ20 ஆக்டிவ் ஆகிய மாடல் கார்களுக்கு ரூ.20,000 வரை தள்ளுபடி அளிக்கப்படும் என தெரிவித்துள்ளது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    குஜராத் வைர வியாபார நிறுவன ஊழியர்களுக்கு தீபாவளி போனசாக கார்கள் வழங்கும் விழாவில், பிரதமர் மோடி காணொலி காட்சி மூலம் கலந்து கொள்கிறார். #Diamondtradergifts #Cars #DiwaliBonus
    அகமதாபாத்:

    குஜராத் மாநிலத்தில் பாஜகவை சேர்ந்த விஜய் ரூபானி முதல் மந்திரியாக பதவி வகித்து வருகிறார். அங்குள்ள சூரத் நகரில் வைர வியாபாரம் செய்து வருபவர் சாவ்ஜி டோலாகியா. இவரது வைர நிறுவனத்தின் ஆண்டு வருமானம் சுமார் 6 ஆயிரம் கோடி ரூபாயாகும்.

    தனது நிறுவனத்தின் வளர்ச்சியில் முக்கிய பங்காற்றும் ஊழியர்களுக்கு இவர் ஒவ்வொரு ஆண்டும் வீடுகள், தங்க நகைகள், கார்கள், பைக்குகள் போன்றவற்றை தீபாவளி போனசாக வழங்கி ஊக்குவிப்பது வழக்கம்.
     
    இந்நிலையில், குஜராத் வைர வியாபார நிறுவன ஊழியர்களுக்கு இந்த ஆண்டு தீபாவளி போனசாக கார்கள் வழங்கப்பட இருக்கிறது. இந்த விழாவில் பிரதமர் மோடி காணொலி காட்சி மூலம் இன்று கலந்து கொள்கிறார்.

    இந்த ஆண்டு மொத்தம் 600 ஊழியர்களுக்கு கார்கள் பரிசாக அளிக்க முடிவு செய்யப்பட்டு உள்ளது. இதில் பாதி மாருதி சுசூகி கார்களும், மற்றவை சாலினோ வகை கார்களாகும்.



    இதில் குறிப்பிட்ட சிலருக்கு பிரதமர் மோடி காணொலி காட்சி மூலம் கார்களுக்கான சாவிகளை வழங்குகிறார் என்பது குறிப்பிடத்தக்கது. 

    இதுதொடர்பாக டோலாகியா கூறுகையில், வைர கற்களை பிரிப்பது, செதுக்குவது போன்ற அடிப்படை வேலைகளை கற்று, படிப்படியாக முன்னேறி முக்கிய பொறுப்புகளுக்கு வந்துள்ளனர். இவர்களது பணி மற்றும் நேர்மையைப் பாராட்டும் வகையில் கார்களை பரிசளித்து வருகிறேன். இது பிற ஊழியர்களையும் ஊக்குவிக்கும் என அவர் கூறினார். #DiwaliBonus #DiamondTrader

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மெர்சிடிஸ் பென்ஸ் நிறுவனம் இந்தியாவில் உள்ள தனது தயாரிப்பு ஆலையில் எலெக்ட்ரிக் கார்களை தயாரிக்க இருப்பதாக தகவல் வெளியாகியுள்ளது.




    மெர்சிடிஸ் பென்ஸ் நிறுவனம் பூனேவில் உள்ள சக்கன் தயாரிப்பு ஆலையில் எலெக்ட்ரிக் கார்களை தயாரிக்க திட்டமிட்டுள்ளது. மத்திய அரசு திட்டத்துக்கு ஏற்ப வரும் ஆண்டுகளில் எலெக்ட்ரிக் வாகனங்களுக்கான முக்கிய சந்தையாக இந்தியா உருவெடுக்கலாம் என்பதால் மெர்சிடிஸ் பென்ஸ் இந்த முடிவினை எடுத்திருப்பதாக கூறப்படுகிறது.

    இது குறித்து வெளியாகி இருக்கும் தகவல்களின் படி மெர்சிடிஸ் பென்ஸ் நிறுவனத்தின் எலெக்ட்ரிக் வாகனங்கள் மற்றும் கம்பஷன் இன்ஜின்களுக்கான தயாரிப்பு பணிகளை பூனேவில் உள்ள சக்கன் ஆலையில் துவங்க இருப்பதாக தெரிவிக்கப்பட்டுள்ளது. எனினும் இந்த திட்டத்தை நிறைவேற்ற சவால்களை எதிர்கொள்ள வேண்டியிருக்கிறது.

    மேலும் இந்தியாவில் இறக்குமதி செய்யப்படும் மின்சார கார்களுக்கான இறக்குமதி வரி குறைக்கப்பட வேண்டும் என்ற கோரிக்கை நிலவி வருகிறது. இவ்வாறு குறைக்கப்படும் பட்சத்தில் பல்வேறு கார் தயாரிப்பு நிறுவனங்களும் இந்தியாவில் முதலீடு செய்ய ஆர்வம் செலுத்தலாம். இத்துடன் இறக்குமதி வரி குறைக்கப்பட்டால், எலெக்ட்ரிக் வாகனங்களின் விலை குறைவாக இருக்கும்.


    கோப்பு படம்: மெர்சிடிஸ் பென்ஸ் EQ கான்செப்ட்

    அடுத்த ஆண்டு வாக்கில் மெர்சிடிஸ் பென்ஸ் நிறுவனத்தின் புதிய பிரான்டு EQ என்ற பெயரில் சர்வதேச சந்தையில் வெளியிட திட்டமிட்டுள்ளது. இந்த பிரான்டு ஏற்கனவே பல்வேறு எலெக்ட்ரிக் கார்களை வெளியிட தயார் நிலையில் இருக்கிறது. EQ பிரான்டு மாடல்கள் முழுவதும் எதிர்கால பேட்டரி-எலெக்ட்ரிக் கார்களாக இருக்கும் என மெர்சிடிஸ் பென்ஸ் தெரிவித்துள்ளது.

    இதன் பிளாட்ஃபார்ம் புதிய ஒற்றை வடிவமைப்பை சார்ந்து இருக்கும் என்றும், இதே போன்ற வடிவமைப்பு அனைத்து எலெக்ட்ரிக் வாகனங்களிலும் பயன்படுத்தப்படும் என கூறப்படுகிறது. எனினும் புதிய மாடல்களில் சில வேறுபாடுகள் மற்றும் மாற்றங்கள் மேற்கொள்ளப்படும் என எதிர்பார்க்கப்படுகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மேலப்பாளையத்தில் தவ்ஹீத் ஜமாத் மாவட்ட தலைவரின் 3 கார்கள் தீவைத்து எரிக்கப்பட்ட சம்பவம் தொடர்பாக போலீசார் வழக்குப்பதிவு செய்து மர்ம கும்பலை தேடி வருகிறார்கள்.
    நெல்லை:

    நெல்லை மேலப்பாளையம் நேதாஜி ரோட்டை சேர்ந்தவர் சுபேர் அகமது (வயது45). இவர் தமிழ்நாடு தவ்ஹீத் ஜமாத்தின் நெல்லை கிழக்கு மாவட்ட தலைவராக உள்ளார். இவர் பழைய கார்களை வாங்கி விற்பனை செய்யும் தொழில் செய்து வருகிறார்.

    இவர் தனது வீட்டுக்கு எதிரே நேற்று இரவு 3 கார்களை நிறுத்தி இருந்தார். இந்த நிலையில் இன்று அதிகாலை 1 மணி அளவில் அவரது வீட்டு முன்பு நிறுத்தப்பட்டு இருந்த கார்கள் ஒன்றன் பின் ஒன்றாக 3 கார்களும் தீப்பிடித்து எரிந்தன. சத்தம் கேட்டு வெளியே வந்த சுபேர் அகமது, உடனடியாக பாளை தீயணைப்பு நிலையத்துக்கு தகவல் தெரிவித்தார். தீயணைப்பு அதிகாரி ரமேஷ் தலைமையில் தீயணைப்பு வீரர்கள் விரைந்து வந்து தீயை அணைத்தனர்.

    ஆனாலும் 3 கார்களும் தீயில் எரிந்து எலும்பு கூடாக காட்சி அளித்தது. அதிர்ஷ்டவசமாக தீ அருகில் உள்ள வீடுகளுக்கு பரவாமல் அணைக்கப்பட்டது. தீ விபத்தில் எரிந்து நாசமான 3 கார்களின் மதிப்பு ரூ.10 லட்சம் ஆகும்.

    இதுகுறித்து சுபேர் அகமது மேலப்பாளையம் போலீசில் புகார் செய்தார். அதில் மேலப்பாளையத்தை சேர்ந்த மற்றொரு ஜமாத் நிர்வாகிகள் மீது சந்தேகம் இருப்பதாக கூறியுள்ளார். நேற்று மேலப்பாளையத்தில் இறந்தவர் ஒருவரின் உடலை அடக்கம் செய்வது தொடர்பாக தவ்ஹீத் ஜமாத் நிர்வாகிகளுக்கும், சுன்னத் ஜமாத் நிர்வாகிகளுக்கும் தகராறு ஏற்பட்டது. போலீசார் இரண்டு தரப்பினரையும் சமரசம் செய்து வைத்தனர்.

    இந்த பிரச்சினையின் எதிரொலியாக தவ்ஹீத் ஜமாத்தின் கிழக்கு மாவட்ட தலைவர் சுபேர் அகமதுவின் 3 கார்களும் தீவைத்து எரிக்கப்பட்டு இருக்கலாம் என்று கூறப்படுகிறது.

    இது தொடர்பாக மேலப்பாளையம் போலீஸ் இன்ஸ்பெக்டர் தில்லை நாகராஜன், சப்-இன்ஸ்பெக்டர் சுப்பிரமணியன் மற்றும் போலீசார் வழக்குப்பதிவு செய்து மர்ம கும்பலை வலைவீசி தேடி வருகிறார்கள்.

    இந்த சம்பவம் தொடர்பாக அந்த பகுதியில் போலீசார் தீவிர கண்காணிப்பில் ஈடுபட்டு வருகிறார்கள்.



    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்திய கிரிக்கெட் ரசிகர்களால் கேப்டன் கூல் என செல்லமாக அழைக்கப்படும் டோனியின் கார் மற்றும் மோட்டார் சைக்கிளின் தொகுப்புகள் அனைவரையும் வியப்படையச் செய்கின்றன. #MahendraSinghDhoni ‏
    புதுடெல்லி:

    இந்திய கிரிக்கெட் அணியின் முன்னாள் கேப்டன் டோனியின் முழுப்பெயர், மகேந்திர சிங் டோனி. ஆனால் இவரது சிறப்பான மற்றும் நிதானமாக கேப்டன் பண்பு காரணமாக கேப்டன் கூல் என ரசிகர்கள் செல்லமாக அழைக்கின்றனர். பேட்டிங் மற்றும் விக்கெட் கீப்பிங்கில் தனித்திறமை கொண்டவர். கிரிக்கெட் மீது மிகுந்த அன்பு கொண்ட டோனி, அதே காதலை கார்கள் மற்றும் மோட்டார் சைக்கிள்கள் மீதும் வைத்திருக்கிறார்.

    டோனி பொதுவாக சொகுசு கார்கள் மீது ஆர்வம் கொண்டவர். அவரிடம் பல கார்கள் உள்ளது. அவற்றை குறித்து விரிவாக பார்ப்போம்.

    ஹம்மர் H2:


    டோனியிடம் உள்ள கார்களில் மிகவும் கவர்ச்சியான கார் இதுவாகும். தனது சொந்த ஊரில் டோனி இதனை அதிகம் பயன்படுத்துவார். இது சாலையில் பார்வையாளர்களை வெகுவாக கவர்ந்திழுக்கும்.

    மகேந்திரா ஸ்கார்பியோ:


    இது டோனியிடன் உள்ள மிக எளிமையான கார். இது சாதாரணமாக ஸ்கார்பியோ போன்று இல்லாமல் டோனிக்கு ஏற்றவாறு மாற்றியமைக்கப்பட்டுள்ளது. நான்கு பேர் அமரக்கூடிய இந்த காரில் பல சிறப்பு அம்சங்கள் உள்ளன.

    ஆடி Q7:


    ஆடி கார் ஜெர்மன் நாட்டில் உற்பத்தியாகும் சொகுசு கார். இது அவர் அதிகமாக பயன்படுத்தும் கார்களில் ஒன்று. இது பழைய மாடல் கார்.

    லண்ட் ரோவர் பிரீலண்டர் 2:


    இதுவும் மிகச்சிறந்த சொகுசு கார். இதன் சிறப்பு அம்சங்கள் மிகவும் பிரபலமானது.

    டோனியிடம் உலகின் மிகச்சிறந்த பல மோட்டார் சைக்கிள்கள் உள்ளன.

    யமகா RD350:



    டோனிக்கு மிகவும் பிடித்த பைக் இது. அவரிடம் இரண்டு யமகா உள்ளது. அவர் பல முறை இதனை சுத்தம் மற்றும் சரி செய்வார். இவர் வாங்கிய முதல் பைக் இது. அதனை 4,500 ரூபாய்க்கு வாங்கினார்.

    கான்பிடரேட் ஹெல்காட் X32:


    இது மிகவும் அரிய பைக்காகும். இது மிகவும் வித்தியாசமாக வடிவமைக்கப்பட்டுள்ளது. இதில் டோனி பல முறை ரேஸ் செய்துள்ளார். இதன் மதிப்பு 50 லட்சம் ரூபாயாகும்.

    ஹார்லி-டேவிட்சன் பட்பாய்:


    இந்த பைக்கில் டோனி தனது சொந்த ஊரை சுற்றி வருவார். இதை பார்ப்பதற்கு மிகவும் அழகாக இருக்கும்.

    பிஎஸ்ஏ கோல்ட்ஸ்டார்:


    இது அவருடைய மோட்டார் சைக்கிள் தொகுப்புகளில் தலைச்சிறந்தது.

    கவாசாகி நின்ஜா ZX14R


    இது மிகச்சிறந்த மோட்டார் சைக்கிள்.

    யமகா FZ-1:


    டோனி சென்னை சூப்பர் கிங்ஸ் அணிக்காக விளையாடி வருகிறார். அதனால் அதிக நாட்கள் சென்னையில் தங்குகிறார். ஸ்டேடியத்திற்கு இந்த பைக்கில் தான் வருகிறார்.

    கவாசாகி நின்ஜா H2:


    இது டோனி சமீபத்தில் வாங்கிய பைக். பைக்கின் புகைப்படங்களை டோனி தனதுசமூக ஊடகங்களில் பதிவு செய்தார். இதன் மதிப்பு 30 லட்சம் ரூபாயாகும். #MahendraSinghDhoni
    ×