அமைச்சர் செங்கோட்டையன்

ஈரோடு மாவட்டம் கோபிசெட்டிபாளையம் அடுத்த காசிபாளையம் பேரூராட்சி பகுதியில் சந்தை வளாகம், புதிய சமுதாய கூடத்தை இன்று தமிழக வருவாய்த்துறை அமைச்சர் கே.ஏ. செங்கோட்டையன் திறந்து வைத்தார்.

பின்னர் அமைச்சர் செங்கோட்டையன் நிருபர்களுக்கு பேட்டி அளித்தார். அப்போது அவர் கூறியதாவது:-

நம்பிக்கையில்லாத் தீர்மானம்

தமிழக வெற்றி கழக அரசு அமைந்து ஆறு மாதங்கள் நிறைவடைந்து உள்ளது. எதிர்க்கட்சிகளுக்கு நம்பிக்கையில்லாத் தீர்மானம் கொண்டு வருவது குறித்த எண்ணங்கள் இல்லை. ஒருவேளை நம்பிக்கை இல்லாத தீர்மானம் கொண்டு வந்தால் அதையும் சந்திக்க அரசு தயாராக உள்ளது.

பேரூராட்சிகளுக்கான பதவிக்காலம் இன்னும் பிப்ரவரி மாதம் வரை உள்ளது. அதற்குப் பிறகு அரசு உள்ளாட்சி தேர்தல் நடத்த உரிய நடவடிக்கைகளை எடுக்கும்.

ஆலோசனை கூட்டம்

ஒவ்வொரு இயக்கங்களும் ஆட்சிக்கு வரும்போது, சட்டமன்ற உறுப்பினர்களை அழைத்து என்னென்ன திட்டங்களை நிறைவேற்றுவது என்பது குறித்து ஆலோசிப்பது வழக்கம். அந்த வகையில் முதலமைச்சர் விஜய் தலைமையில் நேற்றைய கூட்டம் நடைபெற்றது.

நேற்று நடைபெற்ற முதலமைச்சர் விஜய் தலைமையிலான ஆலோசனைக் கூட்டத்தில் எம்.எல்.ஏ.க்களிடம் எந்தக் கடிதங்களும் வாய்ப்பில்லை.

மனக்கசப்பு

தீபாவளி அன்று நடைபெற்ற கொலைகள் ஒவ்வொருவருக்கும் உள்ள விரோதம் மற்றும் மனக்கசப்புகள் காரணமாகவே நடந்து உள்ளது. இதில், சம்பந்தப்பட்டவர்கள் மீது நடவடிக்கை எடுக்கப்பட்டு உள்ளது.

இன்று வளர்ந்து வருகிற தமிழகத்தில் கிராமம் மற்றும் நகரத்தில் வாழும் மக்களாக இருந்தாலும், தீபாவளி என்பது குடும்பத்தினர் அனைவரும் ஒன்றிணைந்து கொண்டாடும் ஒரு நிகழ்வாகும். ஓரிரு இடங்களில் மட்டுமே இது போன்ற அசம்பாவித நிகழ்வுகள் நடைபெற்றுள்ளன.

இத்தகைய சம்பவங்கள் தவிர்க்கப்பட, மக்களிடையே பொறுமை இருப்பதுடன் பொறாமை உணர்வு இல்லாமல் இருக்க வேண்டும்.

இவ்வாறு அவர் கூறினார்.

கள்ளக்குறிச்சி எம்.எல்.ஏ., விவகாரம் குறித்த கேள்விக்கு, அதற்கு உரிய விளக்கத்தை முதலமைச்சரிடம் அவர் அளித்து உள்ளார் என்றார்.

ஜூனியர் ஆசிய கோப்பை கிரிக்கெட் போட்டி (19 வயதுக்கு உட்பட்டோர்) ஓமன் தலைநகர் மஸ்கட்டில் நடந்து வருகிறது. வரும் 14-ம் தேதி வரை நடைபெறும் இந்தப் போட்டியில் பங்கேற்றுள்ள 8 அணிகள் இரு பிரிவாகப் பிரிக்கப்பட்டு லீக் சுற்றுகளில் மோதுகின்றன.

லீக் சுற்று முடிவில் ஒவ்வொரு பிரிவிலும் டாப்-2 இடங்களைப் பிடிக்கும் அணிகள் அரையிறுதிக்கு முன்னேறும்.

முதல் லீக் போட்டியில் இந்திய அணி நேபாளத்தை 10 விக்கெட் வித்தியாசத்தில் வீழ்த்தியது. 2வது லீக் போட்டியில் இந்திய அணி பாகிஸ்தானிடம் தோல்வி அடைந்தது. 3வது லீக் போட்டியில் ஆர்யவீர் சேவாக்கின் அதிரடி சதத்தால் ஐக்கிய அரபு அமீரகம் அணியை வீழ்த்தி அரையிறுதிக்கு முன்னேறியது இந்தியா.

இந்நிலையில், இன்று நடைபெறும் அரையிறுதிப் போட்டியில் இந்திய அணி, ஆப்கானிஸ்தானை எதிர்கொண்டது. டாஸ் வென்ற ஆப்கானிஸ்தான் அணி பேட்டிங் தேர்வு செய்தது.

அதன்படி, முதலில் பேட் செய்த ஆப்கானிஸ்தான் அணி நிர்ணயிக்கப்பட்ட 50 ஓவரில் 8 விகெட்டுக்கு 227 ரன்கள் எடுத்தது.

நோர்மன் சலார்சாய், ஷான் பைசல் ரஹிமி அரை சதம் கடந்து 51 ரன்னில் அவுட்டாகினர். கேப்டன் சோஹாலி கான் 36 ரன் எடுத்து ஆட்டமிழக்காமல் இருந்தார்.

இந்தியா சார்பில் இஷான் சூட் 3 விக்கெட்டும், ஆர்யன் சவ்சானி 2 விக்கெட்டும் வீழ்த்தினர்.

இதையடுத்து, 228 ரன்கள் எடுத்தால் வெற்றி என்ற இலக்குடன் இந்திய அணி களமிறங்குகிறது.

தெற்கு காசாவில் உள்ள நாசர் மருத்துவமனையை குறிவைத்து இஸ்ரேல் நடத்திய வான்வழித் தாக்குதலில் 6 பேர் கொல்லப்பட்டதாகவும், மேலும் குறைந்தது 12 பேர் காயமடைந்ததாகவும் காசாவின் சுகாதார அமைச்சகம் தெரிவித்துள்ளது.

இந்தத் தாக்குதலில் மருத்துவமனையின் அறுவை சிகிச்சை பிரிவு குறிவைக்கப்பட்டது எனவும் உயிரிழந்த 6 பேரில் ஒரு மருத்துவரும் அடங்குவார் என்றும் காசா சுகாதார அமைச்சகம் தெரிவித்துள்ளது.

இன்று (வியாழன்) அதிகாலையில் இந்தத் தாக்குதல் நடத்தப்பட்டதாகவும், இதில் "ஒரு மூத்த ஹமாஸ் பயங்கரவாதி" மற்றும் பிற போராளிகள் தாக்கப்பட்டதாகவும் இஸ்ரேலிய ராணுவம் தெரிவித்துள்ளது. ஆனால் அதற்கான ஆதாரங்களை வழங்கவில்லை.

நாசர் மருத்துவமனை

போரினால் சுகாதார உள்கட்டமைப்பு முற்றிலுமாக சிதைக்கப்பட்ட காசாவில், தற்போது செயல்படும் சில மருத்துவ வசதிகளில் ஒன்றாக கான் யூனிஸ் நகரில் உள்ள நாசர் மருத்துவமனை விளங்குகிறது.

ஹமாஸும் அதன் கூட்டாளிகளும் ராணுவ நடவடிக்கைகளை மறைப்பதற்காக மருத்துவமனைகளை பயன்படுத்துவதாக இஸ்ரேல் குற்றம் சாட்டுகிறது. ஆனால் இஸ்ரேலின் தாக்குதல்களில் அப்பாவி மக்களே அதிகம் உயிரிழந்து வருகின்றனர்.

இஸ்ரேலியப் படைகள் இதற்கு முன்னர் 2025ல் நாசர் மருத்துவமனை வளாகத்தில் உள்ளூர் செய்தியாளர்கள் கூடும் இடத்தில் தாக்குதல் நடத்தியது. இதில் ​​ஐந்து பத்திரிகையாளர்கள் கொல்லப்பட்டனர்.

அமெரிக்காவின் முன்னணி சிப் தயாரிப்பு நிறுவனமான என்விடியா வின் நிர்வாக இயக்குநர் ஜென்சன் ஹூவாங் (வயது 63), சீன உளவாளி என்று சந்தேகிக்கப்படும் ஆலிஸ் ஹூவாங் என்ற பெண்ணு டன் ரகசிய தொடர்பு இருப்பதை ஒப்புக்கொண்டார்.

தனது மனைவியிடம் அவர் மன்னிப்பு கேட்டார். இவ்விவகாரம் அமெரிக்காவில் பெரும் சர்ச்சையை ஏற்படுத்தி இருக்கிறது.

ஜென்சன் ஹுவாங்குடனான ரகசிய உறவை பயன்படுத்தி ஆலிஸ் சீனா வுக்கு 2.40 லட்சம் செயற்கை நுண்ணறிவு சிப்களை சட்ட விரோதமாக அனுப்பியதாக தகவல் வெளியாகி இருக்கிறது.

இது தொடர்பாக அமெரிக்க புலனாய்வு அமைப் பான எப்.பி.ஐ விசாரணை நடத்தி வருகிறது. மேலும் என்விடியா இயக்குநர்கள் குழு விரிவான விசாரணை மேற்கொண்டு வருகிறது.

2வது புகார்

இந்த நிலையில் ஜென்சன் ஹூவாங் மீது 2-வது தகாத தொடர்பு குற்றச்சாட்டு எழுந்து உள்ளது. இது தொடர்பாக நியூயார்க் டைம்ஸ் பத்திரிகை செய்தி வெளியிட்டு உள்ளது.

அதில் என்விடியா நிறுவனத்தின சுகாதாரப் பிரிவு துணைத் தலைவர் கிம்பெர்லி பௌவலுடன் ஜென்சன் ஹூவாங்குக்கு திருமணத்தை மீறிய உறவு இருந்தது என்று தெரிவிக்கப்பட்டு உள்ளது.

கடந்த மார்ச் மாதம் கலிபோர்னியாவில் நடந்த என்விடியா நிறுவன மாநாட்டின் போது ஜென்சன் ​ஹுவாங்கும் கிம்பெர்லியும் ஒரு ஓட்டலில் தகாதவாறு நடந்துகொண்டதை பார்த்ததாக அந்நிறுவனத்தின் முன்னாள் ஊழியர்கள் 2 பேர் தெரிவித்தனர்.

பதவி பறிப்பு?

தலைமை அதிகாரி ஜென்சன் ஹூவாங் மீதான சர்ச்சையால் என்விடியா நிறுவனத்தின் பங்குகள் சுமார் 10 சதவீதம் சரிவை சந்தித்தன.

இதற்கிடையே ஜென்சன் ஹூவாங்கை பதவியில் இருந்து நீக்க அந்நிறுவனம் தயாராகி வருவதாக தகவல் வெளியாகி இருக்கிறது.

நிறுவனத்தில் ஜென்சன் ஹுவாங்கின் எதிர்காலம் குறித்து முடிவெடுக்க என்விடியா நிறுவன இயக்குனர்கள் குழு கூட்டம் இன்று நடைபெற உள்ளது.

தலைமைச் செயல் அதிகாரி பதவிக்கு ஜென்சன் ஹுவாங்கிற்குப் பதிலாக ஒருவரை அடையாளம் காண என்விடியா நிறுவனம் மற்றொரு நிறுவனத்துடன் இணைந்து செயல்பட்டு வருகிறது.

அதுவரை தற்காலிக தலைமை அதிகாரியை நியமிக்க முடிவு செய்ய உள்ளதாக கூறப்படுகிறது.

எலான் மஸ்க் ஆஃபர்

இந்நிலையில் தகாத உறவு சர்ச்சையில் சிக்கி உள்ள ஜென்சனை தனது நிறுவனத்தில் இணைய ஸ்பேஸ்எக்ஸ், டெஸ்லா உள்ளிட்ட பல நிறுவனங்களின் தலைவர் எலான் மஸ்க் அழைப்பு விடுத்து உள்ளார்.

ஜென்சன் ஹுவாங்கை "உங்களது நிறுவனத்தில் பணியமர்த்துமாறு" ஒரு பயனர் எக்ஸ் வலைதளத்தில் எலான் மஸ்கிடம் வலியுறுத்தினார்.

அதற்கு பதிலளித்த எலான் மஸ்க் அது ஒரு கவுரவமாக இருக்கும் என்று பதிவிட்டார்.

மத்திய அமைச்சரவையின் இந்த முடிவை வரவேற்று, பிரதமர் நரேந்திர மோடி தனது சமூக வலைதள பக்கத்தில் கூறியிருப்பதாவது:-

​இந்த குளிர்கால பருவ உர மானியத்திற்காக, சுமார் ரூ.62,370 கோடி நிதி ஒதுக்கீடு செய்யப்பட்டுள்ளது. இது கடந்த 2025- 2026-ம் ஆண்டின் ரபி பருவ மானிய தொகையை விட, சுமார் ரூ.24,418 கோடி அதிகமாகும்.

நம் நாட்டின் விவசாயிகள், எப்போதும் எங்கள் அரசின் முன்னுரிமையாக இருந்து வருகின்றனர். உலக அளவில் சவாலான சூழல் நிலவி வரும் போதிலும், விவசாயிகளின் வாழ்க்கை தரத்தை மேம்படுத்துவதில் மத்திய அரசு எந்த குறையும் வைக்கவில்லை. இதன் ஒரு பகுதியாக 2026- 2027 குளிர்கால பருவத்திற்கான உரமானியத்திற்கு மத்திய அமைச்சரவை ஒப்புதல் அளித்துள்ளது.

இதன் மூலம் சர்வதேச சந்தையில் ஏற்படும் உர விலை உயர்வு, நமது விவசாயிகளை எந்த வகையிலும் பாதிக்காது என்பது உறுதி செய்யப்பட்டுள்ளது. மேலும், விவசாயிகளுக்கு தடையின்றி நியாயமான, கட்டுப்படியான விலையில் உரங்கள் தொடர்ந்து கிடைக்கும். ​

இவ்வாறு அவர் கூறியுள்ளார்.

டாடா குழுமத்திற்கு சொந்தமான டைட்டன் நிறுவனத்தின் நகை பிராண்டாக தனிஷ்க் ஜூவல்லரி நகைக்கடைகள் நாடு முழுவதும் திறக்கப்பட்டுள்ளன.

3-வது கிளை

இங்கு தங்கம் மட்டுமின்றி வைர நகைகள் அதிக அளவில் விற்பனை செய்யப்படுகிறது. மதுரையில் ஏற்கனவே கிழக்கு வெளி வீதியில் கிறிஸ்டியன் மிஷன் ஆஸ்பத்திரி அருகிலும், அண்ணா நகர் 80 அடி சாலையில் பஸ் நிறுத்தம் அருகே என இரண்டு கிளைகள் செயல்பட்டு வருகிறது.

இந்தநிலையில் மதுரையில் தனிஷ்க் ஜூவல்லரியின் மூன்றாவது கிளை பழங்காநத்தம் ரெயில்வே பாலம் அருகில் நேரு நகர் பகுதியில் கடந்த 2 வாரங்களுக்கு முன்பு திறக்கப்பட்டது.

பணிகள் முழுமை பெறவில்லை

இருந்தபோதிலும் கடையின் பின்புறம் இன்னும் கட்டுமான பணிகள் முழுமை பெறவில்லை. சாரம் கட்டி பகல் நேரங்களில் கட்டுமான தொழிலாளர்கள் பணியில் ஈடுபட்டு வந்தனர். பணிகள் முழுமை பெறாத நிலையில் தீபாவளி விற்பனையை மையமாக வைத்து அவசரம், அவசரமாக கடை திறக்கப்பட்டது.

தீபாவளி பண்டிகையை முன்னிட்டு இந்த கடையில் பல கோடி மதிப்பிலான புதிய டிசைன்களில் விதவிதமான தங்கம், வெள்ளி, வைர நகைகள் விற்பனைக்காக கொண்டு வரப்பட்டன. குறிப்பாக வடமாநிலங்களில் உள்ள தங்கள் தயாரிப்பு கூடத்தில் இருந்து கொண்டு வரப்பட்ட நகைகள் ஷோரூமில் ஏராளமாக இருந்தன.

துணிகர கொள்ளை

இங்கு சுமார் 50-க்கும் மேற்பட்ட உள்ளூர், வெளியூர்களை சேர்ந்த ஊழியர்கள் வேலை பார்த்து வருகிறார்கள். வெளியூர்களை சேர்ந்தவர்கள் தங்குவதற்காக நகைக்கடையில் மாடியில் பிரத்யேகமாக அறைகளும் ஒதுக்கப்பட்டுள்ளன. நேற்று இரவு வழக்கம்போல் வியாபாரம் முடிந்ததும் ஊழியர்கள் அனைவரும் சென்று விட்டனர். மேலாளர் முன்னிலையில் கடை பூட்டப்பட்டு அங்கு காவலாளிகள் 5-க்கும் மேற்பட்டோர் பணியில் இருந்தனர்.

இந்தநிலையில் இன்று காலை கடையை திறந்து பார்த்தபோது, அங்கு அசாதாரண சூழ்நிலை காணப்பட்டது. மேலும் அங்குள்ள பொருட்கள், நகைகள் கோர்த்து வைக்கப்பட்டிருக்கும் அட்டைகள் அனைத்தும் ஆங்காங்கே சிதறிக்கிடந்தன. இதனால் ஏதோ அசம்பாவிதம் நடந்திருப்பதை உறுதி செய்த ஊழியர்கள் உடனடியாக மேலாளர் மற்றும் தங்களது தலைமை அலுவலகத்திற்கு தகவல் தெரிவித்தனர்.

35 கிலோ கொள்ளை

அதன்பேரில் விரைந்து வந்த தனிஷ்க் ஜூவல்லரி அதிகாரிகள் ஆய்வு மேற்கொண்டனர். அப்போது விற்பனைக்கான பல்வேறு கண்ணாடி ரேக்குகளில் அடுக்கி வைத்திருந்த நகைகள் எதையும் காணவில்லை. அனைத்து ரேக்குகளும் காலியாக இருந்ததால் பெரும் பதட்டம் உருவானது.

பின்னர் அவர்கள் மேற்கொண்ட கணக்கெடுப்பு பணியில் முதற்கட்டமாக 35 கிலோவிற்கும் மேல் தங்க நகைகள் கொள்ளை போயிருந்தது தெரியவந்தது. அதன் மதிப்பு ரூ.50 கோடிக்கும் மேல் இருக்கும் என்று கூறப்படுகிறது. அதாவது இன்று அதிகாலை சுமார் 3 மணியில் இருந்து 4 மணிக்குள் இந்த துணிகர கொள்ளை சம்பவம் அரங்கேறி இருக்கிறது.

மர்ம நபர்கள்

இந்த கொள்ளையில் 5-க்கும் மேற்பட்ட மர்மநபர்கள் ஈடுபட்டிருக்கலாம் என்று கூறப்படுகிறது. இந்த நகைக்கடையானது தனி கட்டிடமாக அமைந்துள்ளது. மேலும் தற்போது கடையின் பின்புறம் கட்டுமான பணிகள் நடைபெற்றுக் கொண்டு இருப்பதால் அதற்காக அமைக்கப்பட்டுள்ள இரும்பு சாரங்கள், கட்டைகளை பயன்படுத்தி கொள்ளையர்கள் உள்ளே புகுந்திருக்கலாம் என்று தெரியவந்துள்ளது.

இதுபற்றிய தகவல் அறிந்ததும் மதுரை மாநகர போலீஸ் கமிஷனர் ராஜேந்திரன் மற்றும் போலீசார் கொள்ளை சம்பவம் நடந்த கடைக்கு வந்து விசாரணையை தொடங்கினர். மேலும் எஸ்.எஸ்.காலனி போலீசார் மோப்பநாய் உதவியுடன் கொள்ளை நடந்த நகைக்கடையில் முகாமிட்டு அனைத்து பகுதிகளிலும் அங்குலம், அங்குலமாக விசாரணை நடத்தினர். அதேபோல் தடயவியல் நிபுணர்களும் வரவழைக்கப்பட்டு கொள்ளையர்கள் விட்டுச்சென்ற தடயங்கள், கைரேகைகளை சேகரித்தனர்.

சி.சி.டி.வி. கேமரா காட்சிகள்

மேலும் தனிஷ்க் ஜூவல்லரியில் அமைக்கப்பட்டுள்ள சி.சி.டி.வி. கேமரா காட்சிகளையும் போலீசார் கைப்பற்றி முதல்கட்ட விசாரணையை தொடங்கியுள்ளனர். அத்துடன் அந்த பகுதியில் உள்ள குடியிருப்புகளில் இன்று காலை சந்தேகப்படும்படியான நபர்கள் யாராவது வந்து சென்றார்களா? வாகனங்கள் எதாவது வந்ததா? என்றும் விசாரணை நடத்தப்பட்டு வருகிறது. கடையில் பணியாற்றும் ஊழியர்களிடம் தனித்தனியாக விசாரணை நடத்த போலீசார் முடிவு செய்துள்ளனர்.

இந்த கொள்ளை சம்பவத்தை அரங்கேற்ற கொள்ளையர்கள் சில நாட்கள் திட்டம் தீட்டி இருக்கலாம் என்றும், புதிதாக கடை அமைக்கப்பட்டுள்ளதாலும், தீபாவளி பண்டிகையை முன்னிட்டும் அதிக அளவில் நகைகள் இருக்கும் என்பதை தெரிந்து கொண்டும் மர்மநபர்கள் உள்ளே புகுந்துள்ளனர்.

அவர்கள் தங்களை அடையாளம் காணாமல் இருப்பதற்காக முகமூடி அணிந்திருந்தார்களா? கடைக்குள் புகுந்திருந்த அவர்களது முகம் கடைக்கு உள்ளே பொருத்தப்பட் டுள்ள சி.சி.டி.வி. கேமராவில் பதிவாக இருக்கிறதா? என்றும் ஆய்வு நடத்தப்பட்டு வருகிறது. கொள்ளை குறித்து போலீஸ் கமிஷனர் ராஜேந்திரன் கூறுகையில், கடையில் இருந்த மொத்த தங்கத்தின் அளவில் சுமார் 30 சதவீதம் திருடு போயுள்ளது. கொள்ளை சம்பவம் தொடர்பாக காவல்துறையினர் தொடர்ந்து விசாரணை மேற்கொண்டு வருகின்றனர் என்றார்.

இதனிடையே, நகைக்கடையில் 500 சவரன் நகை கொள்ளையடிக்கப்பட்ட சம்பவம் தொடர்பாக விசாரிக்க 5 தனிப்படைகள் அமைக்கப்பட்டுள்ளது. இதனால் விசாரணை தீவிரமாக்கப்பட்டுள்ளது.

ஐபிஎல் 2027 தொடருக்காகப் பஞ்சாப் கிங்ஸ் அணியிலிருந்து மும்பை இந்தியன்ஸ் அணிக்கு அவர் மாற்றப்பட்ட அதிகாரப்பூர்வ அறிவிப்பு வெளியான சில மணி நேரங்களிலேயே, இந்த நிச்சயதார்த்தப் புகைப்படங்களும் வெளியாகி ரசிகர்களுக்கு இரட்டிப்பு மகிழ்ச்சியை அளித்துள்ளன.

நியூசிலாந்தில் நடந்த காதல் நிச்சயதார்த்தம்

தற்போது நியூசிலாந்து அணிக்கு எதிரான 5 போட்டிகள் கொண்ட ஒருநாள் தொடரில் விளையாடுவதற்காக அர்ஷ்தீப் சிங் நியூசிலாந்தில் உள்ளார். அவருடன் சம்ரீன் கவுரும் அங்குச் சென்றுள்ள நிலையில், நேற்று அர்ஷ்தீப் சிங் சம்ரீன் விரலில் மோதிரம் அணிவிக்கும் புகைப்படங்களை சம்ரீன் தனது இன்ஸ்டாகிராம் பக்கத்தில் பகிர்ந்துள்ளார்.

அந்தப் பதிவில், "வாழ்க்கை எங்களுக்குக் கொடுத்த அனைத்திலும், நாங்கள் ஒருவருக்கொருவர் கிடைத்ததில் தான் நான் மிகவும் மகிழ்ச்சியடைகிறேன். வாழ்நாள் முழுவதும் இணைந்திருப்போம். 11.11.2026 " என நெகிழ்ச்சியுடன் குறிப்பிட்டுள்ளார்.

யார் இந்த சம்ரீன் கவுர்?

ஜம்மு-காஷ்மீரைச் சேர்ந்த சம்ரீன் கவுர், நடிகை மற்றும் மாடல் ஆவார். 2018-ம் ஆண்டு நடைபெற்ற ஃபெமினா மிஸ் இந்தியா போட்டியில் ஜம்மு-காஷ்மீர் சார்பில் இறுதிச்சுற்று வரை முன்னேறியவர்.

பாலிவுட்டில் வெளியான '83' திரைப்படம், 'சர்தார் ஜி 2' பஞ்சாபி திரைப்படம் மற்றும் ஜீ5 தளத்தில் வெளியான 'நெயில் பாலிஷ்' வெப் சீரிஸ் ஆகியவற்றில் நடித்துள்ளார். மேலும், குரு ரந்தாவா, பாட்ஷா, ஜுபின் நௌடியல் ஆகியோரின் இசை ஆல்பங்களிலும் தோன்றியுள்ளார்.

காதல் கதையும் விக்கெட் கொண்டாட்டமும்

ஐபிஎல் 2026 தொடரின்போதே பஞ்சாப் அணிக்கு சம்ரீன் ஆதரவளித்ததும், இருவரும் தர்மசாலாவில் கைகோர்த்து நடந்த வீடியோக்களும் வைரலாகி காதல் வதந்திகளைக் கிளப்பின. இதையடுத்து, கடந்த ஜூலை 26-ம் தேதி சம்ரீனுடன் இருக்கும் புகைப்படத்தைப் பகிர்ந்து "My Person" எனக் குறிப்பிட்டு அர்ஷ்தீப் தனது காதலை உறுதிப்படுத்தினார்.

சமீபத்தில் ஆக்லாந்தில் நடைபெற்ற நியூசிலாந்துக்கு எதிரான முதல் ஒருநாள் போட்டியில் 4 விக்கெட்டுகளை வீழ்த்திய அர்ஷ்தீப், வித்தியாசமான நடன அசைவுகளுடன் விக்கெட்டைக் கொண்டாடினார். இது குறித்துப் பேசிய அவர், சோகமாக இருக்கும்போது ஒருவரையொருவர் உற்சாகப்படுத்திக் கொள்ளத் தாங்கள் போடும் நடனத்தைத் தனது காதலிக்கு அர்ப்பணித்ததாகக் கூறியிருந்தார்.

IPL வரலாற்றில் மெகா டிரேட்

தனிப்பட்ட வாழ்க்கையில் மட்டுமின்றி கிரிக்கெட் வாழ்க்கையிலும் அர்ஷ்தீப்பிற்கு நேற்று முக்கிய நாளாக அமைந்தது. ஐபிஎல் 2027 தொடருக்காக மும்பை இந்தியன்ஸ் மற்றும் பஞ்சாப் கிங்ஸ் அணிகளுக்கு இடையே மிகப்பெரிய வீரர்கள் பரிமாற்றம் நடைபெற்றுள்ளது.

இதன்படி, ஹர்திக் பாண்டியா பஞ்சாப் கிங்ஸ் அணிக்குச் செல்ல, அர்ஷ்தீப் சிங் தனது தற்போதைய ஏலத் தொகையான ரூ.18 கோடிக்கு மும்பை இந்தியன்ஸ் அணியில் இணைந்துள்ளார். 2019 முதல் பஞ்சாப் அணிக்காக 96 போட்டிகளில் விளையாடி 111 விக்கெட்டுகளை வீழ்த்தி, அந்த அணியின் அதிக விக்கெட் வீழ்த்திய வீரர் என்ற சாதனையுடன் அவர் மும்பை அணிக்குச் செல்கிறார்.

அ.தி.மு.க. பொதுச்செயலாளர் எடப்பாடி பழனிசாமி எக்ஸ் தள பக்கத்தில் வெளியிட்டுள்ள பதிவில்,

அரசின் முதன்மை கடமை

சென்னை அம்பத்தூர் தொழிற்பேட்டை அருகே திறந்தவெளியாக விடப்பட்டிருந்த மழைநீர் வடிகால் பள்ளத்தில் தவறி விழுந்து, இரும்புக்கம்பி தலையில் செருகி 25 வயதே நிரம்பிய இளைஞர் பரிதாபமாக உயிரிழந்ததாக வரும் செய்தி அதிர்ச்சியளிக்கிறது.

எந்தவொரு மழைநீர் வடிகால் அல்லது சாலையோரப் பணிகள் மேற்கொள்ளப்படும்போதும், அங்கே எச்சரிக்கைப் பலகைகள், ஒளிரும் ஸ்டிக்கர்கள் மற்றும் தகுந்த தடுப்புகள் (Barricades) அமைத்து விபத்துகள் ஏற்படாத வண்ணம் பணிகளை மேற்கொள்வது அரசின் முதன்மை கடமையாகும்.

முதலமைச்சரின் நேரடிக் கட்டுப்பாட்டில் உள்ள நகராட்சி நிர்வாகத் துறையின் குளறுபடிகளாலும், முறையான திட்டமிடல் இன்றி அவசர அவசரமாக மேற்கொள்ளப்படும், உள்கட்டமைப்புப் பணிகளாலும், எந்த நடைமுறைகளும் இங்கு பின்பற்றாத காரணத்தினாலும், எதிர்கால கனவுகள் நிரம்பிய ஒரு அப்பாவி இளைஞரின் உயிர் இங்கே பறிபோயிருக்கிறது.

உரிய இழப்பீடு

நகராட்சி நிர்வாகத் துறை முதலமைச்சர் அவர்களின் நேரடிக் கண்காணிப்பில் இயங்கி வரும் நிலையில், தலைநகர் சென்னையிலேயே இப்படி ஒரு அசம்பாவிதம் நிகழ்ந்திருப்பது என்பது முதலமைச்சர் விஜய் அவர்களின் நிர்வாகத் திறமையின்மையையும் மெத்தனப்போக்கையும் வெளிச்சம் போட்டுக் காட்டுகிறது.

உயிரிழந்த இளைஞரின் குடும்பத்திற்கு தவெக அரசு உடனடியாக உரிய இழப்பீடு வழங்க வேண்டும்.

மேலும் தமிழகம் முழுவதும் தோண்டப்பட்டு பாதுகாப்பு இன்றி அரைகுறையாகக் கிடக்கும் அனைத்து வடிகால் பணிகளையும் உடனடியாக சீரமைத்து பணிகளை பாதுகாப்பு தடுப்புகளை அமைக்க வேண்டும் எனவும் பொய்க்கால்குதிரை தவெக அரசை வலியுறுத்துகிறேன்.

நிமோனியா குறித்த விழிப்புணர்வை ஏற்படுத்த 2009ஆம் ஆண்டு முதல் நவம்பர் 12ம் தேதி உலக நிமோனியா தினம் அனுசரிக்கப்படுகிறது.

'நிமோனியா கட்டுப்பாட்டின் புதிய சகாப்தம்' ('A New Era of Pneumonia Control') என்பதே இந்த ஆண்டின் கருப்பொருள் ஆகும்.

நிமோனியா

நிமோனியா என்பது நுரையீரலை பாதிக்கும் ஒரு தொற்று நோயாகும். பாக்டீரியா, வைரஸ் அல்லது பூஞ்சை தொற்றுகளால் இது ஏற்படுகிறது.

இந்த தொற்று, நுரையீரலில் உள்ள அல்வியோலி எனும் நுண்ணிய காற்றுப் பைகளில் திரவம் அல்லது சீழ் நிரம்பக் காரணமாகிறது.

இதனால், உடலுக்குப் போதுமான ஆக்ஸிஜன் கிடைப்பது கடினமாகிறது. நிமோனியா ஒன்று அல்லது இரண்டு நுரையீரல்களையும் பாதிக்கலாம்.

அறிகுறிகள்

5 வயதுக்குட்பட்ட சிறிய குழந்தைகள், முதியவர்கள், நோய் எதிர்ப்பு சக்தி குறைவாக உள்ளவர்கள் உலகளவில் நிமோனியா தொற்றால் அதிகம் பாதிக்கின்றனர்.

இது ஆரம்பத்தில் சாதாரண சளி, இருமல் அல்லது காய்ச்சல் என தொடங்கும். ஆனால் உடனடியாக கண்டறிந்து சிகிச்சை அளிக்கப்படாவிட்டால், உயிரிழப்பை ஏற்படுத்தக்கூடும்.

தொடர் இருமல், கடும் காய்ச்சல், சுவாசிப்பதில் சிரமம், மார்பு வலி, அதீத சோர்வு ஆகியவை நிமோனியாவுக்கான ஆரம்பகட்ட அறிகுறிகள் ஆகும்.

தீர்வு

சோப்பு போட்டு கைகளைக் கழுவது, இருமும்போதும் தும்மும்போதும் வாயையும் மூக்கையும் மூடிக்கொள்வது, புகைப்பிடிப்பதை தவிர்ப்பது, சத்தான உணவை சாப்பிடுவது, குழந்தைகளுக்கு உரிய நேரத்தில் தடுப்பூசி செலுத்துவது நிமோனியா தொற்று பரவல் மற்றும் பாதிப்பை குறைக்கும் வழிகளாகும்.

உடனே தீயணைப்பு வீரர்கள், மீட்புக்குழுக்கள் விரைந்து சென்று மீட்புப்பணிகளில் ஈடுபட்டனர். இதில் இடிபாடுகளில் சிக்கியவர்களை மீட்டனர். இந்த விபத்தில் 2 பேர் பலியானார்கள். 17 பேர் காயம் அடைந்தனர். அவர்கள் மருத்துவமனையில் சேர்க்கப்பட்டு உள்ளனர். இதில், 4 பேரின் நிலைமை கவலைக்கிடமாக உள்ளது.

இடிந்து விழுந்த கட்டிடத்துடன் சுவரையொட்டியுள்ள மற்றொரு கட்டிடத்தின் சுவர் முழுமையாக இடிந்து அங்கிருந்த அறைகள், ஒரு படுக்கையறை மற்றும் ஆடைகள் நிறைந்த அலமாரிகள் வெளியே தெரிந்தன.

கட்டிடம் இடிந்து விழுந்ததற்கான காரணம் குறித்து உடனடியாக தெரியவில்லை. இதுதொடர்பாக தீவிர விசாரணை நடந்து வருகிறது.

மேலும், அப்பகுதியில் உள்ள மற்ற கட்டிடங்களின் கட்டமைப்பு உறுதித்தன்மையை அதிகாரிகள் சரிபார்த்து வருகிறார்கள். விபத்து நடந்த பகுதியில் கட்டுமானப் பணிக்காக பள்ளம் தோண்டும் பணி நடைபெற்று வந்தது என்பது குறிப்பிடத்தக்கது.

மறைந்த இந்திய பிரதமர் ஜவகர்லால் நேரு பிறந்த நாள் குழந்தைகள் தினமாக நவம்பர் 14-ந்தேதி கொண்டாடப்படுகிறது. அந்த நாளில் பள்ளி குழந்தைகளுக்கு இனிப்பு வழங்குவது வழக்கம்.

முதலமைச்சர் விஜய்

முதலமைச்சர் விஜய் குழந்தைகள் தினத்தன்று பள்ளி மாணவர்களுக்கு கேக் வழங்கப்படும் என்று அறிவித்தார். அதனைத் தொடர்ந்து நுகர்பொருள் வாணிப கழகம் சார்பில் கேக் கொள்முதல் செய்யப்பட்டது.

அதன்படி அரசு மற்றும் உதவி பெறும் பள்ளிகளில் படிக்கும் 62 லட்சம் மாணவ, மாணவிகளுக்கு கேக் வழங்குவதற்கான பணிகள் தொடங்கின. 45 கிராம் எடையுள்ள கேக் ஒவ்வொரு மாணவர்களுக்கும் வழங்கப்பட உள்ளது. கேக்குடன் முதலமைச்சரின் குழந்தைகள் தின வாழ்த்து அட்டையும் கொடுக்கப்பட உள்ளது.

கேக்

சென்னையில் அரசு, மாநகராட்சி பள்ளிகள் மற்றும் உதவி பெறும் பள்ளிகள் 890 செயல்பட்டு வருகின்றன. அங்கு படிக்கின்ற சுமார் 3 லட்சம் மாணவர்களுக்கு கேக் வழங்கப்பட உள்ளது.

குழந்தைகள் தினத்தையொட்டி கேக் வழங்கும் புதிய திட்டத்தை த.வெ.க. அரசு புதிதாக செயல்படுத்துவதால் இதனை முதலமைச்சர் விஜய் தொடங்கி வைக்கிறார்.

குழந்தைகள் தின விழா

குழந்தைகள் தின விழா சனிக்கிழமை விடுமுறை தினத்தில் வருவதால் நாளை இத்திட்டத்தை தொடங்கி வைக்க கல்வித்துறை முடிவு செய்துள்ளது.

இந்நிலையில், நவ.14-ல் குழந்தைகள் தினத்தை முன்னிட்டு கொளத்தூரில் உள்ள பள்ளியில் முதலமைச்சர் விஜய் குழந்தைகள் தினம் கொண்டாட திட்டமிட்டுள்ளார். நாளை கொளத்தூர் தொகுதியில் உள்ள நடுநிலைப்பள்ளியில் நடைபெறும் குழந்தைகள் தின விழாவில் முதலமைச்சர் விஜய் பங்கேற்கிறார்.

சென்னை புறநகர் உள்ளிட்ட பகுதிகளில் உள்ள டாஸ்மாக் கடைகளில் தினசரி விற்பனையாகும் பணத்தை வங்கி ஏஜெண்டுகள் மூலம் வசூல் செய்வது வழக்கம்.

அதன்படி நேற்று முன்தினம் இரவு வங்கி ஏஜெண்ட் தாஸ் மற்றும் டிரைவர் அபீப் வெள்ளை நிற ஸ்விஃப்ட் காரில் 22 கடைகளில் வசூல் செய்துள்ளனர். நேற்று முன்தினம் இரவு 10 மணிக்கு ஒரகடம் மதுபான கடையில் வசூல் செய்வதற்காக சென்றுள்ளனர். ஒரகடம் கடையில் தாஸ் பணத்தை வாங்குவதற்காக கடைக்குள் சென்ற நிலையில், ஓட்டுநர் மட்டும் காரில் இருந்துள்ளார். அப்போது அருகில் இருசக்கர வாகனத்தில் வந்த நபர், வேகமாக வந்து கார் மீது மோதியதாக கூறப்படுகிறது.

கொள்ளை

இதனால் ஓட்டுநருக்கும் அந்த நபருக்கும் இடையே தகராறு ஏற்பட்டுள்ளது. இந்த சந்தர்ப்பத்தை பயன்படுத்திய 3-க்கும் மேற்பட்ட மர்மநபர்கள், வசூல் பணத்துடன் காரையே கடத்திச் சென்றனர். பின்னர் படப்பை அருகே காரணிதாங்கலில் காரை சாலையோரம் நிறுத்திவிட்டு, அதிலிருந்த ஒரு கோடியே 50 லட்சம் ரூபாய் பணத்தை மட்டும் எடுத்துக் கொண்டு தப்பி ஓடியுள்ளனர்.

இது குறித்து தகவல் அறிந்து சம்பவ இடத்திற்கு விரைந்த ஸ்ரீபெரும்புதூர் துணை போலீஸ் சூப்பரண்டு கீர்த்திவாசன் ஒரகடம் இன்ஸ்பெக்டர் வடிவேல் முருகன் மற்றும் போலீசார் காரனைதாங்கள் பகுதியில் காணப்பட்ட காரை மீட்டு ஆய்வு செய்தனர். கைரேகை நிபுணர்கள் வரவழைக்கப்பட்டு தடயங்கள் சேகரிக்கப்பட்டது. கொள்ளையர்களை பிடிக்க 7 தனிப்படைகள் அமைக்கப்பட்டு, சுற்றியுள்ள பகுதிகளில் உள்ள சிசிடிவி காட்சிகளை ஆய்வு செய்து தீவிர விசாரணை மேற்கொண்டு வருகின்றனர்.

இந்நிலையில் கார் டிரைவர் அபிப்யிடம் சந்தேகத்தின் பேரில் தீவிர விசாரணை நடத்தி வருகின்றனர். ரூ.1.50 கோடி பணம் காரில் இருக்கும் போது பணத்தை எந்த பாதுகாப்பும் இல்லாமல் அப்படியே காரில் விட்டு விட்டு காரில் இருந்து இறங்கி ஓடியது ஏன்? கார் சாவியை காரிலியே விட்டு விட்டு இறங்கி ஓடியது ஏன்? என போலீசாருக்கு பல சந்தேககள் எழுந்து உள்ளது. விசாரணை முடிவில் பல திடிக்கிடும் தகவல் வெளியாகும் என தெரிகிறது.

கடந்த திமுக ஆட்சியில் தனியார் பள்ளிகளுக்கு அங்கீகாரம், அனுமதிகள் பெற்றுத் தருவதாகக் கூறி, தனியார் பள்ளிகளிடம் 100 கோடி ரூபாய் மேல் வசூலித்து மேசடியில் ஈடுபட்டதாக பதிவு செய்யப்பட்ட வழக்கில், திமுக முன்னாள் அமைச்சர் அன்பில் மகேஷ் சென்னை மத்திய குற்றப் பிரிவு போலீசாரால் கடந்த அக்டோபர் 26-ந்தேதி கைது செய்யப்பட்டார். அவரை, வருகிற 18-ந்தேதி வரை நீதிமன்ற காவலில் சிறையில் அடைக்க சென்னை ஊழல் தடுப்பு வழக்குகளை விசாரிக்கும் சிறப்பு நீதிமன்றம் உத்தரவிட்டுள்ளது.

இந்தநிலையில், அன்பில் மகேஷ் ஜாமின் மனுவை சென்னை ஊழல் தடுப்பு சட்ட வழக்குகளுக்கான சிறப்பு நீதிமன்றம் கடந்த 10-ந்தேதி தள்ளுபடி செய்தது.

பதிலளிக்க அவகாசம்

இதையடுத்து, ஜாமின் கோரி அன்பில் மகேஷ் தரப்பில் சென்னை ஐகோர்ட்டில் தாக்கல் செய்யப்பட்ட மனு நீதிபதி வி.லட்சுமிநாராயணன் முன்பு விசாரணைக்கு இன்று வந்தது.

அப்போது, சென்னை மத்திய குற்றப்பிரிவு தரப்பில் அரசு தலைமை குற்றவியல் வக்கீல் ஜான் சத்யன் ஆஜராகி, இந்த வழக்கில் சரணடைந்த முன்னாள் எம்.எல்.ஏ.முத்துகுமாரை காவலில் எடுத்து விசாரிக்க இருக்கிறோம். மற்றொரு குற்றம்சாட்டப்பட்ட நபரான சரவணன் நேற்று சரணடைந்துள்ளார். எனவே மகேஷ் ஜாமின் மனு குறித்து பதிலளிக்க அவகாசம் வழங்க வேண்டும் என கோரிக்கை வைத்தார்.

அதனை ஏற்ற நீதிபதி, போலீஸ் தரப்பு பதிலளிக்க உத்தரவிட்டு வழக்கின் விசாரணையை வருகிற 17-ந்தேதி தள்ளிவைத்து உத்தரவிட்டார்.

இதைத் தொடர்ந்து வீரர்களுக்கான பரிமாற்ற வர்த்தக பேச்சுவார்த்தையில் ஒவ்வொரு அணியும் ஈடுபட்டு வருகின்றன. இதுவரை 10 வீரர்கள் பரிமாற்றம் செய்யப்பட்டுள்ளனர்.

7 வங்காளதேச வீரர்கள்

இதற்கிடையே ஐ.பி.எல். மினி ஏலத்தில் 7 வங்காளதேச வீரர்கள் பதிவு செய்துள்ளார்கள் என்ற தகவல் வெளியாகி உள்ளது. வங்காளதேச கிரிக்கெட் வாரியம் இதை உறுதிப்படுத்தியது. ஐ.பி.எல். மினி ஏலத்துக்கு முன்பு இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) பல்வேறு கிரிக்கெட் வாரியங்களை தொடர்பு கொள்வது வழக்கம்.

அதேமாதிரி தற்போது பி.சி.சி.ஐ. தொடர்பு கொண்டது. வங்காளதேச கிரிக்கெட் வாரியமும் அந்த பட்டியலில் சேர்க்கப்பட்டு உள்ளதாக கூறப்படுகிறது.

அதன்படி முஷ்டாபிசுர் ரகுமான், நகீத் ரானா, ரிஷாத் உசேன், ஹசன் மகமூத், தவ்ஹித் ஹர்தோய், தஷ்கின் அகமது, ஷோரிபுல் இஸ்லாம் ஆகிய 7 வங்காள தேச வீரர்கள் மினி ஏலத்தில் தங்களது பெயர்களை பதிவு செய்கிறார்கள்.

முஷ்டாபிசுர் ரகுமான்

கடந்த டிசம்பர் மாதம் நடைபெற்ற ஐ.பி.எல். மினி ஏலத்தில் வங்காள தேச வேகப்பந்து வீரரான முஷ்டாபிசுர் ரகுமானை ரூ.9.20 கோடிக்கு கொல்கத்தா நைட் ரைடர்ஸ் ஏலத்தில் எடுத்தது.

வங்காள தேசத்தில் நடந்த கலவரத்தில் இந்துக்கள் தாக்கப்பட்டதை தொடர்ந்து ஐ.பி.எல். போட்டியில் முஷ்டாபிசுர் ரகுமான் பங்கேற்க இந்தியாவில் கடும் எதிர்ப்பு கிளம்பியது. இதைத் தொடர்ந்து கொல்கத்தா அணி நிர்வாகம் அவரை விடுவித்தது.

இதை தொடர்ந்து இந்தியாவில் நடைபெற்ற 20 ஓவர் உலக கோப்பையை வங்காளதேசம் புறக்கணித்தது. தங்கள் போட்டியை இலங்கைக்கு மாற்றுமாறு அந்நாட்டு கிரிக்கெட் வாரியம் விடுத்த வேண்டுகோளை சர்வதேச கிரிக்கெட் கவுன்சில் (ஐ.சி.சி.) நிராகரித்தது.

இதை தொடர்ந்து வங்காளதேசம் 20 ஓவர் உலக கோப்பையில் இருந்து விலகியது. அந்த அணிக்கு பதிலாக ஸ்காட்லாந்து கடைசி நேரத்தில் சேர்க்கப்பட்டது.

முஷ்டாபிசுர் ரகுமானின் 10 மாத சர்ச்சைக்கு பிறகு வங்காளதேச வீரர்கள் 7 பேர் ஐ.பி.எல். மினி ஏலத்தில் பதிவு செய்து உள்ளனர் என்பது குறிப்பிடத்தக்கது.

நார்வேயில் பிரதமர் மோடியிடம் பத்திரிகை சுதந்திரம் குறித்து கேள்வி எழுப்பிய பத்திரிகையாளர் ஹெல் லிங்கின் இந்தியாவுக்கு பயணம் செய்ய இருந்த சில மணி நேரங்களுக்கு முன்பு, அவரது விசா ரத்து செய்யப்பட்டுள்ளது.

பயணம்

நவம்பர் 12 முதல் 14 வரை ஐதராபாத்தில் தெலுங்கானா அரசால் ஏற்பாடு செய்யப்பட்டிருந்த 'பாரத் உச்சிமாநாட்டில்' பங்கேற்பதற்காக லிங் இந்தியா வரவிருந்தார்.

அந்த உச்சிமாநாட்டில் 'ஊடகங்களின் எதிர்காலம்' என்ற தலைப்பில் உரையாற்ற அவர் அழைக்கப்பட்டிருந்தார்.

லிங் இந்தியாவுக்குப் பயணம் செய்ய செல்லுபடியாகும் ஒருமுறை நுழைவு விசாவை வைத்திருந்தார்.

இந்திய தூதரகம் அழைப்பு

நேற்று (புதன்கிழமை), அவர் ஓஸ்லோவிலிருந்து ஐதராபாத் வரும் விமானத்தில் ஏறத் தயாராகிக் கொண்டிருந்தபோது, ​​நார்வேயில் உள்ள இந்தியத் தூதரகத்திலிருந்து அவருக்கு ஒரு அழைப்பு வந்தது.

அவரது விசா ரத்து செய்யப்பட்டதால் அவரால் இந்தியாவுக்குப் பயணம் செய்ய முடியாது என்று அதிகாரிகள் தெரிவித்தனர்.

மேலும், விசா ரத்து செய்வதற்கான அதிகாரப்பூர்வ செயல்முறையை நிறைவு செய்ய, அவர் தூதரகத்திற்கு நேரில் வருமாறும் கேட்டுக்கொள்ளப்பட்டார்.

முன்னதாக அவர் இந்தியாவுக்கு பயணிக்க வெளியுறவு அமைச்சகத்தின் அனுமதி இருந்தபோதிலும் உள்துறை அமைச்சக தலையீட்டால் விசா கடைசி நேரத்தில் ரத்து செய்யப்பட்டதாக கூறப்படுகிறது.

பைத்தியக்காரத்தனம்

இதுகுறித்து தனது ஆதங்கத்தை பகிர்ந்துகொண்ட லிங், "இது அதிர்ச்சியளிக்கிறது. இது ஒரு பைத்தியக்காரத்தனமான முடிவு!

இந்த வார இறுதியில் நடைபெறவிருந்த ஒரு மாநாட்டில் கலந்துகொள்வதற்காக நான் இந்தியா வரவிருந்தேன் நான் இந்தியா வர அனுமதிக்கப்பட்டேன். அந்த அனுமதியின் அடிப்படையில்தான் விசாவும் வழங்கப்பட்டது.

ஆனால், நான் இந்தியாவுக்குள் நுழையக் கூடாது என்று கடைசி நிமிடத்தில் உள்துறை அமைச்சகம் முடிவு செய்திருப்பதாக தெரிகிறது.

என் விஷயத்தில் உள்துறை அமைச்சகத்தின் பங்கு என்னவென்று எனக்குப் புரியவில்லை." என்று தெரிவித்தார்.

மோடி ஆட்சியில் ஜனநாய தாயின் நிலை

அமைப்பாளர்களில் ஒருவரான புஷ்பராஜ் தேஷ்பாண்டே, லிங்கால் உச்சிமாநாட்டில் கலந்துகொள்ள முடியாதது குறித்து தனது ஏமாற்றத்தை வெளிப்படுத்தினார்.

"ஹெல்லே லிங் நம்முடன் இந்த உச்சிமாநாட்டில் கலந்துகொள்ள முடியாதது மிகவும் துரதிர்ஷ்டவசமானது.

'ஜனநாயகத்தின் தாய்' என்று அழைக்கப்படும் ஒரு நாடு, பிரதமர் மோடி மற்றும் உள்துறை அமைச்சர் அமித் ஷாவின் ஆட்சியில் இப்படித்தான் இருக்கிறது!" என்று அவர் தனது எக்ஸ் பக்க பதிவில் தெரிவித்துள்ளார்.

பதில் சொல்லாத பிரதமர் மோடி

இந்த ஆண்டு மே மாதம் நார்வேயின் ஓஸ்லோ நகருக்கு பிரதமர் நரேந்திர மோடி பயணம் மேற்கொண்டார்.

மோடியும் நார்வே பிரதமர் ஜோனாஸ் கார் ஸ்டோரும் இணைந்து செய்தியாளர் சந்திப்பு நடத்தினர். அதில் அறிக்கை வாசித்த மோடி, செய்தியாளர்களின் கேள்விக்கு பதிலளிக்காமல் செல்ல முயன்றார்.

அப்போது ஹெல்லே லியங் உரக்க, "பிரதமர் மோடி, உலகின் மிகவும் சுதந்திரமான ஊடகத்திலிருந்து சில கேள்விகளை நீங்கள் ஏன் கேட்க மறுக்கிறீர்கள்?" என்று கேள்வி எழுப்பினார். அதற்கும் பதிலளிக்காமல் மோடி அங்கிருந்து அவசராமாக வெளியேறினார்.

அதோடு நிற்காமல், லிங் வெளியுறவு அமைச்சகத்தின் செயலாளர் சி.பி. ஜார்ஜிடம் கேள்விகளை எழுப்பினார்.

இந்தியாவில் மனித உரிமை மீறல்கள் குறித்த குற்றச்சாட்டுகள் மற்றும் பத்திரிகையாளர்களின் கேள்விகளுக்கு மோடி பதிலளிக்க மறுத்த முடிவு குறித்தும் அவர் கேள்விகளை எழுப்பினார்.

மழைக்காலத்தில் வெளியே சென்று பொருட்களை வாங்க முடியாத சூழலில், பொதுமக்கள் உணவு மற்றும் மளிகைப் பொருட்கள் டெலிவரி செயலிகளை அதிகம் நாடுகின்றனர். ஆனால், மழைக்காலக் கூடுதல் கட்டணம் என்ற பெயரில் அதிகத் தொகை வசூலிக்கப்படுவதாக மக்கள் குற்றம் சாட்டுகின்றனர்.

மழைக்காலத்தில் பேருந்துகள் மற்றும் ரயில்கள் தாமதமாவதாலும், போக்குவரத்து நெரிசல் ஏற்படுவதாலும் எரிபொருள் மற்றும் பயணச் செலவுகளும் பன்மடங்கு உயர்ந்துள்ளன.

தொடர்ந்து மழையால் தினக்கூலித் தொழிலாளர்களின் வாழ்வாதாரம் பாதிக்கப்பட்டிருப்பதாக மக்களின் தரப்பில் கருத்துக்கள் கூறப்படுகிறது.

மழைக்காலத்தில் போக்குவரத்து மற்றும் புட் டெலிவெரி கட்டணங்கள் உயர்வு தொடர்பாக மாலைமலர் சார்பில் vox pop நடத்தப்பட்டது. அதில், விலை உயர்வு குறித்து சென்னைவாசிகள் என்ன சொல்கிறார்கள் என்பதைக் கீழே உள்ள வீடியோவில் விரிவாகப் பார்ப்போம்.

மதுரை பைபாஸ் சாலையில் உள்ள பிரபல நகைக்கடைக்கு நேற்றிரவு முகமூடி அணிந்து வந்த மர்மநபர்கள் 500 சவரன் நகைகளை கொள்ளையடித்ததாக புகார் அளிக்கப்பட்டது. புகாரை தொடர்ந்து சம்பவ இடத்திற்கு தடய அறிவியல் நிபுணர்கள் உதவியுடன் காவல்துறையினர் விசாரணை நடத்தி வருகின்றனர்.

கொள்ளை போன நகைகளின் மதிப்பு முழுமையான விசாரணைக்கு பிறகே தெரியவரும் என காவல்துறை தரப்பில் தெரிவிக்கப்பட்டுள்ளது.

இந்து சமய அறநிலையத்துறை

இந்து சமய அறநிலையத்துறை வெளியிட்டுள்ள செய்திக்குறிப்பில் கூறியிருப்பதாவது:-

முதலமைச்சர் விஜய் வழிகாட்டுதலின்படியும், இந்து சமய அறநிலையத்துறை அமைச்சர் ரமேஷ் முயற்சியால், இவ்வரசு பொறுப்பேற்ற 6 மாதங்களில் ரூ.148.91 கோடி மதிப்பிலான 163.40 ஏக்கர் கோவில் நிலங்கள் மீட்கப்பட்டுள்ளன. மேலும், 17,707.10 ஏக்கர் நிலங்கள் அளவீடு செய்யப்பட்டு, மேற்படி புலங்களில் 13,233 எல்லைக் கற்கள் நடப்பட்டு உள்ளன. கோவில்களுக்குச் சொந்தமான அசையாச் சொத்துகளில் இருந்து வரப்பெற வேண்டிய குத்தகை-வாடகை நிலுவைத் தொகை ரூ.213 கோடி வசூலிக்கப்பட்டு உள்ளது.

பட்டா

கோவில்களுக்குச் சொந்தமான 34.82 ஏக்கர் நிலங்களுக்கு 15 கோ வில்களின் பெயரில் பட்டா மாற்றம் செய்யப்பட்டு உள்ளது. கணினிச் சிட்டாவில் தவறுகள் திருத்தம் செய்ய வருவாய் துறை கோட்டாட்சியரிடம் முறையீடுகள் செய்யப்பட்டு 262 ஏக்கர் நிலங்கள் 226 கோவில்களின் பெயரில் பட்டா பெறப்பட்டுள்ளன.

கோவில்களுக்குச் சொந்தமான கடைகள் மற்றும் கட்டடங்களில் வாடகைக்கு இருப்போருக்கு, வாடகை மற்றும் நிலுவைத் தொகை குறித்த கோரிக்கை அறிவிப்புகள் உரிய கால இடைவெளியில் தவறாமல் வழங்கப்பட்டு வருகின்றன. வாடகைதாரர்கள் நிலுவைத் தொகையைச் செலுத்தியவுடன் உடனடியாக ரசீது வழங்குவதுடன், ஏற்கெனவே செலுத்தப்பட்ட தொகைகளைக் கணக்கில் கொண்டு, மீதமுள்ள நிலுவைத் தொகை குறித்த விவரங்கள் துல்லியமாகப் பராமரிக்கப்பட்டு வருகின்றன.

குறுஞ்செய்தி

வாடகைதாரர்கள் தாங்கள் செலுத்த வேண்டிய வாடகை மற்றும் நிலுவைத் தொகை குறித்த விவரங்களை உடனுக்குடன் அறிந்துகொள்ளும் வகையில், குறிப்பிட்ட கால இடைவெளியில் கைப்பேசி குறுஞ்செய்திகள் வாயிலாகத் தகவல்கள் அனுப்ப ஏற்பாடு செய்யப்பட்டு வருகிறது.

கோவில்களுக்குச் சொந்தமான சொத்துகளைப் பாதுகாத்தல், ஆக்கிரமிப்புகளை அகற்றி கோவில் வசம் சுவாதீனம் பெறுதல் ஆகிய நடவடிக்கைகளை இந்து சமய அறநிலையத்துறை தொடர்ந்து மேற்கொண்டு வருகிறது.

இவ்வாறு அதில் தெரிவிக்கப்பட்டு உள்ளது.

கடந்த 2 ஐ.பி.எல். போட்டியிலும் டெல்லி அணி பிளேஆப் சுற்றுக்கு தகுதி பெறாததால் அவர் இந்த முடிவை எடுத்துள்ளார்.

அக்‌ஷர் படேல் அணிக்கு முக்கியமானவர். அவரை சம்மதிக்க வைக்க முயற்சி நடைபெறுவதாக டெல்லி அணி வட்டாரங்கள் தெரிவித்தன.

அதே நேரத்தில் மினி ஏலம் முடியும் வரை கேப்டனை இறுதி செய்வதை டெல்லி அணி நிர்வாகம் நிறுத்தி வைத்துள்ளதாகவும் தகவல் வெளியாகி உள்ளது.

என்விடியா நிறுவனத்தின் தலைமைச் செயல் அதிகாரி ஜென்சென் ஹுவாங்க் பாலியல் புகாரில் சிக்கிய நிலையில் அவர் தன் வேலையை இழக்கும் சூழலில் உள்ளார்.

ஆலிஸ் ஹுவாங் என்ற சீன பெண் ஒருவருடன் அவருக்கு தொடர்பு இருப்பதாக முன்னதாக தகவல் வெளியானது.

ஆலிஸ் ஒரு சீன உளவாளி என்பதை அமெரிக்க உளவுத்துறை கண்டுபிடித்ததும் இன்னும் சர்ச்சைக்குரியதாக மாறியிருக்கிறது.

இதன் மத்தியில் என்விடியா நிறுவனத்தின் ஹெல்த்கேர் பிரிவு துணைத் தலைவர் (வைஸ் பிரசிடென்ட்) கிம்பெர்லி பொளவல் உடனும் அவர் திருமணத்தை மீறிய உறவு இருந்ததாக தகவல் வெளியாகயுள்ளது.

இருவருமே வெவ்வேறு நபர்களுடன் திருமணமானவர்கள் ஆவர். 'நியூயார்க் டைம்ஸ்' இதுகுறித்து கட்டுரை ஒன்றை வெளியிட்டுள்ளது.

கடந்த மார்ச் மாதம் கலிபோர்னியாவின் சான் ஹோசேவில் உள்ள ஒரு ஹோட்டலில் அவர்கள் இருவரும் உடலுறவு கொள்வதை யாரோ ஒருவர் படம்பிடித்ததாக அந்த கட்டுரை கூறுகிறது.

யார் இந்த கிம்பெர்லி?

48 வயதான கிம்பெர்லி, 2008 இல் என்விடியா நிறுவனத்தில் பணிக்கு சேர்ந்தார். தற்போது அவர் அந்நிறுவனத்தின் வெளிநாட்டு ஹெல்த்கேர் தொழிலை கவனித்து வருகிறார்.

மெடிக்கல் இமேஜிங்க், லைப் சைன்ஸச், மருந்து கண்டுபிடிப்பு மற்றும் ஹெல்த்கேர் அனாலிட்டிக்ஸ் ஆகியவற்றுக்கு உதவும் வகையில் அக்சலரேட்டட் கம்ப்யூட்டிங், ஏஐ, விஷுவலைஷெசன் உள்ளிட்டவற்றுக்கு நிறுவனத்தின் ஹார்ட்வேர், சாப்ட்வேர் பிளாட்பார்ம்களை பயன்படுத்தும் பணிகளை அவர் மேற்பார்வையிட்டு வருகிறார்.

1993ல் நிறுவனம் நிறுவப்பட்டதிலிருந்து ஜான்சென் ஹுவாங் அதன் ஒரே தலைமைச் செயல் அதிகாரியாக இருந்து வருகிறார். கிம்பெர்லி, ஜென்சன் ஹுவாங்குடன் 18 ஆண்டுகளுக்கும் மேலாகப் பணியாற்றியுள்ளார்.

சுகாதாரத் துறையில் பெரும் மாற்றங்களை ஏற்படுத்த விரும்பும் ஆராய்ச்சியாளர்களுக்கு உதவ வேண்டும் என்ற ஹுவாங்கின் பேரார்வத்தாலும் விருப்பத்தாலும் தான் ஈர்க்கப்பட்டதாக பவல் முன்பு நேர்காணல்களில் கிம்பெர்லி கூறியிருந்தது குறிப்பிடத்தக்கது.

வீடியோ

கடந்த மார்ச் மாதம் கலிபோர்னியாவின் சான் ஹோசேவில் நடைபெற்ற என்விடியாவின் வருடாந்திர டெவலப்பர் மாநாட்டின் போது, ​​ஒரு ஹோட்டலில் ஹுவாங்கும் கிம்பெர்லியும் உடலுறவு கொள்வது படமாக்கப்பட்டதாக கூறும் நியூயார்க் டைம்ஸ், அதற்கு ஆதாரமாக என்விடியாவின் ஐந்து முன்னாள் ஊழியர்களை மேற்கோள் காட்டி உள்ளது.

ஹுவாங்கின் பாதுகாப்புக் குழு, வீடியோவைப் படம்பிடித்த நபரை அங்கிருந்து அப்புறப்படுத்தியதாகவும், பின்னர் இந்த ரகசியத்தை வெளியிடாமல் இருக்க அவருக்கு பணம் வழங்கப்பட்டதாகவும் கூறப்படுகிறது.

என்விடியாவின் செயற்கை நுண்ணறிவு சிப் தரவுகள் சீனாவுக்குக் கசிந்துவிட்டதாக அமெரிக்க உளவு நிறுவனங்கள் சந்தேகிக்கும் வேளையில் இந்த இரண்டாவது உறவு குறித்த தகவல்கள் வந்துள்ளன.

ஹுவாங்கை பதவியிலிருந்து நீக்கும் பணியில் என்விடியாவின் இயக்குநர் குழு மும்முரமாக ஈடுபட்டுள்ளது

சர்ச்சைகளுக்கு மத்தியில் என்டிடியா நிறுவன பங்குகளின் விலை கிட்டத்தட்ட 8 சதவீதம் சரிந்து, ஒரே வாரத்தில் அதன் மதிப்பில் 600 பில்லியன் டாலருக்கும் அதிகமாக இழப்பு ஏற்பட்டுள்ளது.

டாஸ்மாக் கடைகள்

தமிழ்நாட்டில் 4 ஆயிரத்து 48 டாஸ்மாக் கடைகள் மூலம் மதுபானங்கள் விற்பனை செய்யப்படுகின்றன. ஒரு நாளைக்கு ரூ.130 கோடி முதல் ரூ.150 கோடி வரையிலும், வார இறுதி நாட்களில் ரூ.200 கோடி வரைக்கும் மது விற்பனை நடக்கிறது. பண்டிகை காலங்களில் மதுப்பிரியர்கள் உற்சாகத்தில் திளைப்பார்கள் என்பதால் அப்போது மது விற்பனை படுஜோராக இருக்கும்.

தீபாவளி பண்டிகை

அந்த வகையில், தீபாவளி பண்டிகையையொட்டி மதுப்பிரியர்கள் டாஸ்மாக் கடையை திறப்பதற்கு முன்பாகவே குவிந்தனர். மதுப்பிரியர்களின் உற்சாக மிகுதியால் 7-ந்தேதி (சனிக்கிழமை) அன்று ரூ.234 கோடியே 75 லட்சத்துக்கும், தீபாவளி பண்டிகையன்று (ஞாயிற்றுக்கிழமை) ரூ.206 கோடியே 63 லட்சத்துக்கும் என 2 நாட்களில் சுமார் ரூ.441 கோடியே 38 லட்சத்துக்கு மதுபானங்கள் விற்பனையாகி உள்ளது.

சென்னையில் தீபாவளி பண்டிகை அன்று வடசென்னையில் சில டாஸ்மாக் கடைகளில் இரவு 9 மணிக்கு முன்பாகவே மதுபானங்கள் விற்று தீர்ந்துள்ளது.

திருச்சி மண்டலம் முதலிடம்

டாஸ்மாக் நிர்வாகம் 5 மண்டலங்களாக இயங்கி வருகிறது. இதில் தீபாவளி மது விற்பனையில் திருச்சி மண்டலம் முதலிடம் பிடித்துள்ளது. திருச்சி, தஞ்சை, திருவாரூர், புதுக்கோட்டை உள்ளிட்ட 9 மாவட்டங்கள் அடங்கிய இந்த மண்டலத்தில் ரூ.98 கோடியே 97 லட்சத்துக்கு மதுபானங்கள் விற்பனையாகி இருக்கிறது.

கொலை சம்பவங்கள்

இதற்கிடையே, தீபாவளி பண்டிகையின்போது, தமிழ்நாட்டில் பல்வேறு இடங்களில் நடந்த மோதல்கள் மற்றும் கொலைச் சம்பவங்களால் பதற்றம் ஏற்பட்டது. தீபாவளி நாளில் தமிழ்நாட்டில் 8 கொலைகள் நடந்ததாக தமிழ்நாடு காவல்துறை அதிகாரப்பூர்வமாகத் தெரிவித்துள்ளது.

தமிழக அரசு

இதையடுத்து சட்டம் ஒழுங்கு உள்ளிட்ட பல்வேறு பிரச்சனைகள் குறித்து அரசை எதிர்க்கட்சிகள் குற்றம்சாட்டி வருகிறது.

இந்நிலையில், தீபாவளி, பொங்கல் உள்ளிட்ட பண்டிகை நாட்களில் டாஸ்மாக் கடைகளுக்கு விடுமுறை அளிக்க தமிழக அரசு திட்டமிட்டுள்ளதாக தகவல் வெளியாகி உள்ளது.

தமிழகத்தில் கொலை, கொள்ளை உள்ளிட்ட பிரச்சனைகள் நாளுக்கு நாள் அதிகரித்து வரும் நிலையில், மத்திய உள்துறை மந்திரி அமித்ஷாவை, கவர்னர் அர்லேகர் நாளை சந்திக்கிறார்.

கவர்னரிடம், சட்டம்- ஒழுங்கு நிலவரம் குறித்து, அமித்ஷா அறிக்கை கேட்டிருந்த நிலையில் இந்த சந்திப்பு நடைபெற உள்ளது.

சட்டம்-ஒழுங்கு

தமிழக வெற்றிக் கழகம் ஆட்சிப்பொறுப்பேற்று 6 மாதங்கள் நிறைவடைந்திருக்கின்றன. இந்த நிலையில் தமிழ்நாட்டில் சட்டம்- ஒழுங்கு பிரச்சனை மிகவும் தீவிரமாக வெடித்திருக்கிறது.

அதிலும் தீபாவளி தினத்தன்று, (8-ந்தேதி) 24 மணி நேரத்தில் தமிழ்நாட்டில் 11 கொலை சம்பவங்கள் பதிவாகி இருக்கின்றன. குறிப்பாக இந்த 11 பேரில் ஒரு சிறப்பு உதவி ஆய்வாளரும் அடங்குவார்.

ஒரே நாளில் 11 கொலைகள் என்பது, மிகவும் கவலைக்குரிய விஷயம் என்று எதிர்க்கட்சிகள் விமர்சித்து இருக்கின்றன. கொலைகள் அதிகரித்து வரும் சூழலில் மறுபுறம் சிறுமி காணாமல் போன சம்பவங்களும் விமர்சனங்களை ஏற்படுத்தி இருக்கின்றன. அதிலும் செஞ்சி சிறுமி இன்னும் கிடைக்கவே இல்லை.

இது தவிர, மாவட்ட பெண் கலெக்டருக்கு ஆபாச குறுஞ்செய்தி அனுப்பியதாக த.வெ.க. எம்.எல்.ஏ. மீது கிளம்பிய குற்றச்சாட்டு, சட்டசபை துணை சபாநாயகர் எம்.ரவிசங்கர் பொது பிரச்சனை சம்பந்தமாக பேச வந்த ஒருவரை சரமாரியாக தாக்கியதாக வந்த செய்தி உள்பட தமிழகம் மிகப்பெரிய விமர்சனத்தை எதிர் கொண்டிருக்கிறது.

அறிக்கை கேட்கும் உள்துறை

இப்படிப்பட்ட சூழ்நிலையில், தமிழகத்தில் நிலவும் சட்டம்-ஒழுங்கு பிரச்சனை குறித்து தமிழக அரசிடம் அறிக்கை பெற்று தருமாறு கவர்னர் ஆர்.வி.அர்லேகருக்கு மத்திய அரசு கடிதம் எழுதி உள்ளதாக தகவல் வெளியாகி இருக்கிறது.

அதனால்தான் முதலமைச்சர் விஜய் நேற்று தலைமை செயலகத்தில் 2-வது நாளாக போலீஸ் டி.ஜி.பி. மகேஷ் குமார் அகர்வால், உளவுத்துறை ஐ.ஜி.அஸ்ரா கார்க் ஆகியோருடன் சட்ட-ஒழுங்கு நிலவரம் பற்றியும் சமீபத்தில் நடைபெற்ற குற்ற சம்பவங்கள் குறித்தும் காவல்துறை மேற்கொண்டு வரும் தொடர் நடவடிக்கைகள் பற்றியும் விரிவாக கேட்டறிந்துள்ளார்.

இந்த நிலையில் தமிழக கவர்னர் அர்லேகர் நாளை காலை டெல்லி புறப்பட்டு செல்கிறார்.

அமித்ஷாவை சந்திக்கிறார்

டெல்லியில் நாளை மாலை உள்துறை மந்திரி அமித்ஷாவை சந்திக்கிறார். இந்த சந்திப்பின்போது, தமிழகத்தின் சட்டம்-ஒழுங்கு நிலவரம் குறித்த விவரங்களை அமித்ஷாவிடம் கவர்னர் அர்லேகர் கொடுப்பார் என தெரிகிறது. அப்போது தமிழக நிலவரம் குறித்து விவாதிப்பார் என எதிர்பார்க்கப்படுகிறது.

அமித்ஷாவை சந்தித்த பிறகு கவர்னர் அர்லேகர் ஜம்மு-காஷ்மீர் செல்கிறார். அங்கு நடைபெறும் நிகழ்ச்சியில் பங்கேற்றுவிட்டு ஞாயிற்றுக்கிழமை (15-ந்தேதி) சென்னை திரும்புகிறார்.

அப்துல் கபீஸ் இயக்கத்தில், ஜெகன் பாஸ்கரன் தயாரித்துள்ள இத்தொடர் மொத்தம் 100 எபிசோடுகளைக் கொண்டதாக உருவாகியுள்ளது. ஒவ்வொரு புதன்கிழமையும் நான்கு புதிய எபிசோடுகள் வீதம் இத்தொடர் ஸ்ட்ரீமிங் செய்யப்பட உள்ளது.

ஒரே ஆபிஸில் வேலை; ரகசியம் காக்கும் தம்பதி

கார்ப்பரேட் ஐடி அலுவலகப் பின்னணியில் உருவாகியுள்ள இத்தொடர், குடும்பச் செலவுகளைச் சமாளிக்கப் போராடும் அறிவு (பிரதீப் ஆண்டனி) மற்றும் ஐஸ்வர்யா (ஸ்மேஹா மணிமேகலை) என்ற இளம் தம்பதியினரைச் சுற்றி நகர்கிறது.

இருவருக்கும் ஒரே ஐடி நிறுவனத்தில் வேலை கிடைக்கிறது. ஆனால், ஒரே குடும்பத்தைச் சேர்ந்தவர்கள் ஒன்றாகப் பணிபுரியக் கூடாது என்ற நிறுவனத்தின் கடுமையான விதிமுறையால், தங்களது வேலையையும் பொருளாதார நிலையையும் பாதுகாக்க, அலுவலகத்தில் ஒருவருக்கொருவர் அறிமுகமில்லாதவர்கள் போல நடிக்க இருவரும் முடிவு செய்கின்றனர்.

ரகசிய திருமணம்

ஆபிஸ் மீட்டிங்குகள், காபி பிரேக்குகள், கண்டிப்பான மேலாளர் மற்றும் ஆர்வத்துடன் கேள்வி கேட்கும் சக ஊழியர்களுக்கு மத்தியில் தங்களது திருமண ரகசியத்தை மறைக்க அவர்கள் கூறும் பொய்களும், அதனால் ஏற்படும் கலகலப்பான குழப்பங்களுமே இத்தொடரின் மையக்கருவாகும். நகைச்சுவைக்கு மத்தியில், இன்றைய இளம் தம்பதிகளின் பொருளாதார நெருக்கடிகள், உறவுச் சிக்கல்கள் மற்றும் கார்ப்பரேட் வாழ்க்கையின் அன்றாட யதார்த்தங்களையும் இத்தொடர் பேசுகிறது.

படக்குழுவினரின் சுவாரசியப் பகிர்வுகள்

இத்தொடரில் சந்திரபோஸ் என்ற முக்கியக் கதாபாத்திரத்தில் நடித்துள்ள இயக்குநர் மகிழ் திருமேனி கூறுகையில், "சூழலில் இருந்து இயல்பாக உருவாகும் நகைச்சுவை எப்போதும் ரசிக்கும்படி இருக்கும்.

ஊழியர்களுக்கும் நிர்வாகத்திற்கும் இடையிலான மோதல்களும், தொடர்ந்து ஏற்படும் தவறான புரிதல்களும் இதில் ஏராளமான சிரிப்புக்கு உத்தரவாதம் அளிக்கின்றன" என்றார்.

நாயகன் பிரதீப் ஆண்டனி பேசுகையில், "திருமணமானதை அலுவலகத்தில் மறைப்பது சாதாரண விஷயமல்ல. ஒரு நல்ல கணவராக இருப்பதற்கும், ஆபிஸில் அந்நியரைப் போல நடிப்பதற்கும் இடையில் அறிவு படும் பாட்டை அலுவலக வேலைக்குச் செல்பவர்கள் அனைவரும் தங்களோடு தொடர்புபடுத்திக் கொள்ள முடியும்" எனத் தெரிவித்தார்.

நகைச்சுவை தொடர்

நாயகி ஸ்மேஹா மணிமேகலை, இதில் வரும் சூழல்கள் சிரிப்பை வரவழைத்தாலும், இணைந்து ஒரு வாழ்க்கையை உருவாக்கப் போராடும் தம்பதியின் உண்மையான உணர்வுகளும் இதில் இருப்பதாகக் குறிப்பிட்டார்.

அதேபோல் நடிகை சனம் ஷெட்டி, திரைத்துறைக்கு வருவதற்கு முன்பு தான் ஐடி துறையில் பணியாற்றிய அனுபவம் இருப்பதால், ஆபிஸ் மீட்டிங்குகள் மற்றும் அலுவலக அரசியலை உடனடியாகத் தன்னால் உணர முடிந்ததாகவும், அன்றாட அனுபவங்களை நகைச்சுவையாக மாற்றியிருப்பதே இத்தொடரின் சிறப்பு என்றும் கூறினார்.

JioHotstar

ஜியோஹாட்ஸ்டாரின் 'லாங் ரன்னிங் ஷோஸ்' வரிசையில் இணையும் இத்தொடர், வாரந்தோறும் பார்வையாளர்களுக்குப் புதுமையான பொழுதுபோக்கு விருந்தாக அமையும் என எதிர்பார்க்கப்படுகிறது.

சென்னை மாவட்ட ஒருங்கிணைந்த வரைவு வாக்காளர் பட்டியலை மாநகராட்சி ஆணையர் சமீரன் ளியிட்டார்.

வரைவு வாக்காளர் பட்டியலின்படி சென்னை மாவட்டத்தில் மொத்தம் 29.14 லட்சம் வாக்காளர்கள் உள்ளனர்.

சென்னையில் 18-19 வயது வரை உள்ள வாக்காளர்கள் 46,200 பேர் 85 வயதிற்கு மேற்பட்ட வாக்காளர்கள் 28,159 பேர் உள்ளனர்.

அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன் வெளியிட்டுள்ள அறிக்கையில்,

பெரும் அச்சம்

குழந்தைகள் தினத்தையொட்டி தமிழகத்தில் உள்ள அரசு மற்றும் அரசு உதவிபெறும் பள்ளிகளில் பயிலும் மாணவ, மாணவியர்களுக்கு வழங்குவதற்காகப் பல்வேறு நிறுவனங்களிடமிருந்து கொள்முதல் செய்யப்பட்ட கேக்குகள், வெகுதொலைவிலிருந்து கொண்டுவரப்பட்டு, கடந்த நான்கு நாட்களாக வாகனங்களிலேயே முறையான பராமரிப்பின்றி வைக்கப்பட்டிருப்பதாகப் புகார் எழுந்துள்ளது.

அரசுப் பள்ளி மாணவ, மாணவியர்களுக்கு வழங்கப்படும் காலை உணவு மற்றும் மதிய உணவின் தரம் குறித்து அவ்வப்போது பல்வேறு புகார்கள் எழுந்துவரும் நிலையில், குழந்தைகள் தினத்தன்று வழங்குவதற்காகக் கொள்முதல் செய்யப்பட்ட கேக்குகளும் முறையான பாதுகாப்பு மற்றும் பராமரிப்பின்றி வைக்கப்பட்டிருப்பதாக வெளியாகியுள்ள தகவல்கள் பெற்றோர்கள் மத்தியில் பெரும் அச்சத்தை ஏற்படுத்தியுள்ளன.

கூடுதல் கவனம் வேண்டும்

மேலும், கேக்குகளைக் கொள்முதல் செய்வதற்கான ஒப்பந்தப்புள்ளி, தமிழகத்தைச் சேர்ந்த நிறுவனங்களுக்கு மட்டுமின்றி, வட இந்திய மாநிலத்தைச் சேர்ந்த நிறுவனத்திற்கும் வழங்கப்பட்டுள்ளதாகக் கூறப்படும் நிலையிலும், அவ்வாறு கொள்முதல் செய்யப்பட்ட கேக்குகள் பல நாட்களாகச் சாலை மார்க்கமாகக் கொண்டுவரப்பட்டுள்ள நிலையிலும், அவற்றின் தயாரிப்புத் தேதி, காலாவதி தேதி, சேமித்து வைக்கப்பட்ட விதம் மற்றும் தரம் ஆகியவற்றை முறையாகப் பரிசோதிப்பது மிகவும் அவசியமாகியுள்ளது. குறிப்பாக, குழந்தைகளின் உடல்நலத்தைப் பாதிக்கக்கூடிய வகையில் தரமற்ற அல்லது கெட்டுப்போன கேக்குகள் வழங்கப்பட்டுவிடக் கூடாது என்பதில் அரசு கூடுதல் கவனம் செலுத்த வேண்டும்.

எனவே, நாளை தமிழகம் முழுவதும் உள்ள அரசு மற்றும் அரசு உதவிபெறும் பள்ளிகளில் பயிலும் மாணவ, மாணவியர்களுக்கு வழங்கப்படவுள்ள கேக்குகளை, அதற்கென நியமிக்கப்பட்டுள்ள அதிகாரிகள் மூலம் உரிய தரப் பரிசோதனைக்கு உட்படுத்துவதுடன் குழந்தைகளின் உடல்நலத்துடன் தொடர்புடைய இவ்விவகாரத்தில் அலட்சியம் கொள்ளாமல் தரமான மற்றும் பாதுகாப்பான கேக்குகள் மட்டுமே மாணவ, மாணவியர்களுக்கு வழங்கப்படுவதைப் பள்ளிக்கல்வித்துறையும் தவெக அரசும் உறுதிசெய்ய வேண்டும் என வலியுறுத்துகிறேன்.

இமயமலையை ஒட்டி அமைந்துள்ள சிக்கிம்-நேபாள் பகுதியில் நிலநடுக்கம் எற்பட்டுள்ளது.

இன்று காலை ஏற்பட்ட இந்த நிலநடுக்கம் ரிக்டர் அளவுகோளில் 4.9 ஆக பதிவானது.

மேற்கு சிக்கிமில் யுக்சோம் க்கு வடகிழக்கே கியால்சிங்க் மாவட்டத்தில் காலை 4.30 மணியளவில் பூமிக்கு 40 கி.மீ ஆழத்தில் இந்த நிலநடுக்கம் ஏற்பட்டது.

சிக்கிமில் தலைநகர் கேங்டாக் உட்பட வடக்கு பகுதிகளில் இந்த நிலநடுக்கத்தால் மெலிதான நில அதிர்வு பதிவானது.

இந்த நிலநடுக்கத்தால் எந்தவித சேதமும் பதிவாகவில்லை என அதிகாரிகள் தெரிவிதுள்ளனர்.

முன்னதாக நேற்று இமயமலை பகுதியில் அமைந்துள்ள அருணாச்சல பிரதேச பகுதியில் மெலிதான நிலநடுக்கம் ஏற்பட்டது குறிப்பிடத்தக்கது.

இமாச்சல பிரதேச நிலநடுக்கம்

இமாச்சல பிரதேச மாநிலத்தின் சிம்லா மாவட்டத்தில் 3.9 ரிக்டர் அளவிலான நிலநடுக்கம் ஏற்பட்டது. இதன் அதிர்வுகள் ஜுப்பல் மற்றும் ரோஹ்ரு பகுதிகளில் உணரப்பட்டன. இந்த நிலநடுக்கத்தால் இதுவரை உயிரிழப்போ அல்லது சேதமோ ஏற்படவில்லை என்று அதிகாரிகள் தெரிவித்தனர்.

தேசிய நில அதிர்வு ஆய்வு மையத்தின்படி, இந்த நிலநடுக்கம் நேற்று இரவு சுமார் 9.50 மணியளவில் 10 கி.மீ. ஆழத்தில் ஏற்பட்டது.

மாநில தலைநகரில் இருந்து சுமார் 90-110 கி.மீ. தொலைவில் உள்ள ஜுப்பல் மற்றும் ரோஹ்ரு ஆகிய பகுதிகளில் சில வினாடிகள் நீடித்த நில அதிர்வுகள் உணரப்பட்டதாக தகவல்கள் தெரிவிக்கின்றன.

ஜம்மு காஷ்மீரில் காணாமல் போன 2 காவல்ரகள் உடலில் குண்டு பாய்ந்த நிலையில் இன்று சடலமாக மீட்கப்பட்டுள்ளனர்.

பாபி சந்த் (57), ராஷ்பல் குமார் (45) ஆகிய அவ்விருவர் உள்ளூர் காவல்துறையின் ஸ்பெஷல் அபரேஷன்ஸ் குரூப் (எஸ்.ஒ.ஜி) பிரிவை சேர்ந்தவர்கள் ஆவர்.

ஜம்மு காஷ்மீரின் தாச்சன் (DACHHAN) பகுதியில் உள்ள கியார் கிராமத்தில் அவர்கள் பணியில் ஈடுபட்டிருந்தனர்.

நேற்று அவர்களின் முகாமில் இருந்து தர்னா-மார்வாவில் உள்ள ராணுவ சாவடி வரை ரோந்து பணிக்காக அவர்கள் சென்றிருந்தனர். பணி முடித்து திரும்பிக்கொண்டிருந்தபோது அவர்கள் காணாமல் போயினர்.

அவர்களை தேடும் பணி நடந்து வந்த சூழலில் இன்று அவர்களின் உடல்கள் குண்டுகள் துழைத்த நிலையில் மீட்கப்டுள்ளன.

முன்னதாக குல்காம் மாவட்டத்தில் நேற்று மர்ம நபர்கள் சோதனைச் சாவடி மீது நடத்திய தாக்குதலில் 3 சிஆர்பிஎப் வீரர்கள் காயமடைந்த நிலையில் இரு காவலர்கள் சடலமாக மீட்க்கபட்டுள்ளது பரபரப்பை ஏற்படுத்தி உள்ளது.

ஹை கிரியேட்டர்ஸ் பட நிறுவனம் சார்பில் செல்வ அன்பரசன் தயாரிக்கும் இப்படத்தை, மகாதாரா பகவத் கதை, திரைக்கதை, வசனம் எழுதி இயக்குகிறார்.

இப்படத்தில் இணையத்தில் பிரபலமான 'லுங்கி பாய்ஸ்' ராஜ்பிரியன் இரண்டு பாடல்களைப் பாடுகிறார் என்ற சுவாரசியத் தகவல் வெளியாகியுள்ளது.

'லுங்கி பாய்ஸ்' ராஜ்பிரியன் பாடிய பாடல்

'லுங்கி பாய்ஸ்' ராஜ்பிரியன் மற்றும் எஸ்.என். சுரேந்தர் குரலில் பாடல்கள்
இத்திரைப்படத்தில் இளசுகளைக் கவரும் வகையில் 'லுங்கி பாய்ஸ்' புகழ் ராஜ்பிரியன், "கெஞ்சி கெஞ்சி கெஞ்சி தம்பி நல்லா கெஞ்சி, கஞ்சி கஞ்சி கஞ்சி லவ் பண்ணா நீ கஞ்சி" என்ற கலகலப்பான பாடலைப் பாடியுள்ளார்.

இதுமட்டுமின்றி, இப்படத்தில் அவர் மற்றொரு பாடலையும் பாட உள்ளார். மேலும், இப்படத்தின் முதல் பாடலான "ஆரம்பம் ஆரம்பம்" என்ற பாடலைப் பிரபல பின்னணிப் பாடகர் எஸ்.என். சுரேந்தர் பாடியுள்ளார் என்பதும் குறிப்பிடத்தக்கது.

GenZ பாணியில் காதலும் வாழ்க்கையும்

"காதலிக்கும்போது வாழ்க்கை புரியாது; வாழ்க்கை புரியும்போது காதல் இருக்காது. இந்த இரண்டையும் தெளிவாகப் புரிந்து கொண்டு வாழ வேண்டும்" என்ற கருத்தை, இன்றைய இளம் தலைமுறையினருக்குப் பிடித்தமான GenZ பாணியில் பொழுதுபோக்கு அம்சங்களுடன் இப்படம் பேசுகிறது.

கல்லூரி மாணவர்களின் கூட்டணி

இப்படத்தின் மூலம் இயன் கதாநாயகனாகவும், அபிநயா கதாநாயகியாகவும் அறிமுகமாகின்றனர். இவர்களுடன் இயக்குநர் ரஞ்சித் ராகவா, ராயல் பிரபாகர், அச்சாரம் சேகர், ஶ்ரீவி, திலீப், ஆர்.ஜே. பொற்கொடி உள்ளிட்ட பலர் முக்கியக் கதாபாத்திரங்களில் நடித்துள்ளனர்.

இயக்குநர் மகாதாரா பகவத் மற்றும் இன்ஸ்டாகிராமில் செல்லப்பிராணிகளுடன் வீடியோ வெளியிட்டு 'அன்பு சார்' எனப் பிரபலமான தயாரிப்பாளர் செல்வ அன்பரசன் ஆகிய இருவரும் எம்.ஜி.ஆர் அரசு திரைப்படக் கல்லூரி மாணவர்கள் ஆவர்.

தொழில்நுட்பக் குழு

இப்படத்திற்கு இசையமைப்பாளர், படத்தொகுப்பாளர் உள்ளிட்ட முக்கியத் தொழில்நுட்பக் கலைஞர்கள் அனைவரும் எம்.ஜி.ஆர் அரசு திரைப்படக் கல்லூரி மாணவர்களே என்பது இப்படத்தின் தனிச்சிறப்பாகும்.

இப்படத்தின் மக்கள் தொடர்பு பணிகளை கோவிந்தராஜ் மேற்கொள்கிறார்.

இதுகுறித்து இந்திய கிரிக்கெட் வாரிய செயலாளர் தேவஜித் சைக்யா நேற்று அளித்த பேட்டியில் கூறியிருப்பதாவது:-

'ஐ.பி.எல். கிரிக்கெட் போட்டியில் அணிகளின் எண்ணிக்கையை 10-ல் இருந்து 12-ஆக உயர்த்துவது குறித்து இதுவரை அதிகாரபூர்வமாகவோ அல்லது அதிகாரபூர்வமற்ற முறையிலோ எந்த ஆலோசனையும் நடக்கவில்லை.

இப்போதைக்கு அணியின் எண்ணிக்கையை உயர்த்தும் எண்ணம் இல்லை. நாங்கள் தற்போது 2027-ம் ஆண்டு நடக்க உள்ள ஐ.பி.எல். தொடர் மீது கவனம் செலுத்தி வருகிறோம். இது ஐ.பி.எல்.-ன் 20-வது சீசன் என்பதால், மிகவும் பிரமாண்டமாக அமையும். அந்த போட்டி குறித்தே நாங்கள் சிந்திக்கிறோம். அதற்கு அப்பால் எதையும் யோசிக்கவில்லை.

2028-ம் ஆண்டில் ஐ.பி.எல். அணிகளின் எண்ணிக்கை உயர்கிறது என்று வெளியான செய்திகள் சிலரது கற்பனையில் உருவான யூகங்களே தவிர, அவற்றில் உண்மை இல்லை. இதேபோல் அடுத்த ஆண்டு நடைபெறும் மெகா ஏலத்திற்கு அணிகள் செலவழிக்கும் ஏலத் தொகை ரூ.125 கோடியில் இருந்து ரூ.150 கோடியாக உயர்த்துவது குறித்து இதுவரை எந்த முடிவும் எடுக்கப்படவில்லை.

இவ்வாறு அவர் கூறினார்.

ஐ.பி.எல். போட்டியை ஏப்ரல், மே மாதத்திற்கு பதிலாக ஜனவரி மாதம் நடத்தலாம் என்று கொல்கத்தா அணியின் இணை உரிமையாளர் ஜூஹி சாவ்லா வலியுறுத்தியது பற்றி கேட்டபோது பதில் அளிக்க மறுத்து விட்டார்.

இதுகுறித்து அவர் வெளியிட்டுள்ள பா.ம.க. தலைவர் மருத்துவர் அன்புமணி வெளியிட்டுள்ள அறிக்கையில் கூறப்பட்டுள்ளதாவது:-

கோவை பெரியார் அறிவுலகம் நூலகத்திற்கு நூல்களை வாங்கியதில் நடைபெற்றதாகக் கூறப்படும் ஊழல் தொடர்பாக ஒவ்வொரு நாளும் வெளியாகி வரும் செய்திகள் அதிர்ச்சியும், கவலையும் அளிப்பவையாக உள்ளன.

நூல் கொள்முதலில் கூட ஊழல் செய்வார்களா? என நாடு முழுவதும் தமிழகத்திற்கு அவப்பெயர் ஏற்பட்டுள்ள நிலையில், இது குறித்த அனைத்து உண்மைகளையும் வெளியிட்டு ஊழல்வாதிகளை அம்பலப்படுத்த வேண்டும்.

கோவையில் திமுக ஆட்சியில் அமைக்கப்பட்டு, கடந்த அக்டோபர் 16-ஆம் தேதி திறக்கப்பட்ட பெரியார் அறிவுலகம் நூலகத்திற்கு நூல்கள் கொள்முதல் செய்யப்பட்டதில் பெருமளவில் ஊழல்கள் நடைபெற்றுள்ளதாக கடந்த 6-ஆம் தேதி குற்றச்சாட்டுகள் எழுந்தன.

பதிப்பக உலகில் பெரிய அளவில் பேசப்படாத, தென்னிந்திய பதிப்பாளர் சங்கத்தில் கூட பதிவு செய்யப்படாத அகல்விளக்கு பதிப்பகம், பீனிக்ஸ் பதிப்பகம் ஆகிய இரு பதிப்பகங்களில் இருந்து தான் மிக அதிக எண்ணிக்கையில் நூல்கள் கொள்முதல் செய்யப்பட்டன என்பதும், அந்நூல்கள் அனைத்தும் இல்லாத நபர்களின் கற்பனை பெயர்களில், செயற்கை அறிவுத்திறன் தொழில்நுட்பத்தைப் பயன்படுத்தி உருவாக்கப்பட்டவை என்பதும் கடந்த சில நாள்களில் வெளியான அதிர்ச்சியூட்டும் செய்திகள்.

கோவை பெரியார் அறிவுலகத்திற்காக நூல்களை கொள்முதல் செய்வதில் மட்டுமே ஊழல் நடைபெற்றதாக நம்பப்பட்ட நிலையில், தென்காசியில் புதிதாக கட்டப்பட்டு கடந்த ஆண்டு அக்டோபர் 29-ஆம் தேதி திறக்கப்பட்ட தென்காசி மத்திய நூலகத்தில் மட்டும் அகல்விளக்கு பதிப்பகத்தால் பதிப்பிக்கப்பட்ட சுமார் 2200 போலி நூல்கள் அடையாளம் காணப்பட்டு அகற்றப்பட்டிருப்பதாக செய்திகள் வெளியாகியுள்ளன.

அவற்றில் பெரும்பாலான நூல்களில் விலைகள் ரூ.1000&க்கும் அதிகம் என்றும், இதற்காக அகல்விளக்கு பதிப்பகத்திற்கு மட்டும் ரூ.27 லட்சம் வழங்கப்பட்டிருப்பதாகவும் ஊடகங்களில் செய்திகள் வெளியாகியுள்ளன. திமுக ஆட்சியில் கொள்முதல் செய்யப்பட்ட இந்த நூல்களுக்கு அவசர, அவசரமாக பணம் வழங்கப்பட்டதாகவும் அதிகாரிகள் தெரிவித்துள்ளனர்.

2018-19ஆம் ஆண்டுகளில் புதிதாக திறக்கப்பட்ட 6 புதிய மாவட்டங்களில் மாவட்ட மத்திய நூலகங்கள் கட்ட முடிவு செய்யப்பட்டு தென்காசி, இராணிப்பேட்டை, காஞ்சிபுரம் ஆகிய மாவட்டங்களில் புதிய நூலகங்கள் திறக்கப் பட்டுள்ளன.

தென்காசி மட்டுமின்றி, மற்ற நூலகங்களுக்கு கொள்முதல் செய்யப்பட்ட நூல்களில் பெரும்பாலானவை அகல்விளக்கு மற்றும் பீனிக்ஸ் பதிப்பகத்தால் பதிக்கப்பட்டவை என்று கூறப்படுகிறது.

சென்னை கன்னிமாரா நூல்கம் தொடங்கி கிராமங்களில் உள்ள கிளை நூல்கங்கள் வரை எங்கும் அகல்விளக்கு பதிப்பக நூல்கள் தான் நிறைந்து காணப்படுவதாகக் கூறப்படுகிறது. இந்த ஊழலால் தமிழகத்திற்கு பெரும் அவப்பெயர் ஏற்பட்டுள்ளது.

போலி நூல்கள் கொள்முதல் விவகாரத்தில் அனைத்து உண்மைகளும் வெளிக்கொண்டு வரப்படும் என்றும், குற்றவாளிகள் தப்ப முடியாது என்றும் அரசுத் தரப்பில் மீண்டும், மீண்டும் கூறப்படும் போதிலும், இந்த ஊழல் தொடர்பான தகவல்களை வெளியிடவில்லை; முதல் தகவல் அறிக்கையும் இன்னும் பதிவாகவில்லை.

இந்த ஊழல் தொடர்பாக தொடரப்பட்ட வழக்கை விசாரித்த சென்னை உயர்நீதிமன்றத்தின் மதுரை அமர்வு, தமிழக அரசுக்கு சில கடுமையான உத்தரவுகளைப் பிறப்பித்ததைத் தொடர்ந்து தான், அகல்விளக்கு பதிப்பகத்திற்கு சொந்தமான 3 வங்கிக் கணக்குகளில் உள்ள ரூ.22 லட்சம் முடக்கப்பட்டுள்ளது.

இதுவரை முதல் தகவல் அறிக்கை தாக்கல் செய்யப்படாத நிலையில், விரைவில் முதல் தகவல் அறிக்கையை பதிவு செய்து நீதிமன்றத்தில் தாக்கல் செய்வதாக தமிழக அரசின் சார்பில் வாக்குறுதி அளிக்கப்பட்டிருக்கிறது.

போலி நூல்கள் கொள்முதலில் அகல் விளக்கு பதிப்பகம், பீனிக்ஸ் பதிக்கப்பகம் ஆகியவை தவிர மேலும் பல பதிப்பகங்கள் சம்பந்தப்பட்டிருக்கக் கூடும் என்று கூறப்படுகிறது. நூல்கள் கொள்முதல் செய்யப் பட்டதில் மட்டுமின்றி, நூலகங்கள் கட்டப்பட்டதிலும் கோடிக்கணக்கில் ஊழல் நடைபெற்றிருக்கலாம் என்று குற்றச்சாட்டுகள் எழுந்துள்ளன. இந்த ஊழல்களில் சம்பந்தப்பட்ட எவரும் தப்புவதற்கு அனுமதிக்கக் கூடாது.

போலி நூல்கள் கொள்முதல் ஊழல் வாயிலாக கொள்ளையடிக்கப்பட்ட பணம் முழுவதும் தமிழக மக்களின் வரிப் பணம் ஆகும். அதனால், இந்த ஊழல் குறித்த அனைத்து உண்மைகளையும் அறிந்து கொள்ளும் உரிமை தமிழக மக்களுக்கு உள்ளது. இந்த ஊழலால் வெளி மாநிலங்களிலும், வெளி நாடுகளிலும் தமிழக அரசுக்கு அவப்பெயர் ஏற்படுள்ளது.

அதைத் துடைக்க இந்த ஊழலில் தொடர்புடைய பதிப்பாளர்கள், அதிகாரிகள், அரசியல்வாதிகள் உள்ளிட்ட அனைவரையும் கைது செய்து சட்டத்தின் முன்நிறுத்த வேண்டியது தமிழக அரசின் முதன்மைக் கடமை. அந்தக் கடமையை தமிழக அரசு நிறைவேற்ற வேண்டும்.

மக்கள் மற்றும் மாணவர்களின் அறிவை வளர்க்க வேண்டிய நூலகங்களுக்கு நூல்களை கொள்முதல் செய்வதில் ஊழலை நடத்தியது மட்டுமின்றி, தரமற்ற போலி நூல்களைக் கொள்முதல் செய்து அறிவை மழுக்கடிக்கும் செயல்களில் ஈடுபட்டவர்களுக்கு மன்னிப்பே கிடையாது.

எனவே, தமிழ்நாட்டில் எந்தெந்த நூலகங்களுக்கு அகல்விளக்கு பதிப்பகம், பீனிக்ஸ் பதிப்பகம் போன்ற பதிப்பகங்களில் இருந்து எவ்வளவு நூல்கள் வாங்கப்பட்டன? அவற்றின் மதிப்பு என்ன? அவற்றை வாங்குவதற்காக பரிந்துரைத்தவர்கள் யார்?

அதனடிப்படையில் கொள்முதல் அனுமதி வழங்கியவர்கள் யார்? என்பன உள்ளிட்ட முழுமையான விவரங்கள் அடங்கிய வெள்ளை அறிக்கையை உடனடியாக வெளியிட வேண்டும்; இந்த ஊழலில் தொடர்புடையவர்கள் யாராக இருந்தாலும் அவர்களை கைது செய்து சட்டத்தின் முன் நிறுத்த வேண்டும்.

இவ்வாறு அவர் குறிப்பிட்டுள்ளார்.

முந்தைய தி.மு.க. ஆட்சியில் தனியார் பள்ளிகளுக்கு அங்கீகாரம் பெற்றுத்தருவதாக கூறி ரூ.400 கோடி வரை முறைகேடாக பணம் வசூலித்ததாக சென்னை மத்திய குற்றப்பிரிவு போலீசார் வழக்குப்பதிவு செய்தனர்.

இந்த வழக்கில் முன்னாள் பள்ளிக்கல்வித்துறை அமைச்சர் அன்பில் மகேஷ், தனியார் பள்ளி நிர்வாகிகள் சங்க தலைவர் பி.டி.அரசகுமார் உள்பட சிலர் கைது செய்யப்பட்டனர்.

பி.டி.அரசகுமார் ஜாமினில் விடுவிக்கப்பட்டார். இந்த வழக்கில் போலீசாரால் தேடப்பட்டு வந்த அன்பில் மகேஷின் நண்பரும் முன்னாள் எம்.எல்.ஏ.வுமான முத்துக்குமார் கோர்ட்டில் சரண் அடைந்தார்.

அன்பில் மகேஷ்

இந்த வழக்கில் கைதாகியுள்ள அன்பில் மகேஷ் ஜாமின் கேட்டு சிறப்பு கோர்ட்டில் மனு தாக்கல் செய்தார். அந்த மனு மீதான விசாரணையின்போது, முறைகேடாக வசூலித்த பணத்தை அன்பில் மகேஷின் வீட்டுக்கு முத்துக்குமாரின் கார் டிரைவர் சரவணன் எடுத்து சென்றதற்கான வீடியோ ஆதாரம் இருப்பதாகவும், தற்போது சரவணன் தலைமறைவாக இருப்பதாகவும் போலீஸ் தரப்பில் தெரிவிக்கப்பட்டது.

கோர்ட்டில் சரண்

சென்னை ஊழல் தடுப்பு வழக்குகளை விசாரிக்கும் சிறப்பு கோர்ட்டில் நீதிபதி சத்தியமூர்த்தி முன்னிலையில் சரவணன் நேற்று சரண் அடைந்தார்.

விசாரணைக்கு பின்பு அவரை, வருகிற 25-ந் தேதி வரை நீதிமன்ற காவலில் சிறையில் அடைக்க நீதிபதி உத்தரவிட்டார். இதைத்தொடர்ந்து சரவணன், புழல் சிறையில் அடைக்கப்பட்டார்.

முன்னாள் எம்.எல்.ஏ. முத்துக்குமாரை 5 நாட்கள் போலீஸ் காவலில் விசாரிக்க அனுமதி கோரிய மனு அதே கோர்ட்டில் நேற்று விசாரிக்கப்பட்டது. மனு மீதான தீர்ப்பை நீதிபதி தள்ளிவைத்தார்.

இந்நிலையில் அன்பில் மகேஷின் நண்பர் முத்துக்குமாரின் வங்கி கணக்குகள் முடக்கப்பட்டுள்ளது. முத்துக்குமாரின் 29 வங்கி கணக்குகளில் இருந்து ரூ.4.5 கோடி முடக்கப்பட்டுள்ளது.

முன்னாள் அமைச்சர் அன்பில் மகேஷின் வங்கிக்கணக்குகளும் ஆய்வுக்கு உட்படுத்தப்பட்டுள்ளதாகவும் ஆய்வுக்குப்பிறகு வங்கிக்கணக்குகள் முடக்க வாய்ப்பு என மத்திய குற்றப்பிரிவு போலீசார் தெரிவித்துள்ளனர்.

கோவையில் பெரியார் அறிவுலகம் நூலகத்திற்கான புத்தகக் கொள்முதல் நடைமுறையில், செயற்கை நுண்ணறிவு மூலம் உருவாக்கப்பட்ட புத்தகங்கள், முக்கியத்துவ மற்ற தலைப்புகள், போலி எழுத்தாளர்கள், சந்தேகத்திற்குரிய பதிப்பகங்கள் மற்றும் அதிகப்படியான விலை நிர்ணயம் ஆகியவை குறித்த புகார்கள் எழுந்தன.

புத்தகங்கள் அகற்றம்

இதன் எதிரொலியாக மதுரை மாவட்டத்தில் உள்ள நூலகங்களில் இருந்து இரண்டு குறிப்பிட்ட பதிப்பகங்களால் வெளியிடப்பட்ட 1,529 புத்தகங்களை அகற்றுமாறு மாவட்ட நூலக ஆணைக்குழு உத்தரவிட்டுள்ளது. இதற்கான நடவடிக்கையை மதுரை மாவட்ட நூலக ஆணைக்குழு அதிரடியாக எடுத்துள்ளது.

2025-26 ஆம் ஆண்டில் கொள்முதல் செய்யப்பட்டு, மதுரை மாவட்டத்தில் உள்ள 133 கிளை நூலகங்களுக்கு விநியோகிக்கப்பட்ட ‘பீனிக்ஸ்’ பதிப்பகத்தின் 998 புத்தகங்கள் மற்றும் ‘அகல் விளக்கு’ பதிப்பகத்தின் 531 புத்தகங்கள் என மொத்தம் 1,529 புத்தகங்கள் தற்போது அகற்றப்பட்டுள்ளன. மேலும், அனைத்துப் புத்தகப் பதிப்பகங்களுக்கும் வழங்கப்பட்ட கொள்முதல் ஆணைகளும் தற்காலிகமாக ரத்து செய்யப்பட்டுள்ளதாக அதிகாரி கூறினார்.

இதற்கிடையே, மதுரை கலைஞர் நூற்றாண்டு நூலகத்தில் 2022-23 ஆம் ஆண்டில் கொள்முதல் செய்யப்பட்ட ‘பீனிக்ஸ் பப்ளிகேஷன்ஸ்’ பெயரிலான சுமார் 350 புத்தகங்கள், போலி ஐ.எஸ்.பி.என். எண்கள் குறித்த புகார்களின் அடிப்படையில் தனியாகப் பிரித்து வைக்கப்பட்டுள்ளன. அறிவியல் மற்றும் சமூக அறிவியல் உள்ளிட்ட பல்வேறு தலைப்புகளைக் கொண்ட இந்தப் புத்தகங்களின் மதிப்பு சுமார் ரூ.2 லட்சம் இருக்கும் என கலைஞர் நூற்றாண்டு நூலக அதிகாரி ஒருவர் தெரிவித்துள்ளார்.

திண்டுக்கல், சிவகங்கையிலும் நடவடிக்கை

அதேபோல் திண்டுக்கல் மாவட்டத்தில் உள்ள கிளை நூலகங்களில் இருந்தும் இந்த இரண்டு பதிப்பகங்களின் புத்தகங்கள் அகற்றப்பட்டுள்ளன. இதுவரை பீனிக்ஸ் பதிப்பகத்தின் 1,007 புத்தகங்களும், அகல்விளக்கு பதிப்பகத்தின் 1,200 புத்தகங்களும் கண்டறியப்பட்டு அகற்றப்பட்டுள்ளதாக அதிகாரி ஒருவர் தெரிவித்தார்.

சிவகங்கை மாவட்டத்தில் உள்ள 52 கிளை நூலகங்களில் இருந்து அகல்விளக்கு பதிப்பகத்தின் 840 புத்தகங்களும், பீனிக்ஸ் பதிப்பகத்தின் 357 புத்தகங்களும் நூலக அதிகாரிகளால் அகற்றப்பட்டுள்ளன.

தொடர்ந்து விலை அதிகரிக்கவே வாய்ப்பு இருப்பதாக கூறப்பட்ட சூழலில், தங்கம் விலை ஏற்ற இறக்கத்துடன் காணப்படுகிறது.

9-ந்தேதி தங்கம் விலை கிராமுக்கு ரூ.95 உயர்ந்து ஒரு கிராம் தங்கம் ரூ.13,255-க்கும், சவரனுக்கு ரூ.760 ரூபாய் உயர்ந்து ரூ.1,06,040-க்கு விற்பனையானது. 10-ந்தேதி தங்கம் விலை கிராமுக்கு ரூ.45 குறைந்து ஒரு கிராம் தங்கம் ரூ.13,210-க்கும், சவரனுக்கு ரூ.360 ரூபாய் குறைந்து ரூ.1,05,680-க்கு விற்பனையானது. நேற்று தங்கம் விலை கிராமுக்கு ரூ.195 குறைந்து ஒரு கிராம் தங்கம் ரூ.13,015-க்கும், சவரனுக்கு ரூ.1,560 ரூபாய் குறைந்து ரூ.1,04,120-க்கு விற்பனையானது.

தங்கம் விலை நிலவரம்

இந்த நிலையில், தங்கம் விலை இன்று மீண்டும் அதிரடியாக குறைந்துள்ளது. தங்கம் விலை கிராமுக்கு ரூ.200 குறைந்து ஒரு கிராம் தங்கம் ரூ.12,815-க்கும், சவரனுக்கு ரூ.1,600 ரூபாய் குறைந்து ரூ.1,02,520-க்கு விற்பனையாகிறது. நேற்றும் இன்றும் தங்கம் விலை சவரனுக்கு ரூ.1,920 குறைந்திருப்பது குறிப்பிடத்தக்கது.

வெள்ளி விலை

வெள்ளி விலையில் இன்று மாற்றம் இல்லை. வெள்ளி ஒரு கிராம் ரூ.200-க்கும், ஒரு கிலோ ரூ.2 லட்சத்திற்கும் விற்பனை செய்யப்படுகிறது.

கடைசி ஐந்து நாள் தங்கம் விலை நிலவரம்

11-11-2026- ஒரு பவுன் (22 காரட்) ரூ.1,04,120

10-11-2026- ஒரு பவுன் (22 காரட்) ரூ.1,05,680

9-11-2026- ஒரு பவுன் (22 காரட்) ரூ.1,06,040

8-11-2026- ஒரு பவுன் (22 காரட்) ரூ.1,05,280

7-11-2026- ஒரு பவுன் (22 காரட்) ரூ.1,05,280

கடைசி ஐந்து நாள் வெள்ளி விலை நிலவரம்

11-11-2026- ஒரு கிராம் ரூ.200

10-11-2026- ஒரு கிராம் ரூ.205

9-11-2026- ஒரு கிராம் ரூ.205

8-11-2026- ஒரு கிராம் ரூ.205

7-11-2026- ஒரு கிராம் ரூ.205

இந்த புள்ளிவிவரங்கள் அந்நிறுவனத்தின் மதிப்பீடுகளை அடிப்படையாக கொண்டவை, மேலும் ராக்ஸ்டார் கேம்ஸ் அல்லது அதன் தாய் நிறுவனமான டேக்-டூ இன்டராக்டிவ் ஆகியவற்றால் சுயாதீனமாக உறுதிப்படுத்தப்படவில்லை.

இந்த விளையாட்டு, பிளேஸ்டேஷன் 5 மற்றும் எக்ஸ்பாக்ஸ் சீரிஸ் X|S-க்காக, 2026 நவம்பர் 19 அன்று வெளியிடத் திட்டமிடப்பட்டுள்ளது. ஏறக்குறைய 230 மில்லியன் பிரதிகள் விற்பனையாகி, எல்லா காலத்திலும் இரண்டாவது சிறந்த விற்பனையான வீடியோ கேமாக திகழும் GTA V வெளியாகி 13 ஆண்டுகள் கழித்து இது வெளியாகிறது.

$250 மில்லியன் வருவாய்:

சென்சார் டவரின் மதிப்பீடுகளின்படி, GTA 6-இன் டிஜிட்டல் முன்பதிவுகளில் சுமார் 75% பிளேஸ்டேஷன் 5-இன் பங்காகும், இது தோராயமாக $751 மில்லியன் வருவாயை ஈட்டி தரும். மீதமுள்ள 25%-ஐ எக்ஸ்பாக்ஸ் சீரிஸ் X|S கொண்டுள்ளது. இதன் மூலம் சுமார் $250 மில்லியன் வருவாய் ஈட்டப்படும் என எதிர்பார்க்கப்படுகிறது.

பெரும்பாலானவர்கள் விளையாட்டின் அதிக விலை கொண்ட பதிப்பையே தேர்ந்தெடுத்துள்ளதாக அந்த பகுப்பாய்வு நிறுவனம் மதிப்பிடுகிறது. வாடிக்கையாளர்களில் சுமார் 89% பேர் $100 அல்டிமேட் எடிஷனை முன்பதிவு செய்ததாகவும், 11% பேர் $80 ஸ்டாண்டர்ட் எடிஷனை தேர்ந்தெடுத்ததாகவும் கூறப்படுகிறது. இந்த இரு கேமிங் தளங்களிலும் இந்த போக்கு பெரும்பாலும் ஒரே மாதிரியாகவே இருந்தது.

ராக்ஸ்டார் கேம்ஸ், பிளேஸ்டேஷன் 5 மற்றும் எக்ஸ்பாக்ஸ் சீரிஸ் X|S-இல் GTA 6-ஐ முன்பதிவு செய்தவர்களுக்காக டிஜிட்டல் முன்பதிப்பு வசதியை தொடங்கியுள்ளது. இந்த முன்பதிப்பு வசதி நவம்பர் 10 அன்று செயல்பாட்டிற்கு வந்தது, இது கேமர்கள் விளையாட்டின் அதிகாரப்பூர்வ வெளியீட்டிற்கு முன்னதாகவே அதை இன்ஸ்டால் செய்து கொள்ள அனுமதிக்கிறது.

ராக்ஸ்டாரின் ஆதரவு வலைத்தளத்தின்படி, கன்சோலை பொறுத்து, இந்த விளையாட்டுக்கு 212 ஜிபி வரை இலவச சேமிப்பு இடம் தேவைப்படலாம். கேமர்கள் நவம்பர் 19 ஆம் தேதி உள்ளூர் நேரப்படி நள்ளிரவு முதல் இதை அணுக முடியும்.

கதைக்களம்:

இந்த விளையாட்டு, புளோரிடாவை தழுவி உருவாக்கப்பட்ட, அமெரிக்காவின் கற்பனையான லியோனிடா மாநிலத்தில் அமைக்கப்பட்டுள்ளது. இதன் கதை, லூசியா கமீனோஸ் மற்றும் ஜேசன் டுவால் என்ற இரண்டு முக்கிய கதாபாத்திரங்களை பின்தொடர்கிறது. இவர்கள் ஒரு குற்றத் தம்பதியர் ஆவர். இவர்களின் உறவும் சாகசங்களும், பிரபல அமெரிக்க குற்றவாளிகளான போனி பார்க்கர் மற்றும் கிளைட் பாரோ ஆகியோரின் உறவுடனும் சாகசங்களுடனும் ஒப்பிடப்படுகின்றன.

இதுவரை வெளியிடப்பட்ட இரண்டு டிரெய்லர்களும், விளையாட்டின் களம், கதாபாத்திரங்கள் மற்றும் கதைக்களம் ஆகியவற்றின் சில காட்சிகளை வழங்கியுள்ளன.

இந்த விளையாட்டின் தயாரிப்பு பட்ஜெட் 1 பில்லியன் டாலர் முதல் 1.5 பில்லியன் டாலர் வரை இருக்கும் என மதிப்பிடப்பட்டுள்ளது, இருப்பினும் ராக்ஸ்டார் நிறுவனம் இந்தத் தொகையை அதிகாரப்பூர்வமாக உறுதிப்படுத்தவில்லை.

2013-ல் வெளியான GTA V, உலகளவில் சுமார் 230 மில்லியன் பிரதிகள் விற்பனையாகியுள்ளது. டேக்-டூ இன்டராக்டிவ் நிறுவனத்தின்படி, ஒட்டுமொத்த கிராண்ட் தெஃப்ட் ஆட்டோ தொடரும் ஏறத்தாழ 470 மில்லியன் யூனிட்கள் விற்பனையாகியுள்ளது.

தமிழக பா.ஜ.க. மாநில தலைவர் நயினார் நாகேந்திரன் எக்ஸ் தள பக்கத்தில் வெளியிட்டுள்ள பதிவில்,

கும்பகர்ண தூக்கம்

தென்காசி மாவட்டத்தின் விவசாய நிலங்களிலும் திறந்தவெளிகளிலும், அண்டை மாநிலமான கேரளாவிலிருந்து டன் கணக்கில் கொண்டுவரப்படும் அபாயகரமான மருத்துவக் கழிவுகள் கொட்டப்பட்டு எரிக்கப்படும் அவலம் தொடர்கதையாகி வருகிறது. 'கேரள மாநில விற்பனைக்கு மட்டும்' என்று அச்சிடப்பட்ட பாட்டில்களும் நச்சுக் கழிவுகளும் கண்முன்னே ஆதாரமாகக் கிடந்தும், எல்லையோரச் சோதனைச் சாவடிகளைக் கண்காணிக்கத் திராணியின்றி விஜய் தலைமையிலான தவெக அரசு கும்பகர்ண தூக்கத்தில் ஆழ்ந்துள்ளது.

இதேபோன்று ஒரு குண்டூசி அளவிலான கழிவுப் பொருளைக்கூடத் தமிழகத்திலிருந்து கொண்டுபோய்க் கேரள எல்லைக்குள் கொட்டிவிட முடியுமா? அங்கு அந்த அளவிற்குச் சோதனைகளும் கண்காணிப்பும் மிகக் கடுமையாக உள்ள சூழலில், அண்டை மாநிலத்தின் நச்சுக் கழிவுகளை இங்கு கொட்டும் அளவிற்குத் தமிழகக் காவல்துறையும், தவெக அரசும் இத்தனை அலட்சியமாக இருக்கிறது! இது தென்காசியில் மட்டுமல்ல, ஒட்டுமொத்த எல்லையோர மாவட்டங்களிலும் தொடர்கிறது. பசுமையான நிலங்களை நஞ்சாக்கித் தமிழகத்தைக் கேரளாவின் குப்பைத் தொட்டியாக மாற்றும் இந்த ஆட்சியில், இன்னும் என்னென்ன கூத்துகளும் அவலங்களும் அரங்கேறப் போகின்றனவோ தெரியவில்லை!

கடுமையான நடவடிக்கை

எனவே, இனியாவது இந்த மெத்தனப் போக்கைக் கைவிட்டு, கேரள முதல்வரிடம் பேசி இந்த விவகாரத்திற்கு முதல்வர் விஜய் உடனடியாக ஒரு முற்றுப்புள்ளி வைக்க வேண்டும். எல்லையோரச் சோதனைச் சாவடிகளில் கண்காணிப்பைத் தீவிரப்படுத்தி, கேரளக் கழிவுகளைத் தமிழகத்திற்குள் கடத்திவரும் வாகனங்களை உடனடியாகப் பறிமுதல் செய்வதோடு, மக்களின் சுகாதாரத்தோடு விளையாடும் சமூக விரோதிகள் மீது குண்டர் சட்டத்தின் கீழ் வழக்குப் பதிவு செய்து கடுமையான நடவடிக்கை எடுக்க வேண்டும் என வலியுறுத்திக் கேட்டுக்கொள்கிறேன்.

அந்த வகையில், நாளை மின் தடை செய்யப்படும் பகுதிகள் குறித்து தமிழ்நாடு மின்சார வாரியம் அறிவிப்பு வெளியிட்டுள்ளது. அதன்படி, சென்னையில் நாளை (13.11.2026) காலை 9 மணி முதல் பிற்பகல் 2 மணி வரை மின்வாரிய பராமரிப்பு பணி காரணமாக பின்வரும் இடங்களில் மின் விநியோகம் நிறுத்தப்படும். அதன்படி, நாளை திருவொற்றியூர் பகுதியில் மின்தடை செய்யப்படுகிறது. அதன் விவரம் வருமாறு:-

கல்லூரி சாலை துணை மின் நிலையம்

கல்லூரி சாலை, கல்லூரி லேன், நுங்கம்பாக்கம் நெடுஞ்சாலை, மூர்ஸ் சாலை, கே.என்.கே சாலை, வாலஸ் கார்டன் 1 முதல் 3வது தெரு, ரட்லேண்ட் கேட் 1 முதல் 6வது தெரு, சுப்பாராவ் அவென்யூ 1 முதல் 3வது தெரு, ஆண்டர்சன் சாலை, ஹாடோஸ் சாலை 1, 2வது தெரு, நவாப் ஹபிபுல்லா 1, 2வது அவென்யூ, பைக்ராஃப்ட் கார்டன் மற்றும் அதனை சுற்றியுள்ள பகுதிகள்.

பல்லாவரம்

பல்லாவரம் பழைய சந்தை, பம்மல் பிரதான சாலை, அப்துல் பாரூக் தெரு, காமராஜர் நெடுஞ்சாலை, தெய்வசிகாமணி தெரு, முத்தமிழ் நகர், கிருஷ்ணா நகர், அரங்கநாதன் தெரு, தேவராஜன் தெரு, சோழன் தெரு, இஸ்ரோ விருந்தினர் மாளிகை, ரேடியன்ஸ், ஜி.இ. நிறுவனம், ராணுவ குடியிருப்புகள், ஏர் இந்தியா, டிஆர்டிஓ, தாஜ் விமான உணவுத் தயாரிப்பு மையம், பாரத் பெட்ரோலியம் கார்ப்பரேஷன் நிறுவனம், எல்&டி, இந்துஸ்தான் பெட்ரோலியம் நிறுவனம்.

அம்பத்தூர் அத்திப்பட்டு ஐ.சி.எப் காலனியைச் சேர்ந்தவர் ஹரிபிரசாத் (வயது 25). இவர் பட்டரைவாக்கத்தில் உள்ள தனியார் தொழிற்சாலை ஒன்றில் பணியாற்றி வந்தார். நேற்று இரவு 12 மணி அளவில் பணி முடிந்ததும் வீட்டிற்குச் செல்லாமல், அம்பத்தூர் தொழிற்பேட்டையிலிருந்து மதுரவாயல் பைபாஸ் சர்வீஸ் சாலை வழியாக நூம்பல் நோக்கித் தனது இருசக்கர வாகனத்தில் சென்று கொண்டிருந்தார். அந்தச் சாலையில் மழைநீர் வடிகால்வாய் அமைப்பதற்காகப் பள்ளம் தோண்டப்பட்டு, தடுப்புகள் ஏதும் மின்றி திறந்த நிலையில் இருந்தது. இருள் சூழ்ந்த அந்தப் பகுதியில் சாலையோர மின்விளக்குகளும் இல்லாத நிலையில் வேகமாக வந்த ஹரிபிரசாத், பள்ளம் இருப்பதை அறியாமல் இருசக்கர வாகனத்துடன் உள்ளே விழுந்துள்ளார்.

மீட்பு

இதில், கட்டுமான பணிகளுக்காக நடப்பட்டிருந்த இரும்புக் கம்பிகள் அவரது தலையில் ஆழமாக குத்தியதால் ரத்த வெள்ளத்தில் துடிதுடித்து சம்பவ இடத்திலேயே உயிரிழந்தார். இந்நிலையில் அவரது பின்னால் இருசக்கர வாகனத்தில் வந்தவர் இதை பார்த்து அதிர்ச்சி அடைந்தார். இதுகுறித்துத் போலீசாருக்கு தகவல் தெரிவித்ததால் சம்பவ இடத்திற்கு விரைந்து வந்த அம்பத்தூர் தொழிற்பேட்டை போலீசார் தீயணைப்பு துறைக்கு தகவல் தெரிவித்து அங்கிருந்து வந்த மீட்பு படையினர் ஏணி மூலம் பள்ளத்தில் இறங்கி ரத்த வெள்ளத்தில் இருந்த ஹரிபிரசாத் உடலை மீட்டு மேலே கொண்டு வந்து 108 ஆம்புலன்ஸ்க்கு தகவல் தெரிவித்தனர்.

சம்பவ இடத்திற்கு வருகை தந்த மருத்துவர்கள் அவரை பரிசோதித்து அவர் இறந்து அரை மணி நேரத்துக்கு மேல் ஆகிவிட்டது என்று தெரிவித்தனர். பின்னர் உடலை கைப்பற்றி பிரேத பரிசோதனைக்காக கீழ்ப்பாக்கம் அரசு பொது மருத்துவமனைக்கு அனுப்பி வைத்தனர். இச்சம்பவம் குறித்து அண்ணா நகர் போக்குவரத்துப் புலனாய்வுப் பிரிவு போலீசார், வழக்கு பதிவு செய்து விசாரித்து வருகின்றனர்.

நீரிழிவு நோய் பாதிப்பு

உலகம் முழுவதும் நீரிழிவு நோய் பாதிப்பு அதிகரித்து வரும் நிலையில், நோயை ஆரம்பத்திலேயே கண்டறிவது தொடர்பாக சர்வதேச நீரிழிவு கூட்டமைப்பு புதிய ஆய்வை நடத்தியது.

இந்தியாவில் 25 முதல் 64 வயதுக்கு உட்பட்ட 502 பேரிடம் நடத்தப்பட்ட இந்த ஆய்வில், நீரிழிவு நோய் குறித்து மக்களிடம் நிலவும் பல்வேறு தவறான புரிதல்களும், பரிசோதனை செய்து கொள்வதில் உள்ள தயக்கமும் தெரியவந்துள்ளன.

இந்தியாவில் 8 கோடியே 98 லட்சம் பேர் நீரிழிவு நோயால் பாதிக்கப்பட்டு உள்ளனர். இவர்களில் 43 சதவீதம் பேருக்கு தங்களுக்கு நீரிழிவு நோய் இருப்பது கண்டறியப்படவில்லை. அதாவது சுமார் 3 கோடியே 86 லட்சம் பேர் நோய் இருப்பதே தெரியாமல் வாழ்ந்து வருகின்றனர்.

நீரிழிவு நோய் இருப்பது தெரியாமல் இருப்பதால், உரிய நேரத்தில் சிகிச்சையை தொடங்க முடியாத நிலை ஏற்படுகிறது. இதனால் நோயால் ஏற்படும் உடல் நல பாதிப்புகளை தடுப்பதிலும் சிக்கல் ஏற்படுகிறது. நீரிழிவு நோய் ஏற்படும் அபாயம் தங்களுக்கு இருப்பதை 84 சதவீதம் பேர் உணர்ந்துள்ளனர். ஆனால். நோய் குறித்து பலரிடம் தவறான கருத்துகள் இருப்பது ஆய்வில் தெரியவந்துள்ளது. 2-ம் வகை நீரிழிவு நோய் வயதானவர்களுக்கு மட்டுமே ஏற்படும் என்று 14 சதவீதம் பேர் தவறாக நம்புகின்றனர்.

மேலும், 75 சதவீதம் பேர் ரத்தத்தில் சர்க்கரை அளவு அதிகமாக இருப்பதை அறிய, அதற்கான அறிகுறிகள் வெளிப்பட வேண்டும் என்று கருதுகின்றனர். ஆனால், நீரிழிவு நோய் உள்ள பலருக்கு ஆரம்ப நிலையில் எந்த அறிகுறியும் இல்லாமல் இருக்கலாம் என்று ஆய்வு தெரிவிக்கிறது.

2030-ம் ஆண்டு

நீரிழிவு நோய் ஏற்படும் அபாயத்தை அறிந்து கொள்வதற்காக பரிசோதனை செய்து கொள்ள மாட்டோம் என்று ஆய்வில் பங்கேற்றவர்களில் 48 சதவீதம் பேர் தெரிவித்து உள்ளனர்.

நீரிழிவு நோயால் பாதிக்கப்பட்டவர்களில் குறைந்தது 80 சதவீதம் பேருக்கு நோய் இருப்பது 2030-ம் ஆண்டுக்குள் கண்டறியப்பட்டிருக்க வேண்டும் என்று சர்வதேச நீரிழிவு கூட்டமைப்பு இலக்கு நிர்ணயித்துள்ளது.

இந்த ஆய்வு இந்தியா மட்டுமின்றி பிரேசில், சீனா, சவுதி அரேபியா, ஐக்கிய அரபு அமீரகம், அமெரிக்கா உள்ளிட்ட நாடுகளிலும் நடத்தப்பட்டுள்ளது.

காங்கிரஸ் மூத்த தலைவர் சோனியா காந்தி எழுதிய சுயசரிதை புத்தகமான 'பிலாங்கிங்: எ ஜர்னி ஆஃப் லவ்' அண்மையில் வெளியானது.

அதில் அவர் அன்னா ஹசாரே இயக்கத்தை பற்றி குறிப்பிட்டுள்ளார்.

மன்மோகன் சிங் தலைமையில் காங்கிரசின் ஐக்கிய முற்போக்கு கூட்டணி அரசின்போது ஊழலுக்கு எதிராக சமூக ஆர்வலர் அன்னா ஹசாரே உண்ணாவிரதம் இருந்தது நாடறிந்ததே.

திரைமறைவில் ஆர்எஸ்எஸ்

இந்நிலையில், 2011ல் அன்னா ஹசாரே தலைமையேற்ற 'இந்தியா அகென்ஸ்ட் கரப்ஷன்' (ஊழலுக்கு எதிராக இந்தியா) இயக்கத்திற்கு பாஜக மற்றும் ஆர்.எஸ்.எஸ். அமைப்புகளிடமிருந்து திரைமறைவு ஆதரவு கிடைத்ததாக, அந்த இயக்கத்தில் ஈடுபட்டிருந்த சில முக்கிய பிரமுகர்கள் பின்னர் கூறியதாக சோனியா காந்தி தனது புத்தகத்தில் தெரிவித்துள்ளார்.

இந்த இயக்கத்தால் அப்போதைய ஐக்கிய முற்போக்கு கூட்டணி அரசுக்கும் காங்கிரஸுக்கும் சிக்கல் எழுந்ததாக சோனியா குறிப்பிட்டுள்ளார்.

ஐக்கிய முற்போக்கு கூட்டணி அரசை கவிழ்ப்பதே எதிரிகளின் நோக்கமாக இருந்ததாகவும், அது நிறைவேற்றப்பட்ட பிறகு அன்னா ஹசாரே பற்றி யாரும் பேசவில்லை என்று அவர் தனது புத்தகத்தில் எழுதியுள்ளார்.

அண்ணா ஹசாரே பதில்

இந்நிலையில் சோனியா காந்தி புத்தகத்தில் சுமத்தியுள்ள இந்த குற்றச்சாட்டுகளுக்கு அன்னா ஹசாரே பதிலளித்துள்ளார்.

மகாராஷ்டிராவின் அஹில்யநகரில் நேற்று (புதன்கிழமையன்று) பேசிய அன்னா ஹசாரே, தனக்கும் பாஜக, ஆர்எஸ்எஸ் அமைப்பிற்கும் எந்த தொடர்பும் இல்லை என தெரிவித்துள்ளார்.

தனது இயக்கத்தின் காரணமாக ஆர்.எஸ்.எஸ் மற்றும் பா.ஜகவை சேர்ந்த பலரும் தங்கள் பதவிகளை இழந்துள்ளனர் என்று அவர் குறிப்பிட்டார்.

அரசியல் கட்சிகளை விட, சமுதாயம் மற்றும் நாட்டின் நலன்களே தனக்கு முக்கியம் என்று அவர் கூறினார்.

வறட்சியின் போது பாதிக்கப்பட்டவர்களுக்காக தனது ஓய்வூதியப் பணத்தைச் செலவிட்டதாக அவர் தெரிவித்தார்.

விரைவில் புத்தகம்

கனி தரும் மரத்தின் மீது மட்டுமே கற்கள் எறியப்படுகின்றன என்று குறிப்பிட்ட ஹசாரே, தனது வாழ்நாளை சமுதாயத்திற்காகவும் நாட்டிற்காகவும் அர்ப்பணித்துள்ளதாக கூறினார்.

விமர்சனங்களைப் பொருட்படுத்தாமல் தனது பொறுப்பைத் தொடர்வேன் என்றும் அவர் தெரிவித்தார்.

விரைவில் வெளியாகவுள்ள 'அன்னா ஹசாரே: கிராம யோகி' என்ற புத்தகத்தில் தனது வாழ்க்கை விவரங்கள் இடம்பெறும் என்றும் அவர் கூறியுள்ளார்.

சபரிமலை ஐயப்பன் கோவில்

சபரிமலை ஐயப்பன் கோவிலில் நடப்பு மண்டல, மகர விளக்கு சீசன் முதல் 2027-ம் ஆண்டின் மண்டல சீசன் வரையில் நடை திறக்கப்படும் நாட்கள். சிறப்பு பூஜை குறித்த விவரங்களை திருவிதாங்கூர் தேவஸ்தானம் ஒரு செய்திக்குறிப்பை வெளியிட்டுள்ளது. அதன் விவரம் வருமாறு:-

மண்டல பூஜை - மகரவிளக்கு பூஜை

மண்டல பூஜைக்காக சபரிமலை ஐயப்பன் கோவில் நடை வருகிற 16-ந்தேதி (திங்கட்கிழமை) மாலை 5 மணிக்கு திறக்கப்படுகிறது. அன்றைய தினம் சபரிமலை மற்றும் மாளிகப்புரம் கோவில்களுக்கான புதிய மேல்சாந்திகள் தந்திரி முன்னிலையில் மூல மந்திரம் சொல்லி பதவி ஏற்கிறார்கள். மறுநாள் 17-ந்தேதி (கார்த்திகை 1-ந்தேதி) முதல் புதிய மேல்சாந்திகள் நடையை திறந்து பூஜைகளை நிறைவேற்றுவார்கள். நடப்பாண்டின் மண்டல பூஜை டிசம்பர் 27-ந்தேதி நடக்கிறது. அன்று இரவு நடை சாத்தப்பட்டு மீண்டும் மகரவிளக்கு பூஜைக்காக டிசம்பர் 30-ந்தேதி நடை திறக்கப்படும். மகரவிளக்கு பூஜை ஜனவரி 14-ந்தேதி நடைபெறும்.

மேலும் 20-ந்தேதி பந்தளம் ராஜ குடும்ப பிரதிநிதியின் சிறப்பு தரிசனத்திற்கு பிறகு கோவில் நடை அடைக்கப்படுவதுடன் சீசன் நிறைவுக்கு வரும்.

மாத பூஜை விவரம்

பின்னர் மாசி மாத பூஜைக்காக சபரிமலை கோவில் நடை பிப்ரவரி 12-ந் தேதி திறக்கப்பட்டு 17-ந் தேதி அடைக்கப்படும்.

பங்குனி மாத பூஜைக்காக மார்ச் 14-ந் தேதி முதல் 19-ந் தேதி வரை சிறப்பு பூஜை நடைபெறும். முன்னதாக பங்குனி ஆராட்டு திருவிழாவை முன்னிட்டு மார்ச் 12-ந் தேதி நடை திறக்கப்படும். 13-ந் தேதி திருவிழா கொடியேற்றத்துடன் ஆரம்பமாகும். 22-ந் தேதி ஆராட்டுடன் 10 நாட்கள் விழா நிறைவு பெறும்.

சித்திரை மாத பூஜைக்காக ஏப்ரல் 10-ந் தேதி நடை திறக்கப்படும். 15-ந்தேதி விஷு பண்டிகைக்காக சிறப்பு பூஜை நடைபெறும். இதனை தொடர்ந்து 19-ந் தேதி நடை அடைக்கப்படும்.

வைகாசி மாத பூஜைக்காக மே மாதம் 14-ந் தேதி நடை திறக்கப்பட்டு 5 நாள் சிறப்பு பூஜைக்கு பிறகு 19-ந் தேதி நடை அடைக்கப்படும்.

ஓணம் பண்டிகைக்காக...

பிரதிஷ்டை தினத்தை முன்னிட்டு ஜூன் 12-ந் தேதி நடை திறக்கப்படும். 13-ந் தேதி பிரதிஷ்டை சிறப்பு வழிபாடுகள் நடைபெ றும். ஆனி மாத பூஜைக்காக ஜூன் 15-ந் தேதி முதல் 20-ந் தேதி வரையும், ஆடி மாத பூஜைக்காக ஜூலை 16-ந் தேதி முதல் 21-ந் தேதியும். ஆவணி மாத பூஜைக்காக ஆகஸ்டு 17-ந் தேதி முதல் 22-ந் தேதி வரையும் நடை திறக்கப்பட்டிருக்கும்.

ஓணம் பண்டிகை சிறப்பு பூஜைக்காக செப்டம்பர் 10-ந் தேதி திறக்கப்பட்டு 15-ந் தேதி அடைக்கப்படும்.

புரட்டாசி மாத பூஜைக்காக செப்டம்பர் 17-ந் தேதி முதல் 22-ந் தேதி வரையும், ஐப்பசி மாத பூஜைக்காக அக்டோபர் 17-ந் தேதி முதல் 22-ந் தேதி வரையும் கோவிலில் சிறப்பு வழிபாடு நடைபெறும். சித்திரை திருநாள் மகாராஜா பிறந்த நாளை யொட்டி, அக்டோபர் 28-ந் தேதி நடை திறக்கப்படும். மறுநாள் சிறப்பு பூஜைகளுக்கு பிறகு நடை அடைக்கப்படும். பின்னர் 2027 மண்டல சீசன் நவம்பர் 16-ந் தேதி ஆரம்பமாகும். மண்டல பூஜை டிசம்பர் 27-ந் தேதி நடைபெறும்.

இவ்வாறு அதில் கூறப்பட்டுள்ளது.

சபரிமலையில் முன்பதிவு தொடங்கியது

நடப்பு மண்டல சீசனை முன்னிட்டு சபரிமலையில் தங்கும் அறைகளுக்கான ஆன்லைன் மூலம் முன்பதிவு செய்யும் வசதி செய்யப்பட்டுள்ளது. அதற்கான முன்பதிவு நேற்று மாலை 5 மணி முதல் https://www.onlinetdb.com என்ற இணைய தளத்தில் தொடங்கியது.