ரூ. 3200 விலையில் அசத்தலான கேமரா அறிமுகம் செய்த சியோமி
- கண்காணிப்பு மற்றும் தகவல் பரிமாற்ற சேவையை வழங்கும்.
- துல்லியமான எச்சரிக்கை தகவல்களை எழுப்பும்.
சியோமி நிறுவனம் இந்திய சந்தையில் தனது புதிய பாதுகாப்பு கேமராவை அறிமுகம் செய்தது. சியோமி 360 ஹோம் செக்யூரிட்டி கேமரா என்ற பெயரில் அறிமுகம் செய்யப்பட்டு இருக்கும் புதிய கேமரா கண்காணிப்பு மற்றும் தகவல் பரிமாற்ற சேவையை வழங்கும் என சியோமி தெரிவித்து இருக்கிறது.
பெயருக்கு ஏற்றார்போல் புது கேமரா 360 டிகிரி பானரோமா வியூ மூலம் அறையின் ஒவ்வொரு மூலைகளிலும் துல்லியமாக பதிவு செய்யும் வசதி கொண்டிருக்கிறது. இத்துடன் ஏ.ஐ. தொழில்நுட்பம் மூலம் மனிதர்களை கண்டறியும் திறன் கொண்டுள்ளது. இதன் மூலம் அதிக துல்லியமான எச்சரிக்கை தகவல்களை இந்த கேமரா எழுப்பும்.
இந்த கேமராவினை சியோமி ஹோம் ஆப் மூலம் கட்டுப்படுத்தும் வசதி வழங்கப்பட்டுள்ளது. இந்திய சந்தையில் சியோமி 360 ஹோம் செக்யூரிட்டி கேமராவின் விலை ரூ. 3 ஆயிரத்து 200 என நிர்ணயம் செய்யப்பட்டு உள்ளது. இதன் விற்பனை எம்.ஐ. மற்றும் அமேசான், ப்ளிப்கார்ட் வலைதளங்களில் நடைபெற இருக்கிறது. விற்பனை ஜனவரி 22-ம் தேதி துவங்குகிறது.