லார்ட்ஸ் டெஸ்ட்: முதல் இன்னிங்சில் இங்கிலாந்து 458 ரன்கள் குவிப்பு

இங்கிலாந்து - தென்ஆப்பிரிக்கா அணிகளுக்கு இடையிலான முதல் டெஸ்ட் கிரிக்கெட் போட்டி லார்ட்ஸ் மைதானத்தில் நேற்று தொடங்கியது. டாஸ் வென்ற இங்கிலாந்து அணி பேட்டிங் தேர்வு செய்தது.


87 ரன் சேர்த்த மொயீன் அலி

ஜோ ரூட் இங்கிலாந்து அணியின் கேப்டனாக முதன்முறையாக அறிமுகமானார். இவரின் அபார சதத்தால் இங்கிலாந்து அணி முதல் நாள் ஆட்ட முடிவில் 87 ஓவரில் 5 விக்கெட் இழப்பிற்கு 357 ரன்கள் குவித்தது. ஜோ ரூட் 184 ரன்களுடனும், மொயீன் அலி 61 ரன்களுடனும் களத்தில் இருந்தனர். பென் ஸ்டோக்ஸ் 56 ரன்கள் எடுத்து ஆட்டம் இழந்தார்.


190 ரன்கள் குவித்த ஜோ ரூட்

இன்று 2-வது நாள் ஆட்டம் தொடங்கியது. ஜோ ரூட் 190 ரன்னிலும், மொயீன் அலி 87 ரன்னிலும் ஆட்டம் இழந்தனர். அதன்பின் வந்த வேகப்பந்து வீச்சாளர் ஸ்டூவர்ட் பிராட் 47 பந்தில் 57 ரன்கள் சேர்க்க இங்கிலாந்து அணி 105.3 ஓவரில் 458 ரன்கள் எடுத்து ஆல்அவுட் ஆனது.


நான்கு விக்கெட்டுக்கள் வீழ்த்திய மோர்னே மோர்கல்

தென்ஆப்பிரிக்கா அணி சார்பில் மோர்னே மோர்கல் 25.3 ஓவரில் 115 ரன்கள் விட்டுக்கொடுத்து நான்கு விக்கெட்டுக்கள் வீழ்த்தினார். பிளாண்டர், ரபாடா ஆகியோர் தலா மூன்று விக்கெட்டுக்கள் வீழ்த்தினார்கள்.

பின்னர் தென்ஆப்பிரிக்கா முதல் இன்னிங்சை தொடங்கியது. அந்த அணி 2-வது நாள் மதிய உணவு இடைவேளை வரை விக்கெட் இழப்பின்றி 10 ரன்கள் எடுத்துள்ளது.