தமிழ்நாடு சட்டசபை 2 நாட்கள் விடுமுறைக்கு பின் இன்று மீண்டும் கூடியது. ஆளுநர் உரைக்கு நன்றி தெரிவிக்கம் தீர்மானத்தின் மீதான விவாதம் நடைபெறுகிறது.
முதலமைச்சர் சட்டமன்றத்திற்குள் நுழைந்தபோது த.வெ.க. மற்றும் கூட்டணி கட்சியினர் கைதட்டி பிறந்தநாள் வாழ்த்து தெரிவித்தனர்.
அதனை தொடர்ந்து சபாநாயகர் ஜே.சி.டி.பிரபாகர், முதலமைச்சருக்கு பிறந்தநாள் வாழ்த்து தெரிவித்து உரையாற்றினார்.
யாருக்கும் அஞ்சாத, தூய்மையான ஆட்சிக்கு சொந்தக்காரர். பணம், புகழை துச்சமென நினைத்து மக்களுக்காக உழைக்க வந்தவர் முதலமைச்சர் விஜய்- சபாநாயகர் ஜே.சி.டி.பிரபாகர்
மறுமலர்ச்சி நாயகனாக செயல்வீரராக தூய்மையான ஆட்சிக்கு சொந்தக்காரான முதலமைச்சர் பல்லாண்டு வாழ வாழ்த்துகிறேன்- சபாநாயகர் ஜே.சி.டி.பிரபாகர்
அரசியல் களத்தில் எதிர்கொண்ட பெரும் சோதனைகளை அசாத்திய திறமை, மக்கள் பலத்தால் வென்று காட்டியவர். தமிழக மக்களுக்காக புகழ், வசதியை உதறி தள்ளிவிட்டு மக்கள் சேவைக்காக தன்னை அரிப்பணித்தவர் விஜய்- சபாநாயகர் ஜே.சி.டி.பிரபாகர்
இறால் பதப்படுத்தும் ஆலை அமோனியா கசிவு தொடர்பாக 110 விதியின் கீழ் தொழிலாளர் நலத்துறை அமைச்சர் விளக்கம் அளித்து வருகிறார்.
அமைச்சர் பர்வேஷ் விளக்கமளிக்கும் நிலையில் எதிர்க்கட்சி உறுப்பினர்கள் அமளில் ஈடுபடுகின்றனர்.
அமைச்சர் விளக்கத்திற்கு முன்பாக தங்களை பேச அனுமதிக்குமாறு எதிர்க்கட்சி உறுப்பினர்கள் அமளி
சபாநாயகர் ஜே.சி.டி.பிரபாகருடன் எதிர்க்கட்சியினர் தொடர்ந்து வாக்குவாதம்.
நேரும் தரும்போது உங்கள் பிரச்சனை, அமைச்சரின் விளக்கத்திற்கு பதில் பேசுங்கள் என சபாநாயகர் வேண்டுகோள்
சட்டசபையில் முதலில் பேச அனுமதிக்குமாறு சபாநாயகருடன் எடப்பாடி பழனிசாமி வாக்குவாதம்
சபை விதிகளுக்கு உட்பட்டுதான் நடக்கிறேன், அமைதி காக்குமாறும் சபாநாயகர் வேண்டுகோள்
நேரம் தரும்போது உங்கள் பிரச்சனை, அமைச்சரின் விளக்கத்திற்கு பதில் பேசுங்கள் என சபாநாயகர் வேண்டுகோள்
110 விதியின் கீழ் அமைச்சர் பேசிய பின்னர் வேறு யாரும் பேசுவதற்கு அனுமதி கிடையாது- சபாநாயர் திட்டவட்டம்
சபையில் உறுப்பினர்கள் பேசுவதற்கு எப்போது அனுமதி தரவேண்டும் என்பது எனக்குத்தெரியும்- சபாநாயகர்
நீதிமன்ற வழக்குகளை அவையில் பேசக்கூடாது, யாரையும் தனிப்பட்ட விதத்தில் தாக்கி பேசக்கூடாது- சபாநாயகர்
சர்ச்சை ஏற்படுத்தும் வகையில் பேசக்கூடாது, விவாதத்தின் போது பேசும் உறுப்பினர்கள் Short and Sweet ஆக பேச வேண்டும்- சபாநாயகர்
சபை நிகழ்வுகள் நேரலை செய்யப்படுவதால் உறுப்பினர்கள் கவனத்துடன் எச்சரிக்கையாக பேசவேண்டும்- சபாநாயகர் அறிவுரை
எடப்பாடி பழனிசாமி தலைமையிலான அ.தி.மு.க. உறுப்பினர்கள் சபையில் இருந்து வெளிநடப்பு
மேகதாது அணை விவகாரத்தில் ஆணையம் தொடர்பாக எதிர்க்கட்சி தலைவர் உதயநிதி கோரிக்கை வைத்தார். ஆணையம் என்பதை தவறுதலாக புரிந்து கொண்டார், அதுதொடர்பாக அமைச்சர் தற்போது விளக்கம் அளிப்பார் என்றார் அமைச்சர் ஆதர் அர்ஜூனா.
எம்எல்ஏக்களுக்கு உரிய மரியாதை தாருங்கள் என்று சபாநாயகர் கூறியுள்ளார். இதுகுறித்து மேலும் அவர்,"சென்னை திருவிக பள்ளியில் மரபு மீறப்பட்டதாக எம்எல்ஏ பல்லவி மனு அளித்துள்ளார். திருவிக பள்ளியில் நடந்தது இனி நடைபெறாது என நம்புவதால் அது குறித்து நடவடிக்கை மேற்கொள்ளவில்லை. அரசு விழாக்களுக்கு எம்எல்ஏக்களுக்கு முறையாக அழைப்பு விடுத்து அதிகாரிகள், ஆட்சியர்கள் மரியாதை தரவேண்டும்" என்றார்.
மாநிலத்தின் நதிநீர் உரிமையை காப்பதில் தவெக அரசு துளியும் சமரம் செய்யாது என உறுதியுடன் தெரிவித்து கொள்கிறேன்- அமைச்சர் என்.ஆனந்த்.
ஆளுநர் உரைக்கு நன்றி தெரிவிக்கும் தீர்மானம்- எம்.எல்.ஏ.க்கள் உரை தொடங்கியது
புதிய நடுவர் மன்றம் அமைக்கும் தீர்மானத்தை திரும்பப்பெற வேண்டும்- பாமக சார்பில் வேண்டுகோள்
புதிய நடுவர் மன்றம் அமைப்பது கர்நாடகாவுக்கு ஒரு வாய்ப்பாக அமைந்துவிடுமோ என்ற அச்சம் பா.ம.விற்கு உள்ளது- பாமக எம்எல்ஏ
மேகதாது மீதான தனித்தீர்மானம் மீது இனி விவாதத்திற்கு இடமில்லை- சபாநாயகர் திட்டவட்டம்
காவிரி ஆணையம் கர்நாடகாவின் அறிக்கையை நிராகரிக்காமல் அப்படியே நீர்வளத்துறை ஆணையத்திற்கு அனுப்பியது தவறு. உச்சநீதிமன்ற தீர்ப்பை மீறி வரைவு திட்ட அறிக்கையை மத்திய நீர்வள ஆணையத்திற்கு சமர்பிக்க சொன்னது தவறு. முன்பு விவசாயிகளுக்காக அணை கட்டுவதாக கூறினர். இப்போது பெங்களூரு குடிநீர் தேவைக்காக என்கிறார்கள். காவிரி நீர் ஆணையம் மீது நம்பிக்கை இழந்துள்ளோம், தற்போது மேகதாது விவகாரம் சட்டசிக்கல் நிறைந்துள்ளதாக மாறியுள்ளது. காவிரி நீர் மேலாண்மை ஆணையம் கர்நாடகாவின் அறிக்கையை ஏற்றுவிட்டால் அது பிரச்சனையாகிவிடும். காவிரி நீர் மேலாண்மை ஆணையத்திற்கு பதிலாக அணை கட்டுவதற்கு எதிராக புதிய ஆணையம் அமைவது அவசியம். புதிய ஆணையம் அமைய ஓராண்டு வரை காலம் ஆகும். அடுத்தக்கட்ட நடவடிக்கைக்கு நமக்கும் கொஞ்சம் அவகாசம் கிடைக்கும்- ஆதவ் அர்ஜூனா
8-வது முறையாக முதலமைச்சர் விஜய்க்கு பிறந்தநாள் தெரிவித்த உறுப்பினர் காமராஜ்
ஆளுநரே பாராட்டி விட்டார்... இனி வேறு யார் முதலமைச்சரை பாராட்ட வேண்டும்- எம்எல்ஏ காமராஜ்
மன்னார்குடி தொகுதிக்கான கோரிக்கைகளை சட்டசபையில் முன்வைத்தார் எம்எல்ஏ காமராஜ்
சிங்கப்பெண் சிறப்புப்படையால் சட்டம் ஒழுங்கு பாதுகாக்காப்படும்- எம்எல்ஏ காமராஜ்
முதலமைச்சர் விஜய்க்கு பிறந்தநாள் வாழ்த்து தெரிவித்தார் பிரேமலதா விஜயகாந்த்
சட்டசபையில் உள்ள அனைத்து உறுப்பினர்களும் பேசுவதற்கு சமமான வாய்ப்பு தரப்பட வேண்டும்- பிரேமலதா
ஆளுநர் உரை ஆளுங்கட்சி உரையாகவே இருந்தது- பிரேமலதா
ஆளுநர் உரையில் 37 பிழைகள் இருந்தன- பிரேமலதா விஜயகாந்த்
வேறு மாநிலத்தை சேர்ந்த ஆளுநர் தமிழ் பேசுவதை நாம் பாராட்ட வேண்டும்- சபாநாயகர்
தமிழை கற்க நமது ஆளுநர் ஆசைப்படுகிறார் என்பது நான் அவரை சந்தித்தப்போது அறிந்தேன்- சபாநாயகர்
உரையில் எந்த தலைவர் பெயரையும் தவிர்க்காமல் ஆளுநர் படித்ததே பாராட்டுக்கு உரியது- சபாநாயகர்
சட்டசபையில் எம்எல்ஏக்களுக்கு அவரவர் மேஜைகளில் தண்ணீர் டம்ளர்களுக்கு பதில் குடிநீர் பாட்டில்கள் வைக்க வேண்டும்- பிரேமலதா
பிரேமலதாவின் கோரிக்கையை தொடர்ந்து, அண்ணியார் கூறியதுபோல் சட்டசபையில் குடிநீர் பாட்டில்கள் வைத்தால் தூக்கி எறிந்துவிடுவார்கள் என ஓ.பன்னீர்செல்வம் பேசியதால் சபையில் சிரிப்பலை எழுந்தது.
ஓ.பன்னீர்செல்வத்தை சொன்னதை தொடர்ந்து, அவர் தனது சொந்த அனுபவத்தில் பேசுகிறார் என தங்கம் தென்னரசு கூறியதும் மீண்டும் சட்டசபையில் சிரிப்பலை எழுந்தது.
விருத்தாசலத்தை தனி மாவட்டமாக அறிவிக்க வேண்டும்- பிரேமலதா விஜயகாந்த்
சுகாதாரமற்ற குடிநீரால் உடல்நல பிரச்சனைகள், விருத்தாசலத்திற்கு கூட்டு குடிநீர் திட்டத்தை கொண்டு வரவேண்டும்- பிரேமலதா
என்னுடைய பிறந்தநாள் வாழ்த்துக்கு சற்று கூடுதல் முக்கியத்துவம் உள்ளது- பா.ஜ.க. எம்எல்ஏ
12 ஆண்டுகளுக்கு ஒருமுறை குறிஞ்சி பூ பூப்பது போல் 12 ஆண்டுகளாக பிரதமராக இருக்கிறார் மோடி- பா.ஜ.க. எம்எல்ஏ
முதலமைச்சர் விஜய்க்கு பிறந்தநாள் வாழ்த்து தெரிவித்தார் அமைச்சர் வன்னி அரசு
பிரதமரை பாராட்ட வேண்டும் என பா.ஜ.க. எம்எல்ஏ போஜராஜன் கூறுகிறார். இந்த அவைக்கு மாண்பு குறைவாக இருக்கிறதா? என கேட்கிறேன். பிரதமரை பாராட்டுவதன் மூலம் இந்த அவையின் மாண்பை உயர்த்திக்கொள்ள வேண்டும் என கூறுவதா?- அமைச்சர் வன்னி அரசு
அனைவருக்கும் கல்வி திட்டம் மூலம் கிடைக்க வேண்டிய நிதியை மத்திய அரசு தமிழகத்திற்கு தரவில்லை- வன்னி அரசு
பாஜக எம்எல்ஏ தமிழகத்திற்கான நிதியை போராடி பெற்றுத்தரவேண்டும் என குறிப்பிடுங்கள்- சபாநாயகர்
தமிழ்நாட்டில் சமூக நீதி கணக்கெடுப்பு நடத்தப்படும் என்ற அறிவிப்புக்கு பா.ம.க. எம்எல்ஏ சவுமியா பாராட்டு
என்னை இந்த நிலைக்கு உயர்த்திய பாமக நிறுவனர் ராமதாசுக்கு சிரம் தாழ்ந்த நன்றி- சவுமியா
முதலமைச்சர் விஜய் பல்லாண்டு வாழ வாழ்த்துவதாக சவுமியா வாழ்த்து
மழை, வெயில் என எதுவும் பார்க்காமல் வேலை செய்பவர்கள் வேளாண் மக்கள்- சவுமியா
பயிர் கடனை முழுமையாக தள்ளுபடி செய்வதை செலவாக பார்க்காதீர்கள்- சவுமியா வேண்டுகோள்
பெண்களுக்கு எதிரான குற்றங்களில் பொறுத்தது போதும், பொங்கி எழ வேண்டும். பெண் குழந்தைகளுக்கு எதிரான குற்றங்களில் அரபு நாடுகளில் தருவதை போல் கடும் தண்டனை தர வேண்டும்- சவுமியா
மேகதாது அணை பிரச்சனை என்பது உணர்வுப்பூர்வமானது. அதனால்தான் கவனத்தில் கொண்டு வருகிறோம். முதலமைச்சரின் பதிலுரையில் தான் தீர்மானத்தின் திருத்தம் குறித்து தெரிவிக்கப்பட்டது- எடப்பாடி பழனிசாமி.
உணர்வுப்பூர்வமான பிரச்சனையில் உணர்ச்சிவசப்படாமல் பேச வேண்டும்- சபாநாயகர் அறிவுரை
தமிழக மக்களின் உணர்வுகளையும் புரிந்து கொண்டு தான் முதலமைச்சர் தீர்மானம் கொண்டு வந்திருக்கிறார்- சபாநாயகர்
புதிய நடுவர் மன்றம் அமைக்கும் தீர்ப்பை ஏற்றுக்கொள்ள மாட்டோம் என எடப்பாடி பழனிசாமி கூறியதை இந்த மாமன்றம் ஏற்காது- சபாநாயகர்
திருத்தப்பட்ட தீர்மானத்தின் மீது விவாதம் நடத்திய பின்னர் தான் நிறைவேற்றப்பட்டிருக்க வேண்டும். எங்களுக்கு கொடுக்கப்பட்ட தீர்மானத்தின் நகலில் திருத்தம் குறித்து குறிப்பிடப்படவில்லை. உங்கள் கூட்டணி கட்சியான கம்யூ. எங்கள் கூட்டணி பா.ம.க.வினரும் அதை தான் எடுத்துரைத்தனர்- எடப்பாடி பழனிசாமி
மேகதாது விவகாரத்தில் தமிழ்நாட்டில் ஒற்றுமை இல்லை என்ற நிலையை உருவாக்கிவிடாதீர்கள். மேகதாது அணை பிரச்சனைக்கு புதிய நடுவர் மன்றம் அவசியம். ஏகமனதாக தீர்மானம் நிறைவேற்றப்பட்டு விட்டது என செய்தி சென்று சேர்ந்துவிட்டது. தமிழக எம்எல்ஏக்களிடம் ஒன்றுமை இல்லை என கர்நாடகாவுக்கு தைரியம் வந்துவிடும். மூத்த வழக்கறிஞர்களுடன் ஆய்வு செய்தபின்னர் தான் இந்த திருத்தத்தை திமுக கொடுத்துள்ளது-எ.வே.வேலு
புதிய நடுவர் மன்றம் என்ற முடிவை அனைத்துக்கட்சி கூட்டத்தை கூட்டி முடிவு செய்ய வேண்டும்- எடப்பாடி பழனிவாமி வலியுறுத்தல்
வெற்றி பெறுவதற்கு கோபம் கூடாது. நிதானம், பொறுமை அவசியம். இபிஎஸ் காலையில் கோபத்துடன் பேசினார். ஒரு வெற்றிக்கு கோபம் முக்கியமல்ல நிதானம் தான் தேவை. இங்கு திமுக, அதிமுக, தவெக என எந்த வேறுபாடும் கிடையாது- அமைச்சர் ஆதவ் அர்ஜூனா
கர்நாடக சட்டமன்றத்தில் ஒருமித்த குரலோடு ஒரு தீர்மானத்தை நிறைவேற்றுகிறார்கள். சட்டமன்ற நேரலை தொடர்ந்து கொண்டிருக்கிறது என்பது பெரிய சாதனை. சட்டமன்ற நேரலை தொடர்ந்து கொண்டிருக்கிறது என்பது 75 ஆண்டுகளில் இல்லாத சாதனை. இபிஎஸ் உணர்வுக்கு மட்டும் நான் பதில் சொல்லவில்லை. ஒட்டுமொத்த தமிழ்நாட்டின் உணர்வுக்கும் பதிலளிக்கிறேன். சுற்றுச்சூழல் அனுமதி இல்லாமல் மேகதாது அணையை கட்டி விடமுடியாது- அமைச்சர் ஆதவ் அர்ஜூனா
2018-க்கு முன் இருந்த வழக்கு வேறு, 2018-க்கு பின்னர் கர்நாடகாவின் நிலைப்பாடு என்பது வேறு. பெங்களூரு மக்களின் குடிநீர் தேவைக்கு 67 டிஎம்சி தண்ணீர் தேவை என கர்நாடகா கூறுகிறது. சுற்றுச்சூழல் அனுமதி இல்லாமல் மேகதாது அணையை கட்டிவிடமுடியாது- அமைச்சர் ஆதவ் அர்ஜூனா
மேட்டூர் அணை கடந்த 12-ந்தேதி திறந்து விடப்பட்டிருக்க வேண்டும். மேட்டூர் அணை திறக்கப்படாததால் டெல்டா விவசாயிகள் கடும் பாதிப்பு. பயிர் கடன் தள்ளுபடி தொடர்பாக வெளியான 2 அறிவிப்புகளுமே துயரத்தை துடைப்பதாக இல்லை- ஓ.எஸ்.மணியன்
சட்டசபையில் முதலமைச்சர் விஜய்க்கு எதிர்க்கட்சித்தலைவர் உதயநிதி ஸ்டாலின் பிறந்தநாள் வாழ்த்து தெரிவித்தார்
புதிய ஆட்சி அமைந்து 40 நாட்களை கடந்த நிலையில் ஆளுநர் உரையில் த.வெ.க. ஆட்சியில் செய்த சாதனை இல்லாதது ஏமாற்றமே. ஆளுநர் உரையின்போது தமிழ்த்தாய் வாழ்த்து ஒருமுறையும், தேசிய கீதம் இருமுறையும் பாடப்பட்டு மரபு மீறி செயல்பட்டுள்ளது- உதயநிதி
2 முறை தேசிய கீதம் பாட வேண்டும் என இதற்கு முன்பும் ஆளுநர்கள் கோரிக்கை வைத்தார்கள். ஆளுநர் வைத்த கோரிக்கையை எங்கள் தலைவர் மு.க.ஸ்டாலின் ஏற்கவில்லை- உதயநிதி ஸ்டாலின்
தேசிய கீதம் இருமுறை பாடப்பட்டதில் என்ன தவறு இருக்கிறது?- சபாநாயகர் பிரபாகர் விளக்கம்
தமிழ்த்தாய் வாழ்த்தை பாட முடியாத சூழலை கடந்த காலங்களில் நாம் பார்த்தோம்- சபாநாயகர்
காம்பிரமைஸ் என்ற வார்த்தை எங்களுக்கு கஷ்டமாக இருக்கிறது. ஆளுநர் முன் தமிழ்த்தாய் வாழ்த்து பாடப்பட்டதே எங்கள் முதல்வரின் வெற்றிதான்- அமைச்சர் ஆதவ் அர்ஜூனா
ஆட்டுக்கு தாடி, நாட்டுக்கு கவர்னர் தேவையில்லை என பேரறிஞர் அண்ணா கூறினார். வழக்கமான மரபை மீறி இருமுறை தேசிய கீதம் பாடியது ஏன் என்று தான் நாங்கள் கேள்வி கேட்கிறோம்- உதயநிதி
ஆளுநர் உரையானது ரீல்ஸ் போடுவதற்கு உதவுமே தவிர உண்மைக்கு உதவாது- உதயநிதி
கள எதார்த்தத்திற்கும் ஆளுநர் உரைக்கும் மிகப்பெரிய வேறுபாடு எங்களுக்கு தெரிகிறது- உதயநிதி
எதிர்க்கட்சி மட்டும் அல்ல, ஆளுங்கட்சி வரிசையிலும் எங்களது வாக்குகள் தான் உள்ளது- உதயநிதி
கலைஞர் மகளிர் உரிமைத் தொகையை மாதந்தோறும் தவறாமல் செலுத்துவதற்கு நன்றி. காலை உணவுத் திட்டத்தை நீட்டிக்கப் போவதாக செய்தி அறிந்தோம். அதற்கும் நன்றி பாராட்டுகள்- உதயநிதி ஸ்டாலின்
நான் முதல்வன் திட்டத்தை முடக்கும் முயற்சியில் ஈடுபட்டுள்ளதாக கேள்விப்பட்டோம். நான் முதல்வன் திட்டத்தின் மூலம் 4 ஆண்டுகளில் 41 லட்சம் பேர் பயன் அடைந்துள்ளனர். நான் முதல்வன் திட்டத்தில் யுபிஎஸ்சி மாணவர்களும் பயன்பெற்றுள்ளனர். இந்திய அளவில் 2-ம் இடம் பிடித்த மாணவி ராஜேஸ்வரி, நான் முதல்வன் திட்ட பயனாளி- உதயநிதி ஸ்டாலின்
நிதி ஆயோக் கூட்டத்தில் முதலமைச்சர் பட்டியலிட்ட சாதனைகள், ஒரு மாத காலத்தில் நிகழ்ந்ததா? உதயநிதி கேள்வி
ஒரே பாட்டில் பணக்காரனாக திரைப்படத்தில் மாறுவதை போல் ஆட்சி பொறுப்பேற்ற ஒரு மாதத்தில் சாதனை என பொய் பரப்புரை. திமுக எடுத்த நடவடிக்கையால் நன்மை நடைபெற்றால் உங்கள் ஸ்டிக்கர் ஒட்டப்பட்டு first time in ever history என கூறுகின்றனர்- உதயநிதி
பள்ளி, கல்லூரிகளை அறநிலையத்துறை நடத்தக்கூடாது என்பது பாஜகவின் நிலைப்பாடு-உதயநிதி
கோவில் வருமானம் பக்தர்களுக்காக செலவிடப்படும் என்றி அறிவிப்பு குறித்து சட்டசபையில் காரசார விவாதம் நடைபெறுகிறது.
திருமண மண்டபம், வணிக வளாகம் போன்றவற்றை மட்டுமே கோவில் வருமானத்தில் செய்யக்கூடாது. கோவில்களை வணிக நோக்கங்களுக்காக மாற்ற முயற்சி செய்தார்கள். கோவில் நிதியை பயன்படுத்தி பல்லடுக்கு பார்க்கிங் ஏன் கட்ட வேண்டும்?. கோவில் நிதியை கல்வி, மருத்துவத்திற்கு பயன்படுத்த மாட்டோம் என்று கூறவே இல்லை- அமைச்சர் ரமேஷ்
குன்னூர் விநாயகர் கோவிலில் பன்னடுக்கு பார்க்கிங் அமைக்க வேண்டிய அவசியம் என்ன? குன்னூர் விநாயகர் கோவிலில் பன்னடுக்கு பார்க்கிங்கை பொதுமக்கள் கேட்கவில்லை. கழிவறை வசதியில்லாத கோவிலுக்கு ரூ.10 கோடியில் மல்டி லெவல் கார் பார்க்கிங் எதற்கு தேவை?- அமைச்சர் ரமேஷ்
எம்எல்ஏ பரிந்துரை அடிப்படையில் தான் அனைத்து திட்டங்களும் நிறைவேற்றம். குன்னூரில் சுற்றுலா பயணிகளுக்கான மல்டி லெவல் பார்க்கிங் அமைப்பதன் மூலம் நகராட்சிக்கு வருவாய் என்பதால் திட்டம்- சேகர்பாபு
தூய்மைப் பணிகளை தனியாரிடம் ஒப்படைக்க அரசு முடிவு செய்துள்ளதா?. அண்ணன் ஆட்சிக்கு வந்த பின்னர் தமிழ்நாட்டிற்கே பவர் போய் விட்டது என பேசிக்கொள்கிறார்கள். தமிழ்நாட்டிலேயே மின்வெட்டு பிரச்சனையில் நம்பர் 1 தொகுதி பெரம்பூர் தொகுதி தான். ஆட்சிக்கு வந்த ஒரு மாதத்தில் மின்வெட்டு பிரச்சனையில் பெரம்பூர் தொகுதி முதலிடம்- உதயநிதி ஸ்டாலின்
மின்துறை ஏன் இப்படி உள்ளது என ஏற்கனவே அறிவித்துவிட்டோம், நாள்தோறும் இதற்கு நடவடிக்கையும் எடுக்கிறோம். ரூ.2.5 லட்சம் கோடி கடனில் மின்துறை உள்ளது. ஆயிரக்கணக்கான காலி பணியிடங்கள் உள்ளன. 10 நாட்களில் மின்வெட்டு ஏற்பட்ட 125 இடங்களில் 500 பேர் மூலமாக ஆய்வு செய்து நடவடிக்கை- அமைச்சர் CTR நிர்மல்குமார்
மின் தேவை அதிகரிக்கும் போது அதை நிவர்த்தி செய்வது அரசின் கடமை. மின்சாரத்துறை சார்பில் ஒரு ஆய்வுக் கூட்டத்தை கூட நடத்தவில்லை என செந்தில்பாலாஜி புகார்
கடந்த ஆட்சியில் அறிவிப்புகளை மட்டுமே செய்துள்ளார்கள், வேறு எதுவும் இல்லை. மின்சாரத்துறை குறித்த வெள்ளை அறிக்கை 2 நாட்களில் வெளியிடப்படும். திமுக ஆட்சியில் வெறும் அறிவிப்புகள் தான் வெளியிடப்பட்டுள்ளது, நிறைவேற்றப்படவில்லை- அமைச்சர் CTR நிர்மல்குமார்
அதிமுக ஆட்சியில் மின் மிகை மாநிலமாக தமிழ்நாடு இருந்தது- அக்ரி கிருஷ்ணமூர்த்தி
எவ்வளவு கோடி கடன் இருந்தாலும் பொதுமக்களுக்கு மின் விநியோகம் சென்று சேர வேண்டும். கடந்த கால ஆட்சியில்ம் இதே பிரச்சனையோடு தான் மின் விநியோகம் செய்தோம். பியூஷ்கேரியர் பகலில் பிடுங்கப்படுகிறது. ஆனால் இரவில் மின்சாரம் நிறுத்தப்படுகிறது- சிவசங்கர்
திருவண்ணாமலை கிரிவலப் பாதையில் மின்வெட்டு, பக்தர்கள் அச்சம். வழக்கமான மழைக்காலத்தில் தான் பள்ளிகளுக்கு விடுமுறை அளிப்பார்கள். மின்சாரம் இல்லாததால் பள்ளிகளுக்கு விடுமுறை விட வேண்டிய நிலை த.வெ.க. ஆட்சியில் இருக்கிறது. மின் வெட்டு பிரச்சனையால் விகி தலைவர் திருமாவளவனும் பாதிக்கப்பட்டு இருக்கிறார். திமுக ஆட்சியில் இல்லாத மின்வெட்டு தவெக ஆட்சியில் ஏற்பட என்ன காரணம்?- உதயநிதி
மேட்டூர் அணை திறக்கப்படவில்லை, மின்வெட்டுக்கு ஒவ்வொரு நாளும் ஒவ்வொரு காரணங்கள்... திமுக ஆட்சியில் சொன்னபடி மேட்டூர் அணை திறப்பு, ஆனால் தற்போது திறக்க முடியாத சூழல். பயிர் கடன்களை முழுமையாக தள்ளுபடி செய்ய வேண்டும்- உதயநிதி ஸ்டாலின் வலியுறுத்தல்
விவசாயிகளை அழைத்து முதலமைச்சர் விஜய் அவர்களது கோரிக்கைகளை கேட்டறிய வேண்டும். போராட்டம் நடத்திய விவசாயிகள் மீது தடியடி நடத்தி இருக்கிறது த.வெ.க. அரசு. பள்ளிகளில் சினிமா பாடல்களை ஒளிபரப்புகிறார்கள், இதை ஏற்கவே முடியாது. ஒரு மாதத்தில் 200-க்கும் மேற்பட்ட பாலியல் குற்றங்கள் நிகழ்ந்துள்ளன. குழந்தைகளை வைத்து வாக்கு கேட்டார் முதலமைச்சர் ஆனால் குழந்தைகள் கொடுமை அதிகரிப்பு. சிங்கப்பெண் திட்டம் வந்த மறுநாளே பெண் காவலருக்கு பாலியல் தொல்லை. மன்னன் எவ்வழியோ மக்கள் அவ்வழி என்பது போல் சிங்கப்பெண் படை ரீல்ஸ் போடுகிறது- உதயநிதி ஸ்டாலின்
எதிர்க்கட்சி தலைவர் உதயநிதி ஸ்டாலின் அளித்த குற்றச்சாட்டுகளுக்கு முதலமைச்சர் விஜய் நாளை பதிலளிப்பார். கடந்த ஆட்சியில் 40 சதவீதம் அளவு குழந்தைகளுக்கு எதிரான போக்சோ குற்றச் செயல்கள் அதிகரிப்பு. ஒருகட்சியில் பல உறுப்பினர்கள் இருப்பர். அதில் சிலர் செய்யும் தவறுகளை உடனடியாக கைத செய்யப்படுகிறார்கள். சிங்கப்பெண்கள் படையை கேலி கிண்டல் செய்து கொண்டிருக்கிறார். 6 மாதத்திற்குள் சட்டம் ஒழுங்கில் இந்தியாவில் தமிழகம் முன்மாதிரியாக இருக்கும்- அமைச்சர் ஆதவ் அர்ஜூனா
இன்ஸ்டா மார்ட்டில் எம்எல்ஏக்களை விலைக்கு வாங்குவது போல் உள்ளது. தீர்ந்து போன சக்தியிடம் திருடும் அளவிற்கு காய்ந்து போன சக்தியாக உள்ளது தவெக. 3 சீட் சோபா இப்போது சீட் சோபாவாக மாறியுள்ளது. ஆள் பிடிக்கும் வேலையை விட்டுவிட்டு ஆட்சி நிர்வாகத்தில் த.வெ.க. அரசு கவனம் செலத்த வேண்டும். படித்த வேலை இல்லா இளைஞர்களுக்கு 6 மாதத்திற்கும் மாதம் ரூ.4500 கொடுக்க வேண்டும். மகளிருக்கு மாதம் ரூ.2,500 உரிமைத் தொகை 6 மாதத்தில் கொடுப்பீர்கள் என நம்புகிறோம். என்னுடைய கேள்விகளுக்கு எல்லாம் திமுக தான் காரணம் என முதலமைச்சர் பதில் சொல்ல மாட்டார் என நம்புகிறேன். இருமொழிக் கொள்கை, மாநில உரிமையில் திமுகவை த.வகெ. அரசு பின்பற்றுகிறது. திமுக மீது பழக்க தோஷத்தில் குறை கூறாமல் தீர்வை நோக்கி பதில் கூற வேண்டும்- உதயநிதி ஸ்டாலின்
நான் முதல்வன் திட்டத்தை முடக்கவோ, மாற்றவோ தவெக அரசுக்கு எந்த திட்டமும் இல்லை. திமுக ஆட்சியின் மீதான ஏமாற்றம் தான் த.வெ.க.விற்கான வாய்ப்பு. தவெ.க. ஆட்சியில் மக்கள் மகிழ்ச்சியாக உள்ளனர். சட்டம் ஒழுங்கு, போதைப்பொருள் பிரச்சனைகளுக்கு 5 ஆண்டு தி.மு.க. ஆட்சியே காரணம். நான் முதல்வன் என கூறிவிட்டு ஒரே குடும்பத்தில் இருந்து முதலமைச்சர்கள் வந்து கொண்டிருக்கின்றனர். பள்ளி மாணவர்களின் புத்தக பையில் படம் இல்லாவிட்டாலும் லேப்டாபில் ஏன் முதலமைச்சர் படத்தை போட்டீர்கள்?. 3 வருடமாக தொழில்நுட்ப கோளாறு என கூறி நேரலையை துண்டித்தார் முன்னாள் சபாநாயகர். போராடிய விவசாயிகள் மீது திமுக அரசு குண்டாஸ் போட்டது. அரசு பள்ளியில் ரீல்ஸ் எடுத்தவர் நேற்று கட்சியில் நீக்கப்பட்டுள்ளார். கூட்டணி கட்சியினர் அவர்கள் தேவைக்கு சோபா வாங்கியுள்ளனர். கூட்டணி தலைவர்களுக்கு திமுகவினர் பிளாஸ்டிக் சேர் கொடுத்தனர். சிங்கப்பெண்கள் திட்டத்தை இனி யாரும் தவறாக பேச அனுமதிக்க முடியாது- அமைச்சர் ராஜ்மோகன்