பிரெஞ்ச் ஓபன்: பெண்கள் இரட்டையர் பிரிவில் சானியா ஜோடி தோல்வி

பாரீஸ் நகரில் பிரெஞ்ச் ஓபன் டென்னிஸ் தொடர் நடைபெற்று வருகிறது. இன்று நடைபெற்ற பெண்களுக்கான இரட்டையர் பிரிவில் இந்தியாவின் சானியா மிர்சா - கஜகஸ்தானின் யரோஸ்லாவா ஷ்வெடோவா ஜோடி ஆஸ்திரேலியாவின் டரியா கவ்ரிலோவா - ரஷ்யாவின் அனாஸ்டாசியா பவ்லியுசென்கோவா ஜோடியை எதிர்கொண்டது.

முதல் செட்டை சானியா ஜோடி கடுமையாக போராடியது. இறுதியில் 6(5)-7(7) என இழந்தது. ஆனால் 2-வது செட்டை 6-1 என எளிதில் கைப்பற்றியது. ஆனால், வெற்றியை தீர்மானிக்கும் 3-வது செட்டில் 2-6 என தோல்வியடைந்து முதல் சுற்றோடு சானியா ஜோடி வெளியேறியது.

ஆனால், ஆண்களுக்கான இரட்டையர் பிரிவில் போபண்ணா ஜோடி வெற்றி பெற்று 2-வது சுற்றுக்கு முன்னேறியுள்ளது.