நீங்கள் தேடியது "Shamar Joseph"

வெஸ்ட் இண்டீஸ் அணியின் வேகப்பந்து வீச்சாளர் ஷமர் ஜோசப் 2024 ஐ.பி.எல். தொடரில் விளையாடுவது உறுதியாகிவிட்டது. அந்த வகையில், ஷமர் ஜோசப் லக்னோ சூப்பர் ஜெயன்ட்ஸ் அணிக்காக விளையாட இருப்பதாக அந்த அணி அறிவித்து இருக்கிறது. இவர் இங்கிலாந்தின் மார்க் வுட்-க்கு மாற்றாக லக்னோ அணியில் சேர்க்கப்பட்டு இருக்கிறார்.

கடந்த மாதம் நடைபெற்ற ஆஸ்திரேலியா அணிக்கு எதிரான டெஸ்ட் போட்டியில் ஷமர் ஜோசப் தனி ஆளாக நின்று வெஸ்ட் இண்டீஸ் அணிக்கு வெற்றியை பெற்றுக் கொடுத்தார். ஆஸ்திரேலியா அணியின் பேட்டிங் ஆர்டரை முழுமையாக தகர்த்த ஷமர் ஜோசப் இரண்டாவது இன்னிங்ஸ்-இல் 68 ரன்களை விட்டுக்கொடுத்து 7 விக்கெட்டுகளை கைப்பற்றினார்.

இதன் மூலம் வெஸ்ட் இண்டீஸ் அணி கப்பாவில் நடைபெற்ற டெஸ்ட் போட்டியில் வெற்றி பெற்றது. இந்த வெற்றி காரணமாக ஷமர் ஜோசப் உலகளவில் பிரபலமான வேகப்பந்து வீச்சாளராக மாறினார். முதல் முறையாக ஐ.பி.எல்.-இல் களமிறங்கும் ஷமர் ஜோசப்-க்கு லக்னோ அணி சார்பில் ரூ. 3 கோடி வழங்கப்படுகிறது.

இது தொடர்பாக ஐ.பி.எல். சார்பில் வெளியிடப்பட்ட அறிக்கையில், "2024 டாடா இந்தியன் பிரீமியர் லீக் தொடரில் லக்னோ சூப்பர் ஜெயன்ட்ஸ் அணி மார்க் வுட்-க்கு மாற்றாக ஷமர் ஜோசப்-ஐ தேர்வு செய்துள்ளதாக அறிவித்துள்ளது. இவர் லக்னோ அணியில் ரூ. 3 கோடி விலையில் இணைகிறார்," என குறிப்பிடப்பட்டுள்ளது. 

வெஸ்ட் இண்டீஸ் அணி 3 வடிவிளான கிரிக்கெட் தொடரில் விளையாடுவதற்காக ஆஸ்திரேலியா சென்றுள்ளது. முதலில் நடந்த டெஸ்ட் தொடர் 1-1 என்ற கணக்கில் சமநிலையில் முடிந்தது. முதல் டெஸ்ட்டில் ஆஸ்திரேலியா அணி வெற்றி பெற்றது. அடுத்து நடந்த 2-வது டெஸ்ட் போட்டியில் சமர் ஜோசப்பின் அபார பந்து வீச்சால் வெஸ்ட் இண்டீஸ் அணி வெற்றி பெற்றது.

இந்நிலையில் மகத்தான வெற்றியை பெற்றுக் கொடுத்த சமர் ஜோசப்பின் உரிமை ஒப்பந்தத்தை தற்போது வெஸ்ட் இண்டீஸ் வாரியம் சர்வதேச ரிட்டைனர் ஒப்பந்தமாக மேம்படுத்தி அறிவிப்பு வெளியிட்டுள்ளது. அதன் காரணமாக சர்வதேச அளவில் வெஸ்ட் இண்டீஸ் அணிக்காக விளையாடும் வீரர்களுக்கு கிடைக்கும் அதிகபட்ச சம்பளம் சமர் ஜோசப்புக்கும் கிடைக்கும்.

அத்துடன் இந்த ஒப்பந்தத்தால் வரும் காலங்களில் வெஸ்ட் இண்டீஸ்க்காக நிறைய போட்டிகளில் விளையாடுவதற்கான வாய்ப்பும் அவருக்கு கிடைக்கும். அதே போல 2024 டி20 உலகக் கோப்பையில் அவருடன் சேர்ந்து வேலை செய்ய உள்ளதாக பயிற்சியாளர் டேரன் சமி அறிவித்துள்ளார்.

ஐ.பி.எல். டி20 கிரிக்கெட் போட்டி 2008-ம் ஆண்டு அறிமுகம் செய்யப்பட்டது. ஆண்டுதோறும் இந்தப் போட்டி மார்ச் முதல் மே மாதம் வரை நடத்தப்படுகிறது. 17-வது ஐ.பி.எல். டி20 போட்டிக்கான அட்டவணை இதுவரை அறிவிக்கப்படவில்லை. பாராளுமன்ற தேர்தல் நடைபெற இருப்பதால் இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) போட்டி அட்டவணையை அறிவிக்க முடியாமல் இருக்கிறது.

இந்த ஐபிஎல் சீசனில் கழற்றி விடப்பட்ட வீரர்களுக்கு பதிலாக புதிய வீரர்களை தேர்வு செய்வதற்கான மினி ஏலம் துபாயில் நடைபெற்று முடிந்தது.

இந்நிலையில் வெஸ்ட் இண்டீஸ் அணியின் தற்போதைய நாயகனாக வலம் வரும் சமர் ஜோசப்பை ஆர்சிபி அணி வாங்குவதற்கு திட்டம் தீட்டுவதாக தகவல் வெளியாகி உள்ளது. 2024-ம் ஐபிஎல் சீசனில் ஆர்சிபி அணியால் ஏலம் எடுக்கப்பட்ட டாம் கரண் காயம் காரணமாக விளையாடமுடியாத சூழல் இருப்பதால் அவருக்கு பதிலாக ஜோசப்பை எடுக்க ஆர்சிபி திட்டம் தீட்டியுள்ளது.

27 ஆண்டுக்கு பிறகு ஆஸ்திரேலிய மண்ணில் வெஸ்ட் இண்டீஸ் அணி வெற்றியை பதிவு செய்வதற்கு சமர் ஜோசப் முக்கிய பங்காக இருந்தவர். அவர் அந்த போட்டியில் 7 விக்கெட்டுகளை கைப்பற்றினார்.

கபா டெஸ்ட் போட்டியில் 7 விக்கெட்டுகளை வீழ்த்தி வெஸ்ட் இண்டீஸ் அணி 27 ஆண்டுகளுக்குப்பிறகு ஆஸ்திரேலிய மண்ணில் சாதனை படைத்து உள்ளது. இந்த வெற்றிக்கு இளம் வேகப்புயல் ஷமர் ஜோசப் காரணமாக அமைந்துள்ளார்.

ஆஸ்திரேலியா மற்றும் வெஸ்ட் இண்டீஸ் அணிகளுக்கு இடையே 2-வது டெஸ்ட் போட்டி ஆஸ்திரேலியா நாட்டின் கபாவில் நடந்தது. இந்த போட்டியில் வெஸ்ட் இண்டீஸ் வீரர் ஷமர்ஜோசப் முழு பலத்தையும் பந்து வீச்சில் காண்பித்து 12 ஓவர்களை வீசி 7 விக்கெட்டுகளை வீழ்த்தினார். இதற்கு முந்தையநாள் ஆட்டத்தில் ஆஸ்திரேலிய அணியின் ஸ்டார்க் வீசிய பந்தில் ஷமர் ஜோசப் காலில் காயம் ஏற்பட்டது. இதனால் அவர் கண்ணீர் சிந்தியபடியே மைதானத்தை விட்டு வெளியேறினார். ஆனாலும், அடுத்த நாளில் அசாத்திய பந்துவீச்சால் ஆஸ்திரேலியாவை வீழ்த்தி வெஸ்ட் இண்டீஸ் வரலாற்று வெற்றி பெற காரணமாக அமைந்துள்ளார் ஷமர் ஜோசப். யார் இந்த ஷமர் ஜோசப் என்று தெரிந்துகொள்ளும் ஆர்வம் ஏற்படுகிறதல்லவா.

கண்டிப்பாக ஏற்படும், ஷமர் ஜோசப்பின் வாழ்க்கை வரலாறு பெரும் வியப்பை தரும்.

வெஸ்ட் இண்டீஸ் நாட்டில் கரீபியனில் உள்ள பராகரா என்ற கிராமத்தைச் சேர்ந்தவர் ஷமர் ஜோசப் (வயது 24). இவரது கிராமத்தில் மொத்தம் 350 பேர் வசித்து வருகின்றனர். கூலித் தொழிலாளியாக வாழ்க்கையை தொடங்கிய ஷமர் ஜோசப், தினமும் 12 மணி நேரம் பணிபுரியும் காவலாளியாக வேலை பார்த்தார்.

கிரிக்கெட்டில் தீவிர ஆர்வம் கொண்ட ஷமர் ஜோசப் வெஸ்ட் இண்டீஸ் கிரிக்கெட் அணியில் சேர்ந்தார். உள்ளூர் போட்டிகளில் சிறப்பான பங்களிப்பை அளித்ததன் மூலம், மிகவும் எதிர்பார்க்கப்பட்டவர் கபா டெஸ்டில் ஆஸ்திரேலிய அணிக்கு சிம்ம சொப்பனமாக திகழ்ந்தார். ஆம், கபா டெஸ்ட் போட்டியில் வெஸ்ட் இண்டீஸ் அணி வரலாற்று சாதனை புரிய இவரே காரணம். 27 ஆண்டுகளாக ஆஸ்திரேலியாவை டெஸ்டில் வீழ்த்தியதே இல்லை, அதிலும் ஆஸ்திரேலியாவை அதன் சொந்த மண்ணில் வைத்து வெல்வது எளிதான காரியம் அன்று.

காரணம், அவர்களது மண்ணில் ஆஸ்திரேலியாவின் பலம் இரட்டிப்பாகும் என்பது தெரிந்த கதைதான். அப்படி இருந்தும், தனது அசாத்திய திறமையால், அறிமுகத் தொடரில் 2-வது இன்னிங்ஸில் 7 விக்கெட்டுகள் வீழ்த்தி வெஸ்ட் இண்டீஸ் வரலாற்று வெற்றியை பெற ஷமர் ஜோசப் மிக முக்கிய காரணமாக திகழ்ந்தார்.

பிரிஸ்பேன்:

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகளுக்கு இடையே நடந்த முதல் டெஸ்டில் ஆஸ்திரேலிய அணி அபார வெற்றி பெற்றது. இரு அணிகளுக்கு இடையிலான 2-வது மற்றும் கடைசி டெஸ்ட் போட்டி 25-ந் தேதி தொடங்கி நடைபெற்றது.

இந்த போட்டியில் வெஸ்ட் இண்டீஸ் அணி 8 ரன்கள் வித்தியாசத்தில் த்ரில் வெற்றி பெற்றது. அத்துடன் டெஸ்ட் தொடரை 1-1 என சமனில் முடிந்தது. வெஸ்ட் இண்டீஸ் தரப்பில் ஷமார் ஜோசப் 7 விக்கெட் வீழ்த்தி ஆட்ட நாயகன் மற்றும் தொடர் நாயகன் விருதை தட்டிச் சென்றார்.

இதன்மூலம், வெஸ்ட் இண்டீஸ் அணி, ஆஸ்திரேலிய மண்ணில் 27 ஆண்டுகளுக்குப் பிறகு ஆஸ்திரேலியாவை வீழ்த்தி அபாரமாக வெற்றி பெற்றுள்ளது.

இந்நிலையில் வெஸ்ட் இண்டீஸ் வெற்றிக்கு முக்கிய பங்காற்றிய ஷமார் ஜோசப்-ன் வாழ்க்கையை விக்கிபீடியாவில் படித்து கண் கலங்கியதாக தென் ஆப்பிரிக்கா அணியின் முன்னாள் வீரர் டி வில்லியர்ஸ் தெரிவித்துள்ளார்.

இது குறித்து அவர் கூறியதாவது:-

நீங்கள் ஒரு உதவி செய்யுங்கள். அவருடைய வாழ்க்கையை பற்றி விக்கிபீடியாவில் படியுங்கள். அவரது பயணத்தை பற்றி படிக்கும் போது எனது கண்களில் கண்ணீர் வந்தது. எளிமையா சொல்லனும் என்றால் உங்களுக்கு ஊக்கமளிக்கும்.

இவ்வாறு டிவில்லியர்ஸ் கூறினார்.

பிரிஸ்பேன்:

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து 2 போட்டிகள் கொண்ட டெஸ்ட், 3 போட்டிகள் கொண்ட ஒருநாள் மற்றும் டி20 தொடர்களில் விளையாடி வருகிறது. இரு அணிகளுக்கு இடையே நடந்த முதல் டெஸ்டில் ஆஸ்திரேலிய அணி அபார வெற்றி பெற்றது.

இவ்விரு அணிகளுக்கு இடையிலான 2-வது மற்றும் கடைசி டெஸ்ட் போட்டி நடைபெற்றது. டாஸ் வென்ற வெஸ்ட் இண்டீஸ் பேட்டிங் தேர்வு செய்தது.

அதன்படி, முதலில் ஆடிய வெஸ்ட் இண்டீஸ் முதல் இன்னிங்சில் 311 ரன்களில் ஆல் அவுட் ஆனது. ஜோஷ்வா டி சில்வா 79 ரன்கள் அடித்தார்.

ஆஸ்திரேலிய அணி சார்பில் மிட்செல் ஸ்டார்க் 4 விக்கெட்டுகள் வீழ்த்தினார்.

இதையடுத்து, முதல் இன்னிங்சை தொடர்ந்த ஆஸ்திரேலிய அணி முதல் இன்னிங்சில் 9 விக்கெட்டுக்கு 289 ரன்கள் எடுத்து டிக்ளேர் செய்வதாக அறிவித்தது. உஸ்மான் கவாஜா 75 ரன்களிலும், கேரி 65 ரன்களிலும் ஆட்டமிழந்தனர். பாட் கம்மின்ஸ் 64 ரன்கள் எடுத்தார்.

வெஸ்ட் இண்டீஸ் சார்பில் அல்ஜாரி ஜோசப் 4 விக்கெட்டும், கீமர் ரோச் 3 விக்கெட்டும் வீழ்த்தினர்.

22 ரன்கள் முன்னிலை பெற்ற வெஸ்ட் இண்டீஸ் அணி 2-வது இன்னிங்சில் 193 ரன்களுக்கு ஆல் அவுட்டானது.

ஆஸ்திரேலியா சார்பில் ஹேசில்வுட், லயான் தலா 3 விக்கெட் வீழ்த்தினர்.

இதையடுத்து, 216 ரன்கள் எடுத்தால் வெற்றி என்ற இலக்குடன் ஆஸ்திரேலியா 2-வது இன்னிங்சில் ஆடியது. 3-ம் நாள் முடிவில் ஆஸ்திரேலியா 2 விக்கெட்டுக்கு 60 ரன்கள் எடுத்திருந்தது.

இந்நிலையில், நான்காம் நாள் ஆட்டம் இன்று நடைபெற்றது. ஸ்மித் தனி ஆளாகப் போராடி அரை சதமடித்தார். ஷமார் ஜோசப் சிறப்பாக பந்து வீசி சீரான இடைவெளியில் விக்கெட்டுகளை வீழ்த்தினார்.

இறுதியில், ஆஸ்திரேலியா 2வது இன்னிங்சில் 207 ரன்களில் ஆல் அவுட்டானது. ஸ்மித் 91 ரன்களுடன் ஆட்டமிழக்காமல் உள்ளார்.

இதன்மூலம் 8 ரன்கள் வித்தியாசத்தில் வெஸ்ட் இண்டீஸ் திரில் வெற்றி பெற்றது. அத்துடன் டெஸ்ட் தொடரை 1-1 என சமனில் முடிந்தது.

வெஸ்ட் இண்டீஸ் சார்பில் ஷமார் ஜோசப் 7 விக்கெட் வீழ்த்தி அசத்தினார். ஆட்ட நாயகன் மற்றும் தொடர் நாயகன் விருது ஷமார் ஜோசப்புக்கு வழங்கப்பட்டது.

இதன்மூலம், வெஸ்ட் இண்டீஸ் அணி, ஆஸ்திரேலிய மண்ணில் 27 ஆண்டுகளுக்குப் பிறகு ஆஸ்திரேலியாவை வீழ்த்தி அபாரமாக வெற்றி பெற்றுள்ளது.

அடிலெய்டு:

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 2 போட்டிகள் கொண்ட தொடர் நேற்று அடிலெய்டுவில் தொடங்கியது. டாஸ் வென்ற ஆஸ்திரேலியா அணி பந்துவீச்சை தேர்வுசெய்தது.

அதன்படி முதலில் ஆடிய வெஸ்ட் இண்டீஸ் அணி 62.1 ஓவரில் 188 ரன்னில் சுருண்டது. மெக்கன்சி அரை சதம் அடித்தார். ஷமர் ஜோசப் 36 ரன்கள் எடுத்தார்.

ஆஸ்திரேலிய சார்பில் கேப்டன் கம்மின்ஸ், ஹசில்வுட் தலா 4 விக்கெட் வீழ்த்தினார்கள்.

அதன்பின், ஆஸ்திரேலியா முதல் இன்னிங்சை தொடர்ந்தது ஆடியது. முதல் நாள் முடிவில் ஆஸ்திரேலியா 2 விக்கெட் இழப்புக்கு 59 ரன்கள் எடுத்திருந்தது. கவாஜா 30 ரன்னிலும், க்ரீன் 6 ரன்களிலும் களத்தில் இருந்தனர்.

இந்நிலையில், இன்று இரண்டாம் நாள் ஆட்டம் நடைபெற்றது. கவாஜா 45 ரன்னில் அவுட்டானார். க்ரீன் 14 ரன்னில் வெளியேறினார்.

பொறுப்புடன் ஆடிய டிராவிஸ் ஹெட் சதமடித்து அசத்தினார். அவர் 119 ரன்னில் ஆட்டமிழந்தார்.

இறுதியில், ஆஸ்திரேலிய அணி முதல் இன்னிங்சில் 283 ரன்களுக்கு ஆல் அவுட்டானது.

வெஸ்ட் இண்டீஸ் சார்பில் ஷமர் ஜோசப் 5 விக்கெட்டும், ரோச், கிரீவ்ஸ் தலா 2 விக்கெட்டும் வீழ்த்தினர்.

இதையடுத்து, 95 ரன்கள் பின் தங்கிய நிலையில் வெஸ்ட் இண்டீஸ் அணி களமிறங்கி விளையாடி வருகிறது.

அடிலெய்டு:

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 2 போட்டிக் கொண்ட தொடரில் முதல் டெஸ்ட் அடிலெய்டுவில் இன்று தொடங்கியது.

இதில் டாஸ் வென்ற ஆஸ்திரேலியா அணி பந்துவீச்சை தேர்வு செய்தது. அதன்படி முதலில் விளையாடிய வெஸ்ட் இண்டீஸ் அணி 62.1 ஓவரில் 188 ரன்னில் சுருண்டது. ஆஸ்திரேலிய தரப்பில் கேப்டன் கம்மின்ஸ், ஹசில்வுட் தலா 4 விக்கெட் வீழ்த்தினார்கள். பின்னர் முதல் இன்னிங்சை ஆடிய ஆஸ்திரேலியா முதல் நாள் முடிவில் 2 விக்கெட்டுகளை இழந்து 59 ரன்கள் எடுத்தது. கவாஜா 30 ரன்னிலும் க்ரீன் 6 ரன்களிலும் களத்தில் உள்ளனர்.

இந்நிலையில் இந்த போட்டியில் ஷமர் ஜோசப் வெஸ்ட் இண்டீஸ் அணியில் அறிமுகமானர். வேகப்பந்து வீச்சாளரான இவர் அறிமுக போட்டியில் வீசிய முதல் பந்திலேயே ஸ்மித் விக்கெட்டை வீழ்த்தினார். இதன் மூலம் 85 ஆண்டு கால சாதனையை ஷமர் ஜோசப் சமன் செய்துள்ளார்.

இதற்கு முன்பு டைரல் ஜான்சனுக்குப் பிறகு டெஸ்ட் கிரிக்கெட்டில் தனது முதல் பந்திலேயே விக்கெட்டை வீழ்த்திய இரண்டாவது வெஸ்ட் இண்டீஸ் வீரர் என்ற சாதனையை ஜோசப் படைத்துள்ளார். 1939-ம் ஆண்டு ஓவல் மைதானத்தில் இங்கிலாந்துக்கு எதிராக ஜான்சன் இந்த சாதனையை நிகழ்த்தினார். ஒட்டுமொத்தமாக, ஆண்கள் டெஸ்டில் தனது முதல் பந்திலேயே விக்கெட் எடுத்த 23-வது பந்து வீச்சாளர் ஜோசப் ஆவார்.

கயானாவில் உள்ள சிறிய கிராமமான பராசராவைச் சேர்ந்தவர், 24 வயதான அவர் முன்னதாக பேட்டிங்கில் சிறப்பான ஆட்டத்தை வெளிப்படுத்தினார். இவர் கெமர் ரோச்சுடன் சேர்ந்து கடைசி விக்கெட்டுக்கு 55 ரன்கள் குவித்தனர். வெஸ்ட் இண்டீஸ் அணி 188 ரன்கள் எடுக்க இந்த ஜோடி உதவியது. இறுதியில் ஜோசப் 36 ரன்கள் எடுத்து ஆட்டமிழந்தார்.