500 சிக்சர்கள் விளாசி ரோகித் சர்மா சாதனை

ரோகித் சர்மாவின் அதிரடியான சதம் நேற்று பலன் இல்லாமல் போனது. அவர் 63 பந்தில் 11 பவுண்டரி, 5 சிக்சர்களுடன் 105 ரன் எடுத்தார். இதன் மூலம் ரோகித் சர்மா ஒட்டு மொத்த 20 ஓவர் போட்டியில் 500 சிக்சர்களை கடந்மு சாதனை படைத்தார்.

419 இன்னிங்சில் அவர் 502 சிக்சர்கள் அடித்துள்ளார். 20 ஓவர் போட்டிகளில் 500 சிக்சர்கள் எடுத்த முதல் இந்தியர் ஆவார்.

ஒட்டுமொத்தமாக அதிக சிக்ஸ் அடித்தவர்கள் பட்டியலில், கிறிஸ் கெய்ல் (1,056 சிக்சர்கள்), பொல்லார்டு (860), ஆந்த்ரே ரஸல் (678), கொலின் முன்ரோ (548) ஆகியோருக்கு அடுத்தபடியாக ரோகித் சர்மா உள்ளார்.

முதல் 3  இடங்களில் வெஸ்ட் இண்டீஸ் வீரர்கள் உள்ளனர். அதற்கு அடுத்தபடியாக நியூசிலாந்தை சேர்ந்தவர் இருக்கிறார் என்பது குறிப்பிடத்தக்கது.

மும்பை வான்கடே மைதானத்தில் நேற்று நடைபெற்ற போட்டியில் முதலில் விளையாடிய சிஎஸ்கே 206 ரன்கள் குவித்தது. பின்னர் விளையாடிய மும்பை இந்தியன்ஸ் அணியில் 186 ரன்கள் மட்டுமே அடிக்க முடிந்தது.