குதிரை பேரம் விவகாரம்: கவர்னருக்கு அதிகாரம் இருந்தால் உடனடியாக தலையிட வேண்டும்!- திருமாவளவன்

இதுகுறித்து இதுவரை எடப்பாடி பழனிசாமி எதுவுமே கருத்து சொல்லவில்லை. ஊடகவியலாளர்களும், அதிமுக பொதுச்செயலாளர் கிட்ட கேட்க வேண்டிய கேள்விகளை எங்களைப் போன்றவர்களிடம் தொடர்ந்து கேட்டுக்கொண்டு இருக்கிறீர்கள். அதே போல் அதிமுக-வை முழுவதுமாக த.வெ.க.வில் இணைப்போம் என்று த.வெ.க. தரப்பில் சொல்லப்படுகிறது என்றால் அவர்களையும் நீங்கள் இது சரியா? ஜனநாயகமா? அரசியல் அறமா? என்று கேட்க வேண்டும். ஆனால் சம்பந்தமில்லாமல் த.வெ.கவும் இல்லாத, அதிமுகவும் அல்லாத எங்களை போன்றவர்கள் இடம் நீங்கள் எழுப்புகிற கேள்வி பொருத்தமில்லாதது போல் இருக்கிறது.

அது உண்மையாக இருந்தால் விசாரித்து உரிய நடவடிக்கை எடுக்க வேண்டும். கவர்னருக்கு அதில் அதிகாரம் இருந்தால் உடனடியாக தலையிட வேண்டும்.

குறிப்பாக இந்த பாராளுமன்ற கூட்டத்தொடரில் one nation one election என்கிற நிலையை அதற்கான சட்டத்தை கொண்டு வர முயற்சிப்பதாக தெரிகிறது. ஏற்கனவே திமுக, காங்கிரஸ், இடதுசாரிகள், விடுதலை சிறுத்தைகள் என அனைத்து கட்சிகளும் ஒற்றுமையாக இருந்து முறியடித்தோம். இப்போதும் அந்த முயற்சியை நாங்கள் மேற்கொள்வோம். ஆனால் மேற்கு வங்கத்தில் திரிணாமுல் காங்கிரசில் இருந்து பாராளுமன்ற உறுப்பினர்கள் 20 பேரை அக்கட்சியில் இருந்து வெளியேற்றி அரசியல் சூதாட்டம் ஆடுகிற நிலையே நாம் பார்க்கிறோம். பாராளுமன்றத்திற்கு சென்றால் தான் இதுகுறித்து என்ன நிலை என்பது தெரிய வரும். இருந்தாலும் நாங்கள் இந்த முறை அந்த முயற்சியை முறியடிப்பதற்கு எல்லா முயற்சிகளையும் மேற்கொள்வோம் என்றார்.