எலெக்ட்ரிக் காருக்கு ரூ. 4 லட்சம் தள்ளுபடி.. மாஸ் காட்டிய மஹிந்திரா

மஹிந்திரா நிறுவனம் தனது ஒற்றை எலெக்ட்ரிக் கார் மாடல் XUV400-க்கு டிசம்பர் மாத சலுகையை அறிவித்து இருக்கிறது. அந்த வகையில் மஹிந்திரா XUV400 மாடலுக்கு ரூ. 4 லட்சம் வரையிலான தள்ளுபடி வழங்கப்படுகிறது. இந்த எலெக்ட்ரிக் எஸ்.யு.வி. மாடல் விலை ரூ. 16 லட்சம், எக்ஸ்-ஷோரூம் என்று துவங்குகிறது.

இந்திய சந்தையில் மஹிந்திரா XUV400 மாடல் EC மற்றும் EL என இரண்டு வேரியண்ட்களில் கிடைக்கிறது. இவற்றுக்கு முறையே ரூ. 3 லட்சம் மற்றும் ரூ. 4 லட்சம் வரையிலான தள்ளுபடிகள் வழங்கப்படுகின்றன. இந்த தொகை வேரியண்ட், விற்பனையகம் மற்றும் ஸ்டாக் இருப்புக்கு ஏற்ப வேறுபடும். மேலும் இவை டிசம்பர் 31-ம் தேதி வரை மட்டுமே வழங்கப்படும்.

மஹிந்திரா XUV400 மாடல்- 34.5 கிலோவாட் ஹவர் மற்றும் 39.4 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இவை முறையே 375 கிலோமீட்டர்கள் மற்றும் 456 கிலோமீட்டர்கள் வரையிலான ரேன்ஜ் வழங்கும் என சான்று பெற்று இருக்கிறது.