சென்னை:
தங்கம் விலை கடந்த 10-ந்தேதி பவுன் ரூ.41,520 ஆக இருந்தது. அதன் பிறகு தங்கம் விலை தினமும் அதிரடியாக உயரத் தொடங்கியது.
அடுத்தடுத்த நாட்களில் ரூ.42,000, ரூ.43,000 என உயரத்தொடங்கிய தங்கம் விலை கடந்த 18-ந்தேதி ரூ.44,480 ஆக அதிகரித்தது. நேற்று மீண்டும் பவுனுக்கு 80 அதிகரித்து ரூ.44,560-க்கு விற்கப்பட்டது.
இந்த நிலையில் 12 நாட்களுக்கு பிறகு தங்கம் விலை இன்று குறையத் தொடங்கியுள்ளது. இன்று தங்கம் விலை ரூ.44 ஆயிரத்துக்கு கீழே வந்துள்ளது. நேற்று ஒரு பவுன் தங்கம் ரூ.44,560-க்கு விற்கப்பட்ட நிலையில் இன்று பவுனுக்கு ரூ.800 குறைந்துள்ளது. இன்று 1 பவுன் தங்கம் ரூ.43,760-க்கு விற்கப்படுகிறது.
தங்கம் ஒரு கிராம் நேற்று ரூ.5,570-க்கு விற்கப்பட்டது. இன்று கிராமுக்கு ரூ.100 குறைந்து ரூ.5,470-க்கு விற்கப்படுகிறது.
இதே போல் வெள்ளி விலையும் இன்று குறைந்து உள்ளது. நேற்று 1 கிராம் வெள்ளி ரூ.74.70-க்கு விற்கப்பட்டது. இன்று கிராமுக்கு 70 காசுகள் குறைந்து ரூ.74-க்கு விற்கப்படுகிறது. 1 கிலோ வெள்ளி ரூ.74 ஆயிரத்துக்கு விற்கப்படுகிறது.
