ஸ்மார்ட்போனிற்கு ரூ. 3000 தள்ளுபடி அறிவித்த ஒன்பிளஸ் - எந்த மாடல்?

ஒன்பிளஸ் நிறுவனத்தின் ஒன்பிளஸ் 11R ஸ்மார்ட்போனிற்கு ரூ. 3 ஆயிரம் தள்ளுபடி அறிவிக்கப்பட்டு இருக்கிறது. கடந்த ஆண்டு ஒன்பிளஸ் 11 ஸ்மார்ட்போனுடன் ஒன்பிளஸ் 11R அறிமுகம் செய்யப்பட்டது. பட்ஜெட் விலையில் அறிமுகமான ஒன்பிளஸ் 11R ஸ்மார்ட்போன் ரூ. 3 ஆயிரம் குறைந்த விலையில் விற்பனை செய்யப்படுகிறது.

இந்திய சந்தையில் ஒன்பிளஸ் 11R ஸ்மார்ட்போன் 8 ஜி.பி. ரேம், 128 ஜி.பி. மெமரி மாடல் ரூ. 39 ஆயிரத்து 999 விலையில் அறிமுகம் செய்யப்பட்டது. தற்போது இதன் விலை ரூ. 2 ஆயிரம் குறைக்கப்பட்டு ரூ. 37 ஆயிரத்து 999-க்கு விற்பனை செய்யப்படுகிறது.

ஒன்பிளஸ் 11R ஸ்மார்ட்போனின் 16 ஜி.பி. ரேம், 256 ஜி.பி. மெமரி மாடல் ரூ. 44 ஆயிரத்து 999 விலையில் விற்பனை செய்யப்பட்டது. தற்போது இதன் விலை ரூ. 41 ஆயிரத்து 999 என மாறி இருக்கிறது. விலை குறைப்பு மட்டுமின்றி ஐ.சி.ஐ.சி.ஐ. வங்கி மற்றும் ஒன்கார்டு பயன்படுத்தும் போது ரூ. 1000 தள்ளுபடி வழங்கப்படுகிறது.

விலை குறைப்பு ஒன்பிளஸ் மற்றும் அமேசான் இந்தியா வலைதளங்களில் அமலுக்கு வந்துள்ளது. இந்த ஸ்மார்ட்போன் கேலக்டிக் சில்வர் மற்றும் சோனிக் பிளாக் என இரண்டு நிறங்களில் கிடைக்கிறது.